أضف مشاركة إلى الموضوع: تقرير سياحي عن امريكا اضخم تقرير عن الاماكن السياحيه
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
رد: تقرير سياحي عن امريكا اضخم تقرير عن الاماكن السياحيه مشكورة أختي على التقرير الجميل و الرائع و إن شاء الله استمتعتوا برحلتكم تحياتي
رد: تقرير سياحي عن امريكا اضخم تقرير عن الاماكن السياحيه
رد: تقرير سياحي عن امريكا اضخم تقرير عن الاماكن السياحيه الحمد لله اليوم خلصت اختبارات النهائيه وان شاء الله تطلع درجات حلوه .. اليوم موضوعنا عن سان فرانسيسكو .. San Francisco رحت سان فرانسيسكو مرتين واعجبتني لانها تجمع الستايل الاوروبي والامريكي .. الجو فيها بارد لانها على جبل و حتى بالصيف من ابرد المدن الي زرتها .. طبعا مهوب موت برد برد تلبس جكيت يكفي .. في الموضوع هذا بكتب عن اهم الاشياء الي لازم تشوفها .. 1 Golden Gate Bridge www.goldengatebridge.org المدينه مشهوره بالجسر هذا و اول ما تشوفه في اي مكان تعرف سان فرانسيسكوو بس الغريبه اسمه البوابه الذهبيه ولونه احمر الجسر عليه رسوم ولكن لمن تكونون اكثر من واحد بالسياره يصير ببلاش و ما ادري هالنظام للحين موجود او لا. 2 Alcatraz Island www.nps.gov/alcatraz جزيره عباره عن سجن و مشهوره وفي فلم عن السجن هذا الحين صار ت زي المتحف الدخول للجزيره مجانا ولكن الرسوم على القارب الي راح ينقلكم لها. انصحكم تحجزون التذاكر بدري لانها دايم زحمه مرتين رحت لسان فرانسيسكو ولا رحت لها لان التذاكر تخلص بدري. موقع حجز التذاكر عن طريق الانترنت .. www.alcatrazcruises.com 3 Union Square www.unionsquareshop.com ساحه فيها كافي شوب و محلات ماركات و دبارتمنت ستور وتقريبا في النص جنبك كل شي 4 Pier 39 www.pier39.com مرسى فيه مطاعم ومحلات و في ناس تسوي عروض مثل مهرجين و على جنب في اسود البحر .. 5 Fisherman's Wharf www.fishermanswharf.org جنب pier 39 عباره عن شارع وفي محلات تبيع سمك ومطاعم و اذكر كان في مخبر مميز و يسوي اشكال حلوه من الخبر و تقدرون تسولفون من الخبار عن طريق مايك بينكم وبينه .. المخبر اسمه Boudin Sourdough Bakery & Cafe www.boudinbakery.com/at-the-wharf وفي فنادق بالمنطقه هذي ولكن انا افضل السكن يكون قريب من اليونيو سكوير. وفي متحف شمع انا شخصيا ما دخلته.. www.waxmuseum.com وفي بعد Ripley's Believe It Or Not! أنا شخصيا ما يعجنبي ولا افكر ادخله لانه خرابيط. صحيح كنت اشوف برنامجهم بس ما افكر ادخل متحفهم. 6 Ghirardelli Square www.ghirardellisq.com فيه محل شوكليت وكافي وايس كريم المكان يعتبر شوي تاريخي .. www.ghirardelli.com 7 Aquatic Park بحر بس بارد ومع ذلك في ناس تسبح هو قريب من الاماكن الي ذكرتها ما فيها شي مميز. 8 Chinatown https://web.archive.org/web/20121119...inatown.com%2F أكبر شاينا تاون خارج اسيا. هالصينيين ما خلوا مكان ما راحوا له .. 9 Lombard st من احلى الشوارع وانا نازلين الوالده كانت خايف داريه ان سواقي الله بالخير بصفه عامه السواقه في سان فرانسيسكو غير ويبي لها سياره الفرامل فيها زينه لانه طلعات ونزلات ..