تنبيه مهم للي جاي من الرياض لأمريكا عن طريق جدة

أول شيء قبل ما أذكر التنبيه
أبي أقول لكم سياسة هالشركة الغريبة في الأسعار

أنا كنت حاجز قبل رمضان بفترة رحلة مباشرة من الرياض لنيويورك
والسعر 3700 ريال
مع نهاية شهر شوال صار فيه تغيير من عندهم
ألغوا رحلة الرياض وحولوها من جدة
وقالوا لي تبي المبلغ نرجعه لك ونكنسل الحجز
شيكت على الأسعار ولقيتها أغلى من السعر اللي اشتريت فيه
قلت لهم لا وخلونا على قردنا لا يجينا اللي أقرد منه

المهم قبل الرحلة بحوالي يومين أشيك على الأسعار
وأحصل نفس رحلتي بـ 2788 ريال!!!!!!!!!!!!
وش هالسياسة الغريبة
واحد يشتري منك تذكرة قبل عدة أشهر يدفع أكثر
واحد يشتري تذكرة قبل الرحلة بكم يوم يدفع أقل
بالنسبة لي لاتعليق
هي كما هي حفظها الله كما عودتنا


المهم نجي للتحذير والتنبيه
عند التشييك على العفش في مطار الرياض طلبت استلامه في نيويورك
قال لي تم ووراني التاق حقه
على قولة إخواننا المصريين حطيت في بطني بطيخة صيفي
وقال لي البوردينق من جدة
قلت له تم

وصلت جدة وطلعت الصالة اللي فوق حقت المغادرة
ويجيني اتصال من جدة!!!!
أرد على الجوال وإذا الخطوط يقولون ترى شنطتك عندنا تحت ما استلمتها
كيف؟؟؟؟؟؟؟؟؟؟؟؟؟؟؟؟؟؟؟
رحت والله وأحصل شنطتي
بعد نقاش لقيت إنه في الأخير عقيم
أخذت الشنطة وطلعت لفوق وقصيت البوردينق وشحنت الشنطة

على طول بعدها رحت للصالة الدولية
ختمت الجواز
ورحت للتفتيش وبعد ما خلصت

تتوقعون إيش

يجيني اتصال ثاني
آلووووووووووووو.... تعال خذ شنطتك
هههههههههههههههههههههههههههههههههه

قسم بالله توقعتها مزحة

رجعت والله لصالة القادمين الداخلية
والعسكري يقول لي أنت تلعب علي
لأنك قبل شوي آخذ شنطتك!
قلت له خلني أشوف

رحت والله وأحصل شنطتي عندهم
خير إن شاء الله يا ولد!!!!!!!!!!!

قال لي التاق اللي عليها خطأ
ارجعها اشحنها مرة ثالثة
قلت له أبشر طال عمرك
ما فيه شنط ثانية تبي شحن أوديها على طريقي؟

المهم وأنا طالع العكسري يطالع فيني وميت ضحك
أقول له صارت الدعوى مطارد جرابيع


طلعت وشحنت الشنطة مرة ثالثة
ويوم سألت عن السبب قال لي التاق الأول فيه خطأ
لأن ولأن ولأن ولأن ......

قلت له التاق طابعه زميلك قبل شوي
قال لي والله غريبة

وزاد الطين بلة إنه ما قدر يطبع التاق لأنه مسوى عليه هولد لأنه مطبوع
وما عرف كيف يفك الهولد
الحمد لله صار اللي جنبه فاهم وسواها
وانتهت المشكلة

طبعاً أنا ما تاكدت من إني راح أستلمها لين مسكتها في مطار نيويورك

تحياتي لكم جميعاً
وانتظروا تقريري عن شقة أشوفها حلوة بالنسبة لسعرها

الحمدلله على سلامتك اخوي
والخطأ وارد سواء من شركة الطيران او من المطارات بكل العالم

الله يسلمك
صح الخطأ وارد في كل مكان
لكنه قليل
وإن صار فتحصل من يقول لك آسف ويعوضك
لأن فيه شيء اسمه انتماء وظيفي عندهم

أما ربعنا
فيقول لي هالشركة تعبانة
وهو لابس ملابسهم!

اخوي انت ساكن في نيويورك ولا خارجها
لان حسب الاخبار الوضع غير مطمئن بسبب الاعصار
والسلطان في نيويورك اجلت ٣٥٠ الف لخارج منهاتن
الله يحفظ المسلمين

والله وأنا أخوك شكلي في وسط الإعصار والله يستر ويسلم

قبل شوي جاني اتصال من بلدية نيوجيرسي بالتوجه لأقرب ملجأ

وبعدها سلمتني الشرطة بيانات تستلزم بعض الأمور

والله مدري وش يصير

والدلتا أرسلوا لي بإلغاء رحلتي لفلوريدا

لكن خلها على ربك

أهم شيء لايدري أبوي وأمي

تحياتي لكم جميعاً
وادعوا لي بالسلامة

واللي زاد الطين بلة
إني ما معي ملابس شتوية
والجو صار بارد جداً بالنسبة لي

وما فيه إلا الجلوس في الشقة والانتظار لين يحلها ربنا

https://www.otlaat.com/arabtravelers...quote_icon.png المشاركة الأصلية كتبت بواسطة Almatrodi
http://www.arabtravelersforum.com/tr...9/#post7350969

