أضف مشاركة إلى الموضوع: رحلة جاكرتا بعد العيد
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: رحلة جاكرتا بعد العيد بالنسبة لفندق سيروني عندك موقع agoda الظاهر بدأ يتعامل معه !! http://www.agoda.ae/asia/indonesia/p...el_seruni.html ولكن فل في نفس توقيتك !!
رد: رحلة جاكرتا بعد العيد
رد: رحلة جاكرتا بعد العيد أنا قصدي يومي 29-30 في فندق بولمان السعر 112 دولار في موقع بوكنج وهو من رأيي أفضل الخيارات في الأيام الأخيرة لقربه من المولات الفخمة على رجلك وقربه من المطار .. فندق شيبوترا تحجز فيه يوم الوصول وله نفس مميزات بولمان ولكن 4 نجوم وأقل فخامة إلا إذا أخذت غرف نوعية أفخم ..
رد: رحلة جاكرتا بعد العيد تراني امشي يوم الاثنين الصبح الساعه 8 واوصل الاثنين الساعه 10 بالليل على جاكرتا
رد: رحلة جاكرتا بعد العيد مشرفنا ماقصرت بس فندق بولمان مالقيت سعره زي اللي تقول مكتوب لي غرفه ديلوكس مطله على المدينه سعرها 805 ريال ياليت تفيدني لاني ابي اخلص امور الحجز اليوم
رد: رحلة جاكرتا بعد العيد المشكلة أن أيام نهاية الأسبوع دائماً الأسعار مرتفعة شف يوم الأحد السعر لنفس الغرفة 112 دولار واليوم الذي قبله 163 دولار !! طيب نغير شوي بالطريقة يعني جلوسك بجاكرتا يوم فقط ونختار فندق قريب مثل شيبوترا .. أخر يومين بجاكرتا تحجز فندق بولمان وسعره معقول 112 دولار الليلة الواحدة ..
رد: رحلة جاكرتا بعد العيد خلاص عدلت المده الى عشر ايام بس بالنسبه للفندق اللي قلت لي عنه بجاكرتا حلو بس سعره مرتفع واجد 805 لليله الواحده ياليت تشوف لي فندق حلو ونظيف وبنفس المواصفات
رد: رحلة جاكرتا بعد العيد والله مع مدتك هذه وأكيد هناك ترانزيت بأبو ظبي وشف كم ساعة !! اسطنبول حلوة وتنفع لزوجين لكن الأسعار والله خيالية على التركية !! والسعودية يوم 26 يوجد وغالية شوي .. أنت تجي في الوقت الضائع وتبي تسافر !! أقول أبها يمدحونها وتراها في نفسي وودي أزورها إن شاء الله مع الأهل ..
رد: رحلة جاكرتا بعد العيد والله يامشرفنا حلوه نصايحك واسطنبول حلوه بس مادري احصل او لا انا حطيت خياري الاول جاكرتا لو مالقيت بعرج على اسطنبول او ايش رايك من الموبايل
رد: رحلة جاكرتا بعد العيد حلوة دبي وتستاهل .. طيب اسطنبول ولا كمان ما تستاهل !!جاكرتا حتى تكون قريب من كل شيء من رأيي السكن في فندق .. Pullman Jakarta Central Park Hotel وطالما عندك أحد هناك يريحك بالحجز في سيروني 2&3 وخليه يدفع أفضل مو يحجز فقط ترى الفندق عندهم مقالب وتطنيش !!
رد: رحلة جاكرتا بعد العيد اي دبي الله يجزاك خير مثل واحد من الشباب قالي يمدحون ابها خخخخخ من الموبايل
رد: رحلة جاكرتا بعد العيد والله السعر ياخوك غالي 5550 ريال تقريبا وعلى السعودية بمبلغ 4600 بس انا ماهمني السعر اهم شي القى حجز لاني رايح من الرياض وبالرجعه ابي ارجع على الدمام عندي واحد من ربعي بجاكرتا بخليه يشوف سيروني وجاكرتا طال عمرك وش ترشح لي فيها من فنادق ممتازه وموقعها حلو من الموبايل
رد: رحلة جاكرتا بعد العيد والله يالغالي مو تحطيم ولكن المسافة مو قليلة يعني 10 ساعات بالجو وكمان على الإتحادية يعني توقف بأبو ظبي وكم ساعة !! يعني تصل كاره نفسك وتحتاج يومين حتى تستوعب وهي كلها 7 أيام هذا القصد والله .. دبي حلوة وتستاهل
رد: رحلة جاكرتا بعد العيد كم السعر !! إذا غالية على 7 أيام ما تستاهل من رأيي .. إذا مصمم جدولك بين جاكرتا يومين والجبل 4 أيام ويوم بجاكرتا والأفضل لزوجين في الجبل فندق سيروني 2&3 ومشكلته الحجز غير متوفر على الإنترنت وأنت وحظك هناك !! الفلل هي لأشخاص يؤجرونها ولذلك لا تبحث عن خدمات فندقية من نظافة وفرش فهي أقل من عادية والطريقة تبحث مع السائق وهو يعرف أين توجد وتختار اللي يناسبك منها حسب القرب أو الإطلالة أو عدد الغرف ولكن من رأيي أول تذهب للفندق وتحاول الحجز فيه .. لا تنسى تزور مدينة بوقور من الجبل وتعطيها يوم كامل من الصباح للمساء وهي قريبة ..
