يا شباب وش رايكم في فندق اطلنطيس اللي في كازا وكم سعره

السلام عليكم

أولا أشكرك ياأخي العزيز نواف على توجيهك المهذب وإن دل فإنما يدل على سمو أخلاقك

أما بالنسبة لإستفساري فأنا سوف أسافر بأذن الله يوم الأحد الموافق 7/يناير /2007 وسيكون إستقراري بكازا ((عسى ماهو برد وجمدة )) واللي خلاني ماأطلع من كازا لان هذي أول سفرة لي للمغرب
((أكل العنب حبة حبة )) .
هل أطلنطيس مكان مناسب للسكن فية والراحة والسهروالخدمات الجيدة والمرونة في التعامل وحسن استقبال الضيوف وفضلت اني اخذ سويت لاننا ثنين وعلى ماسمعت ان السويت غرفتين كل غرفة مستقلة واللي يعرف كم سعرة حاليا حتى ناوي اليوم اروح لأبو مؤيد واشوف وش عندة ومنها أشوف بعد الخطوط القطرية كان خط سيرها حلو وخاصة إن كان الخط
((الرياض -الدوحة -كازا)) على ان الوقوف في الدوحة من ساعة الى ساعة ونصف فقط

آمل الاجابة على إستفساري ولكم مني جزيل الشكر ,,دمتم بود

الاخ العزيز / ضروم
( والله منت بسيط ) صرت خطير تفتح مواضيع :24:

ركز مع كلامي زين شف و انا اخوك اذا انت جاي 7 / 1 / 2007

ترى يمديك على اقادير بالراحة اسبوع وهناك بتشوف شي
يمكن ينقطع قلبك من شي بتشوفه :106: :36_3_14: :36_3_16:

لذلك روح اول اسبوع اقادير تلحق على الوناسة اسبوع فقط :36_3_2: :36_3_2: :36_13_2: :36_13_2: :36_9_3: :36_3_1: :36_1_33: :36_1_34: :36_1_11:

ومن الحين اقولك اسكن فندق اماديل بتش على البحر
(( والله اني خايف عليك من اقادير ))
شي يعور القلب :109: :109: :109:

( 2 ) بعد اسبوع انقل لمدينة كازا
واذا تقدر توصل لشقة عن طريق احد ثقة ( افضل تسكن شقة )
فيها شغاله وخذ انواع الراحة و الاستقلاليه و الاكل الممتاز
منها تأكل شي صح ومنها توفير لك
ميزة الشقة مافيه حركات مثل الفنادق واحد في الاستقبال يتميلح علشان تعطية اكرامية
ولا يفوتك سوق توين سنتر ترى اللي يجي كازا
و يمر على هالسوق تراه مارح كاز ا
والوقت المناسب بين الخامسة عصرآ حتى التاسعة ليلآ
وضروري تشرب شاي في القهوة اللي فوق
والسيارة لا تستأجرون لانكم ماتعرفون الديرة زين
اركبوا التكاسي وخله يشغل العداد
وترى بعد الساعة الثامنة يزيدون 50 % فقط من سعر العداد
اذا حبيت تسهر اسهر في فندق حياة ريجنسي ( بيعجبك )
اذا كانك اول مره تجي المغرب صدقني من الحين اقولك
اسمك الجديد ضروم المزعوط في خرايطها

اسمع كلامي تراه الصحيح


اخوكم / التميمي (( قانون المنتدى مايسمح بالارقام ولا كان اعطيك رقم واحد يعطيك شقة ملكية وبسعر معقول ))

حكيم يالتميمي :24:


ماخليت شي نقوله للمزعوط الجديد


سفره سعيده اخوي

:36_1_48:

اخوي نواف سلمت والله ماقصرت
بعدين تشوف صرت اعرف انزل مواضيع ((علمناة الطرارة سبقنا على البيبان ))

