الرد على الموضوع

أضف مشاركة إلى الموضوع: رحلتي الشتويه إلى (النمسا - ألمانيا) بشهر أكتوبر 2012 - حياكم :)

رسائلك

اضغط هنا للدخول

ماهي عاصمة السعودية ؟

 

يمكنك إختيار أيقونة لرسالتك من هذه القائمة

الخيارات الإضافية

  • سيتم تحويلها www.example.com إلى [URL]http://www.example.com[/URL].

تقييم الموضوع

يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.

عرض العنوان (الأحدث أولاً)

  • 06-26-2017, 03:38 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    بسم الله الرحمن الرحيم

    ولكم باك مره ثانيه بعد وقفه دامت شهرين تقريباً للتجهيز لرحلتي الصيفيه والسفر لمدة 3 اسابيع..

    ومبارك عليكم آخر يوم من شهر رمضان 29


    نستكمل آخر محطه في التقرير وهي

    ميونخ

    راح أحط رابط في البوابه الألمانيه للجزء اللي قبل هالجزئيه فيه قارمش
    وهذي الجزئيه ان شاء الله..

    من 25 أكتوبر إلى 27 , 2012م

    كنا قادمين من قارمش بعد قضاء 3 ليالي فيها

    ووجهة القارمن مباااشره إلى حديقة الحيوان في ميونخ قبل الوصول لسنتر ميونخ واستلام الغرفه في الفندق..

    لان بهذا اليوم المفروض اسلم السياره ليورب كار الساعه 5 عصراً


    وصلنا لحديقة الحيوان الساعه 1 تقريبا..


    Munich Zoo










    وأول ما دخلنا واجهتنا هالبحيره والمنظر الخريفي العجيب













    وأول نفس حيواني قابلنا














    الخريف البارد الملون






    بعدها خلاص ما فيه مزززح

    استقبلنا هالذيـــــب










    استعراض صقور بهدوء




    صقورهم غير.. ماشافوا اللي عندنا






    والكنغر ماخلاني اصوره عدل من كثر ما ينط نط





    فيل.. للي ما يعرفه










    وفيه أكواريم صغير بالحديقه..
    نزلنا نشوفه










    يسالفون








    تعد السمك




    الطاووس من دخلنا وهو رابض, نبغي نشوفه ونشوف ريشه




    زرافه








    حمار وحش




    بطاريق




    ثور وانتوا بكرامه






    وهذا انسان ترى ربي يكرمه عن الحيوانات
    بس ليش يجرونه في عربه اغرااض






    وأخييييييرا قام بو طاسه





    وتعدى الحاجز خلاص راح الحيا




    بس رفض ينفش ريشه بسبب البرد










    وهذا مصفحة الحديد على قولتهم وحيد القرن,, بغينا نشوف هالقرن بس




    خيب الظن وفشلنا, ماعنده قرن
    طلع من جد وحيــــد




    إلى هنا كافي عن الحديقه... إللي يبغي يزورها احسن



    بعدها كملنا إلى سنتر ميونخ..
    سكنا بفندق عادي جدا وصغير نوعا ما..
    ما يميزه بينه وبين يورب كار 100 متر..

    وصلنا تقريبا 4 ونص
    سويت شيك ان ونزلت الاغراض
    ثم رحت وقفت السياره بكراج يورب كار..
    ولما رحت اعطيه المفاتيح.. تذكرررررت ان ماعبيتها بنزين فل
    كنت مفولها قبل يوم تقريبا ونقص تقريبا ربع..

    قلت له , قال يفضل انك تعبيها علشان لا يخصم من المبلغ المحجوز عندنا قيمة البنزين وغرامه..
    قلت لا يبه عطني المفتاح.. اخذت السياره كانت بكراج تحت الارض ممكن 3 دور تحت..
    رحت عبيتها تقريبا بـ 20 يورو ورجعت سلمتها.. قلت له غسلت السياره من 3 ايام بس رجعت الاوصاخ من المطر.. قال اساسا مايحتاج تغسلها

    كانت اجراءات تسليم السياره بسيطه, ولا حتى شاف السياره ولا طلبت منه اخلاء طرف..
    يوم ثاني الصباح رجع لي كامل المبلغ المحجوز..



    اليوم التالي

    26 اكتوبر 2012

    سنتر ميونخ


    طلعنا سنتر ميونخ في الصباح
    وكانت الاجواءغائمه والجو جميل..
    لاحظنا فيه بعض الخليجيين بالسنتر





    كانت المدينه صاخبه بعض الشيء




    قابلنا هالمليحين يعزفووون




    وهذا مره يعزف ومره يستعبط بحركات غريبه بوجهه





    وهنا اشتددد الحماس وقعد يعزف لدرجة انه غمض ويمكن بعدها ما فتح






    مشينا, وشفت هالذهبي, توه بيبدأ دوام الطراره عنده وصورته




    الاخ انتبـــــه لي



    وسوا نفسه متفاااااااااجىء
    ويينك بو مريم من زمان ما شفناك هع




    وقعد لنا حبتين وحبتين علشان بس قرشين



    وملاحق على الحبتين,, عطيناه المقسوم,, ومشينا






    اليوم التالي 27 أكتوبر يوم العوده للوطن..

    بكذا الحمدلله انتهى التقرير

    وألف شكر لكل من علق او مجرد تابع
    وان شا الله ماقصرنا في الرد على الاستفسارات..

    وأي استفسار عن هذا الجزء او بقية الاجزاء, انا في الخدمه..

    ودعوه لكم بعد ايام حسب الفضاوه
    في البوابه السويسريه
    راح انزل التقرير لرحلتي العائليه في يونيو - يوليو 2013م

    مع خالص تحياتي وتقديري لكم

    وكل عام وأتنم بخير



  • 06-26-2017, 03:35 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    المشاركة الأصلية كتبت بواسطة JoRe-0
    الله الله على هالتقرير...اول ماشفت اكتوبر 2012 دخلت على طول
    لاأن تخطينا ان شاء الله لنمسـا بأكتوبر
    وكيف تجربتك باأكتوبر مع البروده !؟
    *ومره استفدت اشياء
    لاااكن تخوفت من مشكلة التنقل ..لااان اعتمادنا الكلي والأولي راح يكون باصات او تاكسي ..فامادري انت وش رايكَ !
    والمصروف اليوم لو قلت انو 500 ريال تكفي (4 كبآر)
    والسفره الاولى الى اوربا (ومتعوده على أسياء تاكسي بكل حتة)

    وحمدالله على سلامتكمَ
    والله يحفظ ريومة
    يسلمو الاخت جوري على المتابعه,

    نعم الجو في اكتوبر بروده معقوله واجواء حلوه, ولابد تصادف ايام فيه مطر, خلال رحلتي بس في سالزبورغ نزل مطر لمدة يوم متقطع
    لذلك ماقدرنا ننزل مضبوط عند البحيرات, عدا ذلك الجو مره تمام مع البلوفر ..
    ترى خانقتني العبره
    توني جاي من رحلتي الاوروبيه لكذا دوله, نهاية يونيو إلى 12 يوليو
    أبداً ماعجبني الجو بهالتوقيت, لكن اضطريت اسافر للعمل
    ممكن بس انترلاكن بسويسرا الجو كان براد, اما ميلان وباريس .. ماااش خصوصا للي تعود سافر كذا مره بخريف اوروبا..
    توكلوا على الله بس اهم شي الملابس الوسط..

    بالنسبه للنمسا صراحه يفضل سياره بجد متعه, هالكلام بعد ماتطلعون من فيينا,
    لان سالزبورغ وزيلامسي مناطق ريفيه..
    بس ممكن ظروفكم ماتسمح سياره, راح تكون رحلاتكم وطلعاتكم بالباصات..
    مثلا بزيلامسي كل باص عليه رقم معين يودي وجهه معينه ويتوفر باص كل نصف ساعه
    اظن فيه موضوع بالمنتدى خاص لهذا الغرض, فيه ارقام الباصات..

    مصروف 500 ريال .. 100 يورو باليوم لأربع اشخاص, ممكن تكفيكم لمطعم
    لكن بتحتاجون لبعض المناشط مثلا القمه الثلجيه والزحليقه وو ..

    ان شاء الله يفيدك التقرير,
    اي استفسار حاضرين

    تحياتي
  • 06-26-2017, 03:34 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    المشاركة الأصلية كتبت بواسطة فــيـصـل
    4 ليالي لكابرون حتي بالصيف تشوفها كافيه
    لا بد للبنت وقت مخصص
    افا يعني الاحد لا يكون وقت زيارتك لكابرون

    هل هذا ثلج



    ورطه يا شيخ ههههههههههههه بس حلوه متفهم

    انسبروك يومين فقط

    توقعت انبسروك طبيعه اكثر من مزدحمه
    يا أهلا اخي العزيز فيصــل,

    كابرون حتى لو صادف احد الايام يوم أحد, ما فيه مشكله يكون راحه مو لازم فيه مخطط معين
    حتى لو كم فره بالسياره على القرى اللي حوالين كابرون وزيلامسي, وانصح بقرية فووش منطقه ترد الرووح ..

    بالنسبه لإنسبروك, ممكن تكون فيها مناطق ريفيه, لكن أنا رحت لسنترها مباااشره, وتسوقنا وتغدينا ثم رحت لمكتب السياح واعطوني بروشور بالمناشط السياحيه , تستاهل يومين,,

    تحياتي لك ولمتااااابعتك
  • 06-26-2017, 03:32 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    وصلنا قارمش بالليل حول 7 ونص
    وصراحه منطقه قارمش اول ماتدخل بتحس لها طابع خااص فيها
    شكل البيوت والرسم عليها وزخرفتها واسواقها,
    للاسف وصلنا لها وقت الظلام..

    وقبل لا نروح الفندق كنا ميتيين جوع, إتجهنا مباشره لمطعم إيطالي اسمه
    كولوسيوم (colosseum)
    موجود في الجي بي سي ,
    معطم على مستووووى









    بعدها توجهنا للفندق

    http://www.booking.com/hotel/de/hote...%3D&aid=358324 2

    Best Western Hotel Obermühle
    اربع نجوم
    اقيمه 9/10
    سعره 1670 ريال للفتره من
    22 أكتوبر إلى 25 أكتوبر
    الفندق حلوو ونظيف ومريح
    وقريب من السنتر



    حصل موقف طريف في بهو الفندق وانا جالس اعبي استمارة التشيك ان

    بنتي الله يحفظها وقتها كانت تحبي, حيطناها على الارض تحبي وجلسنا , انا اعبي الاستماره..
    فجأه جا رجال كبيير وقف جنب بنتي يطاالع فيها ويتبسم,,
    وعن مزح قلنا لها, اضربيه
    على أساس انه مايفهم..

    فجأه قالي .. ليش تضربني ايش عملت انا
    عاد لقط وووجهك ههههه

    قعد يسولف
    قال انا سعودي بس عندي جنسيه كنديه وعايش بكندا,,
    جاي قارمش زياره لأحد اقاربه , وساكن بهذا الفندق..

    وما شا الله كان بشوووش واعطاني معلومات كثيره عن المنطقه والمطاااعم




    قارمش سنترها حلو, وفيه بحيره قريبه منها 4 كيلو تقريبا بحيرة إبيسي
    وقريب منها مناطق حلووه
    مثل منطقة فيوشن 50 كيلون غرب قارمش..
    فيوشن اللي فيها القلعه الكبيره..
    ومنطقه شوانغو بعد فيوشن بشوويه..

    هالقريتين مارحت لهم لضيق الوقت, لان اول يوم راح نصه بقرية برتساو
    وثاني يوم خليناه لسنتر قارمش

    ريحنا من مشوار الطريق

    اليوم اللي بعده
    23 اكتوبر 2012
    طلعنا نتمشى بسنتر قارمش















    سنتر قااارمش , والاجوا كانت غيووم طول ايام قارمش
    درجة الحراره حول 13-14 درجه



    الطراره الرومانسيه



    أغلب بيوت قارمش بهذا الشكل



    تسوقنا اشويه



    ثم رحنا لهذا المطعم الهندي
    مطعم أكرم, مكتوب عليه بالانجليزي والعربي
    كان يديره مسلم بنقالي,
    من نصيحة صاحبنا السعودي



    بعد الغدا, اتجهنا بالسياره إلى بحيرة إبيسي
    لكن للاسف كان الجو مضبب ما استفدنا مضبوط


























    رجعنا مره ثانيه لسنتر قارمش تمشينا, وتعشينا..
    ورجعنا للفندق


    اليوم التالي
    24 أكتوبر 2012
    العزم نتجه لإنسبروك في النمسا
    المسافه حول 60 كيلو




    وصلنا إنسبروك
    مدينه صاخبه بعض الشي,
    طلعنا من طابع القرى الريفيه إلى مدينه
    مزدحمه بعض الشي, بس منطقه جدا حلوه
    وتستاهل السكن فيها يومين





    تمشينا بالسنتر والجو جمييل
    وأخيرا تغدينا في مطعم نورد سي
    Nord See
    المشهووور في النمسا
    مؤكولات بحريه,
    كنا بنتغدا فيه بفيينا او سالزبورغ لكن ماحصل,








    سألنا مكتب خدمات السياح
    بعض المعلومات عن معرض سوارفيسكي المشهور في انسبروك
    المسافه كانت حول 20 كيلو,
    اتجهنا له, على اساس نخلص منه ثم نطلع لقارمش






    وصلنا لمصنع او معرض سوارفسكي
    الدخول للشخص بـ 11 يورو
    اترككم مع الصور




























































    طلعنا من المعرض واشترينا بعض الاغراض والهدايا

    واخذنا طريق العوده لقارمش..