انا صار لي موقف كنت ابي ارجع للفندق و النفيجيشن ورداني من طريق طلعه حاده كنت انا واهلي على اعصابهم خايف السياره تدحدر على الوراي مشكله ملحم فينا. 10 Coit Tower برج فوق جبل الحلو فيه موقعه لان من الجبل تقدرون تشوفون سان فرانسيسكو 11 Ferry Building Marketplace Ferry Building Marketplace مجمع فيه قهاوي ومطاعم و جلسات على البحر و حلو للي يبي يصور مع الجسر الي يربط بين سان فرانسيسكو و اوكلاند 12 Westfield San Francisco Centre www.westfield.com/sanfrancisco مجمع تجاري كبير وفيه كل شي تبون وقريب من اليونين سكوير المنطقه هذي اصلا كلها تجاريه 13 Embarcadero Center www.embarcaderocenter.com مليت من كثر ما اعيد محلات ومطاعم مجمع تجاري 14 Market St. شارع رئيسي في الداون تاون وفيه فنادق و محلات و يودي الى جهه البحر 15 San Francisco Zoo www.sfzoo.org حديقة حيوانات برضوا ما رحت لها. 16 Cable Car www.sfcablecar.com سعر التذكره 3 دولار للكبار وتدفع كاش او تشتري ذكره ليوم كامل ب9 دولار وتقدر تستخدم الباص بعد. وفي تذاكر لمده 3 ايام و اسبوع. Go Car للي ما يحب يمشي كثير يستاجر له سياره و يتمشى فيها يعطونكم خريطه سعر الاجار 44 دولار اول ساعه ثانيه ساعه ب 34 دولار واي ساعه اضافيه ب 24 دولار 18 Ocean Beach البحر عادي جدا وبرد و مهوب زحمه اذا كان عندكم وقت تمشوا فيه. 19 little Italy و بعضهم يسمونها North Beach حلوه بالليل واكثر المطاعم و القهاوي موجوده على شارع كولومبس Columbus Street __________ في حدايق مثل Japanese Tea Garden و Golden Gate Park ومتاحف بس لاني ما احب هالاشياء ما كتبت عنها. الاشياء الي ما احبها لا ترحون لها ___________ في اشياء تقدر تزورها خلال زيارتك لسان فرانسيكيو في بعد ما تعدون القولدن قيت في حدايق طبيعيه اذكرت رحت لوحده منها بس ناسي اسمها. وزرت قريه حلوه اسمها 20 Sausalito www.sausalito.org هذي صوره منها وطالعه عماير سان فرانسيكيو هي عباره عن شارع واحد تجاري فيه محلات و قهاوي و مطاعم و الشارع هذا على البحر. 21 Six Flags Discovery Kingdom www.sixflags.com%2Fdiscoverykingdom انا رحت سكس فلاج حقت لوس انجلوس بس هذي فيها حيوانات وعروض لهم. ________ تقريبا هذي الاشياء الي اعرفها بالنسبه للجو مثل ما ذكرت انها بارده شوي حتى بالصيف. المواقف غاليه نسبيا و المواصلات العامه ممتازه خصوصا لمن تكون بوسط المدينه. في مدن صغيره جنوبها يكون فيها مجمعات تجاريه بس الواحد بيمل من الاسواق هناك خصوصا ان نفس المحلات تتكرر في كل مجمع. المطارات في 3 مطارات قريبه منها اهما مطار سان فرانسيكيو ومطار اوكلاند ومطار سان جوس San jose بس يعتبر بعيد شوي. المدينه يكفيها 4 ايام. ان شاء الله يعجبكم الموضوع و اسف مره ثانيه لاني تأخرت علشان كان عندي اختبارات.. كل الصور من الانترنت ...
رد: 2007 شقراوي في امريكا Usa المشاركة الأصلية كتبت بواسطة Zeelamsee مشاهدة المشاركة ياليت اخ شقراوي تفيدني مشكور بالكليات اللي الاقي تخصصي عندها لاني تعبت ادور وكل اللي راسلتهم ماحصلت عندهم ماعندي مشكله بالولايه المهم القى تخصصي لاني ودي بامريكا ومابي بريطانيا..... associate degree managment information system في موقع ممتاز https://www.collegeboard.org/ ادخل على for Student ولمن تفتح الصفحه تلاقي مربع مكتوب عليه Find a College اضغط على College Search و لمن تفتح الصفحه افي مربع مكتوب عليه College MatchMaker اضغط على start here و تبدا الخطوات الموجوده راح تلاقي منها سنتين و التخصص الي تبيه .. لو واجهتك مشاكل ارسلي خاص او اكتب هنا وانا اساعدك.