والله وأنا أخوك شكلي في وسط الإعصار والله يستر ويسلم

قبل شوي جاني اتصال من بلدية نيوجيرسي بالتوجه لأقرب ملجأ

وبعدها سلمتني الشرطة بيانات تستلزم بعض الأمور

والله مدري وش يصير

والدلتا أرسلوا لي بإلغاء رحلتي لفلوريدا

لكن خلها على ربك

أهم شيء لايدري أبوي وأمي

تحياتي لكم جميعاً
وادعوا لي بالسلامة




الله يسلمك من كل شر .. و يحفظك و يستر عليك و على كل المسلمين ...
ارجو طمأنتنا عن وضعكم :(

استودعناكم الله الذي لا تضيع ودائعه ..

.
.
.

الله يحفظك اخوي
مهم جداً الاتصال بالقنصليه القريبه منك

جزاكم الله خير جميعاً

أشوف بدايات الإعصار الجدية بدأت الآن

ارتفع منسوب ماء البحر
وفيه رذاذ ماء
والغيم حدث ولا حرج وشكله مرعب

أخي الفاضل سترينج مان

أبي أعتمد على الله عز وجل ثم خدمات الحكومة الأمريكية أبرك لي

تحياتي لكم جميعاً

متابعين معكم احداث ساندي
و دعواتنا لكم لم تنقطع ...

.

جزاك الله خير أم عزيز

أخي الكريم

والله إن تجربتك موتتني ضحك لدرجة أني ظنيتك تمزح

هي باينة من قالوا لك تكنسلت رحلة الرياض تبي نرد فلوسك قلت لا!!!!

خلنا على قردنا..زاد عشان كذا جابوا لك قرود الدنيا في المطار مو قرد واحد...هههه

بس والله ما امداني أضحك من تجربتك وإسلوبك المازح خفيف الظل في سردك لقصتك إلا وضاق صدري يوم دريت إنك من سكان الولايات الشرقية او نيوجيرزي على وجه التحديد..وكلنا يعلم ما تواجهه أمريكا هذه الايام من اعصار ساندي..

أسأل الله لك الأمن والأمان ..وان يحفظك وينجيك ويبعد عنك كل سوء وكل مكروه انت وكل طالب وطالبة من مبتعثينا وكل مسلم ومسلمة مقيم على تلك الأرض ...

رجاءنا لك الإتصال بسفارة بلدك واعطائها كافة بياناتك ومعلوماتك وطرق الإتصال بك..فلا غنى لنا عن بلادنا وسفاراتنا بأي حال من الاحوال

ولا مانع من انتفاعك بخدمات الحكومة الامريكية المنظمة وترتيبات الإغاثة لديها

أسأل الله ان يطمنا ووالديك وأسرتك عليك دائما ..وانت في أحسن حال

بانتظار التواصل المستمر معنا لطمأنتنا على اوضاعكم أخي الكريم

نستودعك الله الذي لا تضيع ودائعه

للأسف اتصلت على القنصلية وما أحد يرد إلا المجيب الآلي

وكلمت السفارة في واشنطن ورد علي ابن وطني
وأقول له أبي أسجل معلومات إن صار لي شيء وأنا في نيوجيرسي
قال لي السفارة مقفلة
كلم الإربعاء أحولك على المسئول

أي مسئول أي بطيخ

الله لا يجعلنا نحتاج لهم ولا إلى غيرهم


على العموم هذه صورة تعبر عن الوضع الحالي
مع العلم إنه باقي قرابة ساعتين على وصول الإعصار

https://www.otlaat.com/arabtravelers...23425JY5Y1.jpg

لا حول ولا قوة إلا بالله العلي العظيم
وإنا لله وإنا إليه راجعون

هذا وقت الروتين والإجراءات الإدارية القاتلة؟

حرام عليهم والله

الله ينجيكم يارب من كل سوء ويبعد عنكم كل مكروه

نرجوا استمرار التواصل لنطمئن عليكم

في حفظ الله ورعايته

اخي الكريم
نرجو تطميننا على سلامتكم..
وماهي آخر أخباركم؟
يارب نسمع عنكم كل خير

والله متابعين الشاشات ..
استودعناكم الله ..

ارجو التواصل معنا اخي الفاضل ..


.
.
.