    لاحظ الصوره, بعد ماتعدين انسبروك, نااازله تحت.. الطريق متعب اشوي كله مرتفعات..






    وانتهينا اليوم بعد المغادره من
    كابرون
    وزياره لقرية برتساو
    والوصول لقارمش
    وزياره لانسبروك


    وألف شكر للمتابعه,,
    وجاهز لأي استفسار..


    الجزء القادم

    مغادرة قارمش
    الوصول إلى ميونخ
    واول الوصول الذهاب لحديقة الحيوان كبيره جدا
    أظن اسمها سفاري اذا ماخاب ظني..

    تحياتي للجميع
  • 06-26-2017, 03:31 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)



    22 أكتوبر 2012
    الذهاب إلى قارمش الألمانيه

    وليعذرني المشرفين راح اكتب عن قارمش هنا, ثم راح احط رابط في البوابه الألمانيه
    لان الذهاب إلى قارمش كان قبلها المرور على قرية برتساو النمساويه
    وبعد الوصول لقارمش, اليوم التالي زرنا انسبروك النمساويه,
    يعني دولتين متداخلتين مع بعض


    خرجنا في الصباح الباكر من كابرون, متجهين لقرية برتساو قبل الذهاب لمكان الاقامه في قارمش
    لانها على الطريق كما هو موضح ادناه:



    بين كابرون وقرية برتساو تقريبا 197 كيلو
    وبين برتساو وقارمش 67 كيلو تقريبا..

    لذلك قررت امر برتساو اول علشان لا ارجع لبرتساو مره ثانيه وانا في قارمش

    برتساو للي مايعرفها,
    هي قريه صغيره وحلوووه غرب النمسا, قريبه من الحدود الالمانيه
    عجبتني لما قرأت عنها في التقارير..
    فيها بحيره اسمها (أخين Achensee)



    ومسكنا الخط صباحا كان الجو صحوو
    درجة الحراره حول 17 درجة







    الطريق توووحفه









    مرينا من بين القرى





    والطرق الزراعيه المختصره



    واترككم مع الطريق












    مكتوب في اللوحه (أخين) سيييده


    واخييراً وصلنا مشارف القريه



    المواقف متوفره



    نزلنا وتمشينا في القريه, ناس هاااديه وفي حالها
    وصلنا مكتب معلومات السياح, واخذت فكره عن البلد والبحيره


    غنمهم غييير



    وصلنا البحيره
    حجزت 3 تكيت
    الوحده بـ 5 يورو اتوقع

    ياخذ جوله ويوقف في 3 محطات حوالين قرية برتساو, للي حاب ينزل يتمشى بأي محطه يوقف ويحتفظ بالتيكت معاه..



    صعدنا السفينه












    ما نزلنا في المحطات , جلسنا نشوف المناظر والاجواء العجييبه واحنا بالسفينه


    دخلنا كافيه السفينه نتقهوى




    وبعد ماوصلنا لمحطتنا, نزلنا , قررنا نتجه للتلفريك
    وكانت الساعه حول 4 وثلث, حاولنا نلحق قبل لا يسكر..



    وهذي للمعلوميه عمرها 11 سنه
    للعلم يا فيــصل







    ولحقنا على التلفريك



    بحيرة أخين واحنا فووق الجبل












    فوق الجبل , العاب للاطفال







    كان فيه مطعم لكن كان مسكر,
    جلسنا حول 20 دقيقه وبدأ ينادوون, لازم ننزل قبل الغروب..


    نزلنا تمشينا في القريه







    وقبل المغرب شدينا العزم متجهين قاااارمش الألمانيه

    قارمش منطقه مرتفعه, طول الطريق كأننا نصعد على جبل بالتدريج,
    كنا نشوف المدن النمساويه من بعييد من فوق الجباال

    وفجأه واحنا نصعد طلعت لنا الغيووم


    يتبــع

  • 06-26-2017, 03:30 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)


    السلام عليكم
    نستكمل المتبقي من كابرون

    الجزء الماضي كان قمة كابرون وقرية هشتات

    وبالمناسبه, رغم حلاوة الجو في اكتوبر في زيلامسي وكابرون مع البروده المعقوله,
    إلا إن مثل ما قالوا الاخوان ان النشاطات تقل بدءً من 15 اكتوبر بعضها تقفل..
    واحنا وصلنا في 16 أكتوبر, لحقنا على بعض المناشط
    شلالات كريميل
    مثل قمة كابرون
    ويوم لهشتات

    لذلك بالنسبه لوقت رحلتنا كانت 6 ليالي لكابرون كثيره..
    4 ليال اشوفها كافيه..

    20 أكتوبر 2012م
    اليوم تكمله كابرون والمغادره إلى قارمش مرورا بقرية (برتساو) النمساوية لمدة نصف يوم


    طلعنا حول الساعه 10 صباحاً, كنا مقررين نروح قرية سالفدين للزحليقه الصيفية
    تقريبا 20 كيلو شمال كابرون

    لكن بعد الاستعلام من موقع قرية سالفدين, اتضح انها من 15 اكتوبر مقفله
    لكن الزحليقه اللي بكابرون مفتووحه, فتوجهنا لها..




    طلعنا من الطريق المختصر المعتاد









    المسافه للزحليقه حول 3 دقايق..

    وهذي الزحليقه








    على أساس اني كنت بركب بنتي معاي بالزحليقه, لان يكون فيها مقعدين,
    لكن التعليمات تمنع لأقل من 3 سنوات

    وفعلا لاحظت لما جربتها ان صعب يكون معاك طفل بهالعمر, يعني لا احد يغامر
    أنا قرأت بالتقارير السابقه فيه اعضاء ركبوا معاهم ابنائهم في عمر سنتين وسنتين ونصف

    لذلك خلينا مريم تلعب هنا



    وتوجهنا للزحليقه
    أظن بـ 9,5 يورو للشخص



    بصراحه ممتعه جدداً,
    وانصح بتجرربتها,
    ومسافتها طويله, لكن يمدحون اكثر اللي بسالفدين






    بعد الزحليقه طلعنا لزيلامسي, نتمشى حوالين البحيره,
    واخذنا لها كم صوره..





























    فندق قراند على اليسار












    طلعنا متجهين لمطعم بسمتي الهندي اللي الكل أشار له في التقارير












    اكله كان خفيف وحلو, لكن اظل اقول بعد تجربتي تقريبا لـ 3 مطاعم هنديه النمسا والمانيا
    كتنوع وطعم مو احلى من شيزان وكوبر شندني عندنا




    وبعد الغدا توجهنا للماركت اخذنا بعض الشغلات, وبالليل تقهوينا بكافيه مطعم Zuchinni
    اللي تكلمنا عنه سابقا..

    ورجعنا للبيت للتخطيط ليوم غد...




    آخر يوم في كابرون
    21 اكتوبر 2012
    صادف يوم احد, كل شي ميت , مافيه شي..
    قلنا ناخذها راحه ونتمشى بالسياره بين القرى القريبه من زيلامسي..
    تذكرت منطقه قرأت عنها بالمنتدى أسمها قرية Fusch
    قلنا نسير عليها




    الطريق عجيييب



    خضره على ثلوج خفيفه



    وصلنا القريه حلووه وهااااديه, ومناسبه للسكن
    تبعد عن زيلامسي حول 12 كيلو
    نزلت لمكتب معلومات السياح
    شفت إن عندهم مثل حديقة الحيوان صغيره مع العاب اطفال بنفس القريه..
    اخذت الوصف , قلنا يلا نخلي هاليوم لمريوم, ماعندنا شي


    وصلنا للحديقه
    Wildpark
    وايلدبارك فيلترين
    بسيطه جدا , مناسبه للاطفال


































    وجات هالاوروبيان تلعب مع بنتي







    بنتي مو فاهمه شسالفه هع

























    وجه البومه



    خلق وفرق







    يا شيخ!!



    الدنيا ما تسوى !!



    قطو هالكبر



    وطلعنا من الحديقه, وتمشينا في قرية زيلر فوش
    ثم اتجهنا للشقه للترتيب والتجهيز لمغادرة كابرون اليوم التالي إلى قارمش..


    يتبع
  • 06-26-2017, 03:27 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    المشاركة الأصلية كتبت بواسطة محبوبتي لندن
    ماشاءالله تبارك الرحمن

    السلام عليكم ورحمة الله وبركاته ..


    أنا خلال الثلاث السنين الماضيات .. كنت أتزود فقط ببريطانيا .. من معلومات وصور وأرقام وأسعار وأماكن وإلخ ..


    وزرتها ولله الحمد مرتين ..


    وفعلاً خلال تجربتي للسفر لها .. و"تسلحي"-إن صح التعبير- بالمعلومات التي اكتسبتها من هذا المنتدى المبارك .. قررت أن أعتمد على الله ثم على هذا المنتدى الجميل .. ومن الاعضاء المباركين


    والعالم كله بأمكاني معرفة أي معلومه عن أي دوله ..
    ولكن قررت البدء بحسناء أوروبا .. النمسا
    وبدايتي الحقيقيه والجادة .. هي من خلال تقريرك أخي الكريم أبو مريم ..


    فحبيت أشكرك .. وجزاك الله خير على التفصيل الجميل الذي نود أن تكثر منه ..


    وعندي كم استفسار كوني جديد على النمسا )


    -1 أنا ابزور زيلامسي وفيننا وميونخ وإن تيسرت أنترلاكن .. أنا أبروح رحلة شبابية .. وأبي أستخدم القطارات والمترو فقط .. هل ينفع هذا ولا لازم استأجر سيارة ؟!؟!
    للعلم الرحلة يمكن 14 يوم ..
    2- النمسا في شهر 8 اغسطس مخضرة ؟؟ يعني مزارعها خضر ؟؟ ولا تكون صفراء كونها بالصيف ؟!
    3- شاب ما يبي الا يتغدا ويتعشى ويركب رحله باليوم فقط .. كم مصروفه اليومي ؟؟
    4-كيف يكون حجزنا بالطيران .. عرفت الذهاب نهبط لفيننا .. والرجعه كيف ؟؟
    5-ماهي أقرب منطقة لميلانو ؟؟ من المدن المذكورة ؟؟ ((فيننا زيلامسي ميونخ ويمكن انترلاكن))
    6-كيف يكون أفضل توزيع للأيام ؟؟ بالحالات التالية :
    -فيننا-زيلامسي-ميونخ-انترلاكن
    أو
    فيننا-ميلانو-زيلامسي-ميونخ أو أنترلاكن




    وآسف جداً على الإطاله .. وترى عاذرك اذا تأخرت بالرد وبإنتظار بقية كابرون ..








    محبك في الله : أحمد
    أهلا بك يا السمي,

    إن شاء الله عجبك التقرير وتستفيد منه,

    وإن شاء الله اقدر افيدك ولو بشيء بسيط..

    1 أنا ابزور زيلامسي وفيننا وميونخ وإن تيسرت أنترلاكن .. أنا أبروح رحلة شبابية .. وأبي أستخدم القطارات والمترو فقط .. هل ينفع هذا ولا لازم استأجر سيارة ؟!؟!
    للعلم الرحلة يمكن 14 يوم ..

    المخطط بالعاده للي بيروح النمسا والمانيا يكون كالتالي
    الوصول لفيينا --- زيلامسي --- ميونخ .. ومن ميونخ المغادره للوطن
    والغالب يضيف سالزبورغ قبل زيلامسي لان في قريه المانيه (فريلاسينق) قريبه جدا من سالزبورغ مسافة 7 كيلو, السياح يستأجرون السياره منها
    ثم يسلمونها في ميونخ, يعني الاستلام والتسليم بألمانيا علشان تتفادى ضريبة التسليم بدوله اخرى

    إنترلاكن من بينهم بعيده بعض الشي..
    من زيلامسي لانترلاكن حول 530 كيلو
    وبعدها مشوار من انترلاكن لميونخ..

    بما ان لك رغبه في ميلان,
    يفضل تخلي مكان الوصول لميلان
    يعني ميلان -- ميونخ -- زيلامسي -- فيينا
    بين ميلان وميونخ 490 كيلو تقريبا وتفضل بالقطار.. ثم من ميونخ لزيلامسي بالقطار المسافه بسيطه حول 160 كيلو
    وبمجرد توصل زيلامسي تستأجر سياره لان زيلامسي حولها اماكن كثير لازم سياره, ولانها منطقه ريفيه مافيها مواصلات مثل ميلان وميونخ وفيينا..
    ولما تخلص من زيلامسي تطلع بالسياره لفيينا, المسافه حول 400 كيلو , وتسلم السياره هناك اول ماتوصل ماراح تحتاجها..
    هالرحله بيصير فيها قطارات لو كان مايزعجكم هالشي خصوصا انكم شباب مو عوايل اظن اهوون..

