أضف مشاركة إلى الموضوع: رجاء المساعدة من المصريين خصوصا ومن خبراء السفر لتايلاند عموماً
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: رجاء المساعدة من المصريين خصوصا ومن خبراء السفر لتايلاند عموماً أهلآ بيكم .. أنا عضو جديد هنا فى المنتدى .. ويسعدنى تقديم أى نصيحة أو رد على أى إستفسار خاص بالسفر إلى تايلاند .. أنا أزور تايلاند كل عام منذ 15 عام مضت .. وعندى معلومات لمن يريد السفر أو يريد الأستفسار عن أى شئ بخصوصها . رجاءآ مراسلتى على الخاص لطلب رقم الموبايل إذا أردت التحدث شخصيآ .. وتحياتى للجميع ..
رد: رجاء المساعدة من المصريين خصوصا ومن خبراء السفر لتايلاند عموماً
رد: رجاء المساعدة من المصريين خصوصا ومن خبراء السفر لتايلاند عموماً من فضلكم حاولت اعمل مشاركة او استفسار منفصل ماعرفتش انا لسة جديدة في المنتدى ومحتاجة اعمل مشاركة مهمة بخصوص السفر لتايﻻند. . ياريت حد يفيدني ضروري في اقرب فرصة شكرا ليكم
رد: رجاء المساعدة من المصريين خصوصا ومن خبراء السفر لتايلاند عموماً المشاركة الأصلية كتبت بواسطة Robot السلام عليكم ورحمة الله وبركاته عدى حوالي شهرين على آخر رد في الموضوع بس وانا بدور في اللاب ، لقيت الموضوع دا في المفضلة وانا كنت نسيته خالص في وسط اليأس اللي كنت حسيت بيه في آخر يومين تلاتة قبل سفري انا الحمد لله يا جماعة سافرت وانا كنت مقرر اقعد 18 يوم ، زودتهم وانا في في تايلاند لشهر وغيرت ميعاد رحلة العودة اول مرة في حياتي اسافر برا مصر ، وكان اجمل شهر في حياتي وبإذن الله لازم اروح تايلاند تاني وتالت ورابع انا خلال الشهر دا كنت مقيم مع أسرة تايلاندية بالكامل ، وعايش الحياة كتايلاندي مش كسائح حتى لم كنا بنروح السوق ، كانوا بيفاصلوا معايا هههههههه عشان كدا خبرتي ممكن ماتكونش مفيدة 100 % لحد هيسافر لأول مرة ، لاني زي ماقلت كنت عايش كتايلاندي وهما كانوا بيضبطولي التنقلات الداخلية وماكنتش بعرف اي تفاصيل كنت بروح المحلات الشعبية والاسواق الشعبية اللي الناس فيها مابيعرفوش يتكلموا الا تايلاندي حتى الفنادق كنت بروح لفنادق الطلبة اللي هيا بـ 60 جنيه في الليلة لشخصين وكنت مستمتع بحياتي جدا ماكنتش بروح لاماكن تجمع السياح ، وحتى لما رحتها حسيت بالفرق الشاسع في الاسعار " واللي هيا بردو لسه أرخص من دولة فقيرة زي مصر !! " بس رغم كدا اكيد هيكون في تجربتي حاجات جديدة حتى للناس اللي بتسافر تايلاند كتير كسياح ، لاني شفت تايلاند الشعبية نفسي اعمل تقرير وصور يوم بيوم لرحلتي ، بس مش عارف ازاي محتاج اقرا شوية تقارير للاعضاء عشان اقلدها ^^ لو هتكلم على الايام العصيبة الاخيرة ، فانا اكتشفت ان حظي هوا اللي كان سيء لاني اليوم اللي رحت فيه اخد تصريح السفر من التنظيم والادارة كان نازل قرار جديد بان طلبة الامتياز يتطلب منهم " موافقة الوزير المختص " ودي حاجة كانت استثنائية استمرت لاسابيع وتقريبا فيه ناس سافرت بعدي وماطلبوش منهم دا و تقريبا دا كان بسبب خطف الجنود المصريين في سيناء - تخمين مني ومن زمايلي في امتياز في الجامعات التانية والي اتعذبوا معايا في الفترة دي - فكان الجيش مشدد جدا في الفترة دي على السفر ولاني مش تبع اي وزير ، فوافقوا على " قرار موافقة " من رئيس الجامعة اللي بدرجة وزير !! وبعد ما جبت " جواب موافقة " ورفضوه رحت عملت خناقة في مكتب رئيس الجامعة وعملولي بشكل استثنائي قرار موافقة قبل السفر بيومين واخدت ورقة تصريح السفر " واللي هيا ورقة حقيرة شكلاً " وكنت هطير من الفرح ورحت لاول مرة في حياتي المطار ، وسافرت ولما وصلت تايلاند لقيت