رد: مطاعم ومجمعات الكويت
المشاركة الأصلية كتبت بواسطة ya413
http://www.arabtravelersforum.com/tr...0/#post5259290
السلام عليكم ورحمه الله وبركاته :
أحبائي /
من يرشدني على مطاعم محافظة أي في خصوصية للعوائل وتكون مرتبه ، وما أفضل مطاعم الكويت ...
كذلك نريد مجمعات أو محلات لفساتين الزواج والأفراح .
وشكراً....
وعليكم السلام ورحمة الله وبركاته
وحياكم الله في ديرتكم ..
اذا قصدك بالخصوصيه تبي كباين هذا موضوع وفيه المطاعم الكباين وبضيف عليهم 2
عندك واسابي ( ياباني) فيه كباين موجود بالافنيوز - البدع - الفحيحيل - القبله - مقابل قصر السيف (شرق).
وايلد فاير عندي + صيني فيه كباين موجود في مدينه الكويت من بعد مااتخلي الاوقاف يمينك واتكمل سيده بعد الاشاره اتحصله على ايدك اليمين ..
بالنسبه للا سواق لفساتين الافراح :
حولي ( مجمع العثمان - المهلب - مجمع النقره الشمالي )
السالمية ( مجمع ليلى غالري - مريم - البستان - الفنار - زهره )
الديره ( الصالحيه - الرايه )
الفروانيه ( الحمرا مول )
هذيل اللي ذاكرتهم وان ان شاء الله اللي عنده اي معلومات ما راح يبخل معاكم ..
وحياكم الله