    بس السياره جدا مهمه وامور حجزها والقياده سهل جدا وممتع..

    لكن لو بتضحي بانترلاكن وميلان..
    يصير كالجدول المعتاد,
    فيينا, زيلامسي , ميونخ..
    وطبعا زيلامسي بتروح اماكن كثيره حواليها
    وميونخ اماكن حواليها.. يعني مو محصور للثلاث المناطق اللي كتبتها لك..

    2- النمسا في شهر 8 اغسطس مخضرة ؟؟ يعني مزارعها خضر ؟؟ ولا تكون صفراء كونها بالصيف ؟!

    في اغسطس موسم الصيف, خضااار وطبيعه.. والجو حول في الاماكن الريفيه
    بفيينا وميونخ بيكون الجو دافي بس حلوو..

    3- شاب ما يبي الا يتغدا ويتعشى ويركب رحله باليوم فقط .. كم مصروفه اليومي ؟؟

    انا لما اسافر مع المدام,
    الغدا يكلف من 30 إلى 35 يورو
    العشى نفس الشي,
    يكلفك من 15 إلى 20 يورو للوجبه

    يعني لو تطلع باليوم وفي جيبك 70 إلى 100 يورو يكون تمام, وايام اقل..


    4-كيف يكون حجزنا بالطيران .. عرفت الذهاب نهبط لفيننا .. والرجعه كيف ؟؟

    الذهاب للفيينا,,, والمغادره من ميونخ
    ولو حاب من ميلان,,
    الوصول لميلان, والمغادره من فيينا

    الخطوط شوف الاماراتيه
    القطريه
    الهولنديه,
    واختار اللي يناسبك.

    5-ماهي أقرب منطقة لميلانو ؟؟ من المدن المذكورة ؟؟ ((فيننا زيلامسي ميونخ ويمكن انترلاكن))

    بين ميلان وانترلاكن حول 260 كيلو

    6-كيف يكون أفضل توزيع للأيام ؟؟ بالحالات التالية :
    -فيننا-زيلامسي-ميونخ-انترلاكن
    أو
    فيننا-ميلانو-زيلامسي-ميونخ أو أنترلاكن


    الاول اضبط, لكن مثل ماقلت لك انترلاكن بعيده بتكون,
    لكن شوف كونكم شباب وما تتوقع في تعب عليكم للمسافه ولو بتدخل سالزبورغ علشان تاخذ السياره من فريلاسينق, ممكن لما توصل لزيلامسي وتقعد فيها مثلا 4 ايام بعدها تطلع من زيلامسي لإنترلاكن 500 كيلو واشوي
    ومن انترلاكن لميونخ وتسلم السياره هناك..
    بس متعب الوضع كذا..

    الخلاصه ممكن لو تخلي الرحله
    فيينا - سالزبورغ - زيلامسي - ميونخ
    كبداية افضل, وجدااا متعه خصوص هالمناطق بينها مناطق تزورها يوم وترجع..

    وبعد عمرا طويل خذ لك رحله ثانيه تكون فيها ايطاليا وانترلاكن,,

    انا عندي رحله ان شا الله بعد شهر من الان مخططها كالتالي,,

    الوصول لميلان .. ثم 3 ايام فينيسا وبرجع مره ثانيه لميلان
    ومن ميلان إلى اقرب منطقه سويسريه وهي لوقانو 70 كيلو..
    من لوقانو ايجار سياره والتوجه لإنترلاكن
    ومن انترلاكن لجنيف ومن جنيف لباريس ثم العوده للوطن واشبببع ليالي بالدمام هع

    إن شا الله افدتك اشويه, وكثف البحث علشان تستقر على مخطط معين..

    تحياتي لك
  • 06-26-2017, 03:23 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    تكملة الجزء الأخير من قرية هشتات

    نزلنا نتمشى للبحث عن مطعم





    شفنا هالمطعم الايطااالي








    طلبنا .. وصلينا هنا




    بيتزا




    باسـتا




    بعد الغدا الجمييل
    طلعنا نتمشى متجهين للسياره..

    والجابانييز حاضرين بكثررره في النمسا



    في الختام..
    لا تفوووتون هشتات,
    البعض يتكاسل يطلع 80 كيلو من سالزبورغ ويخصص لها يوم كامل..
    انا لاحظت في قسم الاستفسارات شخص يستفسر هل تستحق هشتات السكن فيها ..

    هي تستحق طبعا لكن السكن بسالزبورغ افضل وتكون سالزبورغ نقطة انطلاااقه للمناشط اللي حواليها ومنا هشتات, بينما هشتات بعيد عنها المناشط,
    وفعلا فيه قريب جنبها قريه نسيت اسمها والله, فيها زحليقه صيفيه من افضل الزحليقااااات في النمسا, لكن للاسف في اكتوبر ماكانت شغاله حسب مالاحظت في موقعهم..


    انتهت جزئية اليوم, وان شا الله قريب تكملت باقي الايام في كابرون..


    وهنا بعض الورود هديه للمتابعين من قرية هشتااات









    ورد بالطماط





















    لقطه خاااااااااطفه





    لقطه أأأأأأأأخطف



    والف شكر للمتابعه مقدما,
    واي استفسار, أنا حاضر,,

    تحياااتي
  • 06-26-2017, 03:23 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)



    اليوم التالي
    19 أكتوبر 2012
    التوجه إلى هشتات..

    هشتات, قريه صغيره ما تتفوت
    خضره وجو وبحيره ترد الروووح
    بيوتها الملونه فوق المرتفعات
    بيوت يفتحها اصحابها محلات لبيع الهدايا والذكريات..

    الذهاب لها من سالزبورغ افضل, المسافه حول 80 كيلو
    لكن مثل ماقلت اول, ان وقتنا كان ضيق في سالزبورغ
    فصار العزم نطلع لها من كابرون , المسافه حول 127 كيلو
    لكن تستاااهل العنوه..


    جلسنا صباحا حول 9
    الجو كان صحوو ودرجة الحراره حول 17 درجه
    وشي مضبوووط

    مسكنا الطريق الجميل الختصر اللي يطلع من كابرون
    اللي بيروح كابرون اتوقع لازم بياخذ هالطريق للدخول والخروج من كابرون




    هذا المكان اللي كان فيه صيانه اول



    وعلى هالجو الرايق, مسكنا طريق هشتات السريع
    الطريق خيااااااال
    مروراً بالقرى (والهجر)




    لاحظو الجبال هناااك







    سبحان الله



    هذي الجبال فيها الصخور الرخااااميه ..
    منظرها ابداااع





    وهنا, شفت حااجه رجعت لي ذكريااات



    واقررررب




    سوبااارو أمبريزا
    هذا سيارتي في بلدي العزيز
    تلفت نظري لأن في الشرقيه اتوقع مافي احد غيري عنده مثلها
    لذلك تخنقني العبررره لما اشوفها




    وكمل الطريق بين المتنفس والخضااااار





    ما تنلاااامون, تسدح وتبطططح



    وش عليييك بس





    وخلااااص عن الدلع مسكنا الخط بسررررعه




    وخلصنا من الخضاااااار الربيعيه..

    ودخلنا إلى الجهه الخريفييييييه الملووونه








    وهنـا النفق اللي يدخل على هشتات..
    عندي ملاحـظه مهمه..
    هذا النفق تكلموا عنه كثيير بالتقارير
    انا هنا بوضح النقطه اللي كانوا يتكلمون عنها بس مدعمه بصوووره اخس يا الجغرااافيا

    الكل كان يقول قبل ماتدخل هالنفق, بتشوف مواقف طوليه على الجنب اليمين واليسار,
    وقف فيها للحظات وصوور, بيكون على اليسار بحيررة هشتات , منظر بديييع من فوق للتصوير..
    هذي الملاحظه الاولى,

    الملاحظه الثانيه والاهم..
    لاحظوا مدخل النفق, اللي بتدخل فيه السياره..

    فيه مدخل مواقف بين النفق وبين المفرق اللي على اليسااار
    هذا المدخل للمواقف كانوا اغلب الاعضاء حاطين احداثياته كمواقف لقرية هشتات

    جيت بدخلها, كالعاده مفروض يكون فيه جهاز تضغط زر وتسحب ورقه للدخول
    وقفت عنده وقعدت اضغط وارفس في الزر ماطلع شي..
    شافني واحد من اعيال ديرتهم هع
    قالي هذا الموقف صار مخصص لسكان هشتات,
    تحتاج بطاقه خاصه تمررها على الجهاز للدخول.. ويا السيياح ترى سويتوا لنا زحمه
    اخر جمله تأليف من عندي




    طقيت ريووس, ودخلت من النفق
    كملت إلى ان صارت قريت هشتات بالوجه..
    وكان فيه لافتهه توضح فيه عدة مواقف مواقف ومرقمه




    اتجهت للمواقف رقم 1, ويا كثر المواقف... طبعا برسوم كالمعتاد




    والله ما ألومك صراحه, لو تقعد على تريله مو سياره على هالجووو





    وهذا مدخل القريه من عند البحيره





    نفس الشي هذي مواقف القريه يدخل لها اهل القريه فقط






    تمشينا من بداااية القريه,










    محلاتهم الصغيره




    البحيره الرااايقه











    يا زين هالبيت اللي فوووق



    قررنا ناخذ لنا بووت ناخذ فيه لفه على البحيره










    على بركة الله
    إستأجرنا البووت وكان فيه نوعين
    واحد قوة مكينته 500
    والثاني 750

    المهم ان الثاني اسرع, ومبلغ الايجار رمممزي جدا..
    ساعه بـ 15 يورو


    ركبنا البوت على بركة الله
    معاكم القبطان أبو مريم




    يا الربان ارفعو العلــم



    قادرنا المرسى, كانت النيه نتجه لذييك القلعه البعييده



    بدينا نبتعد عن الديره










    مريم تأشر تقول يلا على وشك نوووصل القلعه متحمممسه





    اشوي اللي مر علينا هالمليح, قال دور ربعك بس, املاااك خاااصه




    قالت لي مريم, بترجع في كلامك يعني ؟؟



    قلت لها بنشوف وجهه ثانيه,, ورمت القبعه وبررطمت وزعلت




    خذينا كم لفه واستمتعنا بالمناظر,,

    وبعد 45 دقيقه قررنا نرجع تضورنا جووعاً..





    قربنا للمرسى


    الاخ اللي يأجر البوت ذمه
    اخذ منا بس 10 يورو... قال ما كملتوا ساعه

    يتبـــــع

  • 06-26-2017, 03:22 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)



    بسم الله الرحمن الرحيم

    شكر لكل من تابع وعقب على الاجزاء الماضيه

    نستكمل التقرير في كابرون

    كابرون
    18 أكتوبر 2012

    مخطط اليوم .. الذهاب إلى قمة كابرون الثلجيه (التفلريك)
    اليوم التالي : الذهاب إلى قرية النقاهه والجمااال هشتاااات


    نبدأ على بركة الله

    جلسنا صباحا وافطرنا في الشقه
    وبما ان اليوم العزم بس لقمة كابرون ومافيه مناشط بعدها
    طلعنا بعد صلاة الظهر تقريبا

    قمة كابرون للي ماعنده فكره عنها,
    هي قمه ارتفاعها حول 3000 متر (3 كيلو)
    والصعود لها بالتلفريك على 3 مراحل
    توقف في كل مرحله لتبديل التلفريك
    وفي كل مرحله مطاعم ومحلات تأجير أدوات التزلج

    كان الجو صحو ودرجة الحراره حول 16 درجه




    المسافه قريبه حول 5 كيلو
    وعلى نفس الطريق موجوده الزحليقه الصيفيه بكابرون





    يا الله صباح خيير.. ميبس الظهر من الثلج





    وهنا قربنا لمركز التلفريك



    قطعنا ثلاث تذاكر وهي على شكل بطاقات
    وأظن قيمة صعود المرحله الوحدة 11 يورو
    الصعود لثلاث مراحل بـ 33 يورو
    والبطاقه لما ترجعها وانت خارج من التلفريك يرجعون 2 يورو , تأمين لقيمة البطاقه

    أخذت ثلاث بطاقات بـ 99 يورو
    ولما رجعتها , رجعو لي 6 يورو




    على بركة الله, ركبنا التلفريك الاول



    أول ماوصلنا الدور الاول, اقصد المرحله الاولى
    رحنا لمحل استئجار ادوات التزلج..
    الشي الضروووري اللي لازم تاخذه, هو حذاء الثلج
    مناسب للمشي على الثلج البااارد وضد الرطوبه وماتغرز هع

    البعض يستأجر جاكيت خاص, لكن ماله داعي ان كان عندك جاكيت,
    والبعض يستأجر ادوات التزلج..



    أخذنا الأحذيه



    تقايس بهذي المسطره إللي على جنب, والموظف يجيب الحذاء المناسب, كان فيه شخص ماشاء الله عليه, رااايق ونفسيه طيبه .. مثلي هع




    وهنا ربعنا الخليجيين المضحيين في فلوسهم للذكرى ...
    ماخلصنا سالفة الاقفال بسالزبورغ جات الدراهم



    وهنا في المرحله الأولى بعد ماطلعنا من محل التأجير,
    لاحظو الثلج حتى في المرحله الاولى,
    لأني قرأت في التقارير ناس تشكي ان في بعض اوقات السفر حتى في المرحله الثالثه مافيه الا ثلج بسيط وحصى ..

