عرض للطباعة
السلام عليكم
مرحبا برواد بوابة ديرتنا : )
بغيت استفسر منكم عن القروبات
من اللي جرب يسافر بقروب لدول اوربا
انا مفكره اسافر ان شاء الله بااذن الله لـ دولتين
يمكن سويسرا وفرنسا أو لندن وفرنسا او لندن وسويسرا : )
ومادري شرايكم بسفر القروب وهل هو يكون ارخص
علما بان السفر راح يكون 3 اشخاص
وشلون ع الفندق يكون تبع التذكره أو لأ ؟!
يعني اللي جرب السفر عن طريق القروب ينورني بتجربته
وثاااانكس مقدما =$
وعليكم السلام ورحمة الله وبركاته بالنسبة لموضوع السفر مع القروبات فله ايجابيات وسلبيات..الايجابيات ان الواحد يرتاح
من عناء البحث وماعليه غير الدفع ويكون شغله كله خالص من ترتيب أمور السفرة من السكن حتى الرحلات يعني من الالف
الى الياء بالاضافة الى العلاقات الاجتماعية...أما السلبيات فهي التقيد بنظام القروب سواء بالسكن أو الرحلات..ويعتمد على
القروب والقايد اللي معاكم وطبعا الناس أجناس..انا لي تجارب سابقة من سنين طويلة مع القروبات ومنها ماكانت رحلات
ناجحة ومنها العكس بس حاليا ما أفكر أسافر مع قروب من وجهة نظري الخاصة لاني أحب أسوي وأختار كل شي بنفسي
وآخذ راحتي بالسفر باختيار المناطق والفنادق والرحلات اللي انا أبيها بس هذا ما يمنع ان السفر مع القروبات مفيد احيانا
لبعض الناس اللي عندهم ظروف معينة خصوصا للناس اللي ماعندها أدنى فكرة أو خلفية عن السفر وترتيب أموره وتحب
شغلها يكون عالجاهز.
وعليكم السلام
السفر مع القروبات أكيد اريح واسهل خصوصا اذا كان معاكم أطفال لانهم يتحملون كل شي ولكن السفر بروحكم تكون له حريه وخصوصبه أكثر
بصراحة جربت القروب قبل 3 سنوات طبعاً أي تجربة فيها سلبيات وايجابيات وكل واحد يوزنها بميزانه
بالنسبة للايجابيات :
1- أقل كلفة . وقد تصل الى 35% من كلفة الرحلة
2-يكفيك عناء البحث عن السكن والمواصلات والتعب .
3-مناسبة جداً للاعداد الكبيرة وخصوصاً الأطفال وكبار السن .
4-مناسبة جداً للأشخاص الاجتماعيين , والذين يحبون تنمية العلاقات الشخصية أثناء السفر والتعرف على الثقافات
5- الترتيب والتنظيم للرحلة .
أما من ناحية السلبيات اللي عانيتها :
1- اني كنت مع قروب كله امريكان ويبدو لي أغلبهم عرسان ومعي أطفالي , تكون هناك أشياء غير لائقة خصوصا في الباص كذلك عدم الألتزام بتعليمات القروب من البعض كالتدخين والشراب
2-هناك اشياء قد لاتهمك وتكون مدرجة ضمن الرحلة وتنجبر انك تزورها مع القروب ... مع ان هناك مرونه في القروب
3-تقييد الخصوصية
4-عدم التزام البعض بالوقت المحدد للقروب
اضافه وحده ..
مو كل القروبات اتقيدكم بالرحلات في قروبات كيفكم تبون تروحون الرحله فلانيه اوكي ماتبون على راحتكم ..
والسلبيات والايجابيات اذكروها اخواني ..
تسسسسلمون والله
من قريت اول 3 ردود جنه شوي السالفة ماعجبتني : (
من ناحية التقيّد
اما اذا كانوا القروب مايقيدونا برحلاتهم واذا يوم واحد رحنا بروحنا عادي
فأفضل القروب صراحة يبدولي أحسن واوفر من ناحية التكاسي واريح من ناحية البحث عن سكن وووو
وثااانكس مره ثانية ماقصرتوا :*