جدول سياحي مايو رايكم يهمني
بسم الله الرحمن الرحيم
انا ان شاء الله انا رايح على لندن في مايو و حاط هذا الجدول و رايكم يهمني
واذا في تعديل اتمنى ما تبخلون علي ..
* لندن مايو 2013
*اول يوم
-الوصول للفندق و الراحه
- التجول في شارع العرب و الغداء فيه
-الهايد بارك و الكافي شوب هايد بارك و التجول في القارب في الهايد بارك
*ثاني يوم
مدام تسو
-لندن اي
-بيق بين
-الجوله النهريه
-بيكنغهام بالاس
*ثالث يوم
- بيستر فيلج
-ريجينت بارك لندن زو
-مدام تسو
*رابع يوم
-اكسفورد ستريت (متحف صدق او لا تصدق) (محل كول بريتين للهدايا)
-ريجينت ستريت
-بيكاديلي سيركس
-هارودز
والعشاء في هارودز
*اليوم الخامس
-كوفينت قاردن
-ويست فيلد
-
Natural History Museum ( متحف الطبيعة )
Science museum ( المتحف العلمي )
*اليوم السادس
مادري وين اروح :((
رد: جدول سياحي مايو رايكم يهمني
اليوم السادس سير علي فيه نتقهوى مرحبا الف :)
مدام توسو ليش مكررها باليوم الثاني والثالث خلاص مره وحده تكفي
شوف ياخوي فالح لندن ماهي حقت تخطيط جدول حلاتها تعيش ايامها بالتسكع في شوارعها واسواقها طبعا بعد زيارة المعالم الاساسية السياحية واللي انت ذكرتهم لذلك لاتشيل هم اليوم تقول وين تروح متأكد ان الايام بتمضي ماحسيت فيها
تدري وش يبيلك انت الحين :
قراءة تقارير المنتدى جدولك ماشاء الله تمام ومبين عليك انك قريت لكن بشكل سريع ارجو التأني مع ستكانة شاهي من اللي يحبه قلبك وتحط النقاط على الحروف
واي خدمة حاضرين
رد: جدول سياحي مايو رايكم يهمني
اخوي فارس الله لا يهينك على الدعوه و الله يبيض وجهك ..
واشكرك على سرعة الرد
فعلا انا قريت التقارير بشكل سريع
وباخذ بنصيحتك و اقرى بتأني شديد
و أسئل الله يحفظلك عبدالله و لمى
رد: جدول سياحي مايو رايكم يهمني
الله يجزاك خير ولك بالمثل ان شاء الله
وفي الخدمة طال عمرك حاضرين لاي استفسار او اي شي مو واضح لايردك الا لسانك وانا اخوك
رد: جدول سياحي مايو رايكم يهمني
جدولك كويس
وملاحظات الاخ فارس صحيحه
شكرا لك فارس ع جهودك من الموبايل
رد: جدول سياحي مايو رايكم يهمني
العفو يااخوان الشكر لله سبحانة وتعالى اللي سخر لنا هالامكانيات اللهم لك الحمد
وحاضرين بالخدمة ماوضع هالمنتدى الا لجل خدمتكم
والله يحفظكم في حلكم وترحالكم
رد: جدول سياحي مايو رايكم يهمني
جزاكم الله خير
هل كلمة كويس يعني تمشي الحال
ولا يعني شغلي تمام p:
رد: جدول سياحي مايو رايكم يهمني
برنامج حلو
لو سمحت حط اسماء الفنادق
و هل فندق واحد يكفي لكل الايام لو كان الجدول اسبوع؟
وهل ي سمحوا بوجود الاطفال معانا بنفس الغرفة؟
رد: جدول سياحي مايو رايكم يهمني
هلا اخوي
مثل ماقالوا الاخوان اطلع على التقارير و ادعوك ايضا لقراءة تقريري بالتوقيع
مدام توسو مع لندن زو و الريجن بارك بنفس اليوم لقربهم من بعض
والاكسفورد ستريت هو على امتداد الايجوررود اذا انت ساكن فيه يعني يوميا بتمرهم اثنينهم
بالنسبة لبستر فيلج اتوقع يبي لها يوم خاص بالتسوق لانها مسافة عن لندن وما اوقع يمديك بنفس اليوم تروح الزو ومتحف الشمع والبارك بيكون زحمة جدول ولا تلحق
سفرة موفقة
رد: جدول سياحي مايو رايكم يهمني
*اهلا اخت اميره نغم .. انا حاجز في فندق هيلتون شارع العرب
*اختي مسافره عبر الزمن ان شا الله الحين راح اقرا تقريرج .. و اسئل الله ان يشفي ابنك عبدالله ..