-
مشكلة في الجواز
السلام عليكم
رحلتي بتاريخ 19/1/1433
و عندي جواز السفر و احد من اخواني الصغار قطع اوراق من الجواز
و تعفيط و ماشابه ذلك ويش الحل
هل لابد من مراجعة الجوازات ؟
و هل الموضوع يأخذ وقت ؟
و ماهي الإجرات المتبعه ؟
ارجو الرد بأسرع وقت ممكن
تمت الاجابة على السؤال هنا
مشكلة في الجواز
-
اخي العزيز اعتقد ان الموضوع عادي تروح وتطلب بدل تالف ويطلع بيوم
لو تعرف احد يسهل عليك المهمة لان ممكن يفسر على انة انت مسافر دوله مشبوهه وقاطع الصفحات متعمد
الوضع يعتمد على المعرفة والحظ يعني ممكن بدون معرفة يفترضون حسن النية ويطلعون بدل تالف عادي
-
زي ما قالك ابو لين
بدل فاقد وماراح يطول
واذا عندك فتامين واو ممكن في دقايق
الله يسهلك
-
اذا عندك واسطة خلال ساعات يخلص
-
طلع لك بدل فاقد وفك نفسك
حالياً مافي زحمه تعال الصباح بدري
والساعه 2 استلمه بإذن الله
اطبع النموذج من النت وسدد قيمة الجواز عن طريق الصراف
تحياتي لك
-
أخوي تاريخ سفرتك في 19 / 1
يعني قدامك 10 أيام لاتشيل هم
رح للجوازات وطلع بدل تالف ويطلع لك في نفس اليوم أو اليوم الي بعده
أدخل على الرابط
http://www.gdp.gov.sa/?id=2015
وأختر ( طلب إصدار وتجديد جواز سفر للسعوديين )
أطبعه وعب البيانات كلها من بينها في أول النموذج فيه أعاده أصدار ومكتوب جنه السبب أختر( تالف )
ورح لهم وعطهم النمووذج وأمرك بسيط ان شاء الله
-
أبشركم الإجراءات مرة بسيطة
كأنهى جواز جديد اللهم زيادة على ذلك تعهد بالمحافظ على الجواز
مشكور على تفاعلكم