-
ديوانية بوابة الكويت
السلام عليكم:
شرايكم بالفكرة ؟
نجعل دوانية حق البوابة...خصوصا أن الكويت تتميز بدواوينها العامرة.. نعرف بها أخبار بعض ....نجاوب عن أسئلة بعض ...نسأل عن بعض...تكون الدوانية لتبادل الخبرات ...مزييج من المواضيع..ملونه بأناملكم الكريمه...ومن باب الأمانه ليست الفكرة من إبداعي ...لأني شفت هالدوانية في بوابة سوريا وأرى إنها فكرة رائدة ...تستحق التطبييق... لأنها تحيي البوابة وتقرب الأعضاء من بعض إذا إعجبتكم أهلا وسهلا ...وإذا ما عجبتكم يادار مادخلك شر...وكان الله غفورا رحيما...وتؤد الفكرة وهي في المهد.
تقبلوا شكري وتقديري
-
رد: ديوانية بوابة الكويت
فكره جميله وانا مستعد اسوي لكم الجاي و القهوه يوميا
-
رد: ديوانية بوابة الكويت
فكرة حلوة...كجميع مواضيعك الشيقة :)
انا من الحاضرين ان شاء الله :)....
-
رد: ديوانية بوابة الكويت
اشكرك اخوي على هالدوانية الحلوه
واتمنى تكون مرخصه لا تحوشنا الازاله :)
ومبروك عليكم هالجو الحلو والمطر والخير الله يزيده بالخير
اتمنى السلامه للجميع
وبالاخير
بقول لكل من يتواجد على ارض الكويت الحبيبه
أبتسم انت في الكويت
-
رد: ديوانية بوابة الكويت
https://www.otlaat.com/arabtravelers...quote_icon.png المشاركة الأصلية كتبت بواسطة سواح كويتي
http://www.arabtravelersforum.com/tr...5/#post2451705
فكره جميله وانا مستعد اسوي لكم الجاي و القهوه يوميا
سواح كويتي...أحب أرحب بك في دوانيتنا دوانية بوابة الكويت...وشكرا على المبادرة الطيبة..بس جنك نسيت القدوع ...تدري!!!...القدوع علي بجيب لكم رطب سكري من القصيم... سق الطيب على الجماعة ياولد...لاتفضحنا بالرياجييل...أرحبووووووووووووووووووووووووووا
https://www.otlaat.com/arabtravelers...quote_icon.png المشاركة الأصلية كتبت بواسطة il bambino
http://www.arabtravelersforum.com/tr...1/#post2452091
فكرة حلوة...كجميع مواضيعك الشيقة :)
انا من الحاضرين ان شاء الله :)....
مرحبا ملايين...ياهلا والله...تو تشرفت الدوانية...وأشكرك على الثناء...تشرفنا بمرورك.
https://www.otlaat.com/arabtravelers...quote_icon.png المشاركة الأصلية كتبت بواسطة xQ8x
http://www.arabtravelersforum.com/tr...0/#post2452100
اشكرك اخوي على هالدوانية الحلوه
واتمنى تكون مرخصه لا تحوشنا الازاله :)
ومبروك عليكم هالجو الحلو والمطر والخير الله يزيده بالخير
اتمنى السلامه للجميع
وبالاخير
بقول لكل من يتواجد على ارض الكويت الحبيبه
أبتسم انت في الكويت
يامرحبا والله وسهلا...ومرورك شرف لنا.
لاتحرمونا من معودة الزيارة.
-
رد: ديوانية بوابة الكويت
السلام عليكم:
شلونكم ياجماعة ...مبروووك علينا وعليكم المطر ....الذي عم جميع أرجاء كويتنا الغالية...وهو مطر مستمر ...غير غزير...
والجو ...جو لندني ...السماء ملبدة بالغيوم...والجو بديع مائل للبرودة...فالله الحمد والمنه.
