الرد على الموضوع

رد: ماهي الخطوة مابعد قرار الابتعاث وقص التذاكر؟؟؟؟

مرحبا اخوي سويس جوكليت احب في البدايه ارحب فيك واشكرك على الافادة ولكــن لو سمحت هل واجهت صعوبات لين حصلت لك على عائله هل اول ما وصلت الولايه اللي انت مبتعث عليها واجهتك صعوبات من اي نوع مثلا رحت سكنت في اوتيل كيف اخترت الاوتيل وبكم اسعار الفنادق وكيف قدرت تحصل على العائله سويت اعلانا ولا كيف بضبط يعني نبغى لاهنت التفاصيل وتقبل تحياتي شكرآ.

رد: ماهي الخطوة مابعد قرار الابتعاث وقص التذاكر؟؟؟؟

ارسل ايميل للجامعه قلهم انك خلصت اجراءات الابتعاث كامله وان رحلتك باليوم الفلاني وبتوصل قبل الدراسه بعشر ايام وش تقترحون؟؟ واذا تقترحون اني اسكن بفندق يا ريت تعطوني قائمه باسماء الفنادق القريبه من الجامعه واسعارها معقوله.

انا سويت كذا وارسلولي قائمه واخترت واحد منهم واتصلت عليهم تلفون وحجزت غرفه بعد ما عطيتهم رقم الكردت كارد وكانت الليله تقريبا ب 52 دولاارر. حجزته لمدة اسبوع لين ما اضبط اموري واشوف وضعي.

رد: ماهي الخطوة مابعد قرار الابتعاث وقص التذاكر؟؟؟؟

المشاركة الأصلية كتبت بواسطة _الامبراطور_


اول شئ اخوي تحجز السكن من هنا افضلك واريحلك وبعدين اهم شئ بلغ العائله انك جاي باليوم الفلاني عشان يستقبلونك اذا كنت بتسكن بعائله............
والشئ الاهم والمهم واللي البعض ممكن يتساه وهو عنوان العائله والسكن تراه ياشباب مهم جداً في حاله مالقيتهم مستقبلينك اركب اقرب لموزين ووره الورقه حقت العنوان .... وبرضو بالنسبه للي رايحين للملحقيه خذ العنوان تراه مهم جداً افرض لاقدر الله ومالقيت احد بيستقبلك تكون متجهز للموزين



اخوي الامبراطور مساك الله برضى والعافيه ,,, يبه هنا مربط الفرس وشلون نلقى عائله في الولايه اللي حنا رايحين لها يعني الحين انا رايح الى متشغان من وين لي ادور على عائله وانا ما اعرف شي هناك...؟
السؤال الثاني : موب شرط عائله لو اوتيل (فندق) وشلون احجز فندق با المدينه اللي انا رياح لها عن طريق مكتب حجز ولا النت وكيف اعرف الفنداق الموجودة اسماءها وانواعها واسعارها اسئله كثيرة والشباب اللي مثلي في حيرة ( صرت شاعر الظاهر اني المتنبى على غفله :109: )
الزبدة يا شباب افيدون اللي راحو والا الي عندة معلومات وشكرآ الامبراطور على افادتك بخصوص عنوان الملحقيه ومرورك على موضوعب تقبل تحياتي و لا يهون الاخ سعد سلملم .

رد: ماهي الخطوة مابعد قرار الابتعاث وقص التذاكر؟؟؟؟

يعني بوصل قبل بتقريبآ عشرة ايـــام ولا اعرف اي شي هناك ولا اعرف اتكلم انكليزي من خلال هذة الايام العشرة وين اروح وين اسكن وايش اسوي لين يجي موعد الدراسه
وهـــل الملحقيه تأمن لي سكن عائله او غيرها ولا انا ادور لنفسي مع اني داج في اللغه يا شباب اللي رايح في هذا التاريخ او راح هناك او يبي يروح يعلمنا وله الثواب والاجر من الله عسى ربي يوفقه




أنا مثلك بالتمااااام

ياليت ياشباب تفيدونا بالتفصيل ..


تحيااتي ...

رد: ماهي الخطوة مابعد قرار الابتعاث وقص التذاكر؟؟؟؟

اول شئ اخوي تحجز السكن من هنا افضلك واريحلك وبعدين اهم شئ بلغ العائله انك جاي باليوم الفلاني عشان يستقبلونك اذا كنت بتسكن بعائله............

والشئ الاهم والمهم واللي البعض ممكن يتساه وهو عنوان العائله والسكن تراه ياشباب مهم جداً في حاله مالقيتهم مستقبلينك اركب اقرب لموزين ووره الورقه حقت العنوان .... وبرضو بالنسبه للي رايحين للملحقيه خذ العنوان تراه مهم جداً افرض لاقدر الله ومالقيت احد بيستقبلك تكون متجهز للموزين

رد: ماهي الخطوة مابعد قرار الابتعاث وقص التذاكر؟؟؟؟

معليش نسيت اذكر شي بنسبه للفنادق اقدر احجز عن طريق الانتر نت فنادق في الولايه اللي بروح لها
عشان ما اقعد احوس اول ما اوصل ما اعرف وين اروح ولا وين ارمي نفسي

ماهي الخطوة مابعد قرار الابتعاث وقص التذاكر؟؟؟؟

السلام عليكم ورحمه الله وبركاته ,,, واسعد الله مساء الجميع بكل خير وسرور اخواني واخواتي
ابشركم اصدرت اليوم قرار الابتعاث وامر الاركاب والتذاكر بعد يومين انشاء الله تكون معاي ولكن هناك سؤال جدآ مهم .......!!!!!!! الا وهو ماهي الخطوة التاليه بعد كل هذا المجهود ........!!! يعني اقصد
الآن انا بروح امريكا وتحديد ولايــه ميتشغان تاريخ السفر في 28/12/2005 م خطه السيرر
(الرياض-جدة-لندن-واشنطن-ديرويت-كلامازو) يعني مشوار ابن مشوار وتاريخ الدراسه في 10/1/2006م
يعني بوصل قبل بتقريبآ عشرة ايـــام ولا اعرف اي شي هناك ولا اعرف اتكلم انكليزي من خلال هذة الايام العشرة وين اروح وين اسكن وايش اسوي لين يجي موعد الدراسه
وهـــل الملحقيه تأمن لي سكن عائله او غيرها ولا انا ادور لنفسي مع اني داج في اللغه يا شباب اللي رايح في هذا التاريخ او راح هناك او يبي يروح يعلمنا وله الثواب والاجر من الله عسى ربي يوفقه
وتقبلو تحياتي وشكرآ. :105: