ღ••رحــلـتــي لجــزيــرة الســحــر والجــمال مــوريــشــس••ღ
:smile002:
ღ.•:*:•.رحــلـتــي لجــزيــرة الســحــر والجــمال مــوريــشــس.•:*:•.ღ
اعضاء منتدى العرب المسافرون تحيه طيبه مني لكم
احب اقدم لكم تجربتي الممتعه لرحلتي اللي قضيتها في موريشس هديه وتقدير مني لكل الاعضاء
والله الله بالردود والتشجيع منكم كلكم واولكم اداري المنتدى ابو محمد
وإلا ترو :11mmer3:
وان شاء الله التقرير يحوز على رضاكم
واي استفسار انا حاضر اذا اقدر عليه
البداية
كان الحجز لموريشوس قبل موعد السفر بثلاث أسابيع تقريباً عن طريق مكتب الإمارات للعطلات
وكان خط سير الرحلة كما يلي:
الانطلاق من حفر الباطن للمنطقه الشرقيه بالسياره :36_7_14:
والسفر بالطياره من الدمام – دبي – موريشس – دبي - الدمام
كانت الإقامة في موريشس 8 أيام
واجهتنا مشكلة الإقامة في دبي في طريق العودة لأن رحلة العودة من موريشس توصل دبي الساعة 6:30 صباحا ورحلة دبي _ الدمام تقلع الساعة 10 مساءً
يعني لازم نرتاح في دبي وأي فندق بنحجز عليه لازم نعمل تشيك أوت الساعة 12الظهر
وبالنسبة لناس توهم واصلين من رحلة طويلة ماكنت الخمس ساعات والنصف كافيه يعني لازم نزود ليلة إضافية عشان مانطلع إلا بعد المغرب او بعد العصر على الأقل :114:
وبكذا كاننا بندفع ليلتين واحنا أقمتنا في دبي كلها نص يوم فقررنا نخلي إقامتنا في فندق مطار دبي نفسه لأن المدة ماتستهل الطلعه من المطار والرجعة وإجراءات التفتيش اللي كانت متشددة شوي وسيأتي ذكر ذلك في وقته!!
تكلفة الرحلة (بكج هني مون)11580 ريال وتشمل التذاكر والإقامة في فندق ليس بافيلون مع وجبتين(الفطور والعشاء) و التوصيل من وإلى المطار في موريشس بالاظافه للضريبه
(بما ان اغلب الاعضاء اللي بسافروا لموريشس يسألوا عن هالفندق راح اقولكم بعض ملاحظاتي عليه في اخر هالجزء)
أما بالنسبة لمصاريف السفر في موريشس كانت بحدود 1500 دولار طبعاً لشخصين
الإنطلاق :11ight:
يوم الخميس 20/4/1427 هـ انطلقنا من حفر الباطن أنا والمدام بعد الفجر واتوجهنا للدمام وصلنا بحدود الساعة عشرة صباحاً
رحلتنا لموريشس كانت يوم الجمعة الساعة 10 مساءً وقضينا المدة في الشرقية مابين إكمال بعض النواقص للسفر والتجول على كورنيش الخبر
وهذي كم صورة من هناك
https://www.otlaat.com/arabtravelers...5611damam1.jpg
https://www.otlaat.com/arabtravelers...b9a2damam2.jpg
https://www.otlaat.com/arabtravelers...b9a2damam3.jpg
الصراحه الخبر مدينة جميله رحت لها قبل هالمره وادمنت عليها صرت كل مره اروح لها خصوصا الويك اند
يوم الجمعة الساعة 9 اتوجهنا للمطار وخلصنا الإجراءات بسرعة خلال ربع ساعة
وطلعنا الطيارة الساعة 10:45 والإقلاع كان الساعة 11:15
الرحلة كانت قصيرة ومريحة وصلنا دبي الساعة 1:40 بتوقيت دبي
خلصنا إجراءاتنا بسرعة وأثناء ذلك سمعنا نداء لرحلة موريشس وكان النداء الاخير
واتوجهنا لبوابة المغادرة بسرعة لكن اتفاجأنا بان الجميع كانوا ينتظروا والبوابة مازالت مغلقة :36_1_3: (وهالحركه صارت لنا في مطار الدمام يعلنوا عن الرحله ويوقولوا النداء الاخير لكن يتأخروا في فتح بوابة صعود الطياره ما ادري ليه؟؟)
انتظرنا بعض الوقت حتى طلعنا في الباص اللي بيوصلنا للطياره وكانت الطياره بعيده وحركة السير في المدرج غير منظمه وزحمه كأنك في وسط المدينه مو في مدرج والباص كان مليان والجميع تقريبا كان واقف والسواق كانت سواقته تجيب المرض :36_1_31:
واخيرا وصلنا للطياره وكان الاقلاع الساعة 2:55 الفجر
الرحلة لموريشس كانت متعبة ومملة شوي لأنها بوقت متأخر وأنا من طبعي ما أحب أنام بالطيارة
قبل هبوطنا تقريباً بساعتين وبعد وجبة الفطور جاتنا مظيفة ومعاها قالب كيك وسألتني انتم في إجازة شهر عسل
أنا كنت نعسان :36_1_5: ومن الفجعة بغيت اقول لا ويوم شافتني مارديت قالت انت السيد emad ....