رد: 2007 شقراوي في امريكا Usa
رد: 2007 شقراوي في امريكا Usa لاس فيجاس ... Sin City مدينه الخطيئة تعتبر المدينه ضغيره نسبيا على شهرتها واهم منطقتين فيها الستريب و الدوان تاون. سمعت من اكثر من واحد في امريكا يقولون لاس فيجاس ما تنفع للعوايل لانها كازينوات قمار. انا اشوف انها مكان حلو ويستاهل الزياره و اهلي انبسطوا فيه وكانوا حريصين انهم يزورنها والحمد لله اعجبتهم. the Strip "Las Vegas Blvd" هذا اهم شارع في لاس فيجاس و لمن تمشي فيه تحس انه في لاس فيجاس الي تشوفها في الافلام والبرامج ولو تطلع منه تحس نفسك في الرياض صحرا و مباني قصيره و الجو حار. على الشارع هذا فيه اهم الفنادق و فيه بعض الفنادق يكون فيها مجمعات تجارية او محلات راح اذكر اهمها واحلى اول شي. 1 Bellagio www.bellagio.com من احلى الفنادق موقعها بالنص و فخامه. Via Bellagio في مجموعه محلات ماركات مثل شانيل و ديور وفيندي. https://www.bellagio.com/en/amenities/shopping.html Fountains of Bellagio عرض نوافير مره حلو ويخلون المويه ترقص على الموسيقى. http://www.bellagio.com/amenities/fo...-bellagio.aspx Botanical Gardens حديقة موجوده داخل الفندق جنب اللوبي كل مره احلى من الي قبلها. لانهم يغيرون الحديقه على حسب المناسبه ايام الهالويين كانوا حاطين قرع و لمن الاستقلال حاطين اعلام امريكيه. حلوه بس لا تنسون الكاميرا. www.bellagio.com/amenities/botanical-garden.aspx Lobby في اللوبي راح تشوفون راح تشوفون سقف حلو وهذي صوره له "O" Cirque du Soleil في العروض المشهوره في لاس فيجاس و سعر التذاكر تبدا من 99 دولار الى 150 دولار http://www.cirquedusoleil.com/Cirque...-Las-Vegas.htm 2 The Venetian The Palazzo هذا الفندق عباره عن 3 ابراج و اجددها هو "The Palazzo" توه مفتوح السنه هذي 2008 العام بالصيف كانوا يشتغلون فيه و الفندق هذا تميمز في: THE GRAND CANAL SHOPPES http://www.thegrandcanalshoppes.com/ مجمع تجاري في قناه مائيه و قوارب جندولا و فيه مطاعم ايطاليه و في ساحات يكون فيها مرات عروض و عزف موسيقى و بنفس الوقت في شخصيات تتمشى لابسين ملابس تنكريه ما ادري وش يسمونها. BLUE MAN GROUP www.blueman.com عرض لثلاث رجال يعزفون موسيقى و يستهبلون و يخلون العالم تستلج. صاحبي دخله يمدحه. و العرض موجود في اكثر من مدينه امريكيه. نيويورك - بوسطن - اولاندو - شيكاجو. والي يبي ياخذ فكره عنده لهم فيديو في اليو تيوب YouTube Madame Tussauds www.mtvegas.com معرض الشمع المعروف انا بعد حق لندن ما ابي ادخل اي متحف لهم لاني اعتقد حق لندن احلى واحد ولا ابي ادخل واكره المتحف. The Phantom of the Opera www.phantomlasvegas.com عرض موسيقى مسرحي ما ادري عن تفاصيله لان هالنوع من العروض ما تعجبني 3 Wynn www.wynnlasvegas.com من الفنادق الي احس انه نظيف ورايق في مجموعه محلات تجاريه ماركات مثل شانيل و ديور وكارتير www.wynnlasvegas.com 4 Caesars Palace https://www.caesars.com/caesars-palace هذا الفندق يذكرني في ايطاليا .. خصوصا النوافير و احلى ما فيه المجمع حقه: The Forum Shops http://www.simon.com/mall مجمع تجاري حلو فيه نوافير وحركات واكثر من 160 محل 5 The Mirage www.mirage.com الفندق بصراحه نظيف واللوبي مرتب وفي مطاعم خصوصا المعطم الي احبخ كاليفورينا شيكين بيتزا وفي محلات بس قليله و في عرض للنمر الابيض وعرض دالافين. www.mirage.com/attractions 6 Paris www.ParisLasVegas.com من اسمه باريس اكيد بيكون على طراز فرنسي الحلو في جلسات ومطاعم على الستريب كانك في الشانز وفي مجموعه محلات وبالنسبه لبرج ايفيل تقدرون تطلعونه وفيه مطعم التذاكر تنباع في محل الهدايا. 