والله مدري وش اقولك بس ياليت هالمشرفين يوصلوني لك بأي طريقة واكون ممنون لهم ولا يانواف شف منتدى تدخلة والقاك فية عشان العلم يجي من الراس للراس وأماديل والله انك صادق مذكور لي بالخير بس بشوف رفيقي 0
وامس رحت لأبو مؤيد والرجال مبشك بالمغرب مالقيتة موجود وحجز القطرية مايصلح بتلحط في هالمطارات لين اقول بس لقيت حجزين افضل الموجود على الاتحاد من الرياض الى ابو ظبي الوقوف ساعتين ومن بعدها الى كازا بسعر 2079ريال وحجز على المغربية من الرياض الى القاهرة والوقوف ساعة ومن بعدها الى كازا بسعر 2850 ريال والسكن مالقيت موظف صاحي اسالة عن سويت غرفتين في اطلنطيس ويقول مافية فل من تاريخ 7/يناير وسعرة حول 900 ريال واكلم واحد بالمغرب ويقول متوفر وسعرة تقريبا حول 1550درهم وضعت بالطوشة مدري من الصادق ولا حجزت سكن وياخوي أن كان فية شقة وضعها أوكية وأمان وفلة ونظيفة لاتبخل علينا وياأخوة يامشرفين لابد من التعاون معي إلى ان اوصل للغالي نواف ولا يهون عليكم هالمزعوط زي مايقول ابو تميم ياكلها هوى ..دمتــــــــــم بود

اخي نواف
شكرا علي مشاركاتك المميزه. انا كمان مسافر بعد العيد و حبيت اسال افضل الماكن في كازا الاستاجار شقه

السلام عليكم
خلاص عرفت سعر السويت في اطلنطيس ب2500درهم وهو عبارة عن غرفتين كل غرفة مستقلة بحمام أعزكم الله وصالة يعني بمعدل 1050 ريال في اليوم لان سعر الصرف اليومالريال يساوي2,26درهم والحسابة تحسب عاد وبعدين وين اخونا نواف التميمي مالة صوت هاليومين عسى المانع خير ,,دمتم بود

ترووووح وترجع بالسلااامة

سفرا سعيدا

أخوي/ وايد وايد أتمنى لك سفره ممتعه سؤالك عن إطلنطيس فهو فندق خمس نجوم ويقع على شارع عين ذياب يعني يم الفله إنسى إستخدام الطاكسي لأن الناس تجيك هناك بس من يعرفون إنك موجود0 ويقع على شارعين الفندق راقي بسراحه وتحتك تموينات وتحتك إشاره يعني موقع إستراتيجي وعلى البحر وسعره أتوقع هالأيام مابين 800 درهم إلى1100 درهم وفيه قبله فندق لاكوط فندق بسراحه معدل فيه ومزبط على المحيط يفتح ونظيف على نفس الشار بس هو أول فندق على يمينك بعدين يجيك فندقين وبعدهم فندق أطلنطيس سعر لاكوط 600 رهم إلى 900 درهم وقدام لاكوط بماأنه أول فندق المطاعم والكوفيات وعلى يسارك مسابح ميامي تروح على رجولك يعني كل الخدمات عندك بما أنك أول مره تروح وبعدين روح لتوين سنتر من لاكوط إلى التوين بالطاكسي وقاطعه لاتشغل العدد بعد الساعه ثمانيه ولا يزيد عن 8 دراهم خلك أقعط من القعيطي إلين تعرف الديره 0000
نتمنى لك رحلة موفقه

تحياااااااااااتي

نعم لفندق اطلنتس ولا لفندق لاكوط ,لان فندق لاكوط حتى لو كان موقعه حلو فانا ماانصحك فيه بالمررررررررة ,وعلى فكرة الثمن حق فندق أطلنتس بيختلف على حسب المواسم مثل اي فندق , يعني لحين براس السنة السعر بيكون مرتفع شوي , سفرة سعيدة....

[glint] كحوووله[/glint]

الأخوة الأصدقاء
نـــــــواف التميمي

travelerxx30

glorious

عيون الشوق

مهاجر للمغرب

كحل العيون

شكرا على مروركم ومشاركتم وتزويدنا بمالديكم

الاخوة الكرام أنا اول مره اشارك في بوابة المغرب وعندي استفسار ممكن الاقي شقة آمنه سياحية بحدود
150 ريال سعودي لإني لم أسافر من قبل أفيدوني أنا وأخي وايد وايد وتحياتي لكم جميعاً