وقتها اتذكرت ... وقلت ...ايه انا
قالتلي هذي هدية من الإمارات للعطلات وكان معاها قالب كيك صغير وشكلة مرتب وسألتنا تبغوه الآن أو اخليه بعلبة قلنالها خليه بعلبة علشان نحتفل فيه بمزاجنا
وهذي صورة للكيكه
https://www.otlaat.com/arabtravelers...086a8caick.jpg
وهذي كم صورة من الطيارة
https://www.otlaat.com/arabtravelers...86a8plain3.jpg
https://www.otlaat.com/arabtravelers...86a8plain2.jpg
https://www.otlaat.com/arabtravelers...f835plain1.jpg
https://www.otlaat.com/arabtravelers...f835plain5.jpg
https://www.otlaat.com/arabtravelers...835plain41.jpg
قبل الهبوط بفتره اعلنوا انهم راح يرشوا الطياره ببخاخ معقم :36_1_40: واعلنوا عن بعض التنبيهات من ضمنها اللي لابسين عدسات يغمضوا عيونهم شوي
وصلنا لموريشس يوم السبت الساعة 9:15 صباحاً وتوقيتهم نفس توقيت دبي
خلصنا الإجراءات وماخذت منا وقت طويل (لأننا كنا مجهزين كرت الوصول اللي عطونا هو من الطيارة)
واحنا طالعين من المطار مرينا بمكتب لشركة white sand tours وسمعنا وحدة تنادي اسمي ويوم رحت لها ... اعطتني كتيب لرحلاتهم وخريطة ورقم السيارة اللي بتوصلنا للفندق ... اخذت الاشياء منها وتوجهنا على سير العفش اخذنا الشنط وكانت شنطة زوجتي في حالة يرثي لها!!
وعند بوابة الخروج فيه مجموعة من مكاتب الصرافة منها حولت بعض الدولارات للروبية
وكان فيه فرقه موريشسيه تعزف وترقص في الساحه الخارجيه للمطار اخذنا لهام بعض الصور
وطلعنا للمواقف ومالقينا السواق ينتظرنا وسألنا كم واحد عنه ونادوا عليه ... ركبنا معاه وتوجهنا للفندق
وطبعاً مايحتاج أوصفلكم شعوري بعد ماخرجنا من المطار وشفنا المناظر الجميلة ... كل التعب والنوم راح ... :36_1_33:
وصلنا الفندق وكان فيه موظفة استقبلتنا وقدموا لنا عصير جوز الهند في نفس ثمرة جوز الهند وكان شكله خطير الصراحة بعكس طعمه لكن للأسف مالحقت أصوره لكم من البلشة اللي نشبت بحلوقنا!!!
