عرض للطباعة
السلام عليكم
لقد قدمت على البعثه لدرجه الماجستير واتوقع الحصول على الضمان المالي قريبا ولكن المشكله اني معلم ( خدمه 6 سنوات ) فهل يجب الاستقاله او يمكن اخذ اجازه بدون مرتب وهل الحصول عليها سهل وفي حاله وجوب الاستقاله هل الحصول عليها سهل ؟وهل تنصحوني بالاستقاله ؟
اتمنى التوفيق للجميع
اخوي البعثة تراها موب مضمونه 100% لان الضمان المالي موب كل شي لان اي شخص ممكن يجيب ضمان مالي
سؤال انا هل الوزارة قالت لك لازم تستقيل ؟!؟! ما اتوقع
خلك في شغلك الحين وتابع موضوع البعثة ولا تستقيل الا اذا تاكدت امورك وطلعت الفيزا والتذاكر وحددت موعد السفر وموعد بدء الدراسة
لان حرام تروح عليك وظيفتك وانت خدمتك 6 سنوات
تحياتي
حمادة
الله يصلحك. لا تدرئ الوزارة انك موظف. لانه احد شروط الابتعاث ان لا يكون المتقدم موظفا
نصحيتي قدم اوراقك بدون الاشارة الا انك موظف و اذا جاك قبول من الجامعة و طلع الضمان الرسمي و السفارة طلعتلك فيزا دراسة بعدين قدم استقالتك الله يوفقك.بس لا تخرب العلاقات امكن ترجع تشتغل عندهم
حمادة
اذا كنت موظف لك سنتين خدمة ممكن تبتعث لكن لازم جهة عملك توافق على هذا الابتعاث ( راجع شروط ابتعاث الوزارة )
لكن المشكلة انه لو ايش حصل ... جهه عملك لن توافق في الغالب :110:
لكن كما ذكر الاخوة ... اذا كان ولابد من الاستقاله فلا تقدم على هذه الخطوة الا بعد توفر التالي :
خطاب الابتعاث من الوزارة ( وليس الضمان المالي :114: ) ... وهذا الخطاب يتم الحصول عليه بعد موافقة الجامعة واستخراج الفيزا الى امريكا
وكذلك تكون تذاكر السفر في جيبك ... :101:
انا صرح لي احد الكوظفين بالوزارة بوجوب الاستقالة وطبعا النظام تبع بعثات امريكا ينص على ان لايكون المتقدم موظفا وليس ان لا يكون قد سبق له ان شغر وظيفة
شكرا لكم جميعا
والله انا عارف ادرة التعليم انهم ماراح يوافقون حتى على الاستقاله فما بالك بالتفريف للدراسه ولكن نصبر ونرى ماكتب الله لنا
وفق الله جميع خصوص من تكرم بالرد
حمادة
عند التقديم على البعثة هل أخبرتهم أنك موظف ..
وهل التخصص علمي ..
اخي العزيز طوق الحمامه آسف على التأخر في الرد لاني لم انتبه لسؤالك
لا لم يسألوني وانا بدوري لم اخبرهم وبالنسبه لتخصصي فهو حاسب ونظم المعلومات الاداريه
وعلى فكره صدر لي الضمان المالي
وفقكم الله
اخوي حمادة بشرني ايش سويت؟؟
اخوك نفس المشكله؟؟
اخوي sky200f
رحت الى ادارة التعليم استفسر عن اجازه بدون راتب وقالوا لي صعبه انت تخصصك نادر ( وفي الحقيقه هذا التخصص في منطقتي لا هو نادر ولا شي) وقال كان نيتك تكمل دراسه روح لقسم الابتعاث ورحت لهم وذكر لي شروطهم اللي تعقد بس واحد نصحني اراجع الوزاره ابرك من اداره التعليم واذا ما عطوني اجازه وحصلت قبول يمكن اقدم استقاله
عزيزي hamada1420
حسب الأنظمة الوزارية الصادرة مؤخرا أبشرك :106: يوجد نظام يسمى إجازة دراسية هذا النظام يسمح لك بالدراسة ولكن بدون راتب وبتفريغ كامل ولكن أحضر لهم موافقة من وزارة التعليم العالي وحاول يكون التخصص الجديد يمس العمل في التربية والتعليم بأي صورة سواء كانت تعليمية أو إدارية علشان إدارة الابتعاث عندك في الإدارة يفيدون الوزارة بحاجتهم لتخصصك الجديد وبالتالي الموافقة على الإجازة .
بالنسبة لحاجتهم للتخصص الحالي راح توافق إدارة التعليم عندكم على منح الإجازة الدراسية بس احتمال بشرط البديل من الوزارةانت حاول تكون الموافقة بدون اشتراط البديل .
في حال عدم موافقة الإدارة عندكم أنصحك بمراجعة الوزارة في الإدارة العامة لشؤون المعلمين هناك سمحين والصلاحيات عندهم أكبر لكن يعينك الله هذي الأيام عندهم زحمة وضغوط عمل كبيرة.
على فكرة إذا ما فلحت في الدراسة ماراح تحسب لك سنوات الخدمة خلال مدة الدراسة أما إذا نجحت إن شاء الله فممكن تحسب لك سنوات الدراسة من ضمن سنوات الخدمة
بالنسبة لشرط أن لايكون المتقدم للابتعاث موظفا أظن أن هذا الشرط لشهادة البكالوريوس وليس للماجستير أرجو التأكيد أو النفي ممن لديه علم بالموضوع. :114:
نصيحة أخوية إذا ماحصلت إجازة دراسية لاتقدم استقالة لأن عصفور في اليد ولا عشرة على الشجرة إلا إذا كان عندك مصادر دخل أخرى قوية وثابتة هذا شيء ثاني
في النهاية تمنياتي القلبية لك ولبقية الزملاء بالتوفيق لما يحبه الله ويرضاه :x1:
بالنسبة للاجازة الدراسية اصعب من الحصول على الجنسية السعودية!!!!!
لان شروطها خياليه ومفاضلات ودورات تدريبية ومعدلات وخدمة و(واسطة )
والاجازة الاستثنائية حسب التخصص""""" ونادرة زي المطر.............. واعتقد انها غير كافيه لان مدتها سنه فقط(وطلبتها مرتين ورفضت بنفس الحجة اخي حمادا)مع العلم اني زائد في المدرسة عندي 6 حصص فقط!!!!ايش اقول
بس راح اجرب واشوف السنة هذي ايش وضعهم
و اشوف الاستقالة احسن بس نضمن البعثة وييسرها ربك
سؤالي هو..... عن التعليم العاالي ايش موقفه؟من الموضف او صاحب الاجازة الاستثنائية.
اخوك،،،
اخوي sky00f
علمي علمك بس رجاء اذا صار عندك خبر بلغنا تراني متحمس حق البعثه هذي حدي طول عمري وانا احلم فيها
ان شاء الله وانت اخوي حمادة بلغني
الله يوفقك