الرد على الموضوع

رد: مطلوب برنامج

الاخوان ما قصرو معاك واتمنى لك اقامة ممتعة ورحلة موفقة لديرتك الثانية الكويت

رد: مطلوب برنامج

يوم الوصول:

بعد الوصول و الراحه في الفندق
الذهاب الى مارينا مول (مارينا كريسنت) جهة البحر و العشاء هناك
في احد المطاعم (بيلا ايطالي - زعتر و زيت لبناني - كافيه بلان لبناني - فرايديز امريكي - تشوكليت بار -
جوني روكتس امريكي - توتالي فيش بحري + اشاز هندي + الخ من المطاعم و الكافيهات)
انصحك اب تشوكليت بار (عندهم باستا ورديه لذيذه و ايضا السندويشات ثم التحليه اب فوندو :24
بعدها اذا حابين اتمشون
و ترجعون الفندق..!



ثاني يوم:

الذهاب الى الافينيوز
و التسوق و التمشي فيه !
اذا حابين سينما بهالمجمع اكبر عدد قاعات سينما فيه! (فيه سينما Vip تجربه حلوة والله و سعرها 6 دنانير)
بامكانكم تقعدون فيه لما الليل!
و فيه عدد كبير من المطاعم المتنوعه (ايطالي - امريكي - ياباني - لبناني - وجبات سريعه - كافيهات - مطاعم للتحليه)

اذا حابين تطلعون تروحون مكان ثاني
بأمكانكم الذهاب الى المركز العلمي..!
و العشاء في احد مطاعم شارع الخليج العربي الكثيره



ثالث يوم:

الذهاب الى ابراج الكويت !
ثم التسوق في سوق شرق
ثم العشاء في مطعم ميس الغانم ! (اذا تحبون لبناني)



رابع يوم:

الذهاب الى المباركيه
سوق شعبي حلو !
ثم
الذهاب الى الكوت و المنشر في منطقة الفحيحيل تبعد عن العاصمه 20 دقيقه.

او الذهاب الى السالميه و التمشي في مجمعاتها..
(مارينا مول + الفنار + زهره = شارع سالم المبارك على امتداده)








اذا حابه المدام التسوق بشراء شنط ماركات
عليها بـ فيلا مودا في المنطقه الحره بالشويخ جنب جامعة الكويت.



اذا حابين مطعم هندي:
اقترح عليكم
(تال بالكوت او مغل محل ب منطقة شرق او بالسالميه بعمارة مارك & سبنسر خلف مارينا مول
او اشاز بمارينا مول كريسنت)

اذا حابين اكل كويتي:
مطعم فريج صويلح!

اذا حابين ياباني
(ماكي في مارينا ويفز او بالافينيو + واسابي بمجمع الارجان بمنطقة البدع شارع التعاون)






و بس
اتمنى تقضون وقت حلو بالكويت :24:

رد: مطلوب برنامج

حيك الله الموج
7
7
7
7
الي قبلي مابقولي شي بس اذا ماتحب ازحمه لا تنسى اسنما وشوف كل الافلام الي معروضه ولا تردد
7
7
7
ايه صح قبل لا انسى روح سوق اديره واذا تحب البر والمكشات مر سوق اسلاح ترا اقريب منك وعيلي بس تكون ميزانيتك حلوه لانك راح تاخذ اسوق كله نفس واحد اعرفه يحب البر اذا ابي اكسب ذنبه ذيك اليله يروح لسوق اسلاح
7
7
7
7
7
اذا تبي ينكسر خاطرك روح حديقة الحيوانات هههههههههههههههههههههههههههههه مساكين هلحيوانات
وانتم بكرامه قبل لا انسى
7
7
7
7
اذا تعرف احدبلكويت خله ياخذك لسحات ادعو ههههههههههههههههههههههههههه هذا اذا انت تحب البر

رد: مطلوب برنامج

و الله هذي الساعه المباركة و حياك الله بديرتك الكويت

تفضل هالرابط و ان شاء الله تلقى الي اسرك

http://www.arabtravelersforum.com/travel161249/

رد: مطلوب برنامج

تجي بالسلامه اخوي
اكيد تبي تشوف المجمعات و المطاعم ... صح؟
زين
المجمعات :
المارينا مول
الافينوز
شرق

المطاعم:
فريج صويلح
ميس الغانم
قيصر
جوني كارينوز
و مطاعم كثيره عالبحر

اما الاماكن الترفيهيه:
المدينه الترفيهيه
المركز العلمي
حديقة الشعب

و أنصحك تشوف المواضيع اللي بالبوابة

مطلوب برنامج

السلام عليكم ورحمه الله

صباح الخير للجميع

صراحه انا جاي الكويت بعد 5 ايام ان شاء الله وجالس لمدة اسبوع وحاب تعطوني

برنامج يوميا هناك والاماكن التي تستحق الزياره

طبعا السكن راح يكون بشارع الخليج ان شاء الله

الوصول راح يكون على المغرب ان شاء الله