أثناء ماحنا ننتظر اجراءات الفندق تجينا ذيك الصينية :36_7_6: وترحب فينا تقول كنها تعرفنا ... وانا أقول بنفسي وش عندها ذي
المهم إنها طلعت مندوبة لمكتب white sand tours وقالت تعالوا معاي عشان أرتبلكم رحلاتكم السياحية في موريشس
طبعاً أنا كان عندي فكرة من بعض الأعضاء في المنتدى عنهم وعن أسعارهم ومن البداية ماكنت متشجع لهم
لكن الصينية أصرت إلا تاخذنا لمكتبها في الفندق وتعرض علينا خدماتها حاولنا نصرفها بس مارضيت تحل عنا ورحنا معاها ... وقامت تعرض علينا ألبومات صور لرحلاتهم ... وعرضت علينا نحجز لرحلةالغواصة من عندهم سألناها عن السعر وطبعاً كا فيه فرق كبير عن السعر اللي من مكتب البلو سفا ري نفسه قلنالها على الفرق... قالت أبد السعر نفسه وكانت مصرة اننا نحجز من عندها في نفس اليوم لأنها مابتكون موجودة يوم الأحد وشكلها خايفة نفلها من وراها !!!
أخيراً افتكينا منها وقلنا احنا تعبانين ومافكرنا في برنامجنا السياحي بس نفكر بنعلمك
واخذتنا وحدة من موظفات الفندق للغرفة وكانت غرفة مرتبة وأنيقة بالدور الأرضي...
وهذي بعض من صور الغرفة
المدخل
https://www.otlaat.com/arabtravelers..._said_room.jpg
https://www.otlaat.com/arabtravelers...960554bead.jpg
https://www.otlaat.com/arabtravelers...60554bead2.jpg
https://www.otlaat.com/arabtravelers...6tea_coffe.jpg
نسيت أقولكم إني أول ماوصلت الفندق كلمتهم عن الأكل وعن اتجاه القبلة ورتبت لنا الموظفه موعد مع الشيف الساعه 5 العصر
قضينا باقي النهار في النوم الى الساعه 5
اول ماصحينا جلسنا في شرفة الغرفه واستمتعنا بالمناظر الجميله والهواء المنعش مع كوب من الشاي والكيكه اللي قدموها لنا في الطياره
بعدها رحنا نقابل الشيف وبالفعل جانا الشيف :1076: وكان غاية في التفاهم واللطافة وأخذ رقم غرفتنا وسجل ملاحظة عن نوعية الأكل اللي مانبغاه
ووعدنا بأنه بيكون دايماً فيه موظف يعلمنا بالأكل الحلال
وبالنسبه لاتجاه للقبله قابلنا (أشرف) وهو موظف مسلم وعلمنا باتجاه القبلة وأوقات الصلاة
بعدها قضينا الوقت في التجول في الفندق وعلى الشاطي
,وهذي كم صورة للفندق
هذا مدخل الفندق
https://www.otlaat.com/arabtravelers...hotelenter.jpg
https://www.otlaat.com/arabtravelers...a86morgi7h.jpg
https://www.otlaat.com/arabtravelers...a7953water.jpg
هذا اللوبي تبع الفندق
https://www.otlaat.com/arabtravelers...7953loopy1.jpg
وهذا المطعم اللي يكون فيه بوفية الافطار والعشاء
https://www.otlaat.com/arabtravelers...3resturent.jpg
وهذي صور من المسبح
https://www.otlaat.com/arabtravelers...0f95pool11.jpg
https://www.otlaat.com/arabtravelers...0f95pool21.jpg
صوره للمسبح وقت الغروب ...