-
رد: ديوانية بوابة الكويت
موضوع طيب وحلو وانا بعدمعاكم ان شاءالله
الحمدلله على نعمته مطررر وبراد الجو حده عجيب
-
رد: ديوانية بوابة الكويت
فكرة جميلة جداً...
قواكم الله.
و الله يزيد و يبارك لنا بهالمطر...:)
ان شاء الله.
-
رد: ديوانية بوابة الكويت
صباح مشمس...جميل...الجو بصراحة حلو حيل...أتمنى أن يستمر بهذا الشكل ...وأن يمن الله علينا بالأمن والإيمان..آمين
-
رد: ديوانية بوابة الكويت
السلام عليكم
اشلون الشباب والصبايا ان شاء الله مرتاحين ؟؟
اتمنى الصحة والعافيه والسلامه للجميع
-
رد: ديوانية بوابة الكويت
السلام عليكم شبااااااااااااااااااااااااااااااااااب يصير بعد وياكم بنات أعرفكم بنفسي السفيرة عزيزه من الكويت وإن شاء الله أكون مفيده وخفيفه يعني مو دعله بالكويتي في هالمنتدى الأكثر من رائع اللي صار له فتره متابعته واستفدت منه وايد لأنني من عشاق السفر الشتوي والحمدلله زوجي نفس ميولي من عشاق السفر الشتوي وجني واااايد هذرت عليكم بس عادي تعرفون الحريم لابد المهم ان ديوانيتكم تكون مختلطه ولو اني مو من مؤيدين ان يكون ديوانيه للحريم كافي عليهم شاي الضحى بعد تالي الليل مشكله
آسفه على الاطاله
ومبروك عليكم الجو الشتوي البديع والله يديم علينا الأمطار والخير وكل عام وانتم بخير وصحة وسلامة
-
رد: ديوانية بوابة الكويت
https://www.otlaat.com/arabtravelers...quote_icon.png المشاركة الأصلية كتبت بواسطة xQ8x
http://www.arabtravelersforum.com/tr...3/#post2455693
السلام عليكم
اشلون الشباب والصبايا ان شاء الله مرتاحين ؟؟
اتمنى الصحة والعافيه والسلامه للجميع
حياك الله مشكوووور على مرور الكريم...وأبشرك حنا مرتاحيين مادام الدنيا فيها ناس أمثالكم.
https://www.otlaat.com/arabtravelers...quote_icon.png المشاركة الأصلية كتبت بواسطة السفيرة عزيزه
http://www.arabtravelersforum.com/tr...1/#post2456311
السلام عليكم شبااااااااااااااااااااااااااااااااااب يصير بعد وياكم بنات أعرفكم بنفسي السفيرة عزيزه من الكويت وإن شاء الله أكون مفيده وخفيفه يعني مو دعله بالكويتي في هالمنتدى الأكثر من رائع اللي صار له فتره متابعته واستفدت منه وايد لأنني من عشاق السفر الشتوي والحمدلله زوجي نفس ميولي من عشاق السفر الشتوي وجني واااايد هذرت عليكم بس عادي تعرفون الحريم لابد المهم ان ديوانيتكم تكون مختلطه ولو اني مو من مؤيدين ان يكون ديوانيه للحريم كافي عليهم شاي الضحى بعد تالي الليل مشكله
آسفه على الاطاله
ومبروك عليكم الجو الشتوي البديع والله يديم علينا الأمطار والخير وكل عام وانتم بخير وصحة وسلامة
حياك الله أخت عزيزة...
الساعة المباركة
وبالعكس جهود الأخوات في البوابة أكثر من رااااائعه
أتمنى لك التوفيق.....في حياتك
وفي آخرتك...وتقبل شكري وتقديري.
