الرد على الموضوع

رد: خمس ساعات ترانزيت في مطار اتاتورك هل ممكن ازور فيها شي ؟

الأخوة الأعزاء الله يعطيكم العافية على المرور والردود , و بمشي على رايك يا اخوي ماجد لأن قلبي قارصني من اني اطلع من المطار واتوهق واتأخر لأي سبب من الأسباب

د.مصرقع
الحقيقة اني ما حجزت ولكن مازلت احاول اشوف حل لمشكلة بطاقة الراجحي اللي مو راضية يقبلها موقع الاونر اير !!!!

رد: خمس ساعات ترانزيت في مطار اتاتورك هل ممكن ازور فيها شي ؟

استفسار يا ابو طلال لو سمحت ..

كيف اشتريت التذكرة على طيران اونور وكيف دفعت؟؟

انا لي اسبوع احاول ادفع عن طريق الفيزا كارد وما يقبل الشراء من موقعهم

ياليت تعلمني التفاصيل وش نوع بطاقة الفيزا اللي اشتريت منها التذكرة ؟ او اذا عن طريق مكتب سفر وش اسم المكتب؟

انتظر ردك الله لا يهينك ويسهل امرك

رد: خمس ساعات ترانزيت في مطار اتاتورك هل ممكن ازور فيها شي ؟

الإخوان بلا شك ما قصّروا وجزاهم الله خير




بإختصار الفترة غير كافية مطلقا لعمل أي شيء

أصلا لما يكتب في التذكرة أن وصولك الساعة 5 و 55 دقيقة

معناه راح تنزل المطار بعد هذا الرقم إذا وصلت في الموعد المحدد طبعا ب 20 أو 30 دقيقة

ثانيا

إذا نزلت

زحمة الجوازات غير معلومة

لكنها في الغالب لن تقل عن نصف ساعة

بعد ذلك

ربع إلى نصف ساعة تطلع للشنط وتحملها

ومن ثم ربع ساعة للإنتقال من الدولي إلى المحلي

يعني قرابة ساعة و45 دقيقة إلى ساعتين ونصف هو الوقت المقدر لوصولك غلى المطار الداخلي منذ نزولك من الطائرة


يعني خلينا نقول راح تخلص على 8

إنت بعد ساعة ونصف لازم تسوي تشيك إن

هل تعتقد أن فترة ساعة ونصف تستحق الخروج والبحث عن تاكسي وكذلك عن صندوق لحفظ الأمانات

فضلا عن أنك ربما تواجه زحمة في الدخول للمطار حين تعود بسبب تفتيش الجمارك

وتكون على أعصابك



أنصحك بلاشك

تريحك نفسك

ومن معاك

وتمشى بهدوء أثناء عمل الإجراءات

ودور لك بعدها ع معطم داخل المطار وإستمتع فيه



وفقك الله وسدد خطاك

رد: خمس ساعات ترانزيت في مطار اتاتورك هل ممكن ازور فيها شي ؟

سلام عليكم ،، اخواني اول شي توصلون بالسلامه لا تنسون زحمه المطار ،، يعني تخلصون الجوازات تقريبا 7:30
افضل شي وضع الجناط ( جمع جنطه ( الاتراك يقولون جنطه وليش شنطه ) في الامانات ،، ما ادري وين مكان الامانات ولكن اتوقع في مطار اتاتورك او صبيحة الخدمات حلوه وسهل الوصول لها
لو كنت مكانكم اخلي اغراضي بالامانات ،، و أروح انه والمعزبه نتريق بأي مطعم
الاختيار الاول : حديقة فلوريا ( تبعد عن المطار 5 - 10 دقايق ) بس ضروري تقول لسايق التكسي ينزلك صوب مطعم البلدية في بالحديقة لانها كبيره حيل وفي عدة بوابات
تقدر تأجر قاري ( دراجة هوائية ) لطلال ،، او يلعب بالالعاب ،، او ريوق ( فطور ) رومانسي على البحر الصبح ،، اجواء خياليه
الاختيار الثاني : تركب باص هواش لتقسيم ،، تتريق في تقسيم ،، او تروح بالمترو لسلطان احمد وتفطر ( المترو لسلطان احمد مرحلتين ) يعني لازم تبدل المترو
ولكن ملاحظه مهمه جدا ،، مطار اتاتورك او صبيحة - الرحلات الدولية غير عن المحلية ،، جزء ثاني بالمطار ،، لازم تراعي هالنقطه في اختيار صناديق الامانات ،، ولازم ترجع قبل الرحله عالاقل ساعتين ،، او ساعه ونص
بالتوفيق

رد: خمس ساعات ترانزيت في مطار اتاتورك هل ممكن ازور فيها شي ؟

يبدوا انك طالع من مطار الدمام
نفس وقت وصولي ,, ورحلتي الساعه 1 الظهر لطرابزون
عموما انا كان عندي خيار الساعه 7 الصباح يعني حتى افضل من خيار 6:35 بحكم انه ساعه فرق لكن ترددت خصوصا اني قد سافرت تركيا قبل وعارف نكبة الجوازات وزحمتها
واخترت الخطوط التركيه للطيران الداخلي عشان ما اطلع العفش واطلب منهم ينقلوه مباشر لطربزون ومع هذا اتصلت فيهم اذا في امكانيه تعديل الوقت قالوا اصلا النظام مايسمح عندهم بأقل من ساعتين للترانزيت خصوصا انك تتكلم عن مطار مزدحم
انا قلت بقضيها تمشيه وأكل بهالمطاعم بس خايف الحرمه تمل لو في احد يفيدنا بال5 ساعات هذي شلون نقضيها في المطار

خمس ساعات ترانزيت في مطار اتاتورك هل ممكن ازور فيها شي ؟

السلام عليكم جميعا

انا راح اوصل مطار اتاتورك الساعة 5:55 صباحا وعندي رحلة داخلية الساعة 11:35 صباحا

بين هذا الوقت ودي ازور مكان مثل فلوريا بارك او بكر كوي
لأن معاي طفل 5 سنوات بيكون طفشان في الطائلرة و ودي اغير جوه بأقرب مكان .

فهل يمديني ام لا ؟ لأني قريت انها قريبة جدا اقل من 5 دقايق من المطار . هذي زيارتي الثانية لتركيا . او اذا فيه خيارات اخرى او نصيحة .

اذا فيه امكانية اني ازور مكان .. الشنط هل اقدر اشحنها على طول ؟؟ انا حجزي على خطوط الأنور اير ... او ما فيه الا صناديق الامانات ؟

صناديق الأمانات وين مكانهم بالظبط ؟؟؟

سؤال اخير ..... لو حجزت على اول رحلة لأنور اير اللي راح تكون الساعة 6:35 صباحا يعني بعد وصولي الى اسطنبول ب 40 دقيقة هل استطيع اللحاق بها او بتروح علي ؟؟
علما اني مطلع الفيزا من البيت .... او الأفضل انتظر الرحلة الثانية على الساعة 11:35 صباحا



والف شكر للجميع مقدما

ابو طلال