الرد على الموضوع

رد: الان الى لندن بعد نجاح سفرتي الى سيرلانكا استفسار بسيط؟

لا والله مو معلقة بس حبيت اشكر الشباب الي ماقصروا معي برحلتي الاولى

رد: الان الى لندن بعد نجاح سفرتي الى سيرلانكا استفسار بسيط؟

ماشاءالله

كتبت معلقة عشان تسال عن موضوع صغير

لازم شنغل يا بطل

الان الى لندن بعد نجاح سفرتي الى سيرلانكا استفسار بسيط؟

السلام علكيم ورحمة الله وبركاته
وتحياتي للجميع؛؛؛
اولاً : اشكر جميع الاخوان بدون استثناء على مساعدتهم لي في رحلتي الى سيرلانكا شهر العسل لمدة 16 يوم وفرت الكثير عن طريق موقعكم المميز والحمدلله احس انها نجحت 100% بدون مشاكل او عوائق تذكر صحيح صورت حدود 600 صوره واكثر 100 مقطع فديو بس ماعندي وقت انزل واشاركم فيها ماعندي وقت الصراحه مابين عملي وبين عملي الخاص والنادي ومسؤليات البيت ومتابعة الاسهم احمر اليوم الظاهر المشاركه تنفيس

المهم يا اخون انا ناوي اسافر الى لندن مع صديقي صاحب الخبره وتجربة سابقة الى لندن
طبعاً عبيت الابلكيشن بالانترنت وجهزت جميع الاوراق والمتطلبات بس اخطأت في البيانات المرة الاولى والغيته ثم اخطأت بالبيانات والغيته للمره الثانيه وغير كذا راهاق الانترنت متعب للنظر والوقت المتوفر قليل والمره الثالثة بعد ماعبيت كل شي وبغيت اسدد الفيزا بالانترنت عن طريق بطاقة الماستر كارد تبين انها لا تعمل او فيها مشكله وكلمت البنك واستفسرت عن المشكله ولا فايده والوقت عندي ثمين ويمشي وصديقي مستعجل يبي يطمن


توكلت على الله وتوجهت لاحد المكاتب بالخبر برج الخليج بالكورنيش وعمل لي الطلب بالانترنت وجهز كل شي ودفعت له مبلغ 630 شامل قيمة الفيزا واتعابه ودورت موعد التقديم لكن للاسف شهر ابريل زحمة جداً وفل واقترح علي VIP قلت عليها ياشيخ وفعلاً بنفس اليوم طلعت لهم بس كان بريك غدا الساعه 1 الظهر مستأذن من العمل ووبعد ماكلمت الحارس يقول احمد ربك انهم اسمحوا باعادة خدمة ال VIP لانها كانت موقفة قبل فترة المهم سجلت اسمي ورجعت للدوام

وبعدها رجعت لهم الساعه 2:40 ظهراً والزحمة كلها في الVIP العالم كلها مسجلة VIP والعوايل الله يهديم ورانا ورانا وين مانروح جاي لحالي بدون المدام بس لاحظت حاجه حلوه اي طفل يعطونه عصير وحلويات ماشاء الله عليهم فرق بين وبينهم بالتعامل المهم وانتظرت ساعه واربعين دقيقه لين خلصت طبعاً اجراءاتهم سهله ومنظمة ومحترفة بس زحمة الناس اخرتنا شوي بعد ماطلعت من عندهم جاتني رسالة على المغرب تفيد بان المعاملة تحت الاجراء

مازلنا بالانتظار يارب يوافقون وريحونا وننطلق نحو القارة العجوز لاول مره


طبعاً قدمت لهم التالي : الفورما للابلكيشن والجواز الاصلي والصور الشخصيه وصورة من حجز الطيران الخطوط السعودية وصورة من حجز الفندق بوكينق وتعريف من العمل بالانجليزي وكشف حساب من البنك لازم يكون مختم انتبهوا وايضاً الصور لازم جديده......

ثانياً : الاستفسار يالربع الحين لو حجزت للندن وعندي ترانزيت فرنسا يوم واحد اقدر انزل فيها ولا ممنوع او فيها اجراءات معينه الشنغن وايها اسهل بالسعودية ولا باريس خصوصاً بالشرقيه لا توجد الشنغن سوا لدوليتن فقط المانيا والنمسا والباقي ادعس للرياض لاهنت

وبالاخير تقبلوا فائق تقديري واحترامي لكم؛؛؛
واسف على الاطالة