العيلة التايلاندية مستنياني في المطار ولو فيه كلمة هقولها عن تايلاند فهيا بلد الناس الطيبة " والأكل " الناس دي بتاكل بشكل غريب ، وكل اللي مالوش شغل يفتح مشروع يا اما مطعم يا اما فندق اما الطبيعة فهيا جنة انا قضيت الشهر في Bangkok , Nakhon Ratchasima , Mahasarakham , Chiang Mai وتقريبا مادفعتش اي حاجة في المواصلات الداخلية لان " أهلي " في تايلاند كانوا بيدفعولي كل حاجة " رغم بساطتهم ودخلهم القليل " والسكن كنت معظم الوقت ساكن معاهم او في فنادق رخيصة - اغلى فندق رحته كان ب 700 بات لشخصين - اتعرفت على ناس كتير اتعلمت كلمات تايلاندية " مش كتير " اكلت " كتيـــــــــــــــــــــــــــــــــــر " مشكلتي الوحيدة في تايلاند هيا الجو الاستوائي ، بس الحمد لله هيا مروحة صغيرة او تكييف وكله بيبقا تمام شكراً على دعمكم المعنوي واتمنى اقدر اعمل تقرير عن رحلتي بالصور واي سؤال اقدر اجاوب عنه .. فانا مش هتأخر من فضلك انا كنت محتاجة مساعدة حضرتك ﻻنس المفروض هسافر خﻻل شهر يناير ان شاءالله لكن لسة مابدأتش في اي اجراءات .. اتمنى التواصل لو مافيش عندك مانع عن طريق اﻻيميل او التليفون لو سمحت... شكرا ليك على كل حال
السلام عليكم ورحمة الله وبركاته عدى حوالي شهرين على آخر رد في الموضوع بس وانا بدور في اللاب ، لقيت الموضوع دا في المفضلة وانا كنت نسيته خالص في وسط اليأس اللي كنت حسيت بيه في آخر يومين تلاتة قبل سفري انا الحمد لله يا جماعة سافرت وانا كنت مقرر اقعد 18 يوم ، زودتهم وانا في في تايلاند لشهر وغيرت ميعاد رحلة العودة اول مرة في حياتي اسافر برا مصر ، وكان اجمل شهر في حياتي وبإذن الله لازم اروح تايلاند تاني وتالت ورابع انا خلال الشهر دا كنت مقيم مع أسرة تايلاندية بالكامل ، وعايش الحياة كتايلاندي مش كسائح حتى لم كنا بنروح السوق ، كانوا بيفاصلوا معايا هههههههه عشان كدا خبرتي ممكن ماتكونش مفيدة 100 % لحد هيسافر لأول مرة ، لاني زي ماقلت كنت عايش كتايلاندي وهما كانوا بيضبطولي التنقلات الداخلية وماكنتش بعرف اي تفاصيل كنت بروح المحلات الشعبية والاسواق الشعبية اللي الناس فيها مابيعرفوش يتكلموا الا تايلاندي حتى الفنادق كنت بروح لفنادق الطلبة اللي هيا بـ 60 جنيه في الليلة لشخصين وكنت مستمتع بحياتي جدا ماكنتش بروح لاماكن تجمع السياح ، وحتى لما رحتها حسيت بالفرق الشاسع في الاسعار " واللي هيا بردو لسه أرخص من دولة فقيرة زي مصر !! " بس رغم كدا اكيد هيكون في تجربتي حاجات جديدة حتى للناس اللي بتسافر تايلاند كتير كسياح ، لاني شفت تايلاند الشعبية نفسي اعمل تقرير وصور يوم بيوم لرحلتي ، بس مش عارف ازاي محتاج اقرا شوية تقارير للاعضاء عشان اقلدها ^^ لو هتكلم على الايام العصيبة الاخيرة ، فانا اكتشفت ان حظي هوا اللي كان سيء لاني اليوم اللي رحت فيه اخد تصريح السفر من التنظيم والادارة كان نازل قرار جديد بان طلبة الامتياز يتطلب منهم " موافقة الوزير المختص " ودي حاجة كانت استثنائية استمرت لاسابيع وتقريبا فيه ناس سافرت بعدي وماطلبوش منهم دا و تقريبا دا كان بسبب خطف الجنود المصريين في سيناء - تخمين مني ومن زمايلي في امتياز في الجامعات التانية والي اتعذبوا معايا في الفترة دي - فكان الجيش مشدد جدا في الفترة دي على السفر ولاني مش تبع اي وزير ، فوافقوا على " قرار موافقة " من رئيس الجامعة اللي بدرجة وزير !! وبعد ما جبت " جواب موافقة " ورفضوه رحت عملت خناقة في مكتب رئيس الجامعة وعملولي بشكل استثنائي قرار موافقة قبل السفر بيومين واخدت ورقة تصريح السفر " واللي هيا ورقة حقيرة شكلاً " وكنت هطير من الفرح ورحت لاول مرة في حياتي المطار ، وسافرت ولما وصلت تايلاند لقيت العيلة التايلاندية مستنياني في المطار ولو فيه كلمة هقولها عن تايلاند فهيا بلد الناس الطيبة " والأكل " الناس دي بتاكل بشكل غريب ، وكل اللي مالوش شغل يفتح مشروع يا اما مطعم يا اما فندق اما الطبيعة فهيا جنة انا قضيت الشهر في Bangkok , Nakhon Ratchasima , Mahasarakham , Chiang Mai وتقريبا مادفعتش اي حاجة في المواصلات الداخلية لان " أهلي " في تايلاند كانوا بيدفعولي كل حاجة " رغم بساطتهم ودخلهم القليل " والسكن كنت معظم الوقت ساكن معاهم او في فنادق رخيصة - اغلى فندق رحته كان ب 700 بات لشخصين - اتعرفت على ناس كتير اتعلمت كلمات تايلاندية " مش كتير " اكلت " كتيـــــــــــــــــــــــــــــــــــر " مشكلتي الوحيدة في تايلاند هيا الجو الاستوائي ، بس الحمد لله هيا مروحة صغيرة او تكييف وكله بيبقا تمام شكراً على دعمكم المعنوي واتمنى اقدر اعمل تقرير عن رحلتي بالصور واي سؤال اقدر اجاوب عنه .. فانا مش هتأخر
المشاركة الأصلية كتبت بواسطة zezoel http://www.arabtravelersforum.com/tr...3/#post7765803 طمننا اخدت التصريح وايه الاخبار النهاردة " السبت " رحت هيئة التنظيم والإدارة في العباسية ، وانا المفروض سفري يوم الجمعة وقالولي مش هتسافر بعد ما حجزت التذاكر وكل حاجة ! انا عايز اعيط :'( رغم ان كل ورقي كامل ، وزي جميع زمايلي اللي من نفس الدفعة واللي سافروا السنة دي ومن فترة قريبة كمان وجبت جواب من شئون الاطباء زي ما شفتوا لقيتهم بيطلبوا طلب جديد ماشفتوش قبل كدا وكل زمايلي مستغربين منه بيقولوا " قرار وزاري " عايزني اروح لوزير الصحة اقوله انا مسافر مؤتمر ، وسيادة وزير الصحة بنفسه يديني جواب انه موافق على سفر " الطبيب الفقير الى الله " لتايلاند !!!! والاعجب ان القرار الوزاري دا مكتوب في المستندات المطلوبة في كل الحالات اللي معلقينها على الحيطة وفي المونتر ومطبوع الا عند الامتياز مش مكتوب ، وقام حد كاتبه بقلم جاف كدا قولتهم انا مش شغال في وزارة الصحة وانا مش تبع وزير الصحة ولا رحتله هيقولي انا مالي بيك لاني فترة انتقالية بتدرب ، مرحلة بين الجامعة ووزارة الصحة يعني انا لا طالب ولا طبيب بمعنى الكلمة ومش ليا اي علاقة غير بالمستشفى اللي انا فيها لقيتهم بيقولوا مش مشكلتنا وشوف انتا تبع اي وزير وهات منه موافقة !!! قمة قلة الأدب والذوق وزي مايكون انا شغال عندهم ومش عارف اعمل ايه ، وماعدش قدامي الا 5 أيام انا عايز بس اتعامل زي أي زميل ليا لسه مسافر من اقل من شهر ، مش يطبقوا عليا طلبات مكتوبة بالقلم الجاف على الحيطة حراااااااااااااااااااااااااااااااااااااااااااااااا اااام مش عارف أعمل ايه :'(
المشاركة الأصلية كتبت بواسطة mezoomozaa http://www.arabtravelersforum.com/tr...2/#post7756202 عشان كدا انا قلت ### وانا كحد في امتياز باخد تصريح السفر من هيئة التنظيم والادارة بالعباسية بالقاهرة ، مش من منطقة التجنيد وانا اعف انك مش هينفع تسافر في النص التاني من سنة ستة في طب وخايف يكون فيه حاجة زي كدا بالنسبة للامتياز واكيد اللي سافروا تايلاند قبل كدا يقدروا يفيدوك بأحسن وقت للسفر بس على حسب معلوماتي المحدودة ، انا اعرف ان مايو ويونيو دول الـ Low season في تايلاند واسعار الفنادق بتكون في أدنى مستوياتها ، لان السياحة بتقل نسبيا في الوقت دا عشان سقوط الامطار المستمر واللي بتكون بدرجة أقل في جنوب تايلاند وبوكيت واسعار الفنادق بتعلى جدا جدا في فترة أكتوبر ونوفمبر وديسمبر لان دا الـ High season طمننا اخدت التصريح وايه الاخبار