    هنا ماشاء الله من المرحله الاولى الثلج حااضر





    وهذا التلفريك يصعد للمرحله الثانيه,
    وقبل لا نركب كان فيه لافته مكتوبه بخط اليد بالانجليزي والعربي بعد
    ان هذا النوع من التلفريك مخصص للمتزلجين فقط,
    وفيه تلفريك الجهه الثانيه نفس التلفريك اللي ركبناه اول
    بس جينا بنركب وعادي ماتكلم المسؤول



    تجي توقف قدامه, ويحملك وينزل عليك الحديد للحمايه




    وعلى فكره, النظاره الشمسيه مهمـــه جدا هنا
    لان الثلج عاكس قووي لأشعة الشمس
    وعلى تعس حظي نظارتي نسيته في الرحله الشاااقه بشلالات كريميل
    نسيتها بسيارة التاكسي المليح اللي نزلنا من فوق الجبل..



    وهذا المتزلج يطالع فينا كأنه يقول وش ركبكم على التلفريك هذا



    قالت له مريم دور ربعك بس



    ووصلنا الدور الثاني




    وخذ هنا الثلج على أصووله







    جاك المحترفييين





    يا وووولد



    وهذا التلفريك اللي يصعد للمرحله الثاالثه
    عباره عن غرفه تشيل حول 20 شخص,
    فما تصعد اي وقت, لازم تجمع عدد معين



    تجمع عدد معين وصعدنا التلفريك
    وهنا تبين بالخلف قرية كابرون ويزلااامسي
    بحيرة زيلامسي واضحه




    وهنا بعد ماوصلنا الدور الثالث
    فيه مركبه بعد يصعد فيها للي جاي للتزلج فقط, وتنزله عند منطقه خاصه بالتزلج مثل هذه


    حنا لما وصلنا المرحله الثالثه, واحنا بالتلفريك لاحظنا ثلووج دسمه وهووا قوي بعض الشي معاه ذراات ثلج,
    قلنا خلك على المطعم بس ونتفرج على المكان من المناظر البانوراميه من داخل المطعم



    نزلنا المطعم وطلبنا للغدا





    تغدينا وتقهوينا وريحنا, والمناظر عجيبه من النوافذ









    وهذا زووم على زيلامسي وكابرون




    بعد الغداء, نزلنا للمرحله الثانيه




    نزلنا وكان على وشك الغروووب





    طلعنا اخذنا طريق كابرون المختصر, اللي كان مقفل اول

    قلنا ان شاء الله خلاص فتحووه,
    واحنا في أمان الله بالطريق الزراعي..




    طلعوا لنا هالجمااااعه



    ويجي من بينهم سيــد القوووم

    هدي اعصابك ماصار شي



    اخيرا جات القرويه راعيتهم



    روضتهم وبدأوا يفتحون الطريق



    بعد ماسببوا ازمه وزحمه



    ووصلنا الشقه , وخلينا العشى بيتوتي خفيف
    وبنفس الليله طلعنا تقهوينا عند مطعم البوسنيه,
    ورجعنا سحــب نوم لليوم التالي.. (هشتااات)
  • 06-26-2017, 03:21 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    المشاركة الأصلية كتبت بواسطة زهور12345
    عنوان البيت لي في كابرون
    ممكن نوع القارمن لي معكم كيف كان ايش افضل نوع
    تقرير روعه
    اهلا الاخت زهور,

    رابط الشقه في كابرون
    https://www.booking.com/hotel/at/apa...tml?aid=358324

    القارمن
    Garmin Nuvi 3790T



    لاحظ حرف T , لو كان موجود مع رقم الموديل
    معناها ان الجهاز يحمل خرائط اوروبيه الاصليه جاهزه,
    ولو حاب تاخذ خرائط الشرق الاوسط, تشتري الموديل من غير حرف T
    أخذته تقريبا في 2011, كان وقتها بـ 1650 ريال اول مانزل
    الحين أظن وصل حول 1400 ريال..

    القارمن ممتاز, سريع ويلقط الاقمار بسرعه
    طوله تقريبا نفس الجوالات الحاليه ونحيف
    وفيه ميزة المباني ثلاثية الابعاد
    واهم ميزه عندي مثل ما هي طالعه بالصوره, لما تكون على طريق سرريع
    وطريقك بيكون في مفرق او مخرج على اليمين, تطلع صوره مثل ماهي طالعه حاليا لصورة المخرج
    قبل الوصول له بـ 500 متر تقريبا لتوضيح المخرج المطلوب, لان احيانا يكون فيه مخرجين جنب بعض وتاخذ واحد غلط وتجيب العيد هع

    بس لاحظت شي في هذا الجهاز, ما ادري لو كل الاجهزه كذا او لا,
    إن لما اطفي الجهاز واحطه بدرج السياره, مع برووودة الجو اليوم التالي, يكون الجهاز باارد ولما تضغط الباور مايشتغل على طول, الا بعد كذا محاوله
    فتوقعت من الجو البارد بالسياره, فيفضل يكون معاك بالبيت ..
    اتمنى اكون افدتك, وتابع معاانا

    تحياتي لك,,
  • 06-26-2017, 03:17 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    المشاركة الأصلية كتبت بواسطة FuNnY GiRL
    وااااااااااااااااااو التقرير روووووووعه روعه

    الاجواء ذكرتني بشهر العسل لان كان في نوفمبر وكان في النمسا ماعرف ليه تقريرك ذكرني بالاجواء الحلوه اللي عشتها في النمسا وكان اول مره اشوف تساقط الثلوج فعلا اجواء رهيبه ذكرتني باايام جميله جزاك الله خير

    النمسا صرت اسميها قدري كل مااقول خلاص مب رايحين لها وبدون مااحس اشوف قاطعين تذاكر لها يمكن فوق 3 مرات رحت لها فعلا بلد سياحي من الدرجه الاولى وجميل وقصر الشنمبغون من اكثر الاماكن اللي حبيتها في فيينا

    سالزبورغ غرامي اعشقها اعشق مش طبيعي جد احبها واحب ستايلها قريه على مدينه احب هالنوع من المدن ومستحيل أمل منها ابد ابدا وتاج محل بعد من ذكريات شهر العسل وقتها يوم رحنا كان رووووعه بس العام جربناه مره ثانيه حصلناه اخترب مب نفس المستوى ابد ابد بجد كان رهيب ماعرف شكل الاداره تغيرت

    وضحكتني مع سالفة الحشيش ههههههههههه انا شفت شيشه موجوده شكلي فهمت غلط ان عندها شيشه ماعرف بس الحمدالله انكم وضحتو لها علشان ماتظن سوء فيني

    متابعه معاك التقرير
    الأخت Funny Girl

    أهلا وسهلا بك في التقرير,
    ويسلموو على المطعم والله .. أفدتي فيه رواد المنتدى

    في المطعم هو فعلا في جانب خاص للكافيه وفيه شيشه , لانها تعرف الخليجيين يحبون الشيشه
    بس على فكره بالنسبه لكلمة شيشه في موضوعك, كان احد الاعضاء هو اللي ذكر هالنقطه, انه زار المطعم ومن مميزاته فيه شيشه
    لكن في الترجمه إلى الالماني قوقل ترجمته مو دقيقه كالعاده ..

    أما الجو في النمسا في اكتوبر ونوفمبر على الرغم ان اغلب الاعضاء يفضلون السفر في الشهور بين مايو - سبتمبر, إلا اني افضل الاجواء الخريفيه الشتويه
    الجو مو ذاك البرد اللي يضرب العظم مثل الخليج..
    ايطاليا - اسبانيا - النمسا والمانيا, زيارتي لهم كانت في اكتوبر ونوفمبر
    هذي اول سنه بسافر بنهاية شهر يونيو لإيطاليا وسويسرا وفرنسا, وان شا الله ما اتندم بسبب الجو ..

    سالزبورغ صحيح لها طابع جميل ومناشط كثيره, تندمت إني محدد لها يومين بس, واول يوم وصول كان يوم أحد يعني ميت هاليوم..
    للعلم ان سالزبورغ مناشطها اكثر من المناشط بزيلامسي وماجاورها..
    تستاهل اقل شي 3 إلى اربع
    سالزبورغ القديمه ماشاء الله ما ينمل منها..

    قارمش جايه بالطريق بالاجزاء القادمه, فيها من طابع سالزبورغ..

    ألف شكر لك على التعقيب, وتابعي معانا الاجزاء الجايه

    تحياتي
  • 06-26-2017, 03:14 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)



    اطلالة البلكونه
    شغل مضبوووط




    بعد ماريحنا اشوي, قلنا نطلع نشوف هالزيلامسي اللي قرأنا وشفنا صورها..
    وقفنا في المواقف.. ونزلنا عند البحيره








    برد الجو قريب المغرب...
    قلنا نروح نتعشى في المطعم اللي وصوا عنه كثييير في المنتدى
    خصوصا الاخت Funny Girl كتبت تقرير عنه..

    وصلنا للمطعم موقعه في كابرون..

    وصولنا له وقت العشى, للاسف ماصورته من بره
    هذي صوره اخذتها من النت, للأخت دموع الوجد الله يعطيها العافيه
    ويبدو انها كانت هناك قبلنا بشهر ..




    دخلنا المطعم واستقبلتنا صاحبة المطعم بترحيب وهي ألبوسنيه
    من البوسنه والهرسك..

    ولما طلبنا الطلب اللي تكلموا عنه في المنتدى
    قالت اكيد جايين عن طريق المنتدى

    الاخت فني قيرل سوت دعايه لها عددددل
    قلت لها نعم من المنتدى والناس تمدح في مطعمكم
    قالت ان الاخت فني رسلت لها رابط المنتدى علشان تشوف تقرير المطعم
    تقول حطيت الرابط في موقع ترجمه علشان اشوف الردود..
    كان واحد كاتب المطعم اكله حلوه وعندهم شيشه..
    لكن ترجمه قوقل (الهنديه المكسره ) ترجمة كلمة شيشه إلى حشييييش بالالماني ههههه
    تقول انصدمت انا هذا مدح او ذم..


    وطلبنا هالطلبات وبصراحه على مستوووى


    تعشينا عندهم مرتين او ثلاث اظن, ورحنا الكافيه تبع المطعم





    وهذي مريم تقرا لنا القصه هع

    صاحبت المطعم انتبهت لبنتي كان معاها كحه بسيطه وصوت في صدرها..
    طبعا كانت من جو بلدنا الخرواافي الجميل المغبر..

    قالت نصيحه خذها لشلالات كريميل, رذاذ الشلال مفيد لهذي الحالات
    على الرغم ان اساس مضحي في هذا المكان بسبب معاي بنتي توقعت برد بيكون عليها مع الرذاذ, الا كان بالعكس نصيحه ان ناخذها إلى هناك..


    خلصنا العشى, واتجهنا للشقه وسحب نوووم استعداد لليوم التالي
    ----------------------------------------------------


    اليوم التالي
    17 اكتوبر 2012م
    العزم لشلالات كراميل

    الجو كان جدا جميل
    غيوم متفرقه ودرجة حراره حول 15 درجه

    مسكنا طريق قرية كراميل


    عزمنا نوقف لماركت ناخذ اشوية فطاير وجبن ..
    واول ماوقفت عند بوابة الماركت, شفت اندرتيكر واقف معصب



    واشويه زوووم


    على أيش معصبه ومبرطمه, والله على هالجو المفروض الابتسامه شاقه وجهك
    ولا فيه همووووم


    بعد ماخذنا المقاضي, مسكنا الخط العجيب



    والدخول بين القرى





    وبين السحاب



    واحنا بالطريق لازم لما تلتفت يمين ويسر تشوف هالهبر الراااهي





    وبنتي من تشوفه من بعيد واحنا بالسياره تقعد تصايح وتبغى تنزل له وكما أنه لو كان غزال مو بقره

    ونضطر نوقف لوجهه البهي






    كل ماجيت بمشي .. تنادديه تعااال
    وهو يتغلى ما يعطي وجه







    صفطناه وركبنا نكمل الطرييق مع صياح مريم عليه




    أخيراً وصلنا شلالات كريميل..
    درجة الحراره حول 14 لكن كل ماصعدت تبرد بس ميه ميه

    وطبعا بالنسبه لي أنا .. حصل لي موقف هنا
    لن أنساه مدى الحياه

    للي مو عارف شلالات كريميل,
    هي شلالات تنزل من فوق جبال طوله قرابة 2800 متر تقريبا
    عباره عن الثلوج الذائبه.. وما شاء الله رذاذ الشلال نقي ومنعععش جدا

    أول شي قطعنا تذاكر الدخول بداية الطريق
    الرسم رمزي تقريبا 2.5 يورو للشخص

    وهذا المدخل..