7 Planet Hollywood www.planethollywoodresort.com هذا الفندق اسمه يعتبر جديد ولكن هو اساسا بدال فندق علاء الدين. غيروا الديكورات وكل شي فيه و السوق حقه كبير وفي محلات اسعارها معقوله شوي مهوب كلها ماركات اسم المجمع Miracle Mile Shops www.miraclemileshopslv.com 8 Mandalay Bay www.mandalaybay.com توني ادري ان مسبحهم كبير زي كذا في محلات و جسر للفندق الي جنبه 9 Luxor www.luxor.com هالفندق ما ارتحت له واحسه كتمه يمكن ما تهويه زينه او اضاءته تعبانه. الحين بحط اسماء الفنادق الباقيه بعضها عادي بس مدام انكم وصلتوا الى فيجاس انصحكم تشوفونها. 10 New York-New York www.nynyhotelcasino.com 11 Monte Carlo www.montecarlo.com هالفندق صار فيه حريقة بسيطه كم فتره. 12 Excalibur www.excalibur.com فندق كانه حج بزران "يهال بالكويتي" لو ما عندكم وقت لا تضيعون وقتهكم فيه. 13 MGM Grand www.mgmgrand.com 14 Treasure Island www.treasureisland.com في عرض بيسيط يسونه في الباخره الي قدام الفندق 15 Stratosphere www.stratospherehotel.com هذا فندق و برج و فيه العاب ما قصر صاحبه حط كل شي فيه افضل وقت للبرج قبل الغروب علشان تشوفون فيجاس في النهار والليل. هذي اهم الفنادق الموجوده على الستريب فيه الفور سيزن بس ما رحت له على الستريب. وفي فندق هيلتون داخل شوي. في مجمع تجاري كبير اسمه 16 Fashion Show Mall www.thefashionshow.com وفي لاس فيجاس مجمعين اوت لايت 17 Las Vegas Outlet Center www.premiumoutlets.com 18 Las Vegas Premium Outlets http://www.premiumoutlets.com/outlets/ في واحد ثالث على طريق كاليفورينا 19 Fashion Outlets of Las Vegas www.fashionoutletlasvegas.com المواصلات .. اذا جيت بالطياره تقدر تاخذ تاكسي للمطار وتتمشى على رجولك او عن طريق تكاسي لان الاماكن قريبه من بعض و بنفس الوقت في قطار يوصل بعض الفنادق .. Las Vegas Monorail www.lvmonorail.com واذا كان مع سياره الحلو ان المواقف مجانيه لو انت وقفتها بنفسك طبعا الاكل في مطاعم فاست فود في الستريب ومطاعم الفنادق وفي فنادق مشهوره بالبوفيه حقها مثل باريس و بلانت هوليوود و يمديكم تسالون عنهم طبعا سعر الغدا ارخص من سعر العشاء. و بعض البوفيهات يكون فيها طوابير بس تمشي بسرعه. لاس فيجاس من المدن الحلوه والواحد يشتاق يرجع لها لان فيها اشياء كثيره يمكن انه يشوفها اما عروض او فنادق من احلى العروض الموجود في لاس فيجاس تبع Cirque du Soleil http://www.cirquedusoleil.com/Cirque...-Las-Vegas.htm بس انتبهوا ان بعض العروض للكبار فقط وممنوع دخول الاطفال.. وفي عروض لسحره مشهورين تكون موجوده في لاس فيجاس. مثل David Copperfield الي حاب يسوي بحث عن عرض معين الموقع هذا يعطيك اوقات و اماكن العروض.. www.vegas.com/shows ونصيحه اذا كنت ناوي تدخل احد العروض المشهوره لازم تحجز من بدري لانها تمتلي بسرعه واما العروض الي ما يكون عليها زحمه يمكن تلاقي اسعار مخفضه في احد المحلات الي تبي التذاكر في الستريب اذكر واحد قبال نيويوك نيويورك من الجهه الثاني جنب محل ام اند اميز و في محل ثاني في مجمع فاشن شو مول ومهوب شرط تلاقي العرض الي تبيه في المحلات هذي. Downtown داون تاون لاس فيجاس سيء جدا ولا فيه شي يستاهل الزياره عباره عن فنادق قديمه جدا و مجموعه من كبار السن الظاهر انهم جوا لفيجس و خسروا فلوسهم وتوهقوا :112: وكذا خلصنا اهم شي في مدينه لاس فيجاس بس باقي رحلات الى مناطق جنبها واهمها زيارة Grand Canyon www.nps.gov/archive/grca/grandcanyon انا رحت جراند كانين مع الشباب لحالنا من سان ديقو الى جراند كانيو كانت الرحله تقريبا 8 الى 9 ساعات بالسياره وقمنا الصبح على الشرطه سوينا ازعاج او ما صولنا تعبانيين الساعه 2 الفجر و علشان نحط الخيام. ان شاء الله بحاول اجيب الصور واكتب عنها موضوع مستقل وفي رحلات من لاس فيجاس للي يحب يركب دبابات و باجي هذا موقع في رحلات بس ما ادري هل في مواقع ثانيه او لا www.alllasvegastours.com ان شاء الله يعجبكم و حاولت اني اوضح اهم الاشياء الي في لاس فيجاس ..
