تكفى ترى تكـــفى تهز الرجاجيــلأبي فزعتكم
السلام عليكم ورحمة الله وبركاته
يا اخوان تكفون ابي رايكم
ادري ابثقل عليكم بس انتم انشاء الله مو بمقصرين معي
اول شي ابي رايكم في ولاية "اورلاندو في فلوريدا "
ابي ادرس لغه وبعدها الجامعه ان شاء الله
اذا كانت المدينه موب زينه للدراسه
ابيكم تنصحوني في ولايه في فلوريدا لا هنتو تكفووون
وعندي سؤال ابي مكاتب تخاطب المعاهد في فلوريدا
انا بالرياض ساكن وابي اقرب مكتب عندي لاهنتو تكفون
:110:
رد: تكفى ترى تكـــفى تهز الرجاجيــلأبي فزعتكم
اورلاندو مدينة سياحية يعني فله ما تحس بالطفش من ناحية المكاتب معرفش
رد: تكفى ترى تكـــفى تهز الرجاجيــلأبي فزعتكم
أورلاندو مدينه ممتازه .. وغاليه ..
لكن تقدر تسكن بمدينه بجنبها ( كيسيمي ) .. أرخص شوي ..
حاول تراسلهم بنفسك .. لان المكاتب حراميه .. ياخذون دبل اتعابهم مليون مرة ..
رد: تكفى ترى تكـــفى تهز الرجاجيــلأبي فزعتكم
قولي تكبر
مكتب الطالب بالرياض
مابعد تعاملت معه بس شفت بعض الاخوه بمنتدى أخر يذكرونه !!
رقمه عندي لكن مقدر أسدحه في ذا يمكن ممنوع :d
اخذه من 905
وعلى فكره مقفل الحين يفتح السبت ان شاءالله
بالتوفيق لك
رد: تكفى ترى تكـــفى تهز الرجاجيــلأبي فزعتكم
عماير الرصيص شارع الضباب حي المربع فيها مكتب ممتاز
أسم صاحبه عدنان الوطبان وله معارف بالتعليم العالي
أما من ناحية المدينة فيبدوا غالية فكر في غيرها
اما ناحية الولاية الظاهر فلة بس فكر في الشمال أكثر
ربنا يوفقك
رد: تكفى ترى تكـــفى تهز الرجاجيــلأبي فزعتكم
عن نفسي اكره الجنوب, كله لاتينو, تبي تاسس لغتك صح روح للشمال والله يوفقك
رد: تكفى ترى تكـــفى تهز الرجاجيــلأبي فزعتكم
ليش ماتقعد في تامبا ؟
ارخص من اورلاندو وقريبه منها وفيها جامعه ومعهد لغه يرد الروح