تعالوا يا أهل الكويت
أخواني وأحبابي أبناء ديرتي الاعزاء
كلما نويت السفر تطري علي محبوبتي
هل تلومونني في حب محبوبتي
اقرأوا هذه القصيده للشاعر ( سعد بن علوش ) وتعرفون من هي محبوبتي
وعندها بالتأكيد ستعذروني لمحبتها بل والهيام في حبها
أميــره وفي عيون ناســك أميره .... ياللي على أدراج القلوب ارتقيتي ....
يالاوله لا يمكن أنــك أخيره .... تبدين لاكنــك حشا ما انتهيتي ....
من يومني صغيّر أشوفـك صغيره .... ربيت بــك وأنتي بقلبي ربــيــتي ....
حتى كبرت وصرت أشوفــك كــبيرة .... يالله عطيتي ضعف منتي خذيـــتي ....
أبعد وأسافر عن هواك وعبيره .... ويذوب بالي كل ما انتي طريتـــي ....
وأحن لك حن العشير لعشــــيره .... اضحك لضحكتك وابكي اليا بكــيـــتي ....
ياكويت ياروح المحب وضميره .... لا يابعد ناسي وحيي وميــــتي .....
لا شفت ظيم الناس في كل ديـــــره .... أسجـــد لربــــي اللي خلقني كـــويـــتــــي ....
عرفتوا من محبوبتي ؟؟
هل تلومنني في حبها ؟؟