المشاركة الأصلية كتبت بواسطة bontee77777 http://www.arabtravelersforum.com/tr...2/#post7758002 ### شكرا يا اخي انا اسمي وائل وسوف اتصل بك
المشاركة الأصلية كتبت بواسطة zezoel http://www.arabtravelersforum.com/tr...2/#post7755632 للاسف خدمه الرسائل غير متوفره لحسابي حتي الان عشان كدا انا قلت لحضرتك #### وانا كحد في امتياز باخد تصريح السفر من هيئة التنظيم والادارة بالعباسية بالقاهرة ، مش من منطقة التجنيد وانا اعف انك مش هينفع تسافر في النص التاني من سنة ستة في طب وخايف يكون فيه حاجة زي كدا بالنسبة للامتياز واكيد اللي سافروا تايلاند قبل كدا يقدروا يفيدوك بأحسن وقت للسفر بس على حسب معلوماتي المحدودة ، انا اعرف ان مايو ويونيو دول الـ Low season في تايلاند واسعار الفنادق بتكون في أدنى مستوياتها ، لان السياحة بتقل نسبيا في الوقت دا عشان سقوط الامطار المستمر واللي بتكون بدرجة أقل في جنوب تايلاند وبوكيت واسعار الفنادق بتعلى جدا جدا في فترة أكتوبر ونوفمبر وديسمبر لان دا الـ High season
للاسف خدمه الرسائل غير متوفره لحسابي حتي الان
شكرا يا اخي انا في اخر خمسه واول سته حكون ان شاء الرحمن في الاراضي المقدسه لاداء العمره رقم موبيلي سوف ارسله لك في رساله خاصه بالنسبه لتصاريح السفر سهله جدا وحتاخده في نفس اليوم روح بس مكتب التجنيد بتاعك وخد معاك الباسبور كنت عايز اعرف ايهم الافضل السفر في نصف يونيو ولا السفر في اول اكتوبر
المشاركة الأصلية كتبت بواسطة zezoel http://www.arabtravelersforum.com/tr...2/#post7753322 مبروك يا اخي عقبالنا انا كشف الحساب بتاعي بتاع البنك جاخز وفيه اكتر من مليون بفضل الله المشكله اني لا اعمل حاليا وفي فتره راحه ولا اعلم كيف اجيب خطاب العمل قولي هل الاجراءات والتعامل معهم سهل ام لا؟ ثانيا هل تكفي حجز طائره برنت ولا لازم تذاكر ثالثا هل فعلا اسعار القطريه 4000 جنيه لاني سمعت ارقام اكبر من كده بكتير ارجو ان تساعدني يا بن بلدي أخي العزيز أهلا بيك ، انتا هتروح السفارة من الحد للخميس ، مواعيد استخراج الفيزا من 9 ونص لـ 11 ونص صباحا الموضوع بسيط جدا جدا جدا ماتقلقش هتملى نموذج زي دا الورق المطلوب انا كتبته في أول بوست ممكن تقدم على التأشيرة بالبرنت بتاع الحجز مش لازم تذكرة وبخصوص حساب البنك ، فتمام أوي كدا ومادام قديم يبقا عشرة على عشرة بخصوص العمل .. ما تشغلش دماغك اكتبلهم ( لا أعمل Unemployed ) حتى لو بتعمل أنا نفسي كتبت لا أعمل ^_^ والسكيورتي اللي هناك متعاون وهيظبطك في أي حاجة أعتقد القطرية أرخص أسعار ، واعلى حاجة مصر للطيران لانها مباشر بس على فكرة رغم اني ماليش أي خبرة بالسفر ، بس اعتقد ان الترانزيت في الرحلات الطويلة اللي زي دي أحسن فانتا روح على القطرية أو طيران الاتحاد اعتقد الاسعار أقل كمان من 4000 ، يعني حوالي 3800 ذهاب وعودة مصر للطيران ايام ماكنت بحجز كانت بـ 4200 ومباشر ، ومعظم الخطوط كانت بـ 3800 ماعدا القطرية اللي كانت بحوالي 3150 عشان كان عرض واعتقد ان مصر للطيران سمعت انها عاملة تخفيضات بمناسبة شم النسيم وفي الأول وفي الآخر دي تايلاند ، اكبر بلد سياحية مفتوحة للأجانب في آسيا انا اللي كنت موتر نفسي أوي وبفكر زيادة عن اللزوم دعواتكم بس بخصوص تصريح السفر وعايز لو حد هنا عنده واسطة في الجيش يكلمني هههههههههههههههههه وأخيرا اي استفسار ممكن نتكلم على الموبايل ابعتلي بس رسالة على الايميل برقم موبايلك لو تحب شكراً جزيلاً
اعتقد ان الديبت كارت صعب بره مصر
.......................