    هنا لسه قبل صعود الجبل, بين ملامح الشلال










    الخطأ الجسيم اللي ارتكبناه, إن ما اخذنا سياره تطلعنا إلى فوق مثل ماقرات في التقارير, عند نقطه مصب الشلال
    بالأحرى إني ما عرفت وين السيارات اللي تصعد لفوق, توقعت تكون سيارات تاكسي,
    شفت سيارات عاديه (فان) فقلت نكمل قدام ممكن نشوف السيارات الخاصه او التكاسي إللي تصعد لفوق.. واضرب لك كعااابي وأنا حامل البنت في البدايه





    بعدين قلت يلا بلى دلع واركبي العربه



    وعدينا منطقة الاسفلت وانتوا بكرامه, وادخل لك على الطريق رملي وحجر .. ودددف العربه
    والطريق كله منحدر

    والناس وهي تنزل وعندها ادوات خاصه مثل عصى التزلج علشان تمسك بالارض زين
    يطالعون فيني مستغربين, وناس تتكلم بغلتهم وانا مو فاهم وش يبغون





    وكل ماوصلت لمنطقه وشفت جزء من الشلال, قلت خلاااص وصلت
    وفيه بعض الناس معاي عارفين اني جايب العيد وبنكرف كرررف ويصوروني بالخفيه لتوثيق النكبه لاحقاً



    واطل تحت واشوف البشر صاروا صغااار, وعلى اليمين اشوف الاسوار والطريق اللي يطلع لفوووق , اضرب على راسي ههههههه





    الديره صغرررة



    وهنا في ثنايا الطريق, وبديت افقد الامل
    والله يا ان تعبت تعب, والطريف ان على برودة الجو الا اني كنت معرررق ههههههه
    وكل ماقلت يارجال انزل خلاص, بس خلاص صرت بين نارين, مشيت مسافه طويله
    قلت نوصل فوق واكيد بنشوف التكاسي وننزل معاهم
    للحين ماشيين حول 1400 متر



    الديره صغغررة


    شفت مصب الشلال يبين ,, الفرررج قررريب



    هااانت باقي اشوووي



    ومريم ناايمه في العسل وانا ماكلها دف على الاراتفااعات..
    تستاهل فديتها.. بس مانعيييدها
    (وعلى فكره, فعلا رذاذ الشلال ينعش الصدر وينقيه من مشاكل الربوو, بحمد الله بعد هذا اليوم, بنتي راحت منها اعراض الكحه وارتاااح صدرها)



    ولما وصلت مصب الشلال, طلع هذا جزززء من الشلال بااقي فوقه
    فجأه يطلع لي سوور جديد وارتفاااعات


    والدنيا كل مالها الا تصغررر








    أخيييييراً طلع لنا كافي شوووووووب
    على بعد مسافه 2100 متررررررر


    دخلنا نريح وهم حتسون الكافيه
    وانا اشرب شووربه اعوض فيتاميناتي وقوتي اللي انهدت هدد

    قلت لموظف الكافيه, دبر لي اي سياره تنزلني تحت تكفى يا الحبيب
    بعد اشوي جا قال التاكسي بره ينتظرك..





    طلعنا له بسسرعه خلف الكافيه فيه ساحه للتكاسي والسيارات, قلت له نزلنا بس
    قال بـ 15 يورو
    قلت له زيد عليها صفر بس نزلنا


    والرجال دوووس



    وهنا تندمت ان صورة خشته,
    استاانس وكل اشوي يوقف لي بزاويه يقول صور هالمنظر هههههه










    ووصلنا للسياره, وامسك الخط لكابروون للشقه

    وخلينا الغدا في البيت خفايف

    معكرونه وشوربه ايطاليه,,
    تفضلوووا






    ونشكر لكم متابعتكم
    وان شا الله تكونو استمتعتم, وأي استفسار انا حاضر

    ونكمل الجزء الباقي قريباً

    لقمة كابروون

    تحياتي

  • 06-26-2017, 03:13 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)



    بسم الله الرحمن الرحيم


    نبدأ على بركة الله

    إنتهيت المره الماضيه بنهاية اليوم في سالزبورغ
    ختمناها بغدا في مطعم تاج محل الهندي


    مغادرة سالزبورغ متجهين إلى كابرون
    16 أكتوبر 2012م

    قضاء 6 ليال في كابرون ومنها نقطة الانطلاقه إلى عدة مناشط..




    وبعد الغدا الحلو في مطعم تاج محل
    طلعنا متجهين للسياره, الساعه تقريبا 1 ظهراً




    طلاب المدارس
    على هالطول تلقى عمرهم 13 سنه





    مسكنا خط سالزبورغ السريع






    الطريق راايق والجو كان غائم جزئياً
    ودرجة الحراره حول 15



    ونحن نمشي بهذا الطريق, تفاجأنا بشي جميييييل خلف هالغيوووم




    ركزوا زييين ..




    ها, بيين شي؟؟؟



    بعد , بعد هناااك ورى




    ثلووووووج



    زووم



    زوووووووووووووووووووم



    أيش الجماااااااااال هذا






    المميز في تاريخ الرحله هذي
    إن لحقنا على جو ربيعي, وخريفي وشتوي

    بين الثلج واحنا داخلين على مشارف زيلامسي وكابرون
    بس مبين ان الثلج نازل من اليوم الماضي..
    والجو كان روووعه.. بالنهار حول 12 - 14 درجه
    وبالليل يبرد حول 4





    وبنتي نايمه مو داريه عن هواء دارها



    حركاات, بس من ورا زجاج السياره, لذلك التصوير مو واضح






    باقي 7 كيلو على قرية كابرون



    وهنا تبين من لوحتي كابرون وزيلامسي
    إن الفرق بين القريتين 6 كيلو
    يعني نصيحه يا جماعه اختاروا دائما كابرون للسكن ومنها الانطلاقه
    ومنها تزورون زيلامسي وغيرها من المناطق اللي راح نذكرها بعدين


    متجمعين على الخير ان شا الله


    حسب الجي بي سي, اخذت طريق زراعي مختصر يوصل لكابرون, وفعلا الطريق جدا مختصر بدون شوارع واشارات

    لكن على حظنا كان الطريق جزء منه مغلق






    وتو بنتي تفرغت صحت, راحت عليك المناظر يبه



    بالنسبه للشقه اللي كنت حاجزها, حسب الملاحظه في موقع بوكينق
    ان لازم اروح اول لعنوان قريب من الشقه, علشان اسوي التشك ان واستلم مفتاح الشقه
    قريب من الشقه..
    ولم رحت استلم المفتاح, قالوا احنا حطينا لك المفتاح في ظرف عند باب الشقه
    قالوا بما انك وصلت بنعطيك اسبير احتياط..



    فعلا وصلت وكان المفتاح موجود..
    وهذي هي الشقق


    تقييمي لها بكل تأكيد 10/10
    تقييمها في بوكينق عااالي
    وسعرها مغري جدا
    كانت لـ 6 ليال .. 7 ايام
    بـ 1250 ريال فقط وتكفي لأربع اشخاص
    انصح فيها بشده
    أحسن من السكن بزحمة زيلامسي, وغلاااء شققها وفنادقها
    وفيه مبلغ يدفع لمره واحده وهو 30 يورو لتنظيف الشقه خلال فترة الاقامه.. وهذا المبلغ محدد لفترة الشتاء
    بينما بالصيف 40 يورو..

    الشقه جدا ممتازه, ونظييفه
    بس فيه ملاحظه والله اعلم,
    قرأت لأحد الاعضاء يقول ان فنادق اوروبا يتقصدون لما العرب يطلبون حجز, يتعمدون يعطونهم اردى شقه وتكون بأعلى دور..

    اللي حصل ان لما سكنا بالشقه اعطونا شقه بآخر دور, الثالث..على الرغم ان وقتها فيه بالدور الثاني شقتين وحدهم منهم فاضيه..
    والمبنى مافيه ليفت..
    لكن مع ذلك الوضع مره تمام

    المخطط خلال اقامتنا في كابرون
    1. يوم لشلالات كراميل
    2. يوم لقمة كابرون الثلجية (التلفريك)
    3. يوم مخصص لهشتات
    4. زحليقة كابرون الصيفيه
    5. قرية فوش

    بالاضافه إلى التمشيه في زيلامسي


    هذي شقة كابرون




    وفيه موقف مخصص لكل شقه حسب الاحرف


    وهذا موترنا


    الثلج يغطي بعض المناطق حوالين البيت
    والجو ولا أأأحلى








    هو اليوم الوحيد اللي كان فيه ثلج, اليوم الثاني والثالث وانت رايح صارت المناطق كلها خضرا والوان خريفيه



    هذي اول غرفه, ومعروفه نوافذهم العلويه..




    وهذي الغرفه الثانيه






    وهذي تكرمون دورة المياه,, نظيفه وبسيطه


    المطبخ







    المطبخ قبل


    المطبخ بعد شراء عزبة الطبخ

    لو تلاحظون بالصوره فوق, فوق جهاز حماصة التوست, فيها روول أكياس سوبر ماركت بيلا

    اللي متابع الموضوع من اوله, فاهم وش هالاكياس احم



    لاحظوا في الثلاجه فوق.. رمان أحممممر وكبير
    لما اشتريته لاحظت مكتوب في الصندوق, انتاج اسرائيلي

    لما جينا بناكل على بركة الله, قلت للاهل ترى انتاج اسرائيلي
    قالوا تغدا وتعشى فيه لحالك يا الحبيب




    اطلالة البلكونه





    يــتبع..

  • 06-26-2017, 03:11 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    المشاركة الأصلية كتبت بواسطة رعبــوب
    الله عليك مرة الله عليك مرتين الله عليك مليوووون روووعة السرد الصور كل شي فيك جميل يا بو مريم ولا يوقف خل المواضيع متسلسلة افضل


    سوالي ابو مريم انا بروح سالزورغ 3 ايام اشوفك طالب تاكسي هل السيارة مالها داعي داخل سالزبورغ ام ماذا صحيح ان القرية صغيرة وكل شي فيها قريب مثل ما قالو ؟ ارجو افادتي حبيبي
    أهلا اخي العزيز رعبـــوب,
    الف شكر لك على المتابعه .. منووور الموضوع.. ان شا الله عجبك وتستفييد من الموضوع

    شوف طال عمرك بالنسبه لسالزبورغ..
    اول شي احسن ماسويت انك خططت لها 3 ايام..

    بالنسبه للإقامه عادتا السكن يكون قريب سالزبورغ القديمه, مثل فندق سالخير .. وفندق فيلا كارلتون اللي انا سكنت فيه..
    في هالمنطقه هذي نعم ماتحتاج سياره.. تطلع من الفندق إلى سالزبورغ القديمه عن طريق جسر نهر السالزك..
    بالنسبه للسياره, بتحتاجها ضروري للمناشط الثانيه,, مثل البحيرات الثلاث.. فوشل ام سي, موندسي, وولف قانق...
    بتحتاجها لو بتروح مصنع الجبن.. في قريه تبعد عن المدينه القديمه بـ 20 كيلو..
    وبتحتاجها للذهاب لهشتات,, 80 كيلو متر.. منطقه لاتفوتها,, المفروض اني رحت لها من سالزبورغ, لكن ماحصل وقت لان اقامتي بسالزبورغ للاسف يومين فقط..
    لذلك طلعت لها وان بكابرون..

    لذلك ممكن تستأجر السياره من اليوم التالي..
    تاخذ تاكسي من عند الفندق إلى قرية فراليسنق بالمانيا مسافة 7 كيلو تقريبا لاستلام السياره..
    بس أنا فضلت استلمها مره وحده من بعد مانزلت من القطار اخذت تاكسي لفرالسينق استلمت السياره وطلعت الفندق..

    ان شا الله تتوضح لك الامور اكثر بعد ما انزل الجزء الجاي بيكون شامل هشتات..

    واي استفسار, تفضل اي وقت..

    تحياتي لك..
  • 06-26-2017, 03:10 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)



    اليوم الخامس
    15 أكتوبر 2012م
    جلسنا على قطرات مطرر وجو خياااال
    كان العزم اليوم للبحيرات الثلاث
    فوشل ام سي
    موندسي
    وولف قانق

    قلت نبدا بأبعد وحده ونرجع للباقي في طريق الرجعه..
    أبعد وحده وولف قانق تقريبا 60 كيلو اذا ماخاب ظني..




    وبما ان المشوار طويل نوعاً ما, قلنا ناخذ لنا فطاير وساندويش من اقرب سوبر ماركت بالطريق
    مع جبن للفطور بالسياره على السريع...
    بحثت بالجي بي اس, طلع لي سوبر ماركت Billa المشهور بالنمسا




    نزلنا,, وقضينا منه بعض الحاجيات والفطور والعصيرات
    وطبعا مثل ما هو معروف بماركتات اوروبا, لما تجي تحاسب الله لا يهينك تاخذ اغراضك بنفسك
    وتعبي بالاكياس, مابتحصل بنقالي بالجهه الثانيه يجهز لك سفري
    والاكياس الكبيره تنباع بمبلغ رمزي حول 0.29 سنت
    وبعض الماركتات يوفر اكياس مجانيه لكن جدا صغيره وخفيفه ..


    حصل موقف طريف ...
    وانا انزل الاغراض من العربه للكاشير .. والمدام في الجهه الثانية ماسكه رول اكياس الخاص بالماركت تفتح وتعبي من الاغراض..
    ولما خلصنا.. طلعنا من الماركت متجهين للسياره في المواقف وكان الجو ممطر .. وسريع سريع للسياره..

