السلام عليكم ورحمة الله وبركاتة
اسعد الله اوقاتكم جميعا
وبارك الله لنا ولكم في هذا الشهر الفضيل وجعلنا من صوامة وقوامة
اخواني انا ضيف عليكم ومحتاج مشورتكم وخبرتكم
حنا 4 شباب واول مرة نسافر اندونيسيا
حجزنا المغادرة عن طريق البحرين بتاريخ 31/7/2016
ترانزيت عن طريق كولومبو سيرلانكا الى جاكرتا بأذن الله
الوصول 1/8/2016 ظهراً
تم اختيار الرحلة لانها تقسم المدة والمسافة لجزئين
سعر التذكرة للفرد الواحد 1820
والان نجي لترتيب الرحلة الي احترنا فية شوي
الفكرة المبدئية كالاتي
2يوم جاكرتا
5يوم بونشاك الجبل
3يوم بالي
4يوم جاكرتا
ممكن نزود يوم في الجبل وننقص يوم في جاكرتا المغادرة
اخواني محتاجين نصايحكم من ناحية
السكن :
جاكرتا وبالي حصلت فنادق حلوة واسعار جيدة بس مشكلتنا محنا عارفين وين المكان الممتاز للسكن او الحي الممتاز
بونشاك الجبل ماحنا عارفين هل نحجز من هنا ولا الافضل اروح الف مع السواق واختار بنفسي لن الصراحة الجبل اهم شي عندنا ونبي شي نظيف
السواق: كيف نختار سواق احترنا السواقين واجد وفي شباب عطونا ارقام سواقين بس وش رايكم ناخذ الرخيص ولا الي مشهود له بالخير
وعطوني رايكم في الجدول والي عندة تعديل الله يجزاة خير
وبسئلكم عن بناندوق هل تنصحون الذهاب لها ولا لا
ومعليش لو كثرت عليكم بس مالي الله الله ثم انتو
بالنسبة للمشيشين ناخذ معنا من هنا ولا نشتري من هناك نخاف انها غالية الشيشش طيب لو بناخذ معنا شيشة ناخذ معسل ولا نشتري من هناك
وهل مسمحوح دخول المعسل اصلا
الفكرة الاساسية من الرحلة المناظر الطبيعية والفعاليات وزيارة المناطق السياحية وودنا قدر الامكان السكن دايم يكون منتصف
بين المناطق السياحية مانبي نتمشور بالسيارة
والله يعطيكم الف الف عافية وشكراً جزيلاً
