الرد على الموضوع

رد: رحلتي بعد شهرين ومحتاج فزعتكم

مازلت بآنتظارك يابو راكان ..

رد: رحلتي بعد شهرين ومحتاج فزعتكم

هلا آخوي معاند ..
الميزانية بأذن الله بنحاول نزيدها إلى 18 الف لـ 17 يوم تقريباً مع العلم آننا ماحجزنا تذاكر من جاكرتا لبالي ، فهل عساها تكفي ؟!
أما بالنسبة لمكتب كاها والله ياخوك حنا جاهلين بالديرة لذلك مالنا إلا المكتب اللي بالمطار !
والسواقين والله تسوي فيني خير إذا ماعليك كلافه بغيت سواقين يتكلمون عربي في بونشاك وبالي ..

معاند الله يسعدك يارب ماقصرت يالغالي ،،

رد: رحلتي بعد شهرين ومحتاج فزعتكم

صباحكم ورد

اخوي انا اشوف الميزانية شوي مو مكفية لو تزيدونها يكون افضل علشان ما تتوهقون هناك ووضع مبلغ للطواري في بطاقة الصراف 00
بخصوص بالي يفضل انك تاخذ لك سائق وسعره اليومي شامل البنزين والضرائب 350 الف روبية 00
واذا ودكم تاخذون عزبة خذوا اللي يكفيكم وتحتاجونه هناك مع العلم ان جميع الفنادق تقدم وجبة الفطور مجانا والعزية ممكن تفيدك بالجبل اذا حبيت يكون اكلك وطبخك في الفيلا 00
بخصوص الحجز من كاها ماعندك اي مشكلة يتكلمون عربي ويفهمون عليكم وانصحك بالذهاب لمكتب كاها الواقع امام مجمع الاتريوم راح تلقى هناك شخص اسمه فهمي راح يرتب لكم اموركم كلها
اما بخصوص بالي فاللغة الانجليزية مطلوبة لكن ماراح تكون عائق لكم لآن السواقين هناك يتكلمون العربية وبيساعدونكم كثر واذا احتجت لسواق هناك يتكلم عربي لايردك غير لسانك 00

مودتي

اخوك
ابو راكان

رد: رحلتي بعد شهرين ومحتاج فزعتكم

الله يجزاك الف خير آخوي آبن السعودية ..

- بس بغيت أستفسر بعد الميزانية كافيه مع قيمة سائق بالجبل ؟
- وبالي الافضل فيه أستئجار سواق ولا تاكسي عادي ؟؟
- وش تنصحنا ناخذ معنا من هنا مثلاً / عزبة ، معلبات ..... ؟؟
- حنا مانعرف نتكلم انجليزي أبد هل بنواجه صعوبات ؟ خصوصاً آننا بنحجز لبالي من مكتب كاها
أو نتفاهم مع حقين الفندق أو سواقين ؟؟

رد: رحلتي بعد شهرين ومحتاج فزعتكم

اجابه رائعه اخونا الرائع .. ابن السعوديه ..
يعطيك العافيه ياغالي ..

رد: رحلتي بعد شهرين ومحتاج فزعتكم

وعليكم السلام ورحمه الله وبركاته ...
ج1- المدة المناسبة لزيارته مدن وجز اندونيسيا من 14 يوم الى 18 يوم ..
ج2- نعم أسعار الفنادق وكذلك الطيران راح تكون مرتفعه بحكم الموسم
ولذلك أنصحك بحجز الطيران والفنادق من الان وطبعا كل ماحجزت بدري
كانت الاسعار معقولة ومناسبة وكل ماتأخرت بالحجز أرتفعت الاسعار ..
ج3- طيران الاتحاد طيران راقي ومميز وأنصحك بالحجز عليه ..
ج4- مبلغ 15 ألف ريال من غير قيمة التذاكر الدولية للطيران كافي ولاكن
يفضل زيادة مبلغ الرحلة 2000 ريال ..
ج5- بما أنكم راح تذهبون بالفترة الصيفية فاأنصحكم باأن يكون حجز الفنادق
عن طريق موقع بوكينج الالكتروني باأستثناء الجبل بنشاك يكون الحجز من
هناك حين وصولكم للجبل بنشاك ..
وبالتوفيق يارب ..

رحلتي بعد شهرين ومحتاج فزعتكم

السلآم عليكم ورحمة الله وبركآته ..

يا آخوان بأذن الله بسافر انا و ولد عمي لـ اندونيسيا بعد شهرين وتحديداً في شهر 6 ميلادي
حنا اول مره نسافر وماعندنا خلفية عن الديرة ..
مبدئياً آتفقنا اننا نزور جاكرتا ( للراحه بس يوم يومين كذا ) وبونشاك وبالي والاخيرة طبعاً لها النصيب الاكبر !
ورحلتنا راح تكون من تاريخ 5/6 إلى 22/6 يعني 17 يوم
مع آننا نقدر نزيد الايام بس شايلين هم الميزانية !!

# استفساراتي وافيدوني الله يجزاكم خير ..
- بما آننا آثنين بس .. كم المدة المناسبة للسفر بحيث آننا مانمل وكذا ؟
- لو سمحتو جدول للرحلة ..
- إجازاتنا وافقت عطلة المدارس هنا ، هل بنحصل أرتفاع بالاسعار بشكل مبالغ فيه !!
- وش يفرق حجز الرحلة عن طريق النت او مكتب طيران .. وطيران الاتحاد كويس أولا ؟!
- ميزانيتنا 15 الف من غير التذاكر هل هي كافيه ؟!
- وش الافضل حجز السكن من هناك او من موقع بوكنق وإذا فيه شرح وافي عن طريقة الحجز وكيف معرفة مكان الفندق !



اعذروني على كثرة الاسئلة لاني والله جاهل بالديرة وبالسفر ..