رد: رحلة جاكرتا بعد العيد كانت عندي رحلة على بيروت بس اليوم وحكم الظروف الامنيه لازم الغي كل شي على بيروت يمكن كلكم سمعتو عن التهديدات للسعوديين لاتحطمني يامشرف الهدف من الذهاب تغيير جو بس انا مو رايح شوبنق والا استكشف لاهنت على مرورك من الموبايل
رد: رحلة جاكرتا بعد العيد حصلت على الاتحاد والمشكله ياحبيبي الاجازه انا والمدام ماتضبط ويانا من الموبايل
رد: رحلة جاكرتا بعد العيد يعطيك العافية أخي اوتار الوهم وإجابات وتفاصيل رائعة ما شاء الله عليك .. يعني رحلتك 7 أيام !! ما تستاهل العنوة هذا أولاً وثانياً شيكت على خطوط الطيران السعودية والإماراتية ولا توجد أي إمكانية للحجز !! خليها بعد بداية الدراسة عندنا وتلقى أسعار وحجوزات وتزيد المدة شوي وتسير على جدول وتخطيط أخينا اوتار الوهم ..
رد: رحلة جاكرتا بعد العيد 24 مشاهد وماحد رد من ردود الاعضاء في التقارير لقيت فندق سيروني 3 فندق يثنى عليه بحكم اني رايح مع العايله زوجتي اقصد شرايكم بالفندق وشلون اقدر احجز فيه من الموبايل
رد: رحلة جاكرتا بعد العيد من خلال الئتصفح في المنتدى لقيت ان الجميع يقول ان الفلل تروح وتشوف وتحجز بس انا مع زوجتي وودي بفله بمسبح خاص وسنو الاشياء اللي مفروض اني احاسب عليها وقت حجزي يعني من ناحية الموقع او من ناحية الخصوصية يعني شنو اشياء اللي راح تفيدني لما اشوف الفلل ثانيا انا قلت 8 ايام مع ايام السفر يعني اسافر بتاريخ 23 وارجع بتاريخ 31 كيف ممكن اقسم الايام في اندنوسيا شاكر لكم من الموبايل
رد: رحلة جاكرتا بعد العيد مشكور اوتار الوهم طيب لو بحجز على الجبل زي ماقلت وباندونق اقدر احجز من البوكينغ او كل الحجوزات من هناك لان وقت عبد زي ما انت عارف لان كان عندي جدول لزيارة بيروت والغيته بسبب الظروف الامنيه ياليت اقدر القى حجز طيران من الرياض يوم الخميس القادم عن طريق اي خطوط لو تقدر تفيدني اكون لك شاكر من الموبايل
رد: رحلة جاكرتا بعد العيد اخوي تويتي المفروض كنت تروح بالي هي الاجمل ولكن اذا كنت ما تبيها حلو انك اول ما تنزل من المطار انك تتجه الى الجبل وتقعد فيه اربع ايام كاملة تزور فيها الشلالات وحديقة سفار وحديقة الزهور وبالجبل راح تلقى مطاعم عربيه للمندي وراح تلقى مطاعم الوجبات السريعة مثل الماك وكنتاكي ومطاعم اندونيسية واحلاهم بلا منازع مطعم اسمه بومي اكي شيء خيال خذ من عنده اكله اسمها كون كان ومرق اسمه قوليه وسمك مشوي وساتيه ( مشويات) وبعدها اطلع ع باندونق احجز في منتجع اسمه ساري اتير وفيها تتمشى لمنظقة البراكين والشلالات ومزرعة للفروالة تلقى برنامج في نفس المنتجع بالحصان وفيه منطقة بالدباب عند الشلالات خنادق من ايام الحرب حلوة والمنتجع قيمة السكن في حدود 100 او 150 دولار والفلل ارخص بكثير وراح تلقى في بعضها احواض لمياه بركانيه اقعد فيها يومين (باندوق ) ومنها ترجع الى جاكرتا يكون الطريق خفيف مافيه زحمه وتقعد بجاكرتا يومين انصحك بفندق استون مارينا وقيمة الغرفه مع صاله ومطبخ 60 دولار لليلة وفي جاكرتا تروح الى انجول وهي جنب الفندق وجنبك كله مشي العديد من المولات وتروح كذلك لطريق ريدن صالح كله مطاعم عربيه وفيه كذلك مطعم بندر جاكرتا منظره وجلسته حلوة بس بعض الاخوان صاروا في الفترة الاخير يعترضون عليه بسبب النظافه ومنها على المطار وبالتوفيق ان شاء الله
رحلة جاكرتا بعد العيد صباح الخير على الجميع عزمت اروح لجاكرتا بعد العيد وبالتحديد تاريخ 28 ابي منكم الله لايهينكم وش الفنادق الحلوه المقترحه في جاكرتا علما اني بجلس بس 8 ايام وابي اروح بونشاك بدون بالي واذا في مكان ثاني غيرهم وهل القى حجز في هالاوقات عادي وكم تتوقعون تكلفة الرحلة شاكر لكم من الموبايل
رحلة جاكرتا بعد العيد
قوانين المنتدى