أضف مشاركة إلى الموضوع: السنغال داكار
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
رد: السنغال داكار جرب عن طريق الكشكول تنزل الصور
رد: السنغال داكار
رد: السنغال داكار يعطيكم العافيه على التفاعل الطيببالنسبه للاماكن السياحه فيه جزيرتين قريبه من داكار العاصمه جزيرة قوري وجزيرة أنمبور وفيه منطقه سالي شاليهات واغلبها فرنسين سالوي العاصمه سابقآ فيه منتجع domine nianing البحيره الورديه رتيبيا بالنسبه لصوره مو راضي يحمل صور مشاركاتي قليله
رد: السنغال داكار شكرا اخي علي نقل هذه التجربه
رد: السنغال داكار معلومات مهمة ومفيدة عن البلد , ممكن صور
رد: السنغال داكار وعليكم السلام ورحمه الله وبركاته اسعد الله صباحك شكرا لك علي ذكر التفاصيل المهمه عن البلد ما هي الاماكن السياحيه
السنغال داكار السلام عليكم ورحمة الله وبركاته مــــــــــــسائكم /صــــــــــباحكم ورد حاب أنقل لكم معلومات قد تفيد من يرغب السفر لسنغال للعمل أو السياحه وأن شاء الله ماتـنسوني من الدعاء. طبعا من أقولكم السنغال يخطر في بالكم الفكره السائده في افريقيا.. الداخل مفقود والخارج مولود لا بالعكس السنغال دوله مررره رووووووووعـــــه وأهلــها طيــــبيــن وأثر فيها الاستعمار الفرنسي تأثير أيجابي بتطورهم وثقافتهم وفكرهم وقبل الاستعمار مؤثر فيهم الاسلام بتعاملهم أخلاقهم. السنغال / دوله أغلبـية الشعب مسلم ومسالم المذهب الصوفي للاكثريه ولكن فيه من جميع المذاهب موجوده ولا أحد له دخل بالثاني الامن قوووووي ليل نهار تخرج بسيارتك محد يتعرض لك الحاله الاقتصاديه طبقيتين أغنياء وفقراء الطبقه الوسط معدومه من المجتمع ناس ساكنه في قصور وناس تنام على الرصيف نسأل الله أن يرزقنا وياهم العفو والعافيه والستر الجاليات الموجوده العربيه: لبنان / وعدد الجاليه تقريبا 10 الالف لبناني وهم أصحاب تجاره يملكون أغلب المحلات وأغلب مبيعاتهم عربيه المغرب/ وأغلبيتهم لدراسه في جامعة داكار بحكم أنها معتمده في المغرب ولكن فيه منهم موظفين في مستسفيات وأصحاب تجاره موريتانيا/ بحكم القرب من الحدود وهم بكثره في السنغال بالنسبه للفرنسين أنتهاء الاستعمار ولكن لم ينتهي وجودهم في السنغال فهم موجودين بكثره ومتزوجين سنغالين فرنسيات والعكس الخطوط الناقله لسنغال: الامارتيه / مريحه ولكن مدة الرحله طويله من دبي الى داكار تقريبا13 ساعه. التركيه / في بعض الاحيان تكون طيارتهم سيئه ولكن مدة الرحله من استنبول الى داكار 7 ساعات. المغربيه /الطائره مررره صغيره ولكن مدة الرحله من الدار البيضاء الى داكار 3 ساعات. جميعها لها سلبيات وأيجابيات ولكن أنا أفضل التركيه. التأشيره الكترونيه من موقع وزارة الداخليه السنغالي الفنادق موجوده على بوكنق ولكن أهم الفنادق : _ردسون بلو _والملك فهد _تيروبي _كوفي دي روم _سافانا الاسواق : _سي بلازا مول تجاري مطل على المحيط ويحتوي على سوبر ماركت مطاعم كافي نادي رياضي ملاهي اطفال صالة العاب كهربائيه ....