عرض للطباعة
ممكن من الي زاروا لبنان وعارفينها زين انهم يعطوني برنامج سياحي لها
بس بشرط انها زياره عائليه انا والمدام وطفلين يعني مانبغى مقاهي ولا جلسات فن وطرب اعوذ بالله
ابي طبيعه خضار انهار شلالات شي يوسع الصدرواكيد البراد
وتكون الرحله في بدايه الصيفيه قبل الزحمه
واسبوعين بس
ارجوا الرد علي وخاصه انها المشاركه الاولى لي
اخوي القلب الكبير ومحب الاسفار ردوا علي تراني محتاجكم
هلا فيك اخوي ميمو ،،،والله يحييك .
البرنامج السياحي عن لبنان انا بصدد الاعداد لة فانتظر مشكورا .
تحياتي .
مشكور اخوي القلب الكبير والله يخليك لنا ذخر
بس الله يعافيك لا تطول علينا ترى الاجازه قربت وتدري ترتيب الرحله يبيله وقت---------طرار ويتشرط
اخوي ميمو
اذا ماتبغى مقاهي ولا جلسات فن وطرب
تبي طبيعه خضار انهار شلالات شي يوسع الصدرواكيد البراد
اقترح عليك تروح ابها او الطائف
اخوي مضارب
الخضار والانهار والشلالات في ابها والطايف!!!!!!!!!!!!!!!!!!!!!!!!!!
شكلك ماعمرك طبيتهم من متى الانهار والشلالات في السعوديه!!!!!!!!!!!!!!!!!!!!!
وبعدين وش المتعه في المقاهي ولا جلسات الطرب ؟ لا بعد معك عائله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني كل الي رايحين بيروت يبون المقاهي والفن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله انك حيرنتني كان هذي بيروت والله مانبغاها.
اولاً .اتمنى لك زيارة سعيدة..
تانياً.. فعلاً انا اؤيد رأي الاخ/ مضارب .. ابها والطائف لاتختلف عن طبيعة لبنان ... ولا يوجد بها فن
ولا طرب .. :D:cool:
ثالثاً.. اذا تبي برنامج سياحي ممتع لأبها انا على اتم الاستعداد ...
معـــــــــــــــــــــــــــــــــاً للسياحة الداخلية ... يأأخ ميمو...................
تحياتـــــــــــــــــــــــــــــــــــــــــــي. .....................
الأخ الكريم / ميمو
بعد السلام والتحية
ليس لدي برنامج محدد لك لكن استطيع ان احدد لك بعض الاماكن العائلية الجميلة التي سبق وشاهدتها
مطعم شللات عين مرشد بقرب بلدة المختارة
مطعم اليمين(تشديد حرف الياء الاول) نبع الصفا
(المطعمين مبنيين على ينابيع مياه)
مناطق (اهدن ، بشري ، الأرز) ذات طبيعة وجو عليل
فية مقاهي عائلية في منطقة( برمانا) وروادها محترمين سوا خليجيين او لبنانين بس فيها شوي اغاني وموسيقى .
مع تمنياتي لك برحلة سعيدة
كل الشكر لك ياصوت الارض انت الي والله فاهمني الله يوفقك
مشكور على الرد ياعاشق سراب.....
وشلون تكون لبنان سويسرا الشرق وكانها ابهاوالطائف.................. سويسرا لا مقاهي ولا جلسات فنيه طبيعه من اجمل مايكون
اجل الاسم ماينطبق عليها ابد........شكل الرحله خربت
وشكرا لكم جميعا.................................
هلا اخوي على ما يجهز البرنامج اعطيج كم مكان حلوو والله
فيه ممشى مسائي اسمه المناره على البحر روووعه وحلو وهاي
وشلالات روح( لعيون السمان) حلوه والله
وعاليه حلوه بالصيف وكلها خليجيين يم بحمدون وطريقها سريع مو جبال
وعندك ( قلعة موسى ) هم حلووو
وو عندك ( قرية جعيتا) حلوه وتشوف العجايب داخل
واذا تبي الاسواق روح مجمع اسمه 720 ومجمع اسمه abc
واذا تبي سوق رخيص روح سوق في منطقة اسمها (برج حمود)
واذا تبي اي استفسار امر
/:)
مع التحيه للجميع \ نبغى واحد بصراحه يقولنا عن لبنان تحتاج السياره او استئجر هناك ؟ بعدين وش الفرق بين
الاحياء عاليه \ الروشه \ جونيه \ الجبل \ جبيل \ فردان \ الاكل صحيح غالى الغداء يكلف حول 120ريال
بعدين منطقة المقاهى المفتوحه مثل مانشوف هى السلدير 00 وكيف اجلس زوجتى معى وهى متغطيه ؟ بصراحه
نبغى واحد يشرح مثل ماسال الاخ 00 شى واضح ؟ ( كنى معرس)000 والله اسال ان يحفظكم ويرعاكم ......
الأخ الكريم / وحيد السفر
السلام عليكم
عالية منطقة في الجبل قرب بيروت.
الروشة منطقة على البحر في بيروت،
جونية تعتبر مدينة ملاصقة لبيروت لكن اداريا تتبع محافظة جبل لبنان
الجبل كلمة عامة حيث جغرافية لبنان عبارة عن شريط ساحلي ضيق وخلفة المرتفعات الجبلية (كل شي فوق عندهم الجبل)
جبيل مدينة شمال بيروت بعد مدينة جونية (مدينة تتجاور فيها القلاع التاريخية والاثار مع المباني الحديثة)
فردان حي من احياء بيروت يتميز بالمراكز التجارية قريب من الروشة .
المطاعم تختلف في الاسعار لكن عليها الغلا
(وبعدين انت والمدام تقدرون تجلسون على الكراسي الموجودة يعني مافيه مشكلة)
اخوي ميمو
سمعت وش قالو الشباب ومنهم عاشق سراب وصوت الارض
(فية مقاهي عائلية في منطقة( برمانا) وروادها محترمين سوا خليجيين او لبنانين بس فيها شوي اغاني وموسيقى )
انا يوم اني انصحك من حبي لك وغلاك عندي
اسمع النصيحه اخوي ميمو
كل الشكر لكم ...مشعل.....وحيد السفر ......صوت الارض...... مضارب .......على الردود وتفاعلكم مع الموضوع
اخوي مشعل ودي استفسر عن منطقه سير شرق طرابلس ذكرها واحد في المنتدى بشكل موجز ويقول انها غير معروفه للجميع( يعني مابعد اكتشفوها) وطبيعتها خيال وبحثت في المنتدى مالقيت غير ها الكلام شي
كانك تعرف عنها اي شي او من حبايبنا الي زاروها يردون علي تكفون
ولكم الشكر مره ثانيه وماتقصرون
كانك ماتبي طرب وسهرات يالغالي ماليزيا مره حلوه
وفيها طبيعه واشياء مره بتنسط فيها انت والاهل
ميمو معا اني من عشاق لبينون
ورحتها اكثر من مره
الا انه صعب نروح لها عوائل وبالذات مجتمعنا السعودي وعادتنا وتقاليدنا وبالاخص اذا انت عريس ولا تعرف الكثير من المناطق السياحه البعيده عن جو بيروت والمقاهى المختطله
لذا افضل دبي لو كنت عريسا لعده اسباب منها لايسعنى المجال لذكرها حتى يكون لدديك الخبره الكافيه في مناطق لبنان وشعبها الجبلى والبعيد عن العاصمه ............
وووشكرا
لي تعليق بسيط ان الي مايبي طرب وموسيقى لايروح لبنان لانهم شعب يموتون في الطرب ويعشقون الموسيقى وهذا شي معروف عنهم
بصراحه لبنان بكل مكان اغاني وطرب اي مكان تحصله مشغل حتى هارديز طربانين
واذا ماتحب تسمع انصحك اخوي لاتروح لأنك بتتعب
وبالنسبه للي سأل عن جلسته بالسوليدير وزوجته متغطيه عادي كثير بنات مغطين
ولهم احترامهم والغطاء بلبنان طبيعي جدا
هلا اخوي ميمو
اولا اقول لك رح لبيروت ما نت خسران شي
ثانيا بالنسبة للمناظر الطبيعية فتتميز بها بيروت كما تتميز بها سوريا خصوصا في المرتفعات
بس بيروت نكهتها في جوها المسالم وطبيعة نا سها وجلسات الرواقة
بالنسبة للطرب أنا أرى أن هناك فرق بين السماع والاستماع يعني الي وده يدور على الطرب هو موجود ما عليه الا يختار
والي ما يبيه لا يحاول يتحسس منه ويغير أماكن ويتعب نفسه كل بيروت طرب متنوع الأشكال
وجلسة في بتي كافيه او البيرو كافيه على الروشة تسوى الدنيا
والمسالة أذواق وقناعات
تحياتي
مع التحية للجميع \ طيب ممكن احصل على شقة صغيرة غرفة نوم +مطبخ من 200 الى 300 ريال !!
بعدين صحيح ان ماعندهم استغلال مثل عيال جارتهم !!!! واى الاماكن اكثر فيها الخلجيين !
اخوي ميمو
انصحك تروح لبنان انت والمدام وراح تنبسطون اكيد
وعندك مغارة جعيتا وكذلك التلفريك بجونيه وبعد قلعة موسى وبيت الدين وجبال الارز ونهر الباروك فيه مطاعم وشلا لات حلوه وبعد السوليدير حلو للعوائل وعا ليه فيها جلسات عوائل حلوه وبرمانا بعد لا تتردد ورح وانشاء الله تنبسطون
ورحله موفقه
ليه ماتصلح عوائل الناس تملكوا فيها شقق وبيوت وانت تقول ماتصلح 0000
ليه حلال عليك وحرام على عيالك!!والاتخاف ماتتفرج زين يعني ما تاخذ راحتك
االحريم في اوربا بعباياتها هالمرة بلبنان00 وشفيها00الله واكبرمو الكثير من اللبنانين يشتغلون في السعودية بياعين وطباخين و00 و00 الخ
يعني متعودين على السعوديات