رد: 2007 شقراوي في امريكا Usa ابشر بكتب عن المدن الي اخترتها و راح ابدا في سان ديقو لاني سكنت فيها 11 شهر العام وكانت تجربه حلوة San Diego راح اقسم سان ديقو لكذا جز واتكلم عن كل واحد. 1 Downtown وسط المدينه في منطقه في الدوان تاون اسمها Gaslamp Quarter www.gaslamp.org هذي احلى جزء في الداون تاون فيها محلات ومطاعم و سينما. حلوه بالنهار ولكن بالليل احلى لمن الناس تطلع تتمشى وتتعشى في المطاعم "امريكيه مثل فرايدز - هارد روك و في ايراني وهندي وغيره انصحكم تدخلون الموقع " و يكون في حركه وبصفه عامه الوضع امان. الموقع الي فوق فيه اسماء المحلات والمطاعم الموجوده فيها. اهم الشوارع 5th 4th بين شارع باردواي و ماركت ستريت Westfield Now Open Na Hoku مجمع حليو فيه تشكيله من المحلات و مطاعم و سينما و بنفس الوقت فيه مواقف يعني ما راح تعانون من مشكله المواقف و تقدرون توقفون فيها و تتمشون في الداون تاون. little Italy www.littleitalysd.com عباره عن شارع هادي وفيه مطاعم ايطاليه هادي نسبيا و مرات يكون في معارض حلوه المباني الي فيه رايقه والوانها حلوه. ومن الجهه الثانيه على البحر مكان احبه كثير واحب اتمشى فيه Seaport Village سيبورد فيلج من احد الاماكن الي احبها فيها ممشى على البحر و مطاعم و محلات و العاب للاطفال ومنها تقدر تشوف جزيره راح اتكلم عنها في الرد هذا و تشوف القاعده البحرية وسان ديقو معروفه بان فيها اكبر قاعده بحريه في امريكا. و بما اني جبت طاري البحريه في معرض و كافي في احد البواخر العسكريه بس ناسي اسمها تلقونها على البحر "يا زين الوصف" وفي رحلات بقوارب صغيره وفي خلال فتره من السنه يطلعون رحلات علشان يشوفون الحيتان. كذا تقريبا خلصت اهم الاشياء الي الموجوده في الداون تاون ومقابلها في جزيره 2 Coronado island www.coronadovisitorcenter.com جزيره صغيره متصله مع سان ديقو بجسر المنظر منه حلو خصوصا لمن تشوف الداون تاون و لمن توصل الجزيره اهم شارع فيها Orange ave فيه مطاعم و كافي شوب واهم اشهر شي في الجزيره هذي فندق Hotel del Coronado San Diego Resorts, California Hotels On The Beach & CA Coast Vacations - Hotel Del Coronado فندق قديم و لكن مشهور و فيه قسم جديد زي الشاليهات و الفندق يطل على البحر. وعلى البحر في ممشى حلو 3 Balboa Park Balboa Park اكبر حديقه في سان ديقو وفيها مجموعه من المتاحف و على ما اعتقد انه يوم الثلاثاء الدخول مجاني ناسي والله. 4 حديقة الحيوانات San Diego Zoo www.sandiegozoo.org كم اشهر حدايق الحيوانات في امريكا ما رحت لها مليت من الحيوانات 5 Wild Animal Park www.sandiegozoo.org/wap/index.htm هذي بارك ثانيه تابعه لحديقه الحيوانات ولكن تبعد حوالي 35 مايل شمال. 6 Sea World https://www.seaworld.com ملاهي وفيها عروض لحيوانات بحريه مناسبه لكل الاعمار 7 Old Town www.oldtownsandiegoguide.com منطقه تاريخيه فيها مباني قديمه و مطاعم ومحلات و الي اعرفه ان بعض المباني مبنيه وقت الاستعمار الاسباني. 8 Mission bay park منطقه رايقه فيه جزر و اماكن خضره للمشي والي يحب يجلس و الظاهر فيها شوي وجبنها من جهه المحيط Mission Beach شاطي حلو خصوصا وقت الربيع فيه ملاهي صغيره و ممشى على البحر وبعض المحلات الصغيره و تقدر تستاجر لوح و تسوي سيرفج على الامواج بس تراها لعبه صعبه جدا ومتعبه 9 Pacific Beach http://www.pacificbeach.org/ شاطي على نفس امتداد الي قبله و يكثر فيه الي يركبون الامواج :surf 10 La Jolla تنطق لاهويا اول ما جيت كنت اقولها غلط La Jolla - Home من ارقى الاحيا الي في سان ديقو و البيوت الي فيها