حماك الله اخي الكريم المطرودي

خصصنا موضوع خاص بمتابعة الاعصار

حفظك الله

السلام عليكم ورحمة الله وبركاته جميعا
وأشكر من كان معي في هذه المحنة التي لم أتوقع أنني سأعايش في حياتي
ولا أتمنى أن أعايشها مرة أخرى لا أنا ولا غيري
فوالله الذي لا إله إلا هو إن الكلمات لتصعب أن تتكلم عما رأيت أوسمعت أو حتى أن أصف شعوري في بعض اللحظات
لا أخفيكم أنني تذكرت والدي وأولادي وأنني بكيت

للأسف لم أستطع التواصل معكم إلا اللحظة حيث عادت الكهرباء
وأنا الآن جالس أكتب لكم وأنا أترشف شيئا من القهوة التي فقدت طعهما

تحياتي لكم جميعا
وإن شاء سأكتب عن هذه التجربة فيما بعد

شكر الله لكم

اللهم لك الحمد كما ينيغي لجلال وجهك ولعظيم سلطانك

ألف مليون حمدا لله على سلامتك اخي المطرودي

طهور إن شاء الله...

نعلم مدى صعوبة الموقف..وفداحة ما مر بك..

ولكن لله الأمر من قبل ومن بعد

والحمدلله أن أنجاك الله من هذه المحنة..التي أسأل الله ان لا يعيدها عليكم

نشكر الله ان طمنتنا عليك فقد كنا قلقين جدا ..وألسنتنا تلهج بالدعاء لكم

حماكم الله وأبعد عنكم وعن كل مبتعث ومقيم يعيش على تلك الأرض كل مكروه

أختك

قطرية كول

جزاك الله خير أختي الكريمة
وبارك فيكم جميعاً
وحفظكم الله من كل مكروه

ياربي لك الحمد ولك الشكر ...

الحمدلله عالسلامة اخوي المطرودي ..
و الله على طول وهذي الصفحه مفتوحه و اسوي لها تحديث ، على امل نقرأ او نسمع عنكم شيء ...
أكيد الموقف رهيب ، و تعجز عن وصفه الكلمات ..
الحمدلله ربي كتب لكم عمر ، و ياليت تبلغ الاهل بالسعوديه يتصدقون عنكم ..


الله يردك لوالدينك و اولادك و اهلك بالسلامه ، سالم غانم ...
ارجو ان تبقى على تواصل معنا و تطمئنا على حالكم ..


نستودعكم الله الذي لا تضيع ودائعه ..

.
.
.

حياك الله أم عزيز
وبارك الله فيك على هذه الكلمات

لعلي عندما أستقر أن أكتب شيئاً عن هذه التجربة

تقبلوا تحياتي

الحمد لله على السلاممة ياغالي

اسئل الله العظيم ان يحفظك ويخفظ جميع ابنائنا في الغربة

بالنسبة لتجربة الطيران بالفعل اذا الطائرة كانت فاضية ومافي احد حجز عليها ينزلوا سعر التذاكر علشان يملوا الطائرة باي طريقة

هذه هي سياسة الخطوط السعودية !!

اما الحقيبة فغريبة الموظفين متعودين على ترانزيت جدة

لاكن اكيد الخطأ وارد

اهم شي طمنا عنك

اسئل الله ان يحفظكم ,,

مشرفنا الفاضل
الحمد لله الأمور بخير
وطلعت بكسر في مشط القدم فقط
عدت على خير ولله الحمد

أنا الآن موجود في ميلبورن بفلوريدا
وشكر الله لكم على السؤال


بالنسبة للطيارة
للأسف أنها ممتلئة
الأولى والأفق
وكذلك نسبة لاتقل عن 75% من السياحي

وأنا بالفعل أنقم على الخطوط السعودية هذا التصرف الأرعن

كنت حجزت على الدلتا بحوالي 60 دولار من نيويورك إلى أورلاندو
وبسبب الوضع تم إلغاء ثلاث رحلات

والتعويض:
بزنس إلى ديترويت
وأولى من ديترويت إلى أورلاندو

لا أدري متى نستشعر أننا بشر في بلادنا

راجعت الاسعاف في ميلبورن البارح وأخذوا إشاعة ووضعوا الجبس على القدم
قمة الاحترام وقمة الترتيب وسرعة الخدمة والابتسامة لا تفارقهم أبداً
وتذكرت موقفاً صار لي في اسعاف أحد المستشفيات الكبرى لدينا وأدركت حجم الفرق بيننا وبينهم

الحمدلله عالسلامه ...

و ان شاء الله يجبر كسركم عن قريب ، ولا يعيقك بعملك ...

الحمدلله عالسلامه مره ثانيه ، و بانتظار تفاصيل تجربتكم مع ساندي ...


.
.
.

الحمدلله على السلامه اخي الكريم
الامر غير بسيط دام فيها كسر
حفظكم الله تعالى
وطمنا عنك اخي الكريم

الحمدالله على السلامه ..

https://www.otlaat.com/arabtravelers...quote_icon.png المشاركة الأصلية كتبت بواسطة Stranger Man
http://www.arabtravelersforum.com/tr...9/#post7363839

الحمدلله على السلامه اخي الكريم
الامر غير بسيط دام فيها كسر
حفظكم الله تعالى
وطمنا عنك اخي الكريم



حفظك الله وراعاك اخي المطرودي