لكل اللي ماابتعثوا وش نسوي الفزعه

أخواني

ابغاكم تدبرون تنصحوني وش أسوي

ابغى اطلع ادر س ماجستير بالهندسة

انا تخصصي هندسة معماريه ومعدلي 3.4 من 5 يعني جيد :110: موافقت الوزارة على ابتعاثي :112:

سحبت رجليني عندهم ترجيتهم مافيه فايده ابغى أكمل دراستي رافضين يقولون معدلك مايسمح -حسبي الله على ذاك الدكتور لأنه هو السبب بالمعدل مايحب الملتزمين-

انا اللحين ولله الحمد موظف براتب ممتاز ومع ذلك على استعداد للتضحيه به من أجل الدراسة وأفكر اروح على حسابي .

بس ابغى دوله رخيصه

وجامعه معترف بها

وكيف انضم للبعثه

وابغى ادرس في تخصص مناسب لتخصصي

ابغى الفزعه لأني اول مره اشارك فلا تفشلوني يكفي الوزارة مفشلتني

والله حالتك حاله

لكن جرب ليش لا

بس هم قالوا لي يا اما واسطه ولا تروح على حسابك وبعدين نلحقك بالبعثه

ليش ماتروح نيوزلندا

تدرس شهر وتطلب الحاق بعثه

شكرا اخي قال الوداع

هل يكفي شهر ويلحقوني بالبعثه؟

لأني يبغالي لغة اول حوالي سنه وبعدين ترم دراسه بعدين معاي عائله يعني أخاف ماأقدر على التكاليف وبعدين يمكن الحق بالبعثه ويمكن مايلحقوني .

فهل التكاليف بسيطه ؟ وماهي امكانية الألحاق ؟وماذا عن الهندسه في نيوزلندا .

شوف اخوي
ادرس وضعك بالاول,,, هل انت محتاج فعلا للبعثة ولا لا؟؟؟؟؟؟؟؟؟
اذا انت موظف وبراتب ممتاز فايش يضمن لك انك ترجع وتلاقي وظيفة؟؟؟
اخوي لاتصير زي اغلب الناس اللي قدمة على البعثات "مع الخيل ياشقرا"
اذا انت متأكد انك بتستفيد وان هناك طلب على حملة الشهادات العليا فاستخر ربك اول وبعدين قدم
وترا عموما في الهندسة الخبرة افضل من الشهادة
وحاول تدور على اي شركة تبعثك افضل من الوزارة,, على شان تروح وانت مرتاح انه لك وظيفة اذا رجعت
وترا الدراسة مكلفة جدا اذا على حسابك يعني اقل شي يمكن تصرف 100 الف , ومايكفي شهر لأنك توك مادرست لغة,, اول شي تدرس لغة الى ماشاء الله وبعدين تخش الجامعة وتدرس سمستر وبعدين تطلب الحاقك بالبعثة
نصيحة لاتروح على حسابك
موفق

:110:

جزك الله خير اخوي ايقل صدق الحقيقه مره والصراحه تتعب .

الحقيقه انا درستها مع جميع الجهات لقيت ان بقائي أفضل من اروح على حسابي ولكن عندي رغبة جامحة عجزت عن كبحها وحتماً اذا رجعت بشهادة دكتوراه فهو أفضل لكن الطريق غير مضمون ومحفوف بالخسائر .

أحبك :106:

طيب اخوي ,,,
بما انك ناوي ترجع بدكتوراه,,, فمالك الا وظيفة اكاديمية اظمن لك
حاول تقدم على وظيفة معيد في جامعة سعود او البترول,,
ان ماحصلت دور اي جهة تبعثك,, عندك ارامكو -سابك-الطيران المدني-التأمينات
واسال ربعك وزملاك يمكن تلاقي

موفق خير

ابو لولوه

ياحبيلك شف خلنا نبحث عن حل لي ولك واللي يلقى الحل يعلم الثاني .

ايقل بارك الله فيك

تمنيت الأعادة حاولت لكن فيه قارا من مجلس الوزراء يشترط جيد جداً للأعاده والأستثناء يكون عن طريق مجلس الجامعه اما الشركات اللي ذكرت يبيلها واسطه .