غاليه. في حديقه تطل على المحيط اسمها Ellen Scripps browning park و في شارع فيه كافي شوب ومحلات و مطاعم اسمه prospect st وفي اجار كياك Kayak و تدخل في الكهوف الموجوده www.lajollakayak.com Mount Soledad www.soledadmemorial.com هذا جبل في منطقه لا هويا فيه صليب كبير والي يميز المكان هذا انه مرتفع حوالي طوله 800 قدم و تقدر تشوف سان ديقو و المكسيك و المحيط. حلو وقت الغروب 11 Sunset Cliffs شارع على المحيط ولكن مرتفع فوق جبال صخريه اكثر زواره يحبون يجون يشوفون غروب الشمس. 12 Fashion Valley Mall https://www.simon.com/search/%20fashion%20valley%20mall 13 Mission Valley Mall Westfield Connect with Westfield مجمع ثاني اصغر من الفاشن وفيه سينما و مجموعه مطاعم بس بعضها في منطقة المواقف او في الجزه الثانيه. احلى مجمع في سان ديقو ومثل غيرها المجمع مفتوح ومهوب مكيف وفيه سينما. 14 Las Americas Premium Outlets http://www.premiumoutlets.com/outlet/las-americas 15 El cajon الكاهون مدينه صغيره قريبه من سان ديقو " في شارع نفس الاسم في سان ديقو"فيها جاليه عربيه خصوصا من العراق وفيها مطعم اسمه علي بابا مشهور بالمشوي. عنوانه: 421 E Main St (between Avocado Ave & Ballantyne St) El Cajon, CA 92020 (619) 442-3622 المطعم عادي مهوب فخم * تقريبا هذا اهم شي موجود في سان ديقو والي اذكرها ___________________ المواصلات السياره مهمه جدا في سان ديقو لان المواصلات العامه فيها اقل ما عاديه وتاخذ وقت لين يجي الباص. ___________________ السكن احلى فندق في سان ديقو هو الحياه ماريوت في فنادق في الدوان تاون بس تختلف مستواها وسعرها في مجموعه فنادق جنب بعض في منطقه اسمها Circle Hotel وان شاء الله بكتب عن لاس فيجاس المره الجايه * الصور من الانترنت * المواقع الي حطيتها تراها حلوه وفيها تفاصيل اكثر عن المكان اتمنى اي مكان يعجبكم تقرون عنه اكثر
رد: 2007 شقراوي في امريكا Usa اليوم بتكتب عن مدينه نيويورك New York City المطارات مدينه نيويروك فيها مطارين الاول : LaGuardia Airport مطار صغير نسبيا بالنسبة للمطار الثاني الثاني : John F Kennedy International JFK هذا المطار الي توصله الرحلات الجايه من الشرق الاوسط المطار كبير بس ان شاء الله ما تتعبون فيه اول شي طبعا الجوازت و بالنسبة للذكور من بعض الدول العربيه الاجراءات تطول شوي. وبعدين الشنط وفي الاخير الجمارك. بالنسبه للانتقال من المطار الى وسط المدينه وخصوصا منهاتن في تقريبا 5 طرق 1- تاكسي : السعر ثابت الى منهاتن وهو 45 دولار بالاضافه لرسوم الجسور و الانفاق الي يستخدمها التاكسي و في العاده يدفعون له بخشيش. 2 - استجار سيارة: في محموعه كبيره من شركات اجار السياره و اما تلاقي مكتب للشركه او تلفون و في باصات تنقل الى مكاتب السياره. طبعا انا ما افضل الواحد يستاجر سياره اذا كان بيجلس في نيويورك. 3- القطار: في قطار في المطار يودي الى محطات تابعه لشبكه subway. تقريبا سعرها 7 دولار بس انا ما انصح فيها اذا كان معك شنطه كبيره او عائله لانها متعبه جدا جدا. 4- الباصات: في باصات تبع المواصلات العامه نفس الشي متعبه شوي تنزل وتغير باص و يعتمد على مكان سكنك. 5- shuttle فان: هذي الخدمه حلوه لمن تكون لحالك عباره عن فان يستقبلك و يودك الفندق و تقدر تحجزها قبل الوصول وفي شركات كثيره بس انا اعرف شركه وحده موجوده في اكثر من مدينه امريكيه. https://www.supershuttle.com ألسكن بالنسبه للسكن انا انصح الواحد يسكن في منهاتن لان هي قلب نيويورك وفيها اغلب الاشياء المهمه الي المفروض الواحد يسكنها و كل ما كان السكن قريب