الرد على الموضوع

رد: معاناه مع السفاره الكنديه ارجوا المساعده

السلام عليكم

اخي الغالي ...


على حد علمي يمنع استخراج اي فيزه من غير بلدك ...



الي انصحه يفكر يغير البلد يعني مافيه غير كندا تدرس طيران .


وللعلم اتوقع لو قدم مره رابعه بيتأكدون من شكهم انه مب راجع


الله يكون في عونه

معاناه مع السفاره الكنديه ارجوا المساعده

السلام عليكم ورحمه الله وبركاته جميعا..

بعد التحيه..

حاب اعطيكم مشكلتي.

ياليت أحصل مع اي احد منكم حل ..

في البدايه انا طالب في كندا في مدينه Charlottetown

ادرس طيران..

لي إبن عم في عمان قرر إنه يجي يدرس معي..

خلصت ورقة القبول له.

وقلتله بكل المطلوب للسفاره..

المهم راح وقدم للمره الأولى للسفاره الكنديه في أبوظبي ..

سلم الأوراق وقالوله تعال بعد 3 اسابيع نحن بنتصل فيك..

بالفعل بعد 3 اسابيع جاه إتصال بطلب الحضور للسفاره.

لما وصل السفاره عطوه ورقه رفض الفيزا مبينه الأسباب.

والأسباب هي:
1- عدم الإكتفاء من المبلغ الموجود في كشف الحساب.

2- لم يكتب تعهد بإنه سوف يخرج من كندا بعد الأنتهاء من الدراسه..

المهم..
زدنا كشف الحساب وصار يكفي للتدريس 3 طلاب مش طالب واحد.
وعبينا الأستماره بدقه كامله..

وقدمنا للمره الثانيه ودفعنا رسوم الفيزا.

وقالولنا .. بنتصل فيكم في أقرب وقت..

بعد يومين جاء إتصال من السفاره.. بطلب الحضور..

حضر ولد العم للسفاره..

ورفضوا الفيزا للمره الثانيه والسبب..

إنه ما بيرجع من كندا بعد الأنتهاء من الدراسه..

قلنا الغلط منا يمكن نحن نسينا شي..

كتبنا تعهد وموقع بإنه بيرجع بعد الأنتهاء من الدراسه..

وقدمها للمره الثالثه ودفعنا رسوم من جديد..

قالوله بنتصل فيك..

بعد شهر بالضبط اتصلوا فيه وقالوله الفيزا مرفوضه ولا تجي تقدم مره ثانيه عندنا..

بدون سبب واضح..

.................................................. ..

هذي هيه كل القصه الي صارت مع السفاره الكنديه في ابوظبي..

.................................................. .....

ياليت إذا احد عنده حل ...

ولد عمي مستعد يسوي اي شي للحصول على الفيزا..

سواء بالتقديم للسفاره الكنديه في دوله ثانيه...

او في شركات تخلص الفيزا عن طريقها..

او مكاتب معتمده..

...............................................

ياليت من الأخوان الي عنده حل يعطينا الله يجزاه خير..


مع التحيه..
أخوكم:-

الغيثي..