الخ _السوق الهندي _سوبرماركت ستي دي فروعه كثيرهـ _محلات مواد غذائيه لبنانيه حب الله وحيدره وجواد _البلد يسمونه ( الصندقه) فيه كل شي المطاعم : _ليقوانا _سيزر _بيتزا ان _one _الميناء _الجندول _وجميع الفنادق تقدم وجبات في اللوبي المستشفيات : كثيره ولكن الي اعرفه واراجع فيه(مادلين كلينك) لان الدكاتره لبنانيه وبيحكو عربي منيح. _دكتور عام الدكتور حيدره _دكتور اطفال الجبالي ممتاز السيارات : ماأعرف أسعار الاجار ولا نظامهم ولكن التكسي يوفي الغرض ويحتاج لمكاسره يعني قبل تركب تقوله اخر كلام ( بالفرنسي طبعآ) مافيه نظام عدادات العمله : فرنك سيفا غرب افريقي 1 يورو = 660 فرنك 100 يورو = 66000فرنك 1000يورو =660000فرنك ننتقل لشخص بيعمل في السنغال : الاشياء الي يجيبها معه. أهم شي الملااااااابس لان هنا ياماركات وغاليييه جدآ أوخامه سيئه وبرضه غاليييييه تمر قهوه هيل اذا هو راعيى اكلات شعبيه ويحب يجيب معه طحين باقي الاشياء متوفره مواد غذائيه ادوات تنظيف أدويه صيدليات 24 ساعه السكن : الشقق متوفره قيمة أجار الشقق تختلف ولكن العاديه المكونه من غرفتين وصالون ومطبخ و2 حمام وانتم بكرامه من 250000 الى 300000 من 380 يورو الى 460 يورو وتزيد القيمه بحسب راعي البيت أو الخدمات الموجوده ماطور كهرب سكرتيه باركنق احنا الان لنا تقريبا سنه ماتفصل الا في النادر وبعد ماتطول من اول كانت تفصل من 6 ساعات الى 12 ساعه بعد استلام الريس الجديد مكي صال اذا قطعت بالكثير ساعتين وهذا ممكن في السته أشهور مره أثاث البيت : يكلف اثاث مثل هذي الشقه تقريبا مايعادل 2500000 فرنك اي 4000 يورو طبعا اثاث عادي جدا مافيه الا الاشياء الضروريه بدون اي كماليات او تحف السيارات : كل انواع السيارات موجوده ولكن أنصح بالبيجو والستروين والهواندي والكورلا هذي الي يستخدمها اهل البلد وقطعها موجوده بكثره والافضل تكون ديزل.... السيارات الصغيره تتراوح قيمتها من 3500000 فرنك الى 4000000 من 5350 يورو الى 6100 يورو والسيارات الكبيره مثل جيب هواندي 4500000 فرنك الى 5000000 من 6850 الى 7750 مصروف الشهر لرجال مو راعي خنبقه بالحد الاقصى 1500 يورو من الى وبعد يزيد نصائح عامه: 1_السكن في أدوار مرتفعه تجنبآ لسرقه 2_السكن في عماره عليها حراسه 3_غير كيلون الباب 4_التعامل الطيب 5_أنتبه من النامس وقت الامطار لانها تنقل الملاريا 6_أعراض الملاريا هي اعراض الفلونزا مع الم في المفاصل وأستفراغ 7_لاتمشي في الليل أي مشوار روح بالسياره 8_لاتدخل أحياء وأماكن ماتعرفها في الليل هذا وصلى الله على نبينا محمد وعلى اله وصحبه تسلميآ كثيرآ اللهم صلى على محمد عدد ماذكره الذاكرون وغفل عنه الغافلون لاتنسونا من صالح الدعاء فأنا بحاجه لدعوه صادقه والسلام عليكم ورحمة الله وبركاته
السنغال داكار
قوانين المنتدى