رد: رحلة شتوية في الريفيرا الاوروبية بالكروز الرومانسية
اكمل معاكم الجزء الاخير من رحلتي الايطالية الجميلة
و هو اليوم الثامن و الاخير على الكروز
اصبحنا و كلنا شوووق الى وجهتنا الجميلة و الاخيرة اللي كانت الى
BARCALONA
برشلـــونــة
اول ما قعدت من النوووم على طووول افتح الستاره عشان اشوف هالمنظر جدامي
و من بعدها تريقنا و على طووول نزلنا عشان نعيش اجمل 4 ليالي في برشلووونة و اكيد تكملة رحلتي بتكوون في البوابة الاسبانية
في ملاحظات اخيره حبيت اذكرها عن رحلتي خصوصا للكروز
1- شركة الرويال كريبيان من افضل الشركات و الصراحه الرحلة فاقت التصورات الكل كان يبي رضاك و يخدموونك بعيونهم .
2- كل وجهاتي اللي اخترتها على الكروز كانت جديده جدا بالنسبة لي و مكان ما شفته يعني عامل الاثاره و الترقب اجمل ما كان في رحلتي.
3- توقيت الرحلة كان شتاء قارص لو كنت قدمت التواريخ شهر كانت الرحلة بتكون اضبط و امتع .
4- حجزت و دفعت قبل شهرين تقريبا و هالشي عطاني فرصه اني احصل سعر رائع و كان عن طريق مكتب سفريات و السعر للجونير سويت " اصغر انواع الاجنحه" افضل من الانترنت عبر موقعهم الرسمي.
5- بما ان رحلتي كانت في فصل شتاء كان في هواء قوي جدااا و كان يحرك السفينة واللي ما عنده قابلية لدوران البحر بيجيه غصب , مع ان كلام الموظفين ان فالصيف ما تحس ان السفينة تمشي ابد.
6- غرفتي كانت فالطابق الثامن و حسب كلام الاعضاء كل ما علت الغرفه كان افضل بس في فصل الشتاء ومع تحرك السفينه الاضرار كانت تجي اكثر على الغرف اللي فوق يعني تحس بالهز اضافي ههههههه .
7- نقطة مهمه جدا غرفتي كانت الغرفه الاعلى و فوقي يصير المطعم على طول وهذا له مساوئ ان الصبح باكرا تسمع اصوات الترولي و التنظيفات و الناس يمشون فوقك على طول عشان جذي مره ثانيه ما احبذ الغرفه الاعلى مطلقا يعني الطابق ما قبل الاخير بيكون ممتاز فالصيف.
8- اجمل تجربه في حياتي و 8 ايام بلياليها لم تكن كافيه وطارت كالحلم وماعندي مانع اسافر مره ثانيه بفترة اطول تصر الى 12 يوم لان الوقت لا تكاد تحس فيه.
9- اسعدتني متابعتكم و تقدريركم جميعا لي و اتمنى انكم تكونوا استفدتم مني في هذا القسم و انشالله الجاي من رحلتي يعجبكم كثر اللي مضى واكثر لان ما زال لدي الكثير