يا جاهـل ٍ مـر الزمـان وحلاتـه خذ هاك عقلي ما نفعنـي ولا بيـه
قصيدة من روائع الحكم والوصايا اعجبتني واتمنى ان تنال اعجابكم
يا جاهـل ٍ مـر الزمـان وحلاتـه
خذ هاك عقلي مانفعنـي ولا بيـه
في هالزمان الطيب اعلـن وفاتـه
الطِيب مـات وكـل طيّـب يعزيـه
يرحمك ياعود ٍ حفظ لـك وصاتـه
يبيـك تتبـع ساقتـه مـا تخليـه
علمك سيئـات الزمـن وإحسناتـه
يامرك بالمعروف ليتـك تماشيـه
الله وهبنا ديـن واحسـن صفاتـه
وانزل لنا التشريع واجزل معانيـه
الحـق والباطـل عرفنـا جهاتـه
وما يزرع المخلوق له يوم يجنيـه
أحد ٍ له الدنيا على الكيـف جاتـه
الله عطـاه وكـل شـيٍ بايـاديـه
ما ذاق لوعات الزمـان وشقاتـه
الفقر والتجويـع يسمـع بطاريـه
وأحد ٍ يـدور فـي زمانـه نجاتـه
يبي الستر والعافيـه بيـن اهاليـه
عزيـز نفـس ولا يبـدّل عبـاتـه
راضي ويدري عيشته مـا تكفّيـه
وأحد ٍ أبـد ماخـذ طبايـع خواتـه
ضعيف رآي وكلمتـه مـا تقديـه
وأحد ٍ لبس ثـوب المراجـل بذاتـه
وا سِعد عين اللي من الضيق ناصيه
وأحد ٍ زرع ما نال غيـر الحتاتـه
الحظ كنـه واقـف ٍ لـه معاديـه
(( وأحد ٍ تساوى في حياته مماتـه
وأحد ٍ يموت وطيّب الذكر يحييـه ))
الوقت لو يومـي عليـك بعصاتـه
ماهي غريبه منه هـذي مماشيـه
يابوي هات اللي يجي منـك هاتـه
راضيـن باللـي ماتكنـه وتخفيـه
وسلامتكم