https://www.otlaat.com/arabtravelers...e2c8bpool4.jpg
وهذي صور الحديقة
https://www.otlaat.com/arabtravelers...c8bgarden1.jpg
https://www.otlaat.com/arabtravelers...facgarden2.jpg
https://www.otlaat.com/arabtravelers...facgarden3.jpg
https://www.otlaat.com/arabtravelers...8e6garden4.jpg
https://www.otlaat.com/arabtravelers...7718e6tree.jpg
https://www.otlaat.com/arabtravelers...718e6rose1.jpg
https://www.otlaat.com/arabtravelers...7a77crose2.jpg
هذي الممرات اللي داخل الفندق والغرف تكون على يمين ويسار الممر
https://www.otlaat.com/arabtravelers...77cmamarat.jpg
https://www.otlaat.com/arabtravelers...om_outsaid.jpg
واللي عنده اطفال لايشيل همهم لان فيه نادي للاطفال ... وهذي هي صورته
https://www.otlaat.com/arabtravelers...8babyclub1.jpg
وكم صوره لشاطئ الفندق
https://www.otlaat.com/arabtravelers...ff2cbeach1.jpg
https://www.otlaat.com/arabtravelers...ff2cbeach3.jpg
https://www.otlaat.com/arabtravelers...ff2cbeach4.jpg
https://www.otlaat.com/arabtravelers...ff2cbeach5.jpg
وقت الغروب
https://www.otlaat.com/arabtravelers...df1sunset6.jpg
ولاننسي الجبل المشهور اللي تقدر تشاهده من الفندق او شاطئ الفندق ... وهو جبل لي مورين
https://www.otlaat.com/arabtravelers...f1lemorine.jpg
الساعة السابعة اتجهزنا واتجهنا لمطعم الفندق وكان وقت العشا من الساعه 7 الى الساعه 10
وكان البوفيه لهذا اليوم هندي
وبالفعل ماواجهنا أي مشكلة في الأكل لأننا كنا على طول نلقى احد يساعدنا وأحيان يكون الشيف نفسه
وبكذا يكون انتهى اليوم الأول
________________________________________
اما بالنسبه للملاحظات على الفندق ....
1- كان البكج يشمل على (الفطور والعشا) بالنسبه للفطور كان ثابت بشكل يومي باستثناء بعض المعجنات اللي كانت تتغير من يوم لاخر ... اما العشاء كان يتغير من يوم ليوم مره هندي ومره ايطالي ومره اكل محلي من موريشس .... وقت الفطور كان الشاي والقهوه مجانا لكن في وقت العشا كانت المشروبات والمويه بحساب ... على افتراض اخذت 2 كوب عصير و1 مويه يطلع الحساب من 8-12 يورو تقريبا
2- بالنسبه لتكاسي الفندق او الشركه اللي موجوده في الفندق تكون غاليه لكن ممكن انكم تطلعوا خارج الفندق بتلاقوا موقف خاص للتكاسي لكل فندق ممكن انكم تفاصلوا معاهم على السعر اللي يناسبكم
3- بما انهم بلد غير اسلامي فما يستخدموا في الحمام اعزكم الله غير المناديل لكن لو كلمتوهم ممكن يجبولكم دلو او سطل تستخدموه
4- يوجد في الغرفه غلايه المويه والشاي والقهوه والسكر وتجدد يوميا وتكون مجانا ... لكن اذا استخدمتم جالون المويه اللي موجود في الغرفه ينحسب عليكم وهو بحدود 4 يورو
5- الفندق موقعه تقريبا في جنوب الجزيره وعشان تروح شمال الجزيره ياخذ كثير من الوقت ... لان الجزيره خطوطها جدا ضيقه بالاظافه الى بعد الفندق عن الشمال وزحمة السير خوصوصا من الساعه 4 العصر حتى الساعه 6 مساء ... فالافظل تنوع الفنادق واحد في الشمال وواحد في الجنوب او واحد في الشرق وواحد في الغرب لاختصار الوقت والمسافه ... وهذي ملاحظه على جميع الفنادق
6- التشك اوت والتشك ان يشكل هاجس للكثير من السياح اللي مسافرين على طيران الامارات ... خصوصا التشك اوت يكون في فندق ليس بافليون الساعه 11.30 ورحلة العوده تكون الساعه 11 بالليل وهذا وقت جدا طويل ... لكن ممكن تجلسوا في الفندق حتى وقت الذهاب للمطار بدفع نص يوم على حسب امكانية الفندق ... او انكم تستغلوا هالوقت بالتماشي والتسوق ... بالنسبه للعفش ممكن تتركوه في النفندق .... وممكن انكم تكلموهم على الشاور روم للي يحب ياخذ دش قبل الروحه للمطار
بكذا انتهى الجزء الاول وانتظروني في الجزء الثاني وبداية رحلة الاحلام
