الرد على الموضوع

رد: بنزور الكويت بس ما اعرف اي شي

الاخ فهد .
الاخوات مسافره و روان

تشكرون على المعلومات القيمه. واللي فادتني كثير

رد: بنزور الكويت بس ما اعرف اي شي

هلا اخوي وعليكم السلام ورحمة الله وبركاته

حياكم الله بالكويت

انصحك تسكن بالسالميه لانها قريبه من المجمعات وعندك وايد شقق فندقيه مثل النوري وساره بلازا وبودل ومارينا رويال

افضل المجمعات : مارينا مول وسوق شرق والمهلب وسوق المباركيه (سوق شعبي) بالاضافه الى شارع سالم المبارك اللي في اكثر من 8 مجمعات مثل الفنار والبستان وليلى جاليري وجاليريا وبلازا

افضل المطاعم عندك المارينا كرسنت فيها وايد مطاعم حلوه مثل اشاز الهندي وتوتالي فيش (سي فود) وكافيه بلان وجوني ركتس وفرايديز بالاضافه الى ستاربكس وكوستا و جوكلت بار
وفي بعد ماكي الياباني
وواسابي الصيني بالعاصمه ورا الكنيسه

افضل المطاعم للريوق عندك :
1- مطعم لا مارينا بسوق شرق
2- كافيه بلان بالمارينا كرسنت

رد: بنزور الكويت بس ما اعرف اي شي

حياك الله اخوي بالكويت
الشقق الفندقية اغلبها يدية مثل ريترز شرق وسارا بلازا وكلهم بالديرة.
الاسواق الشعبية عندك سوق المباركية
المجمعات التجارية عندك: سوق شرق - المارينا مول - المهلب - الفنار ( وبجانبه العديد من المجمعات التجارية )
المطاعم بكل المجمعات وهناك سلسلة من المطاعم العالمية على امتداد شارع الخليج
وحياك الله

رد: بنزور الكويت بس ما اعرف اي شي

الله يسلمك عزيزي eyesmax
وحاضرين لأي سؤال .

رد: بنزور الكويت بس ما اعرف اي شي

تسلم يالذيب

رد: بنزور الكويت بس ما اعرف اي شي

خويeyesmax
حياك الله بديرتك
بعد ما تدخل الكويت وتخرج الجوازات إمش سيدة إلى أن تشوف لافته على إيدك اليمين بإسم طريق الملك عبد الرحمن (بن سعود على ما أظن) المهم تأخذها يمين وخلط ماشي طول الطريق سيدة لا يمين ولا يسار بحدود 50 دقيقة
إلى أن تصل إلى لافته على اليمين مكتوب المسيلة إتبعها طبعا راح توصل لجسر مكتوب على اليمين السالمية إخذ يمين ، انت الحين ببداية شارع الخليج على يمين البحر تمشي سيدة مسافة 4 دقايق راح تشوف على يمينك فنادق راديسون ساس ومنتجع النخيل ومنتجع شيك فلامنغو ومجموعة من المطاعم وبعدها يجيلك دوار صغير إخذه سيدة إنت دخلت السالمية وبعدها أول لفة على اليسار مكتوب شارع البحرين (تدخله وراح تحصل فيه مجموعة من الشقق الفندقية)
ودام إن الزيارة قصيرة فأنصح إن السكن يكون بالسالمية
وهناك عدة في النوري ، وسارة وغيرها موجودة وذاكرينا الإخوان مثل عزيزنا ضاري وغيرهم من الشباب
إنشالله يكون الوصف واضح ؟
المجمعات : عندك مجمعات شارع سالم المبارك بالسالمية وراح تكون قريبة من سكنك مثل الفنار وليلى غاليري وعندك المارينا مول
وبالعاصمة عندك سوق شرق
وعندك الاسواق الشعبية (لا يطوفك سوق المباركية متنوع وكبير وكل شي فيه - دايما الخليجيين يزورونه)
ولو كان الوقت يسمح كان زرت الفحيحيل (قريبة من الحدود حوالي نصف ساعة )والفروانية لأن هناك عدة مجمعات حلوة بس الوقت ما يكفي .
والمطاعم (الله ما كثر المطاعم بالديرة )
لبناني عندك ميس الغانم
والبردوني للإفطار وايد حلو
وغيرها الكثير من المطاعم
ولو تقرا المواضيع المكتوبة راح تلقى كل الإجابات .

رد: بنزور الكويت بس ما اعرف اي شي

تشكر اخ ناصر على الرد السريع.

انا حاليا اقراء في البوابه و اجمع معلومات . و لا تبخلون علينا انتم اهل الديره واعلم بكل شي بها

رد: بنزور الكويت بس ما اعرف اي شي

حياك الله ياولد الدمام في الكويت والله انك في دارك وبين احبابك

ياليت تزور بوابه الكويت وتشوف كل الشقق الفندقيه واسعارها والاسواق الحلوة وتقدر تحجز من الحين لان في فبراير تكون زحمه وخاصه يوم الخميس

اما بالنسبه للسكن انصحك بالساليمه لان كل شي متوفر فيها وبالنسبه للاسواق اعتقد اللي تقصده سوق المباركيه وسوق واقف

بنزور الكويت بس ما اعرف اي شي

السلام عليكم...

الاخوان الكرام... كيفكم :24: ؟

بأذن الواحد الاحد ... انا بمشي من الدمام الى كويت بتاريخ 9 فبراير."الخميس" و ناوي اجلس فيها لين الجمعه بالليل. يعني يومين بس المبيت ليله وحده.:24:

لكن المشكله الاكبر اني مازرت كويت من يومي صغيييييير :101: وعندي استفسارات. و اتقبل كل نصايحكم و برامجكم بعد (مافيه مشكل بابو) :101:

على فكره الزياره بهدف التسوق... حنا 2 انا ومدامتي

1-وين اتجه بعد الحدود؟
2-افضل منطقه لسكن الزوار.
3-افضل اسم شقق فندقيه تنصحوني بها في المنطقه اللي تحددونها.
4-الاسواق الشعبيه للنساء "مثل سوق محرق بالبحرين" و "سوق الدمام" :24:
5-المجمعات اللي تستحق الزياره.
6-اسم كم مطعم حلو.
7-مكان رووووووووومنس عشان نروح نفطر الصباح فيه.

اشكركم كلكم مقدما ... والسموحه


تمت الاجابة هنا
رايح الكويت للتسوق ساعدويفي اماكن التسوق هناك