    واحنا نركب الاغراض بالسياره..
    انتبهت لروول اكياس بيلا بيد زوجتي كاااامله ..
    قلت لها سلامات يا الاخت, وش هذا؟
    قالت اوووه نسيته في يييدي.. روح رجعهم..
    قلت معلشش, ما رجعت بهالمطر.. يلا بس مشينا ..
    قالت لااا رجعهم.. قلت اللي يبغي يرجعهم بنفسه ههههه
    ويشتد المطر,, ونركب وندق سلف ونكمل المشوااار


    وبصراحه, هالاكياس طلعت منها فايده عظيييمه بالسفر في كل فندق نروحه نستخدمها

    شكرا يا Billa وفي ميزان حسناتك ان شاء الله

    ونكمل المشوار و الطريق روووعه والجو من احسن مايكون.. وخفت الامطار
    متجهين إلى وولف قانق

    أترككم مع بعض الصور للطريق









    وصلنا ببداية قرية وولف قانق





    كنا جايين من هذا النفق
    بس ووقفنا السياره في المبنى الاخضر متعدد الادوار في يسار الصوره

    احداثيات مواقف في وولف قانق
    N 47 33.371 E013 26 746


    القريه بصراحه رووووووووعه والجو كان جمييل واشوية رذاذ مطر على خفيف

    تمشينا داخل القريه متجهيين للبحيره..









    وصلنا لهذا الكافيه ,, قلنا نريح ونتقهوى عنده


    ولاتيه خفييف يحبه قلبك
    وألاحظ الكافيه بأغلب كافيهات اوروبا, يقدم الكافيه فاتره, مو ماي ساااخن لاسع..
    ويقدم معاه مزاز
    حسب كلام صاحب الكافيه, ان بدرجة الحراره هذي افضل صحيا من الحاار



    وبعد ماخلصنا طلعنا نكمل الطريق للبحيره..
    وقابلنا هالشخص قاعد يرطن ماتدري وش يبغي




    طلع الاخ مسطل 5 آلاف هههههههه




    وأخيييييراً وصلنا للبحيره..
    والجووو خياااااااال..



    لكن للاسف ماطولنا كثير لان المطر كل اشوي يزييد


    وبعد الجوله على البحيره.. رجعنا متجهين للسياره..





    وصلنا للسياره, على اساس ان العزم لبحيرة موندسي في طريق العودة..




    وفي الطريق اخترت طريق ريفي للاستمتاع بالاوراق الخضراء والاوراق الخريفييه



    البقرات الجميلات المرفهات







    وصلنا بحيرة موندسي بس سيرنا عليها واحنا بالسياره
    الامطار منعنا من النزول

    بس يكفي منظرها يرد الررررروح





    وبما ان الوضع ممطر,, قررنا نرجع للمدينة القديمه في سالزبورغ لقضاء باقي اليوم
    لان للاسف ظلمت المنطقه ان اقمت فقط ليلتين,, فمافي وقت للمدينه القديمه لان اليوم التالي العزم لمنطقه اخرى..

    لذلك يا جماعه, اعطو سالزبورغ حقها
    اقل شي 3 ليال.. وتستاهل 4 ليال.. قريب منها اماكن كثيره..

    مثلا يوم يخصص كامل للمدينه القديمه
    يوم لزيارة البحيرات المجاوره
    ويوم لزيارة قرية هشتات اظن تبعد حول 80 كيلو لو ماخاب ظني
    ويوم لزيارة مصنع الجبن

    بالنسبه لهشتات ماصار فيه وقت ابدا ازورها من سالزبورغ, لذلك زرتها وانا ساكن بكابرون, خصصت يوم طلعنا من كابرون لهشتات والمسافه صارت حول 130 كيلو


    عموما.. رجعنا لسالزبورغ - المدينه القديمه

    وهذا التمثال اوول ماتوصل جسر نهر السالزك تشوفه مسنتر





    نهر السالزك.. وبعده مباشره المدينه القديمه.. وبينهم فندق سالخير اللي تكلموا عنه كثير من اعضاء المنتدى..



    هنا على نهر السالزك



    وطبعا اكيد عارفيين سالفة هالاقفااااال
    للناس الحبَيبه ..
    حسب معتقدهم, ان كل حبيبين ياخذون قفل ويقفلونه على الشبك ويرمون المفتح في النهررر
    وطالما القفل ماااسك بهالسياج.. فإن حبهم داااايم دوووم الا ان جا نذل وفتح القفل يطق الفراق بينهم

    ويبدو ان في من ربعنا صدق سالفة هالمعتقد..

    انزل وشوف

    7
    7
    7
    7
    7






    واعطي اشوية ززززوووم





    وزووووووم اكثرررررررررررر



    هااااا صدناااكم..
    أحمد (قلب) عبير
    مبررروك عليك وعشرة دايمه وسرورا داااااااايم


    بس لا عاد تتعودون هالحركات





    وكملنا بأزقة المدينة.. اللي ترد الروووح




    إلى أن وصلنا مطعم
    مكتوب إنه إيطالي هندي.. حلوها عاد يا جماعه
    مسكت غلط عندي الا نجربه..




    طلبنا بيتزا



    باستا واسبقيتي



    والله يكرم النعمه.. اكله مخبص بهارات هنديه على بيتزا ايطاليه
    وبهارات ايطاليه على الكاري


    خلصنا العشى,, طلعنا نتمشى ويجيك ذاك المطر
    طبعا احنا نوقف السياره بالفندق ونجي مشي لقرب المسافه
    ولقلة المواقف بالمدينه القديمه

    وقفنا ندور تاكسي نرجع للهوتيل..
    لكن كل مانقول للتاكسي بنروح فندق كارلتون
    كأنه مو عاجبه لان الفندق قريب حول كيلو ونصف
    نقولهم مطر يا جماعه

    رأف بحالنا تاكسي لما شاف عربة بنتي
    وبسررعه شلنا روحنا وركبنا

    واحنا متجهين للفندق الا والتاكسي يرطن يقولي
    حجه حجه

    قلت وش يخربط هذا
    حجه حجه ..

    عييييد الحج

    بالاخير طلع الاخ تركي.. كان وقتها باقي كم يوم على عيد الحج
    وهو يقولي ابوه الحين في الحج
    قلت له الله يقويك على الاسلام.. شكلك مبين نمسااوي

    ووصلنا بـ 8 يورو للفندق

    وسحب نوم استعداد للرحيل اليوم التالي
    -------------------------------
    اليوم السادس
    16 أكتوبر 2012
    التوجه إلى كابرووون


    جلسنا صباحاً سوينا الشيك اوت للفندق
    وقلنا نتغدا قبل لا نمشي بمطعم تاااج محل الهندي
    قرأنا عنه كثير بالمنتدى..

    وبحثت في الجي بي اس.. موجود باسم تاج محل..






    مدخل المطعم


    اعطونا قائمه الخاصه بالمسلمين حسب كلامهم
    طلبنا كاري ورز

    المطعم اكله خفيف وحلو
    لكن بصراحه جربت كذا مطعم هندي بالنمسا والمانيا
    لكن مستواهم عاادي مقارنةً بشيزان وكوبر شندني عندنا ..
    من قدك يا بلدنا على الاقل لقينا شي نمدح فيه هع



    وبنهاية حلقة اليوم,, نهديكم هالورده من مطعم تاج محل
    على الرغم ان الصوره مقصوصه اشوي من سوء التصوير






    ونلقاكم قريبا ان شا الله بالحلقه القادمه

    الطريق لكابرون
    قمة كابرون
    زيلامسي
    يوم لهشتات
    شلالات كريميل
    زحليقة كابرون
    قرية فوش


    تحياتي لكم جميعا

  • 06-26-2017, 03:10 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)



    مساكم الله بالخير والسرور..
    أول شي, ألف شكر لمتابعي التقرير,,
    سواءً للي علق بكلمه, او مجرد اطلع على التقرير ..
    ألف تحيه للجميع ..

    والمعذره على التأخير في التقرير, عذرتكم يا اصحاب التقارير صراحه,,
    تحتااج وقت وجهد في التحميل , واسترجاع للمعلومات للي مثلي توه يتفرغ ينزل التقرير
    بعد5 شهور من الرحله

    تحملونا اشوي, وحتى لو كان متعب .. يستاهلون اعضاء المنتدى مثل ما ساعدونا في تقاريرهم وتخطيطهم..


    نبدأ على بركة الله اليوم الرابع
    14 أكتوبر 2012
    الذهاب إلى سالزبوورغ
    بعد قضاء ثلاث ايام ممتعه في فيينا,

    جلسنا صباحاً فطرنا واتجهنا إلى محطة القطار الرئيسية أظن اسمها
    Westbanhouf
    كان بينها وبين الفندق مسافة 5 دقايق, لكن مو فاضي اسحب الشنط , طلبت تاكسي
    تقريبا بـ 7.5 يورو

    بالنسبه لحجز تذاكر القطار,, كنت حاجزها عن طريق النت قبل الرحله بـ 5 شهور
    وبصراحه اخذتها بسعر خورافي, بنصف القيمه تقريبا..
    قيمة الشخص الواحد بـ 40 يورو بالاساس
    حجزتها بـ 19 يورو للواحد
    3*19 = 57 يورو
    وانتبهت قبل الرحله بكم اسبوع ان حجزي كان مجرد حجز مقطوره .. يعني باقي ادفع رسوم لقيمة كل كرسي.. الحمدلله انتبهت بعدين .. دخلت رابط حجوزاتي ودفعت 3 يورو للشخص الواحد..

    وهذا سيب القطار



    القطار شبه فاضي... الحجز لثلاث كراسي
    والغرفه الوحده فيها 6 كراسي متقابله..

    ماكان فيه احد معانا, اخذنا راحتنا في الغرفه..
    عدت علينا مره كبيره.. قالت عادي اقعد معاكم, هي فكرت ان القطار مليان
    وغير كذا الظاهر ماشيين بالبركه يعني عادي مو شرط تكون دفعت رسوم 3 يورو للكراسي
    اللهم للقطار بس.. مافي الا احنا النظاميين فقط
    قلنا لها تفضلي, هي فهمت اني قلت لها ضفي هناك.. وطلعت


    وطبعا منااااظر تسر العين والخااااطر بين فيينا وسالزبورغ..
    وبعد مسافة تقريباً 3 ساعات وصلنا محطة قطار سالزبورغ الرئيسية

    ومنها أخذنا تاكسي إلى قرية فريلاسينق الألمانية
    وهي بحدود النمسا .. لإستلام السياره
    وكان قيمة ايجار التاكسي 17 يورو

    بالنسبة للسياره..
    تم حجز السياره عن طريق النت قبل الرحله بـ 4 شهور تقريبا
    عن طريق موقع
    www.arguscarhire.com

    طبعا هالموقع يبحث في جميع وشركات التأجير العالميه, ويختار افضل سعر من بينهم..
    اخترت مرسيدس C
    وطلع الحجز من شركة يورب كار
    السعر كان جد ممتاز.. من 14 اكتوبر إلى 25 أكتوبر
    بـ 2500 ريال, وتم سحب وقت الحجز عربون اظن 420 ريال
    حسب مافهمت ان الـ 420 ريال ممكن تروح عموله للموقع نفسه
    والمتبقي يدفع بالكريدت كارد لما نوصل يورب كار
    وطبعا لو دخلت موقع يورب كار مباشره
    وحطيت التواريخ, مايطلع لي نفس السعر
    طلع لي حول 3700 ريال..
    لذلك الموقع له اسعار خاصه

    وبالمناسبه, قبل اسبوعين وانا ابحث بمواقع استئجار السيارات
    هذا الموقع وغيره..والاسعار كانت ناااار مقارنة بفترة سفري
    لان توقيت سفري هالسنه بيكون في موووسم .. يوليو
    حجزت لاسبوع باسات قير اوتوماتيك بـ 2500 ريال من سويسرا

    نرجع لموضوعنا..
    لما تم الحجز من الموقع, اعطاني رقم الحجز.. اقدر من خلاله ادخل موقع يورب كار
    واطلع على تفاصيل الحجز..
    صارت مراسلات واتصالات بيني وبين يورب كار بألمانيا
    علشان الاستفسار بشأن كيف بستلم السياره وبيكون يوم الاستلام يوم أحد
    توصلت إلى حل معاهم.. كون الفرع اللي بستلم منه السياره داخل مدينه مو بالمطار
    فلازم ادفع رسوم اضافيه لاستلامها بيوم اجازه.. اما المطار مفتوح بالاساس على طول..

    فتم الاتفاق ان في شخص بينتظرني يوم الاحد الساعه 4 ونص عصرا للاستلام..

    وفعلا وصلنا 4 ونص
    وكان في عجوز ينتظرنا بالمحل,
    طلب مني الجواز والرخصه السعوديه والدوليه والماستر كارد..
    ما سوا عملية السحب, سجل بيانات الماستر كارد بس, ممكن لان يوم أحد الجهاز مو شغال..
    المبلغ سحب اليوم اللي بعده..

    واخذت من عنده الكار سيت حسب ماحجزته من الموقع..


    وهذي المرسيدس
    والمفاجأه,,, انا طلبتها سيدان ومن غير جي بي سي..
    كان المتوفر واقن ومع جي بي سي..
    فادتني اكثر الواقن للشنط اللي عندي مع عربة البيبي



    وطبعا بنفس المبلغ المتفق عليه..




    ملاحظه: عجبني في يورب كار كذا شغله..
    اول شي.. ما اخذوا رسوم فتح المحل بيوم الاجازه لتسليمي السياره وهي 20 يورو
    ثاني شي.. ما حسبوا رسوووم الكار سيت للبيبي.. وهذي ثاني مره يصير.. سبق حجزت من عندهم
    بأسبانيا وعن طريق نفس الموقع وكان متفق رسومه 57 يورو لمدة الرحله كلها..
    ثالث شي.. المبلغ خصم اليوم الثاني, او بالاصح تم عمل له هولد..
    المبلغ اللي تم تعليقه هو 957 يورو مايعادل 4689 ريال
    قيمة حجز السياره + تأمين يرجع بعد اعادة السياره سليمه وتكون معبأه فل تانك..
    رابعا.. رجع المبلغ في نفس اليوم الثاني صباحا اللي سلمت فيه السياره, لكن الغريب
    انهم فكو الهولد عن كل المبلغ.. وظل في حسابي لمدة 5 ايام تقريبا بعدين اخذوا حقهم..
    هذا ما احببت توضيحهه..


    استلمنا السياره, واتجهنا لفندق
    Villa Carlton
    الفندق 4 نجوم
    ويبدو انه مجدد
    سعره لـ ليلتين SAR 1,295.07
    لثلاث اشخاص بدون فطور

    مع ان قرات عنه انتقادات في تعليقات بوكينق, لكن الحمدلله
    الفندق عجبني, وتقييمي له 9/10



    وهذه المواقف خلف الفندق بـ 18 يورو لليلتين




    بهو الفندق





    غرفة النوم


    سرير أريكه


    وصلنا الفندق ريحنا وصلينا المغرب..
    وطلعنا متجهين لسالزبورغ القديمه

    وهذا بالطريق..بعد ما عبرنا جسر نهر السالزك. ماصورناه لان بالليل مو واضح
    تم تصويره باليوم التالي.. الصور جايه


    العجايز.. حب واخلاص حتى النخاااع




    بعض المعروضات في اسواق سالزبورغ القدييمه



    وصلنا مطعم ايطالي لذيييييذ جدا
    اسمه Pizzeria IL Sole
    موقعه, اول ماتعدي جسر السالزك.. تطلع يميين وبيصر اخر المدينه القديمه في الوجه






    اول مادخلنا قابلنا هالوجه البشوش قال بنتك مزعجه ؟؟

    قلت له تصنيفات ماندري..


    قال اصعدوا الدور الثاني وخل تسوي ازعاج على كيفها
    ماكان فيه احد




    بعدها طلعنا نتمشى في ازقة المدينه القديمه
    بصراحه شي خيااال
    لها طابع خااص تذكرني بشوارع فينيسا بإيطاليا




    هذا تصوير الحريم واهتماهم




    وهذا تخصصي انا





    واخذنا طريق العوده للفندق للراحه, وخصوصا ان الاسواق تغلق من بدري

    وهذا اول ماتقطع نهر السالزك.. يجي في الوجه, المبنى الجمييل




    وصلنا الفندق وسسسحب نوم ليوم ثاني الصباح..



    يتبع اليوم الخامس

  • 06-26-2017, 03:08 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    يعطيك العافيه اخي ابو مريم
    انا مسافر مع العائله لمؤتمر 20 اكتوبر وشايل هم الجو للاطفال اولا
    ثانيا عندي خمس ايام فقط قبل المؤتمر في فيننا ... نصيحتك كيف اقضيها باكبر متعه وفائده

    لك جزيل الشكر

    أهلا بك اخي العزيز,,

    بالنسبه للجو في اكتوبر بفيينا..
    انا كنت فيها من 11 اكتوبر لمدة ثلاث ايام..
    كان الجو روووعه ولا كان فيه امطار.. ملابس شتويه عاديه ومن احسن مايكون
    ولو كان الجو صح وشمس, بيكون دااافي .. مثل ماشفت في الدانوب..في الحلقه الماضيه...
    هل مؤتمرك يبدأ في 20 اكتوبر وبتحضر قبله بـ 5 ايام للتمشيه؟

    ان كان كذا معناها ان شاء الله من 15 اكتوبر بتكون الاوضاع تماام بالنسبه للجو ان شاء الله.. أي كل مابكرت ببداية اكتوبر بيكون الجو في حدود 14 درجة.. جو منعش..
    بالنسبه لي اشوف 4 ايام زينه للفينا..
  • 06-26-2017, 03:06 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    أهلا بكم اخواني واخواتي الاعزااء..
    تحيه لكم مره اخرى..

    حاب أبين نقطه في البدايه... مفروض كنت بينتها ببداية التقرير
    عن المناطق اللي شملة المخطط حتى من غير اقامه, لانها تهم بعض الاعضاء..

    المخطط هو مثل ماكتبته ببداية الموضوع لكن فيه اضافات وصار مشبع و دسم

    - فيينا
    - سالزبورغ (ومنها طلعت للثلاث البحيرات المجاوره... فوشيل مسي ...موندسي..ولف قانق)
    - كابرون .. (ومنها طلعت لـ زيلامسي اكيد ... قرية فوش ... قرية هشتات)
    - وفي الطريق وانا متجه من كابرون لقارمش مريت على انسبروك لمدة نصف يوم
    - قارمش (ومنها طلعت لبحيرة برتساو ... بحيرة إبسي بقارمش)
    - أخيراً ميونخ..

    هذا للتوضيح فقط حتى أشمل المناطق اللي زرتها للي حاب يستفسر عنها..

    بسم الله نبدأ حلقة اليوم

    فيينا 13 أكتوبر 2013م


    مخطط اليوم..
    الذهاب لبرج الدانوب
    نهر الدانوب

    طلعنا الصباح إلى الميترو, واتجهنا لبرج الدانوب..
    نفس الشي لما تنزل من الميترو,, بتمشي مسافه لا تقل عن 6 دقائق لتصل لبوابة الحديقه اللي فيها البرج..

    الجو كان صحوو
    والشمس ساطعه, وكانت قويه بعض الشي مع بروده خفييفه
    درجة الحراره حول 18 مؤيه

    الأعضاء اللي ينوون السفر في اواخر السنه الميلاديه ومترددين من عامل الجو..اهتموا بدرجات الحراره اللي اذكرها بكل منطقه.. كانت كل اهتمام الاعضاء ومنهم انا اثناء التخطيط وكنا متخوفيين,,
    الوضع اصفه ممتااااااز جدا في اكتوبر.. وقلة سياح, واسعار مناااسبه..

    وصلنا الحديقه...
    بمجرد تشوف هالمطعم الصيني, بيكون خلفه البرج




    وطبعا للي مو عارف البرج, هو عباره عن برج إرتفاعه تقريبا 80 متر وفيه بداخله مطعم
    وإطلاله بانوراميه لمدينة فيينا..

    ولاحظوا بالصوره ادناه البرج بعيد بعض الشي, مسافة 700 متر تقريبا
    التمشيه حلوه لكن فيه قطار صغير يوصلك بـ 5 يورو للشخص
    يدور حول الحديقه..





    تمشينا اشوي.. واخذنا كم صورة للحلووين



    إلى أن وصلنا للبرج تقريبا 1 وربع
    بلغتنا موظفة الرسبشين إن المطعم بالبرج فل.. فيه حد معين
    قالت تعالوا الساعه 2





    قلنا ناخذ القطار ياخذ فينا كم فره وينزلنا بمكان ثاني



    وهذي الصوره وضعها اغلب الاعضاء اللي زاروا حديقة البرج..
    شيابهم الاصحاء ونشاطاتهم الحلوه..




    نزلنا القطار عند منطقه في الحديقه جنبها بحيرة واعزكم الله دوراة مياه..
    نزلنا نصلي, وطلعا للعلم دورات المياه في الغالب بفلووس
    نص يورو..

    بعدها جينا للبحيره

    فيها هالبعجه مادري وش اسمها مسويه جووو للاطفال


    ومريم تعزم فيها







    والساعه 2 الا ربع, أخذنا القطار واتجهنا للبرج مره ثانية.
    رسوم دخول البرج اتوقع 7ونص يورو للشخص
    وقفنا عربة بنتي بمكان مخصص,
    ثم ركبنا الليفت .. وطبعا مو مثل اي لفت حق فندق اركب وطق الزر واصعد..
    لا يبه, هذا طالع لإرتفاع 76 متر, يكون فيه موظف خاص, ويجمع اكبر عدد ممكن وثم ينطلق..
    وماشا الله ماتحس فيه من سرعته .. إلا انت واصل للمطعم..

    هذا المطعم من الداخل, فسيح واكله متنوع, بس اكلات نمساويه
    أنا اكلت إلى ان قلت أمين, البشر اللي معاي يعني نقنقو بس


    وللعلم, المطعم يدور بحركه خفيييفه بحيث أنك تشوف فيينا بمنظر بانورامي.
    يعني تنزل راسك تطق بالخمس في الكبسه, بعدها تلتفت للنافذه الا انت بمكان ثاني
    أهم شي تاخذ كبسة لحم

    لاتصدقون مافيه ريحة رز عندهم


    وهذي صوره بانورميه جميله


    وبعد الاكل والراحه قليلاً..

    نزلنا واخذنا القطار يوصلنا لبوابة الحديقه.. مافي مجااال للمشي



    نزلنا من القطار, والاخ ودعنا..
    مادري هو يودعنا, او يقول يلا لا عاد نشوفكم مره ثانيه



    واتجهنا للميترو..
    والعزم كان لنهر الدانوووب


    وهذا اول ما نزلنا من الجسر اللي مابين الميترو والنهر
    قابلنا هالصناااديح







    واحنا نتمشى متجهين للكافيهات ..
    لفت انتباهي هالخااااااااال
    What's up Nigga



    ثم وصلنا للكافيه لاتيه .. وعصير



    وبعدها اتجهنا للهوتيل مبكرراً على المغربيه..
    نجهز الشنط لرحلة الغد إلى سالزبورغ بالقطار



    موقف حصل في الدانوب

    بعد مارجعنا الهوتيل وعيينا من الله خير..
    كل واحد بيطلع جواله يطقطق على الواتساب والفايبر..
    قالت المدام, وين جوالي؟
    قلت ها, بدينا بحركات النص كوم؟

    ودورنا من هنا وهناك.. ومفيش حاقه..
    جربت اتصل ويرن ويرن..
    ويرد علي نمساوي لا يفقه في الإنجليزيه شيئاً..

    قلت ما أفهم عليك الزبده إن عليه العوض

    لكن اخير فكر اشوي وسلم الجوال لشخص متمكن لغوياً... شكسبير

    قال معاك برج الدانوب, نسيتوا الجوال
    كانت الساعه 8 ليلا
    قال فاتحيين إلى 11 ..

    فكرت أأجلها لبكره, لكن من بكره طالعيين للقطار لسالزبورغ..

    قلت يا ليل اللييل..
    خلاص بجي..

    قلت للأهل اجلسوا انا بروح على السريع..
    رحت للميترو,, والمشكله الميترو اللي جنبنا الخط البني
    تركب الخط البني إلى ان يتقطع مع الخط الأحمر
    ثم تركب ميترو الخط الأحمر إلى ان يوصل محطة برج الدانوب.. سااالفه
    وقفت انتظر عن الميترو.. إلا جا لي نمساوي يبدو إنه متشرد
    قعد يرطن علي عشر كلمات ألمانيه, وكلمه انجليزيه
    قال تعال نتعشى, قلت من متى المعرفه.. روح بس مشغول
    قال وين رايح, ومن حلاتي قلت له متجه للدانوب, قال بجي معاك هههههه
    وش هالنشبه.. وركب معاي الميترو,, ونزلنا الخط البني..
    صار زززحمه, ويمين يسار... صرت بسرعه بروسلي تخفيت ورا البشر إلى ان دخلت ميترو الخط الأحمر وابو الشباب يدورني بره.. دقيت له تحيه لم ركبت ومشيت..

    وصلت برج الدانوب,, والمحطه بعيده اشوي عن الحديقه,,
    وخذ لك جرري, كان الجو فيه بروده والمشكله ظلااااام..
    وركض إلى ان وصلت.. دخلت للرسبيشن واعطوني الجوال سليماً معافى..
    طلعت شفت تاكسي,, أغراني شكله..
    مرسيدس S500 موديل 2012 ولون اسود .. اسيات جلد مرييح ومغري

    قلت له تعال, بكم توصلني شارع ماريهلفر.. قال حسب العداد..
    قلت يعني كم خلصنا.. قال ممكن حول 16 يورو.. قلت يلا يا رجال ولا تعب هالميترو والتبديل

    ركبت معاه, وصلنا ووقف العداد على 14 يورو..

    وانتهت القصه..



    وهذي هديه لكم من حديقة برج الدانوب




    وترقبووا قريبا سالزبووورغ الجمييله




















    وأيضاً
    وقصة كيس سوبر ماركت Billa المشهور
  • 06-25-2017, 09:51 PM
    abduuul

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    مشكورة أختي على التقرير و الموضوع المفصل

    و أكيد نستفيد منه كثيرا نحن الاعضاء

    تحياتي
  • 06-24-2017, 05:37 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)



    مرحبا بكم اعزائي,
    وأعتذر جدا على التأخير لظروف العمل والسفر..

    تنميت أني اسرد التقرير بشكل اسرع لكن الوضع شكله متشربك .. بس يلا مو مشكله
    أحاول أعجل..

    إنتهينا من اليوم الأول في فيينا

    نبدأ في اليوم الثاني

    فيينا 12 أكتوبر 2012م

    أصبحنا واصبح الملك لله..

    جسلنا صباحاً بس للاسف مافي عندنا الجلسه المبكره,
    اللي عنده اطفال ماتدري متى ينامون ومتى يصحون ويسهرونك معاهم

    طلعنا ممكن على الساعه 10 متجهين للميترو ويبعد عن الفندق مسافة 3 دقائق

    التخطيط كان إلى قصر الشنبرون
    ثم ملاهي براتر


    وكعادة كل سائح لازم الخريطه في اليد

    الجو كان رااايق غيوم .. تقريبا 14 درجة الحرارة..

    وصلنا الميترو


    صعدنا واتجهنا لقصر الشنبرون


    فيه مسافه بين الميترو والقصر حول 5 دقايق مشي لكن الجو مو طبيييعي..









    رسامين على الطريق,, يا فنااان






    مدخل قصر الشنبرووون











    هذا عند البوابة الداخليه للقصر
    هدي اعصابك يبه هع




    قصينا التذاكر,, للشخص الواحد 11 يورو
    هذه بالنسبه لجوله قصيره بالقصر..
    فيه جولتين اطول كل وحده ولها قيمه..
    يعطون جهاز فيه اسبيكر بكل اللغات منها العربيه
    يشرح تاريخ القصر.. وطبعا ممنوع التصوير في الداااخل..





    هذا عند البوابه الخلفيه للقصر, حديقة القصر..

    واشووويه زززززووووم




    وهنا يبدو إن في تصوير فلم لقطه لحفل زفاف
    عموما ألف مبروك





    بعدها اتجهنا للقطار قريب المغرب, للذهاب لملاهي براتر




    مدخل ملاهي براااتر


    الأجواء بالملاهي افضل شي وقت الغروووب












    المهم هاللعبه هذي انا مافهمت وش سالفتها, مريت عليها مرتين وماشفت الا شيااب عجايز يدخلون فيها ويوصلون للدور الثاني وينزلون بس.. حد يفهنا يا جماعه.. مادري وش المتعه








    أما هذا اللعبه مجنوووونه






    واشوووية ززززووووم


    يااارب سترك,,
    وش يحسووون فيييييه
    لو تعطيني تذكره طيران شامل الاقامه رايح وجاي للنمسا ماركبتها






    أنا ركبت إللي اخطررررررررر منها

    7
    7
    7
    7
    7
    7
    7
    7


    كسسسسسسسسرت الاوروبييييين



    وبكذا انتهى اليوم الثاني في فيينا

    بعدها اتجهنا للفندق... وسسسسسسحب نوم إلى الصباااح








    وهديه للحلوين وإن شا الله اليوم الثالث جاي على السررريع غدا





    تحياتي لكم

  • 06-24-2017, 05:35 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)


    الحمد لله على السلامة اولاً

    ونشكر على اهدائنا هذا التقرير ليستفيد منه الجميع


    الأمر الي شدني
    لماذا قمت باستخراج بطاقة مترو فينا ليلاً ؟ هل هناك فرق بينها وبين الصباح؟


    الأمر الآخر رأيك بفندق ايبس لان الكثير يتذمر منه ؟




    تقبل مروري ويسعدني متابعك تقريرك




    ابومعن
    أخي العزيز أبو معن,, حياك الله ولك افضال علي ما انساها

    بالنسبه لحجز الميترو , ما دققت بهالنقطه حجز الليل او النهار,
    لكن القصد انا مخطط بالليل لان كنت حاط ببالي بنوصل الهوتيل وبنسحب نوم إلى المغرب من التعب ثم باخذ تذاكر الميترو,,
    ماكنت ناوي اخذها اول مانوصل الصباح...
    وعلى طاري هالنقطه, بالذات في فيينا, الغريب ان تركب الميترو تبعهم والبطاقه مافي اي جهاز لها تتختم او يطبع عليها وقت او بوابه صغيره تحط البطاقه فيها ثم يفتح الباب ووو
    عكس اللي ركبتهم في ايطاليا واسبانيا..
    يعني اللهم تشتري البطاقه وتخليها بجيبك, في حال جاوا أمن الميترو يشيك عندك بطاقه صالحه او لا والله اعلم..

    بالنسبه لفندق Ibis
    اشوف الفندق تمام, نعم مافيه تكييف لكن ما احتجته كان وقتها برد..
    والطاقم مره تمام ومتعاون..
    والغرف نظيفه..
    لاحظت فيه اتراك بكثره يقيمون بالفندق..
    وعلى فكره فيه اثنين Ibis الثاني بعد الفندق اللي انا ساكن فيه بالضبط..
    اللي انا فيه, مقابل لنا مسرح كبير للاوبرا وموسيقى الكمان..

    تحياتي لك
  • 06-24-2017, 05:34 PM
    hibaa

    رد: رحلتي الشتويه إلى (النمسا - ألمانيا) بشهر أكتوبر 2012 - حياكم :)

    بسم الله , وعلى بركة الله نبدأ ..

    تم الوصول إلى مطار فيينا الساعة 8 ونص صباحا 11 أكتوبر 2012

    وكان في استقبالنا سائق التاكسي حامل لافته بإسمي, تم حجزه من الانترنت مسبقاً
    بمبلغ 33 يورو
    كان التاكسي فان..

    وهذه اول صوره من شوارع فيينا متجه إلى الفندق





    ومثل ما هو مبين بالصوره الجو كان صحو بأول يوم.. ودرجة الحراره حول 15 مؤية
    جو منعش



    حركة وضع الاشارات وانوار الشوارع فوق اسلاك فوق الشوارع بطريقه منظمه ماشاء الله عليهم



    أول ماوصلنا الفندق
    اسمه IBIS Hotel
    تقييمي له 9/10
    الهوتيل جميل ونظيف
    غرفه وصاله.. واسعه ومرتبه
    بدون فطور..
    لثلاث ليال تقريبا بـ 1600 ريال




    بهو الفندق, وضعنا الشنط فيه
    وصلنا الفندق 9وربع وباقي على الشيك إن .. الساعه 2
    الريسبشن كان جدا لطيف قال لو كانت الغرفه جاهزه بخليكم تدخلون من الان..
    شيك عليها وكانت لسه تنظيف قال خلوا الشنط لو حابين تطلعون تتمشون..
    وخلينا الشنط عنده في الرسبيشن,,




    طبعاً مثل اي مسافرين إن كان عندهم بيبي لازم يجيبون له عربه (ترولي أطفال) أريح
    أنا كان في عربه ببالي مالقيتها بالشرقيه عندنا, فأخذتها فرصه بحثت عن اسم الشركه وهي
    Quinny
    ولقيت بالنت محل موزع لها في شارع ماري هيلفر, راسلتهم وحجزتها بحيث إني استلمها في
    11 اكتوبر ..

    فأخذناها فرصه نقضي هذا الوقت نروح للمحل نستلم العربه..
    ماري هيلفر يبعد عن فندقنا مسافة 3 دقايق مشي,,
    لكن للاسف.. المحل طلع بنهااااية الشارع هع هع
    وأنا ماكنت ناوي من هالصبح استخدم الميترو, كنت ناوي بالليل اشتري تيكت لثلاث اشخاص لمدة 3 ايام..

    وخــذذذ لك مشي بطول الشارع





    وأنا حامل بنتي ومشي مشي..
    كل اشوي نشوف محل نقول وصلنا,,
    وصلنا ماركت صغير عطشنا




    أخذنا ماي مو شي ثاني هع


    وكملنا المشوار وأنا تعبت تعب مو طبيعي, وبنتي نامت وانا حاملها, بس يلا تموون مريوم



    وأكملنا الطريق



    واحنا نمشي الاهل اشفقوا علي, قالوا يا ابو الشباب هذي نزلات ميترو, خلينا نركب وارتاح, قلت لهم صامدوووون خلاص بنوصل


    وأخيييرا وصلنا المحل بعد مشوار 1.6 كيلو هع

    دخلنا اشتريناها وطلعنا





    وهذه العربه مع مريم وتسلم عليكم


    وبعدها اتجهنا للفندق واسحب نوم إلى العشاء,,

    طلعنا واخذت تكيت ميترو لمدة ثلاث ايام للشخص الواحد 10 يورو اظن

    ثم اتجهنا إلى شارع ستيفن بلازا

    واول مانزلنا من الميترو استقبلنا موزورات



    ساحة ستيفن بلازا






    صيدلتهم المشهوره





    طبعا احنا من عشاق المطاعم الايطاليه قعدنا ندور ندور إلى أن لقينا مطعم ايطالي شغال فيه لبناني


    أخذنا بيتزا وباستا وروزيتو..





    وبكذا انتهينا من اليوم الأول..

    وإن شا الله بالأيام الجايه يكون أفضل ونقدر نفيدكم ان شا الله خصوصا اللي بيطلعون بصيف هذه السنه..

    والمعذره ان كان التقرير ملخبط او مو مرتب, هذه المره الاولى اسوي تقرير..
    سفراتي الماضيه ماسويت.

    تحياتي لكم جميعاً
  • 06-24-2017, 05:32 PM
    hibaa

    رحلتي الشتويه إلى (النمسا - ألمانيا) بشهر أكتوبر 2012 - حياكم :)

    بسم الله الرحمن الرحيم

    السلام عليكم أخواني وأخواتي أعضاء منتدى المسافرون العرب..

    بين يديكم تقريري البسيط إن شاء الله يكون خفيف عليكم ومفيد للجميع كما استفدت من تقاريركم..
    خصوصا إن تقريري هذا في نهاية فصل الخريف بداية الشتاء..
    وكان فيه تساؤلاااات عن الجو وقت ماكنت اخطط لهذه الرحله مني ومن أعضاء كانوا بيسافرون في نفس فترتي.

    والأقوال كانت متضاربه من ناحية الجو.. علماً أن جميع رحلاتي السابقه الاوروبيه كانت بشهر نوفمبر
    إيطاليا واسبانيا.. لكن ما كنت اقدر وقتها احكم على الجو بالنمسا والمانيا كونهم بالشمال ..

    قبل أن أبدأ..أنا عارف اني متأخر في عمل التقرير كون رحلتي بأكتوبر لذلك سامحونا لو فيه أي تقصير لو نسيت أي معلومه.. ممكن الصور راح تذكرني بعض الشي, وطبعا شكر خاص جدا لكل من ساعدني ولو بكلمه خلال تجميع المعلومات..
    من غير لا أذكر اسماء حتى لا أنسى أحد.. كلكم خير وبركه


    بسم الله نبدأ..

    تاريخ الرحله
    من 11 أكتوبر حتى - 27 أكتوبر
    تقريباً 16 ليله..

    مخطط الرحلة
    فيينا 3 ليال -- سالزبورغ ليلتين -- كابرون 6 ليال--- قارمش 3 ليال -- ميونخ ليلتين

    أعضاء الرحله..
    محدثكم أبو مريم
    زوجتي الغاليه أم مريم
    بنتي مريم الله يحفظها كان عمرها وقتها سنه ونص
    أختي العزيزه..

    الخطوط الناقله
    الخطوط الهونلديه KLM وهي الخطوط اللي ارتاح لها لأوروبا
    وحصلت على عرض مغري بالتذاكر,
    إذا لم يخب ظني كان سعر التذكره للشخص 1900 ريال
    بالنسبه لبنتي لم تكمل السنتين تعتبر رضيعه تذكرتها لاتتعدى 70 ريال

    خط السير
    من الدمام إلى النمسا
    من ميونخ إلى البحرين

    التأشيره
    استخرجتها من المكتب الوسيط بالخبر
    اذا ماخاب ظني سعر التاشيره الواحده بـ 366 ريال والله نسيت كم بالضبط
    واخذت اسبوع واحد فقط.

    مبلغ اليورو
    كان معاي كاش تقريبا 8900 يورو
    والباقي بالماستر كارد

    إيجار السياره
    من يورب كار ولهم ألف تحيه على حسن تعاملهم ولكم التفاصيل لاحقاً
    السياره كانت مرسيدس 2012 من فئة C200



    الكاميرا
    Canon 550D

    عدسه كانون 18-135
    عدسة توكينا Wide Angle 11-16

    ------------------------------------
    ممكن هذه المعلومات الاساسية..
    لو فيه أي استفسار أنا جاهز إن شاء الله..

    وبإنتظار تحميل الصور لبداية أول الأيام في فيينا..

    مع خالص التحيه لكل المتابعين

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •