السلام عليكم ورحمة الله وبركاته
حياكم الله
ممكن مساعده من أهل الدمام خاصة غرب الدمام
وهو أن زوجي يرغب في الدراسه في معهد للغات ،فما هو أفضلها في رأيكم ؟؟
اتمنى من اللي عنده أي معلومه يساعدني حتى أدله
وماراح تقصرون الله لا يحرمني منكم
عرض للطباعة
السلام عليكم ورحمة الله وبركاته
حياكم الله
ممكن مساعده من أهل الدمام خاصة غرب الدمام
وهو أن زوجي يرغب في الدراسه في معهد للغات ،فما هو أفضلها في رأيكم ؟؟
اتمنى من اللي عنده أي معلومه يساعدني حتى أدله
وماراح تقصرون الله لا يحرمني منكم
أنا عني جربت خدمة المجتمع اللي بجامعة البترول , 7 أسابيع بـ1500 ريال ,,بس والله مدرسين خواجات ووسائل تقنية تعليمية رائعة والاستفادة عال العال ... يكفي أنهم يتبعون لأعرق الجامعات في الشرق الأوسط ,, يعني أهدافهم غير ربحية
مشكور على الرد السريع ، الله يعطيك العافية
سؤال: وش الفترات اللي فيها الدراسة .. يعني هل فيها صباحي ومسائي مثلاً .. لأن زوجي موظف وصعبة يدرس بالنهار .
سؤال ثاني: وش المرحلة اللي توصل لها إذا خلصت الـ 7 أسابيع ؟؟
ما عليش كثرت عليك الأسئلة :106:
شكرا لتجاوبك السريع مرة ثانية
اخت وردة الكادي انا ما درست في جامعة البترول .....لكن اعرف ناس كثير درسوا هناك ...حتى اني استعرت من اقربائي كتب ...ومناهجهم مرررره قويه .....ويكفي اسمها جامعه البترول ...
وسعرها يعتبر ممتاز لأنها منظمه غير ربحيه ....
لكن مو شرط اي معهد لغه تابع لجامعه يكون ممتاز يعني مثلا دورات اللغه الانجليزيه في خدمة المجتمع اللي جامعه الملك سعود تعباااااااانه مررررررره وما عندهم سالفه والدراسه عندهم مضيعة وقت
وهذا اللي عندي وبالتوفيق
أختي وردة المعذرة على التأخير ...
قبل لا يدخل الواحد البرنامج يجرى له اختبار تحديد مستوى ,,, ولكل مستوى مدرسينه من 1 إلى 6 والجميل إن حتى اللي ما يعرف شيء له مدرسين ( خواجات ) ويشرحون له بكل الوسائل ,, المهم أنه يفهم .
وإذا تعدى الواحد مرحلته يدخل الفصل الجاي المرحلة اللي تليه ,,, علما أن المرحلة السادسة هي اللي تؤهل لدخول (التوفل) .. وقابلت واحد مذيع في القسم الأوروبي بالإذاعة ومدرس إنجليزي ( يعني بلبل بالإنجليزي ) ومع ذلك دخل هذا المستوى(6) لرغبته في احتراف الإنجليزي ليدخل إختبار التوفل !
أنا عني رشحت من قبل لجنة الاختبار للمستوى الخامس وهناك من كان معنا في المرحلة الثالثة ( يعني يا دوب يفك الخط بالإنجليزي ) ومع ذلك إستفاد , لأن كل المدرسين خواجات ...
أنا عني حصلت على الدورة مجانا لأن الجامعة قدمتها للصحفيين على مستوى المنطقة الشرقية من دون مقابل جزاء ما قدموا للجامعة ,, لكن ( وبأمانة ) استفدت من المدرس ( جورج ) بريطاني ,, إستفادة ما أنساها له طوال حياتي ’’’ لأن هالعالم فعلا تعشق العمل , وتحاول إيصال المعلومة مهما كلف الأمر ’ وما عندهم هذاك التعالي اللي عند مدرسينا العرب للأسف الشديد000
الدراسة ساعتين بالمساء ,, لكن مشكلتها يوميا ,, يعني لو خلوها 3 أيام بالأسبوع مراعاة للموظفين كان أحسن ,,, علما أن الغياب صارم , وأي واحد تزيد نسبة غيابه عن حد معين يحرم من شهادة الدورة النهائية ,,, صحيح يخلونه يكمل ( لأنه دافع فلوس ), لكن لاجا وقت توزيع الشهادات قالوا له ( مش بوزك ,, ولا تحاول )
طبعا هذي شهادة قوية , لأنها من جامعة البترول ,, ووالله كان معنا من الزملاء من تهاون في الحضور (باعتبار الدورة مجانية ),, ويوم جا توزيع الشهادات حاول وحاول ولكن ما فيه فايدة .. وأتوقع معاهد ثانية ما عندها مشكلة , تعطيك شهادات , لأنها ربحية .
ياريت جامعة البترول تفتح لها فرع من كلية المجتمع في الرياض
قريبا خالد السلطان وزيرا للتعليم العالي ورح تشوف كل الجامعات السعودية في مستوى البترول ,, على الأقل إداريا , بدل الفوضى اللي صايرة في بعض الجامعات ...
معهد وال ستريت في الخبر بحانب البنك الفرنسي ممتاز طبعا بالنسبة للانجليزية
اخوي Lord_sa
هل تقصد انه بجانب البنك الفرنسي ( الإقليمي ) ولا احد فروع البنك ؟
أرجو توضيح العنوان بالضبط بارك الله فيك