وسؤال أخير بخصوص كارت الفيزا ، الكارت دا اللي حضراتكم تقصدوه ؟ ولا كريديت كارد ؟ يعني كارت الديبت بتاع الـ ATM بتاع البنك الأهلي المصري ينفع استخدمه في تايلاند ؟ وهياخد مني أد ليه لما أجي اسحب من المكنة في تايلاند ؟ وعلى فكرة انا النهاردة اشتريت دولارات ، وكان السعر 760 قرش :'(
الاخ العزيز مصطفي انا وائل من الاسكندريه وان شاء الله انوي السفر الي تايلاند في 17/6 ارجو ان اجد طريقه للاتصال بك لاني احتاج بعض المشوره مبدئيا ما رايك هل اسافر من خلال مكتب سياحه ولا اعمل الحجوزات واسافر مع نفسي منتظر ردك دام فضلك
ما قصر اخونا مصطفي تصدق حتي لما نقولهم الرياض يقولون قريبه من دبي عادي جدا
ان شاء الله تتسهل امورك
أنا الحمد لله اشتريت تذكرة الطيران خلاص ، دلوقتي لسه شغال على التأشيرة
شكراً جزيلاً على ردودكم المشجعة انا قررت إني أحجز تذاكر الطيران قبل التأشيرة وتصريح السفر وتقريبا هتكون V class يعني مش هينفع فيها أي تغيير في الميعاد بس مش مشكلة انا مستعد آخد المخاطرة عشان أمشي زي ماهما كاتبين في الطلبات أنا كلمت السفارة وماعجبنيش طريقتهم في الرد والتعامل مع الاستفسارات ( او على الاقل زي ما انا متعود في التعامل من التايلانديين اللي اعرفهم ، واللي دايما بيكون بود واحترام واعتناء باللي بيكلمهم ) اللي رد عليا واحد مصري الاول بعدين حولني على حد لهجته خليجية أنا لما سألتهم عن موضوع كشف الحساب البنكي ، قالوا لازم كشف لآخر 3 شهور فيه 10 آلاف جنيه على الأقل قولتلهم طب لو أقل من 3 شهور ؟! O.O قالوا إزاي ؟ ( وهما عندهم حق في السؤال لان كل البنوك مش أقل من 3 شهور وفيه 6 شهور كمان ) قولتلهم هجيبه أنا بس هيكون أقل من 3 شهور ! قاللي اللي رد عليا ( لا لازم 3 شهور على الاقل ) O.O أنا هحط فلوسي في البنك الأهلى الفرع اللي في بلدنا ، وانا كلمت قريبي اللي في البنك وقاللي هطلعلك كشف الحساب وهروح أقدمه بعد ما احجز تذاكر الطيران وهقول لحضراتكم هنا على التفاصيل ___________________ اما بخصوص أخي العزيز اللي اتكلم عن اني اقدم Print out للحجز اللي جالي على الايميل انا فعلا حجزت ولكن اخترت طريقة الدفع في المكتب في القاهرة فاللي جالي على الايميل حجز بس On Hold ومش مكتوب فيه رقم التذكرة ( طبعا ) فانا هخليني ماشي صح وهجيب التذاكر وهقدمها لما أشوف إيه آخرتها _____________ وفي النهاية بحمد ربنا ان مش اول سفر ليا لدولة اوروبية او أمريكا وانا قاعد اقول لنفسي دلوقتي ( أمال لو ماكانتش تايلاند اللي المفروض أكبر بلد سياحي في آسيا ؟!!! هما ليه مهم اوي بالنسبة ليهم يبقا عندي كشف حساب بنكي ؟ هروح هناك واهرب مثلا ؟! ) هههههههههههههههههههههههه شكراً جزيلا مرة تانية لردود حضراتكم
انا حبيت اطرح رايي في موضوع البنك روح افتح حساب باقرب بنك حيطلع لك الكشف ولاتهتم اي بنك هوا المهم يطلع الكشف ولما تطلع الكشف وخايف يكون بنك ربوي ارجع اسحب المبلغ وعلى مهلك افتح حساب في اي بنك عاجبك موضوع سهل جدا اما الطيران طيران قطر ممتاز بالعكس جربه وح تنبسط اما موضوع السفاره الافضل تروح زي ماقال اخوي حسن الحمادي وتستفسر بنفسك افضل واضمن ونتمنى لك رحله سعيده وميسره
