الرد على الموضوع

رد: استفسار حول مخطط سفر لامريكا

الشريف الشريفي
ماقصرت يعطيك العافيه ع المعلومة، بالتوفيق يالغالي

IHamad
تروح وترجع بالسلامه، عاد اذا عجبتك منطقه هناك لا تنسى تخبرنا

شكرا جزيلاً من الموبايل

رد: استفسار حول مخطط سفر لامريكا

وبالنسبة للسيارة جرب الشركات الكبيرة وابتعد عن الوسيط

جرب

national وايضاً alamo

انا استأجرت منهم اثنينهم وممتازين، والليلة رحلتي نيوروك بإذن الله وبعد يومين سان فرانسيسكو استلم سيارتي واروح فيها لوس انجلس تاريخ 12-9 ان شاء الله

رد: استفسار حول مخطط سفر لامريكا

لو تبي تمر علي امتداد ال big sur..انصحك تاخذ ال highway 1..غير هذا الامتداد حتمر علي اجمل مناطق كاليفورني و حتمر علي مناظر ولا في الاحلام

رد: استفسار حول مخطط سفر لامريكا

يعطيك العافيه اخوي الخريجي، ان شاء الله بكنسل فكرة الطائره وباخذ السياره من مطار سان فراسيسكو واسلمها في سان دييغو، مع التوقف لمنطقة big sur بين سان فرانسيسكو و سمال لوس انجلوس ليومين مثلا،

افدتوني كثيرا وانتظر المزيد من المقترحات. من الموبايل

رد: استفسار حول مخطط سفر لامريكا

مرحبا اخوي
اتمنى لك رحلة ممتعة
حبيت اقول لك شي واحد
لا تغلط غلطتي اللي بغيت اغلطها
ترى القيادة في امريكا بحد ذاتها سياحة
ارجع بالسيارة من سان فرانسيسكو الى شمال لوس انجلوس

راح تستمتع بالطريق بتشوف على مد النظر مزارع لفواكه من اطعم والذ ما ذقت
تقدر توقف في المحلات والمحطات وتشتري اللي تبغى
لايفوتك الجح والفستق والخوخ والبخارى
الله يسعدك في رحلتك يارب
انا اخذت الطريق i-5 s من الموبايل

رد: استفسار حول مخطط سفر لامريكا

فكره رائعه، طيب كم المسافه بين سان فرانسيسكو والمدينه الي ذكرتها big sur ?

وهل فعلا تستحق الزياره ؟

يعطيك العافيه يالغالي، افدتوني كثيراً من الموبايل

رد: استفسار حول مخطط سفر لامريكا

حرام تستخدم الطيران بين سان فرانسيسكو و لوس انجلوس

رحلتك بتكون كلها طيران في طيران

استمتع بالطريق بين سان فرانسيسكو و لوس انجلوس ترى السواقه مو مثل عندنا ملل

راح يمر عليك الوقت وانت ماتحس فيه

حاول تستمتع كثر ما تقدر وجرب تسوق 6 ساعات شنو المشكله انت رحلتك 30 يوم

ترى السواقه هناك متعه اذا كان الطريق طويل

انا جربت القياده من لوس انجلوس الى سان فرانسيسكو و توقفت للمكوث 4 ايام في منطقه بينهم اسمها Big Sur من اجمل الاماكن اللي زرتها

شوف المكان يمكن يعجبك تسكن فيه ليله

منطقه اسمها Carmel Valley تقع في Big Sur

وبالتوفيق

رد: استفسار حول مخطط سفر لامريكا

اعتقد اني بقلل ايام شمال لوس انجلوس

من سان فرانسيسكو الى لوس انجلوس 6 ساعات!! صعب القياده كل هالمسافه راح استخدم طيران داخلي

شكرا ويعطيك العافيه

ننتظر الاخوان من الموبايل

رد: استفسار حول مخطط سفر لامريكا

قلل ايام "شمال لوس انجلس" ..

واستلم السيارة في سان فرانسيسكو ..

وزور لاس فياس لو يومين .. تستاهل الزيارة .. ورجع السيارة في لاس فيغاس

رد: استفسار حول مخطط سفر لامريكا

للرفع ،،،،،،،،،،، من الموبايل

استفسار حول مخطط سفر لامريكا

السلام عليكم اخواني واخواتي، كيف حالكم؟

مابي اطول عليكم، لكن ان شاء الله ناوي الصيف القادم ( شهر جولاي و اوقست ) ان اذهب مع عائلتي لامريكا مع ان لم يسبق لنا الذهاب لامريكا.

بعد القراءه، سويت مخطط للرحله ( 30 يوم )، اتمنى من خبراء امريكا يعطوني ارائهم و مقترحاتهم حوله.

الرياض - نيويورك (5 ايام)
نيويورك - سان فرانسيسكو ( 4 ايام ) طائره
سان فرانسيسكو - شمال لوس انجلوس ( 8 ايام ) طائره
شمال لوس انجلوس - جنوب لوس انجلوس ( 5 ايام ) سياره
جنوب لوس انجلوس - سان دييغو ( 4 ايام ) سياره
سان دييغو - نيويورك ( يومين ) طائره
نيويورك - الرياض

مع العلم اننا لا نرغب في لاس فيغاس ولا فلوريدا ( اورلاندو ) لبعدها عن لوس انجلوس.

اي اقتراحات او تعديلات بالجدول مشكوره ومقدره

شكرا. من الموبايل