من التايمز سكوير يصير احسن. بعض الفنادق في منطقه التايمز سكوير: W New York Times Square Westin New York Times Square Hilton Times Square New York Marriott Marquis Times Square هذا اللنك لموقع الياهو وفي خريطه تفاعليه و تقدر تحدد المنطقه الي تحب تسكن فيها و تشوف الفنادق و تختار الي يناسبك. https://www.yahoo.com/style/tagged/travel أهم الاشياء الواحد لازم يشوفها او يزورها 1- التايمز سكوير www.timessquarenyc.org فيه مجموعه كبيره من المطاعم والفنادق و محلات تجاريه ومسارح وسينما ودايم زحمه و خصوصا في الليل حلو الواحد يتمشى فيه و يتعشى او يتغدى فيه. من الاماكن الي احبه اروح لها بستمرار. 2- تمثال الحرية www.nps.gov/stli التمثال في جزيره وتقدر تروح لها عن طريق قارب سعر التذكره للكبار 12 دولار و الصغار 5 دولار وهذي رسوم القارب فقط لان الدخول الى الجزيره مجانا. 3- Empire State www.esbnyc.com على ما اعتقد انها اطول عماره في نيويورك و افضل وقت انك تزورها لمن تكون السما صافيه لانه يختلف متى الرؤيه من يوم للثاني على حسب الجو. اسعار التذاكر من19 دولار للكبار الى 13 للاطفال وتقدر تحجز وتطبع التذاكر عن طريق الانترنت مع خلال موقهم. ,والحلو ان الاوان الاضاءه في اعلى المبنى مرات تعبر عن مناسبة معينه. و احتفلوا في احد اعياد المسلمين ونورها باللون الاخضر لمده ثلاث ايام. 4- central park www.centralpark.com حديقة رايق في وسط مدينه زحمه حلوه للي يبي يروق ويتمشى وفيها بحيرات و حديقة حيوانات صغيره وفي احد الاركان ناس تاجر حناطير للي يحب تمشى فيها 5- المسارح في مجموعه من المسرحيات تنعرض في نيويورك انا شخصيا ما قد رحت لها ولكن الي يحب هذا النوع من الفن بيلاقي مجموعه من اهمها. Mamma Mia! The Lion King Rent والي يحب تفاصيل عن المسرحيات يقدر تشيك على الموقع www.broadway.com/index.aspx 6- عروض تلفزيونية في برامج كوميديه وغيرها يصورونها في نيويورك ويمكن هذه فرصه انت تحضر تسجيل احد هالبرنامج و خصوصا لو انت من محبين برامج "التوك شو " الحواريه من اهم هالبرامج واتمنى اني احضر تسجيل حلقه له Conan O Brien The Daily Show with John Stewart The Late Show With David Letterman اذا كنت ناوي تحضر ادخل على موقع البرنامج وتلاقي تفاصيل التذاكر وكلها مجانيه بس لازم تحجز وتكلمهم من بدري 7- Wall St بتقولون وش فيه بقولكم ما فيه شي للسياحه بس انا شخصيا احب اشوف الاشياء المهمه في المدين رحت وشفت المباني الي دايم نشوفها بالتلفزيون سوق الاسهم الامريكيه والبورصة. ليش لا ما تشوفها اذا وصلت للنيويورك. 8- المتاحف مدينه كبيره مثل نيويورك فيها مجموعه من المتاحف متحف فن متحف مواصلات متحف بروكلين وغيرها ولكن اهمها Metropolitan Museum of Art http://www.metmuseum.org/ Guggenheim Museum www.guggenheim.org 9- شاينا تاون china town ماشاء الله اكثر شعب في العالم وماخذين نصيهم في نيويورك في منطقه في منهاتن كلها صينيين ومحلاتهم وبنوكم. 10- little Italy www.littleitalynyc.com شارع فيه مجموعه من المطاعم الايطاليه وقريب من الشاينا تاون 11- جسر بروكلين لمحبين المشي جا دوركم تقدر تمشي من منهاتن الى بروكلين عن طريق الجسر هذا بس انتبهوا المسافه طويله شوي. 12- South Street Seaport http://www.southstreetseaport.com انا بصراحه ما رحت له للحين بس لمن شفت موقعهم و بعض الصور وان فيه مطاعم ومحلات تجاريه ان شاء الله اروح له في اقرب فرصه. 13- Union Square من الاماكن الي احب اتمشى فيها فيه مجموعه من محلات و سينما و مكتبه و كافي شوب وفي محل ديزل للي يحبهز هذي الاماكن الي