الرد على الموضوع

رد: اول مرة اطلع على طيارة من الرياض إلى أبوظبي ثم من أبوظبي إلى تورنتو

^^^^^^^^^
رد الاخ ما عليه اي كلام
وازيدك من الشعر بيت
الناس تتفاهم معاك بسهولة ومتعاونين الى ابعد حد
يعني ارتاااااااااح ولا تقلق نفسك ولا تشيل هم
رحلة سعيدة باذن الله وبالتوفيق

رد: اول مرة اطلع على طيارة من الرياض إلى أبوظبي ثم من أبوظبي إلى تورنتو

وش دعععوة يا حبيّبي ما سويت شي والله والساعة المباركة .. الناس للناس والكل بالله .. ولو ما يجيني الا دعوتك ذي يا الغالي الله يجزاك خير .. :101:

وبالنسبة لركوبك طيارة مهيب لك مثل ما قلت لك لا تخاف .. يتأكدون من البوردنغ حقك ويطابقونه مع جوازك ويتأكدون انك على الرحلة الصحيحة .. وازيدك من اللشعر بيت يتأكدون من فيزتك بعد .. يبون يتجنبون ان الواحد يوصل بعد طيران 14 ساعة انه يديور!

بالتوفيق يا الغالي وتوصل بالسلامة ان شاء الله ..

رد: اول مرة اطلع على طيارة من الرياض إلى أبوظبي ثم من أبوظبي إلى تورنتو

ThE PrOGraMmEr ....

يا شيخ .. روووووووووووح الله يفتحها في وجهك وين ماتروح ...
كفيت ووفيت عزيزي ... ياشيخ ودي ابوس راسك .. والله تستاهل البوسة ...

الله يجزاك جنة الفردوس ... ومن يعزون عليك ...

والله صدق كنت معتقد اني اركب طيارة ماهيب لي .. ثم اتورط .. لكن دامك اكدت لي ان مافيه من هالكلام .. اجل الله يسهل علينا وعليكم ...

وردك ابطبعة وابجلس احفظه .

رد: اول مرة اطلع على طيارة من الرياض إلى أبوظبي ثم من أبوظبي إلى تورنتو

المشاركة الأصلية كتبت بواسطة الليل و النهار
http://www.arabtravelersforum.com/tr...6/#post3408018

الموضوع سهل عزيزي لا تشيل هم

في الرياض ... تروح لصالة طيران الأجنبي ... الصالة رقم 4 ... تدور على كاونتر الأتحاد تشحن الشنط و تقص البوردينق و بعدها على الجوازات و تدخل الصالة المغادرة ... تأكد من رقم بوابة الصعود

و أذا وصلت أبوظبي ... ابحث عن بوابة تورنتو ... المهم لا ترمي البوردينق






الله يجزاك خير ..
طيب هذا في مطار الملك خالد ..

بالنسبة لمطار أبوظبي .. أيش اسوي فيه ؟؟

ومطار تورنتو؟؟ كيف الخروج منه؟؟

رد: اول مرة اطلع على طيارة من الرياض إلى أبوظبي ثم من أبوظبي إلى تورنتو

اخوي
اول ماتدخل المطار اسال اي موظف وهو بيدلك
الله يوفقك

رد: اول مرة اطلع على طيارة من الرياض إلى أبوظبي ثم من أبوظبي إلى تورنتو

الموضوع سهل عزيزي لا تشيل هم

في الرياض ... تروح لصالة طيران الأجنبي ... الصالة رقم 4 ... تدور على كاونتر الأتحاد تشحن الشنط و تقص البوردينق و بعدها على الجوازات و تدخل الصالة المغادرة ... تأكد من رقم بوابة الصعود

و أذا وصلت أبوظبي ... ابحث عن بوابة تورنتو ... المهم لا ترمي البوردينق

رد: اول مرة اطلع على طيارة من الرياض إلى أبوظبي ثم من أبوظبي إلى تورنتو

حياك اخي topsecret787
مدة الرحلة من ابوظبي إلى تورنتو 14 ساعة تقريباً .. مافيه توقفات ، قيمتها غالية وهي ذهاب فقط 3413 ريال ..
نعم بعد تورنتو على الباص او تاكسي . ابروح للجنوب مدينة سانت كاثرينز st.catherines تبعد حوالي 111 كيلو .. وفيه موقع راح احجز من خلاله على سيارة او باص من المطار إلى أي مكان احدده في سانت كاثرينز .. وبمبلغ لا يقل عن 150 دولار ..

بإنتظار ردك عزيزي ..

رد: اول مرة اطلع على طيارة من الرياض إلى أبوظبي ثم من أبوظبي إلى تورنتو

كم مدة الرحلة من ابوظبي الى تورونتو وكم قيمة الرحلة؟
هل انت ذاهب الى تورونتو فقط ام هناك خط مواصلة بعد ذلك؟
اجبني حتى اتمكن من المساعدة

اول مرة اطلع على طيارة من الرياض إلى أبوظبي ثم من أبوظبي إلى تورنتو

السلام عليكم ورحمة الله وبركاته .

هذه اول مشاركة في منتدى العرب المسافرون ، وان من متابعينه.

اخواني واخواتي .. مثل ماتشوفون العنوان .. اخوكم في ورظة ... انا طالع للدراسة

ولكن ماعمري ركبت طيارة ولا دخلت مطار ألا فقط القادمون ... اما المغادرون ماعمري جيتها ..

انا حجزت على طيران الإتحاد ، والمسار كالتالي :
من الرياض إلى أبوظبي 4:10 إلى 6:40 تقريباً
ثم من أبوظبي إلى تورنتو 10:20 إلى 17:10 تقريباً

المشكلة من وين ادخل في مطار الملك خالد بالرياض .. وايش اللي اسويه .. اخوكم على بلاطة .. مايدري وين يروح ..

تكفون الفزعة ... ابغى منكم لاهنتوا تفاصيل الذهاب من الرياض ثم الوصول إلى أبوظبي وايش اسوي والتوقف 4 ساعات ثم بعد ذلك المواصلة إلى تورنتو .. وايش اسوي في مطار تورنتو ...

تكفون الفزعة .. لا تردوني خايب ... الرحلة السبت القادم ... 31-10