الرد على الموضوع

رد: تقرير مدينة اسطنبول

جميل

رد: تقرير مدينة اسطنبول

للاسف هذا ليس فقط في تركيا بل الكثير من بلداننا العربية.
يمكن للدولة وضع شرطة سياحية للاماكن المزدحمة بالسياح لضبط الاسعار

رد: تقرير مدينة اسطنبول

تحليل وتقرير جميل وواقعي

شكراً اخي عمر على مشاركة رأيك

اغلب المسافرين لتركيا يقضون يومين او 3 في اسطنبول والباقي في اوزنجول او غيرها من الامكان ذات الطبيعة الجميله

قد يكون الوضع مختلف في هذه الامكان عن اسطنبول بحكم انها العاصمة واهم المدن التركيه

تقرير مدينة اسطنبول

بسم الله الرحمن الرحيم
تقريري المفصل الانطباعي لمدينة اسطنبول تحديدا وهذي اول مرة اكتب تقرير ولكن ابراء ذمة امام الله ثم نفسي .....
بداية اخذت اجازة من عملي وبعد البحث المطول في مواقع الانترنت وبالاخص هذا المنتدى زاد حماسي وفضولي الى هذي المدينه تم الوصول الى مطار اتاتورك وكان بانتظاري كالعادة اني حجزت تاكسي خاص من وقت حجزي في مكتب الخطوط في الرياض جايبين المكتب بنت بانتظارنا انا واهلي وفي الباص للذهاب الى الفندق تشرح عن معالم تركيا وطبعا حاطه الاسعار اتوقع من عندها طبعا اسعار مبالغ فيها لاني قرات في المنتديات عن طريقتهم في رفع الاسعار على حساب السائح وعلى قولة اخوانا المصريين دنت زبون لقطه المهم ما اطول عليكم تركتها هي وبرنامجها وقلت اجرب المدينه بنفسي طالما المدة قصيرة المهم وصلت الفندق اسم الفندق ايا صوفيا بسلطان احمد خمس نجوم وكنت حاجز غرفة ديلوكس على اساس افخم شوي ماقصرو سوو لنا حفلة وكيذا ولكن عيوب الفندق كالتالي بعد يومين انقطعت الموية وسالت ليشششش تنقطع فترة العصر قالو هذا النظام انو مو شغالة ع طول كمان طلبت خدمة الغرف كنت بطلب من المطعم قالو برضو مافيه خدمة غرف والشي الثالث والاخير انو الحيوانات الضاله مثل الكلب اعزكم الله موجودة بشكل متكرر وملاحظ حول الفندق وعلى البوابة في المطاعم بين الناس وفضلاتها برضو شي لا يليق ان يكون بلد سياحي بهذي الطريقة وطبعا اشتكيت ولكن ما من استجابة هذي نقاط اعطتني انطباع سيئ للفندق والمطاعم الغالية والمخيسة .

بالنسبة للمدينة حلوة وهادئه ورومانسية ولكن قلة الفعاليات كثرة الشحاتين الليموزينات حرمية بدرجه فظيعه استغلال الخليجي خصوصا في البيع بسالفة ملابس حريم السلطان ومنزل مهند ونور و باب الحارة يعني مو له الدرجه ان ساذجين كان بامكان الرحلات تكون اجمل وافضل وارقى مو رحلة كم ساعة عشان نشوف فين صورو المسلسل الفلاني او كيذا لا احنا ارقى من كيذا فهذي الفكرة وترويجهم للرحلات هذي ما عجبتني .

الرحلات
رحلة البسفور ومقهى او مطعم ليبروتي اثنينهم خلاصه لمطلات رحلة حلوة ورايقة ولكن رحلة البسفور ممتازة لو ان المطعم باعلى الجبل في المحطة الاخيرة مو حق التعب للصعود

مطعم لبيروتي عندهم تركش كفي جميل ومطل جميل لكن اللي ماعجبني انو ليش حاطينه بين قبور كان بامكان يكون بمطل او جبل افضل بعيد عن المقابر .

اللغة تركية لا احد يقبل او يحاول المساعدة.
ركبت ترام مترو باصات ليموزينات سالت حراس امن ضباك مرور الكل مثل بعض اخلاق سيئة سواء في الشارع في المطاعم غالي او رخيص نفس السوء استغربت من اخلاق الاتراك انا ما اقول الكل لكن اتكلم عن اللي شفت في منطقة سلطان احمد وتقسيم .

اللوحات الارشادية لا انجليزي ولا عربي هنا تعتمد على نفسك او من خلال مرشد سياحي

المولات طبعا اغلب الزوار في مول جواهر والله اعلم من وجه نظري جيد وفيه مطعم فوق للشاورما جميل يستحق الزيارة للي بتركيا فقط

بخصوص الاسعار جيدة وبالعكس تكاد تكون ممتازة ولكن كنت اتمنى ان يكونون اكثر امانة .

الامان بصراحه صفر بالنسبة لي لا في مكان عام ولا بالشوارع الصغيرة ماصار لي شي الحمد لله ولكن ما ارتحت لها ابدا و اتوقع تركيا كصيف هيا فقاعه لكثير من الخليجيين واوتقع مع الوقت بتبين لكم قد اكون اول انتقادي لمدينة اسطنبول لكن هذا رائي الشخصي عن هذه المدينة ان اصبت فمن الله وان اخطأت فمن نفسي .

تقييمي لمدينة اسطنبول عموما اعطيها ١٠/٦.