اذكرها الحين و الحلو في منهاتن ان المشي فيها حلو و كل مره تكتشف شي جديد او مطعم او كافي. التسوق من اهم شوارع العالم بالتسوق 5th Avenue فيه مجموعه كبيره من الماركات و حلو تبدا من الشمال بدايه من محل apple 34th & Broadway فيه مجموعه من المحلات ومن اشهرها ميسس Manhattan Mall مجمع منهاتن قريب من الشارعين الي ذكرتها قبله Columbus Circle www.shopsatcolumbuscircle.com مجمع للي يحب الماركات جنب السنترال بارك Woodbury Common Premium Outlets ويبعد عن مدينه نيويورك ساعه ونص مجمع الاوت ليت وفيه تقريبا 198 محل على كلام الموقع و الحلو ما يحتاج يكون معك سياره لان في باصات تمشي من منهاتن للسوق. انا رحت له بالسياره و سويت بحث لقيت ان سعر التذكره 15 دولار روحه و15 دولار رجعه عن طريق الشركه هذي يمكن في شركات ثانيه. التنقل والمواصلات الي يمزين نيويورك عن مدن كثيره ان فيها مواصلات تعتبر جيده جدا في الباصات و القطارات الصب واي و التاكسي. الارخص هي المواصلات العامه و تقدر تاخذ تذكره ليوم واحد بسبع دولار ونص وتركب فيها الباصات والصب واي. في الموقع تفاصيل اكثر و في خدمه حلوه اسمها ترب بلانر تحط المكان الي انت فيه و المكان الي تبي توصله وهو يعيطيك ارقام القطارات او الباصات www.mta.info المطاعم في مطاعم كثيره ومن كل مكان في اكل ايطالي وهندي و لبناني و صيني و مكسيكي وحتى اليمني فيه وصعب اني احدد اسماء وفي مجموعه حلوه في التايم سكوير خصوصا المطاعم العالميه مثل فرايدز وابل بيز و هارد رك كافي و بلانت هوليوود و اولف قاردن. في مطعم عربي في بروكليين له شعبيه كبيره خصوصا للعرب الي يزرون نيويورك اسمه اليمن السعيد وفي جنبه مطعم حضرموت. والطريقه الي استخدمها لمن ابي اجرب مطعم جديد اني اقرا تعليقات الناس عليه في موقع سيتي سيرش newyork.citysearch.com بالنسبه لرحلتي مع اهلي بالصيف كان تقريبا 5 ايام واعتقد انها تكفي رحنا اكثر الاماكن الي ذكرتها و كان السكن في التايم سكوير ارتحنا كثير فيه لان كل شي قريب من جنبنا و الحلو انه صادف احتفال امريكا بيوم الاستقلال الي يصادف 4 جولاي وكان في العاب ناريه بس الجو كان وقتها مطر خرب علينا شوي ان شاء الله اني غطيت اكثر الاشياء المهمه في نيويورك واي احد عنده زياده او في شي كتبته غلط يصححه و ان شاء الله المدينه الثانيه بوسطن
تقرير سياحي عن امريكا اضخم تقرير عن الاماكن السياحيه السلام عليكم ورحمه الله وبركاته الموضوع هذا متاخر كثير بس لعيون المنتدى راح اكتب على رحلتي في امريكا صيف 2007 أول شي يشب راح اعطيكم خط سير رحلتي انا واهلي في امريكا. 1- مدينة نيويورك New York City, NY 2- بوسطن Boston, MA 3-اتلانتك سيتي Atlantic City, NJ 4 , واشنطن دي سي Washington, District of Columbia 5هيرشي Hershey, PA 6- عصفور باليد Bird in Hand, PA 7- ميرثل بيتش Myrtle Beach, SC 8-اورلاندو Orlando, FL 9- تامبا Tampa, FL 10- ميامي Miami, FL 11- كي وست Key West, FL 12- سياتل Seattle, WA 13- بورتلاند Portland, OR 14 - سان فرنسيكيو San Francisco, CA 15- لوس انجلوس Los Angeles, CA 16- لاس فيجاس Las Vegas, NV 17- سان ديقو San Diego, CA ان شاء الله راح اكتب عن كل مدينه زرتها بس للاسف ما عندي صور شخصيه للرحله هذي بس راح استعير من الصور الموجوده في الانترنت مده الرحله كانت تقريبا 45 يوم ان شاء الله راح اتكلم عن كل شي اذكره بس الاسعار ما اذكرها و اصلا الاسعار في امريكا خصوصا تختلف بين اليوم والثاني يعتمد على اليوم الي تبي تسكن فيه وعلى الزحمه و على الشهر.
تقرير سياحي عن امريكا اضخم تقرير عن الاماكن السياحيه
قوانين المنتدى