أهلا و سهلا فيك دكتور / mezoomozaa و نرحب فيك أجمل ترحيب و نحن مستعدون للرد على استفسارك باذن الله . تايلند بلد جميلة و تستحق ان تعمل زيارة سياحية لها لأن تجمع بين جمال الطبيعة من الجبال الخضراء الى الجزرو الشواطئ الجميلة ، تايلند ايضا تتميز بتقديم كل الخدمات السياحية لروادها من شبكات طرق و وسائل تنقلات متعددة و فنادق بجميع مستوياتها و المطاعم ترضي جميع الرغبات و أسواقها العامرة و الامن و الامان و غيرها كثير ..... قرأت بتأني و دقة جميع ما طرحت من استفسار و أسئلة الخاصة باستخراج التأشيرة للمصريين و شروطها ، يا ليت كنت أقدر مساعدتك انما رأيي تقابل احد الموظفين بالسفارة التايلندية في القاهرة و تطرح عليه موضوعك ، انا متأكد سوف تلافي حل مناسب لأستخراج تأشيرة مصر و متفائل جدا . اما من ناحية حجز تذكرة السفر من رأيي سعر المقدم من شركة الطيران القطرية جدا مناسب ، سبق لى اني سافرت عليها و بصراحة قمة الاتزام بالمواعيد و مستوي راقي جدا ، توكل على الله و أحجز عليها . بالتوفيق يا دكتور و حاضرين لأى استفسار ان شاءالله رحلة موفقة و سعيدة """
بالنسبه لموضوع تفاوت اسعار حجز الطيران / القطريه يوفرو التذاكر بأسعار رخيصه للحجز المبكّر وللعلم يمكنك بأي شركة طيران الحجز و بيرسلولك التذكره على الايميل ويعطوك فترة يومين الى ثلاث ايام حتى تسدد قيمة الحجز وإلا فإنه سيلغى ! وممكن هذا الحجز تطبعه وتقدمه مع الطلبات بالسفاره وكذلك الحال بالنسبه لحجز الفندق ، اما بالنسبه للرصيد للأسف السفاره التايلنديه بالرياض ماتطلب هالشي لكن ممكن انك تودع المبلغ في حسابك و تصدر كشف الحساب بعدها تسحب الفلوس من البنك موووفق ،،،،،،،
رجاء المساعدة من المصريين خصوصا ومن خبراء السفر لتايلاند عموماً بسم الله بداية شكراً جزيلاً لكل اللي هيدخل الموضوع وفي نيته المساعدة أنا مصري ، 24 سنة ، في سنة الامتياز في كلية الطب طبعا كغالبية الشباب المصري مكنش عندي القدرة المادية اني أسافر برا مصر أثناء الدراسة ( ولا حتى جوا مصر ) فكانت النتيجة اني وصلت لسن 24 سنة وانا ما اعرفش ازاي أروح مطار القاهرة اصلا ( مابالك بالاجراءات اللي جواه ) ، ومصطلحات زي جواز السفر والتأشيرة وتصريح السفر و البوردنج والتشك إن ....... كانت لفترة قريبة جدا جدا طلاسم بالنسبة ليا دلوقتي انا قررت أسافر ولأول مرة في حياتي برا مصر ، واخترت ان السفرية تكون لتايلاند نظرا لطبيعتها الساحرة ولأن فيه ناس تايلانديين كتير أعرفهم على الانترنت . فأنا ماكانتش مشكلتي أبدا إني اعمل برنامج للرحلة او اعيش هناك ازاي ، انا محتاج بس اوصل تايلاند ومعايا حجز لأول ليلة في الفندق وبعد كدا كله هيبقا تمــــــــــــــــــــام . وانا الانجليزي بتاعي كويس ، وكمان بعرف كلمات وجمل كتير بالتايلاندي ^_^ مشكلتي تتلخص فيما قبل الوصول لتايلاند . وانا بقالي حوالي اسبوعين ليل نهار قاعد اقرا في المنتدي هنا والمنتديات التانية عربية واجنبية عن ( السفر عموما ومصطلحاته ) وعن تجارب الناس وانطباعاتها عن تايلاند تحديدا ( شكرا لكل عضو