مرحبا أخي العزيز
أهلا وسهلا فيك وإن شاءالله تروح وترجع بالسلامة
بالنسبة ليوم الجمعة في سوريا ... بتكون الأجواء جدا هادية ومافي حركة لأنه كل الأسواق بتكون مغلقة ماعدا سوق باب توما بيفتح يوم الجمعة وفي كمان حمامات في باب توما
المولات بتفتح يوم الجمعة متل : تاون سنتر في صحنايا وشام سيتي سنتر في كفر سوسة والمطاعم كلها بتفتح يوم الجمعة
بالنسبة لبلودان والزبداني رح تكون باردة في هادا الوقت ومع إني من عشاق بلودان ولكن في هالوقت من السنة ماعمري رحتها ، يمكن الأخوة يفيدوك إذا عندهم فكرة
حاليا هادا ياللي بتذكره وإذا خطر في بالي شي تاني بخبرك
مع خالص تحياتي