كرايس تشيرج

السلام عليكم ورحمة الله وبركاته انا صراحه جاي على نيوزلندا وخصوصا كرايس تشيرج بعد شهر تقريبا للدراسه والعلاج ولا خليت احد الا وكلمته على اساس يستقبلوني في البدايه ويساعدوني في ايجاد سكن وفتح ملف في الملحقيه واجراءات الوصول لكن لا حياة لمن تنادي فيا ليت الي يعرف يــــــــامــــــيـــــــه هناك يبلغني ويوصلني لهم عن طريق جهة اتصال او اي شي ولا احد يفهم غلط لانه صدق المثل ما لك الا ولد عمك ولا احد يزعل مني بالعكس كلنا اخوان وعيال عم بس والله ما كتبت الموضوع الا وانا مرتفع ضغطي الي يشوفني يقول طالب شي مستحيل فتكفون ابي مساعده بس لا اكثر ويبشر بالي يبغا تقبلوا تحياتي ولا احد يزعل مني

انا موجود بكرايس شيرش

امرني كيف تبغاني اساعدك و حنا كلنا اخوان واذا جيت بوصلك لعيال عمك لا تشيل هم

متى موعد السفر ؟

مدة الكورس ؟

اخر شهاده حاصل عليها ؟ ( للملحقيه )

و ان شاء الله اشفلك عايله محترمه ومعهد طيب وش احسن من كذا بعد ..

الله يحييك بين اخوانك في كرايس شيرش ..

دووووووووودي

بيض الله وجهك يادودي ترى النتيجه الي ابيها هذي وانا اخوك مهوب مقصدي عيال عمي واسحب على اخوانك السعو ديين هناك مقصي نبي نكون مع بعض ونساعد بعض هذي الي ابي ماا علينا من هالكلام
انا انشالله بحجز الاسبوع الجاي ان شالله وببلغك باذن واحد احد والله يكثر من امثالك اخوي دودي والله يعطيك العافيه وويوفقك ان شالله تقبل تحياتي

مرحبا فيك

اذا حصلت حجوزات على كرايس شيرش بلغني هنا في الموقع ..

واذا انت من جده او الرياض افضل شي الخطوط السنغافوريه ..

والمعهد والعايله لا تشيل همها بس انت حدد موعد السفر وان شاء الله يصير خير ..

https://www.otlaat.com/arabtravelers...quote_icon.png المشاركة الأصلية كتبت بواسطة doodiecanada
http://www.arabtravelersforum.com/tr...9/#post2512819

مرحبا فيك

اذا حصلت حجوزات على كرايس شيرش بلغني هنا في الموقع ..

واذا انت من جده او الرياض افضل شي الخطوط السنغافوريه ..

والمعهد والعايله لا تشيل همها بس انت حدد موعد السفر وان شاء الله يصير خير ..





الله يوفقك دنيا واخره قووووووول امين اخوي دودي انا من الرياض واول ما احجز راح ابلغك وانشالله واتوقع والله اعلم اني بحجز على نهاية شهر ذي الحجه وراح ابلغك بوقت الرحله بس ياليت القى وسيلة اتصال لك غير المنتدى اخوي دودي والله لايهينك انشالله وويوفقك يارب العالمين وانت شفت بنفسك ما احد رد الا انت ولايحتاج اتكلم واقول اكثر من الي قلته قبل تقبل تحياتي اخوك سعيد

والله انا اعرف ياميه في اوكلاند ونعم فيهم ..


اذا بغيت خدمه انا حاضر ..


بس كراس تشيرج مااعرف احد هناكـ ..



اخوكـ - تركي الغامدي ..

https://www.otlaat.com/arabtravelers...quote_icon.png المشاركة الأصلية كتبت بواسطة ملك اليوفي
http://www.arabtravelersforum.com/tr...8/#post2516758

والله انا اعرف ياميه في اوكلاند ونعم فيهم ..


اذا بغيت خدمه انا حاضر ..


بس كراس تشيرج مااعرف احد هناكـ ..



اخوكـ - تركي الغامدي ..



بيض الله وجهك ياتركي الغامدي والله يطول عمرك انشالله ويعيطك العافيه ما فيك قصور لا انت ولا الياميه الي عندك لكن انا ابي في كرايس تشيرج ردك بس يكفي والله خدمتني بكلامك الجميل ويعطيك العافيه واخوي دودي ما قصر وبيقوم بالواجب الله يعطيه العافيه

الله يوفقك ويسر امرك ويشفيك انشالله انا من سكان اوكلند كان ودي اخدمك المهم تقدر تاخذ رابط المعهد الي بتختاره ووتفاهم معاه بالنت وتسجل وتدفع الفلوس وادفع حق اسبوعين عشان لاصار شي مثلا ماعجبك تغيره وراح يكون بموقع المعهد ايمله وطريقة التسجيل فيه وتقلهم ابي احد يستقبلني بالمطار اشنالله اكون افتك هذا الي اقدر عليه

عزيزي إجراءاتك كلها بسيطة..

يعني أنت راسل معهد وأعطيه رسوم حقت أسبوعين وإذا ماأعجبك ممكن تغيرهـ وبسهولة..
وبالنسبة للعائلة المعهد يتولاها يسكنك عند عائلة زي المواصفات الي تبغى وهو يتحملها لو ماأعجبتك..
والإستقبال بالمطار المعهد برضوا يتولاها..

الإجراءات صدقني بسيطة جداً ولا تستصعبها ماعليك سوى أنك تشوف معهد حتى لو مشّي حالك وممكن من هناك تروح لأي معهد ثاني..


وبالتووووووفيق..

يعطيكم العافيه اخواني ما قصرتوا بس لي رجعه علشان تعلموني طريقه حجز العائله عن طريق المعهد لاني الانكليزيه شوي مو زينه

https://www.otlaat.com/arabtravelers...quote_icon.png المشاركة الأصلية كتبت بواسطة تعبان نفسيا
http://www.arabtravelersforum.com/tr...0/#post2529090

اخوي بن بطوطه معليش على الكلام الي طلع مني بس انا ما بغيت معلومه انا بغيت ناس تساعدني في بدايهوصولي لنيوزلندا فقط لاغير في ايجاد سكن وفتح ملف في الملحقيه لاني يا اخوان من ذوي الاحتياجات الخاص ابي المساعده هذي بس هذا الي ابي ما طلبت شي مستحيل واكرر اسفي لحظه غضب ومعليش على ما بدر مني والله يوفق الجميع ان شالله



مــا حصــل الى خيــر هي زله و الانســان مهب معصــوم من الخطأ

اتمنى انك تحصل على مبتغاك من الاخوان و زيادة والله يوفقك و ييسرلك امــرك