كتب كلمة او نصيحة لاني بجد استفدت جدا ) لكن رغم كدا انا لسه عندي مجموعة من الاستفسارات المهمة ( والقابلة للزيادة مع اقتراب معاد الرحلة ) هبدأ بشرح وضعي في اللحظة دي وبعدين هسرد استفساراتي في انتظار مشاركات حضراتكم أنا خلصت مرحلة استخراج جواز السفر الحمد لله ، واللي كانت مرحلة ضبابية بالنسبة ليا وخصوصا كوني طبيب امتياز Intern لان المرحلة دي بالنسبة للتجنيد ( انتقالية ) ، لاني كأي طالب جامعي بيتأجل تجنيدي 6 سنوات ( مدة دراستي ) وأول ما اخلص بيرجعوا في إدارة الكلية ياجلوا ليا مرة تانية مدة سنة الامتياز ، فأنا بالنسبة للجوازات ( في سن التجنيد ) زي الطالب ، وفي نفس الوقت المفروض إني دكتور ! المهم ( عشان لو حد مر بموقفي تاني يستفيد ) انا احتجت ورقتين مهمين مش شئون الاطباء في المستشفى الجامعي اللي واخد فيها امتيازي : 1. خطاب موجه لمدير الجوازات يفيد بإني بقضي فترة امتيازي في المستشفي الجامعي دا ، ومختوم بختم النسر وممضي من مدير شئون الاطباء 2. صورة طبق الاصل ( مختومة بختم النسر ) من الموقف من التجنيد اللي موجود في شئون الأطباء ، واللي بيقول في حالتي ( مؤجل تجنيده حتى 31 أغسطس 2013 ) وتاخدهم مع 3 صور بخلفية بيضا مع بطاقة رقم قومي ( ساري ) وتروح مكتب الجوازات اللي انتا تابع ليه والحمد لله جبت الجواز ومكتوبلي فيه الموقف التجنيدي ( في سن التجنيد ) ومكتوبلي الوظيفة Physician ودلوقتي انا لسه داخل في خطوة استخراج التأشيرة و تصريح السفر من التنظيم والإدارة في العباسية ______________________________________ استفساراتي : 1. انا ماعنديش حساب في البنك ، لكن أنا معايا حوالي 15000 جنيه حوشتهم عشان السفرية دي ، ومطلوب في ورق التأشيرة في صفحة سفارة تايلاند على الفيس بوك : Required Documents: 1. A Passport with validity not less than 6 months 2. Two ID photographs (not less than 6 months 3. Return ticket reservations 4. Bank statement to show sufficient funds of at least LE 10,000.- 5. Administration fee for one entry LE 220.- يعني هما مااشترطوش كشف حساب جديد ولا قديم ، المهم يكون معاك مايثبت انك تملك 10.000 جنيه ولما بحثت لقيت في شروط استخراج كشف الحساب من البنك ان يعدي 3 شهور على فتح الحساب ، وانا اصلا عايز أسافر يوم 20 مايو مثلا ! فهعمل ايه في الموضوع دا ؟ انا اعرف حد في فرع البنك الاهلي اللي عندنا وقلتله ممكن تطلعي كشف حساب بعد اسبوع من فتح الحساب قال اه اطلعلك ! بس انا مش عايز افتح حساب في البنك الأهلى ، انا عايز افتح في بنك CIB ولما اتصلت عليهم قالوا لازم 3 شهور ومفيش أقل من كدا فيه حل للموضوع دا ؟ انا قريت على النت عن كشف حساب وهمي ( مااعرفش بيتعمل ازاي ) ، وكمان اعرف واحد زميلي سافر تايلاند وما قدمش كشف حساب أصلا O.O ! انا خايف اقدم من غير كشف حساب واترفض ( كل الناس بتقول تايلاند ما بترفضش حد ، انا مش رايح أمريكا ههههه ) ، بس انا بردو قلقان من الموضوع دا وعايز حل ( كشف حساب ، وتكون الفلوس في بنك CIB ! ) 2. ليه انا عايز في بنك CIB ? عشان النقطة الجاية دي : انا عمري ما اتعاملت مع بنك ، اولا لان عمري ماكان معايا فلوس تستاهل انها تتحط في بنك ، وثانيا لان اسرتي شايفة ان التعامل مع البنوك حرام وربا . فدا وصلني لاني دلوقتي قاعد بلف المواقع اتعلم الفرق بين Credit و Debit وفيزا الانترنت ! المهم اتصلت بالبنوك ، وقولتلهم انا فلوسي كذا ، وعايز انسب Option لحالتي بحيث يبقا معايا كارت اقدر احجز بيه فندق وطيران على النت ، واقدر اسحب بيه من تايلاند من أي ATM . ولقيت في بنك CIB انهم هيعملولي كارت ديبيت وكارت جميل تاني اسمه Thomas Cook ومن الكلام ومن بحثي على النت انا عجبني موضوع التوماس كوك دا ، ولقيت آراء ايجابية كتير عليه فسؤالي هنا ، انا ماشي صح كدا ؟ ولا الاحسن اني يدوب احط 4500 في التوماس كوك دا ( مش محتاج حساب في البنك ) واسيب بقيت الفلوس كاش في جيبي وانا مسافر ؟ كمان موضوع تحويل العملة دا انا ما اعرفش عنه حاجة ( بقولك أبيض مارحتش حتى شرم الشيخ قبل كدا ههههه ) ، يعني المفروض انا دلوقتي اغير الفلوس لدولارات هنا وابقا اغيرها تاني لبات في تايلاند ؟ ولا ينفع احولها لبات هنا في مصر ؟ ولا ينفع احول الجنيه لبات في تايلاند ؟ 3. في متطلبات التأشيرة مكتوب تذكرة طيران ذهاب وعودة ، طب الافضل اني احجز قبل التأشيرة فعلا ؟ ولا اخد التأشيرة ( بحجز طيران وهمي ) من أي مكتب طيران ؟ انا خايف اترفض في التأشيرة ( عارف والله انها اسهل تأشيرة في الدنيا ) او تحصل اي مشكلة في تصريح السفر وبعد كدا ألبس انا في تمن التذكرة ! فإيه رأيكم في الموضوع دا ؟ 4. اهم سؤال واكتر حاجة قلقاني ويارب ألاقي جواب حاسم بناء عن تجربة ، موضوع تصريح السفر ! انا دلوقتي متأجل ليا لغاية 31 أغسطس ، ولو ليا جيش هقدم في يناير 2014 لأني مواليد شهر يوليو فانا عرفت ان ماينفعش يطلعلك تصريح سفر لو لسه ليك اقل من 6 شهور على معاد جيشك ! فأنا بالمعلومات اللي كتبتها فوق دي هينفع اسافر في آخر مايو وأرجع بعد اسبوعين ولا لا ؟ انا اعرف بردو ناس زمايلي سافرت في آخر امتيازها بس كانوا راحين على مؤتمرات مش سياحة ! فالموضوع دا مخليني قلقان ، ومش عارف لو حجزت تذاكر الطيران وماعرفتش اخد تصريح السفر هعمل ايه ؟! 5. انا شفت اسعار التذاكر لقيت تفاوت غريب ومريب ! مصر للطيران فوق الـ 4000 مباشر لبانجكوك والباقي كله ترانزيت بس بردو في حدود 3800 ، 3600 ، 4000 إلا الخطوط القطرية واللي تذكرة الذهاب والعودة من القاهرة بـحوالي 3100 !!!!! فرق شاسع في السعر ، والغريب ان معظم الناس بتقول القطرية أحسن خطوط طيران ! يمكن بيتكلموا على الدرجة الاولي ورجال الاعمال فيها ؟! انا مش عارف وعايز حد يقوللي رأيه في التفاوت الكبير اوي في السعر دا وايه سببه ؟ .... دي كانت أهم الاستفسارات اللي بفكر فيها حاليا ، ولو فيه المزيد هكتبه هنا ان شاء الله وانا حاليا بشوف موضوع كشف الحساب البنكي دا ، وغالبا هشوف مكتب شركة طيران يطلعلي حجز طيران وهمي واروح على السفارة ( فيه ناس قالتلي خد حجز فندق وحاجات كدا ! ) شكرا جزيلا مقدماً لحضراتكم
رجاء المساعدة من المصريين خصوصا ومن خبراء السفر لتايلاند عموماً
قوانين المنتدى