-
رد: ديوانية بوابة الكويت
بعد راسي والله يالمتفائل
وحياكم الله
وان شاء الله الكل يستفيد
-
رد: ديوانية بوابة الكويت
تسلم يا المتفائل وأشكر لك تشجيعك وشنو إنطباعكم وإستعدادكم للبر والكشتات يقولون في فحم طبيعي يمدحونه بجمعية الضاحيه ما فيه ريحه ولا كربون ولا شرار وتستعملونه أكثر من مره حتى بعد ما تصب عليه ماي سامعين عنه اسمه كوكونارا والله الخبر منقول من أخت في منتدى كويتيات ما قصرت على المعلومه بجربه وأقول لكم
-
رد: ديوانية بوابة الكويت
شلونك أخوي متفائل
الجو ما شاء الله حلو
و اتمنى نروح لمزارع الوفره عشان أسوي تقرير حلو ل بوابتنا الغاليه
بالاول استحيت أدش عليكم الدوانيه :) لكن لقيت الاخت السفيره عزيزه ... قلت يالله بأدش
مشكور متفائل على الدوانيه
-
رد: ديوانية بوابة الكويت
هلا هلا هلا حيا الله من يانا المرام عندنا يا مرحبا يا مرحبا إي والله الوفره عاد عجيبييييييييبه هالأيام شدي حيلج وإتحفينا أكثر وأكثر آنا بعدني جديده بس أتعلم أنزل الصور أسوي لكم بعد تقارير
-
رد: ديوانية بوابة الكويت
هلا هلا هلا حيا الله من يانا أسفرت وأنورت وإستهلت وأمطرت الغاليه المرام عندنا حياج الله والله عاد صاجه هالايام الوفره روعه تمشي وتشوي آنا بعدني يديده بس أعرف أنزل الصور بشارك في تقارير بعد وإن شاء الله تعجبكم
أصب لج شاي ولا لومي شتحبين تشربين ترى حتى موكا عندنا دوانيه المتفائل كل شي فيها كريم ما قصر
-
رد: ديوانية بوابة الكويت
اخوي المتفائل فكرتك حلوة الصراحة وان شاء الله تستمر الدوانية وماتكون من المواضيع القديمة
انا راح اكون من رواد الدوانية وان شاء الله ماراح اقصر معاكم
السفيرة عزيزة حياج الله بالمنتدى وانا جربت هالفحم من السنة اللي طافت يبيعونه بمركز سلطان وبعض الجمعيات مثل الخالدية والضاحية والفروانية والصراحة احسن فحم حق الشوي وهالسوالف
-
رد: ديوانية بوابة الكويت
أخوي alrashedq8 شكرا للمعلومه عن الفحم بجربه عن قريب ان شاء الله
كان لي مشاركه ترحيب في المرام واستقبلتها بعد إذن صاحب الديوانيه المتفائل
وما طلعت عدتها مرتين ما بين شي !!!
المهم شلونكم ؟؟
آنا توني راجعه من مصر كان الجو روعه
-
رد: ديوانية بوابة الكويت
https://www.otlaat.com/arabtravelers...quote_icon.png المشاركة الأصلية كتبت بواسطة السفيرة عزيزه
http://www.arabtravelersforum.com/tr...6/#post2457536
هلا هلا هلا حيا الله من يانا أسفرت وأنورت وإستهلت وأمطرت الغاليه المرام عندنا حياج الله والله عاد صاجه هالايام الوفره روعه تمشي وتشوي آنا بعدني يديده بس أعرف أنزل الصور بشارك في تقارير بعد وإن شاء الله تعجبكم
أصب لج شاي ولا لومي شتحبين تشربين ترى حتى موكا عندنا دوانيه المتفائل كل شي فيها كريم ما قصر
:101: هلا فيج حبيبتي
تسلمين يالغاليه
أبي سلامتج :106:
و انتي منوره البوابه
و بانتظار تقاريرج
https://www.otlaat.com/arabtravelers...quote_icon.png المشاركة الأصلية كتبت بواسطة السفيرة عزيزه
http://www.arabtravelersforum.com/tr...1/#post2458071
أخوي alrashedq8 شكرا للمعلومه عن الفحم بجربه عن قريب ان شاء الله
كان لي مشاركه ترحيب في المرام واستقبلتها بعد إذن صاحب الديوانيه المتفائل
وما طلعت عدتها مرتين ما بين شي !!!
المهم شلونكم ؟؟
آنا توني راجعه من مصر كان الجو روعه
ايه اختي
لازم نسوي لمشاركاتج موافقه
و انا توني شفتها و سويت الموافقه
حمدلله على السلامه
ما كتبتي تقرير في بوابة مصر؟
يالله شدي حيلج و حطي التقرير نشوفه
-
رد: ديوانية بوابة الكويت
ماشاء الله الديوانية صارت عامرة :)
قواكم الله
وحياج الله السفيرة....
-
رد: ديوانية بوابة الكويت
مافي ديوانيه ما فيها اشاعات
اخر اشاعه
200 دينار من الشيخ سالم العلي لكل المتقاعدين
متى بس نتقاعد
-
رد: ديوانية بوابة الكويت
خوووووش اشاعه بس توا الناس على التقاعد
-
رد: ديوانية بوابة الكويت
https://www.otlaat.com/arabtravelers...quote_icon.png المشاركة الأصلية كتبت بواسطة xQ8x
http://www.arabtravelersforum.com/tr...1/#post2457261
بعد راسي والله يالمتفائل
وحياكم الله
وان شاء الله الكل يستفيد
أخو وعزيز...وأشكرك على تواصلك.
https://www.otlaat.com/arabtravelers...quote_icon.png المشاركة الأصلية كتبت بواسطة السفيرة عزيزه
http://www.arabtravelersforum.com/tr...0/#post2457320
تسلم يا المتفائل وأشكر لك تشجيعك وشنو إنطباعكم وإستعدادكم للبر والكشتات يقولون في فحم طبيعي يمدحونه بجمعية الضاحيه ما فيه ريحه ولا كربون ولا شرار وتستعملونه أكثر من مره حتى بعد ما تصب عليه ماي سامعين عنه اسمه كوكونارا والله الخبر منقول من أخت في منتدى كويتيات ما قصرت على المعلومه بجربه وأقول لكم
والله الجو بصراحة مو طبيعي ...وناوي الليلة أروح البر وهناك بيت الشعر وجايب حطب ممن السعودية (إرطة)
وبصراحه و الله حطبنا منا وفينا بالصبية...(رمث) بس مو تقولون إحتطاب جائر ... كوكونارا هذا لازم نجربه.
https://www.otlaat.com/arabtravelers...quote_icon.png المشاركة الأصلية كتبت بواسطة المرام
http://www.arabtravelersforum.com/tr...7/#post2457497
شلونك أخوي متفائل
الجو ما شاء الله حلو
و اتمنى نروح لمزارع الوفره عشان أسوي تقرير حلو ل بوابتنا الغاليه
بالاول استحيت أدش عليكم الدوانيه :) لكن لقيت الاخت السفيره عزيزه ... قلت يالله بأدش
مشكور متفائل على الدوانيه
حياك الله وفعلا الجو على قولت واحد من الربع(مو صاحي) يعني يمدح الجو...وكانت اليوم درجة الحرارة 17 الساعة 7:45 صباحا...وشكل هالاجازة بيكون الجو روعة ...يعني لازم الواحد يطلع.
-
رد: ديوانية بوابة الكويت
شلونكم وشلون البر حق اللي طلعواا آنا بقول لكم وين رحت بس لا تضحكون علي رحنا آنا وزوجي تمشينا في السوق الايراني وبعدين رحنا بيت أخوي شربنا جاي عندهم بالحوش واهم كانوا قاعديين يشوون على الفحم وبعدين رحنا كافيه ذي كوفي بين أند تي ليف اللي على البحر مقابل قصر السيف ورجعنا منزلنا العامر
انتوا شسويتوا
-
رد: ديوانية بوابة الكويت
بس صج أخوي المتفائل الجو مثل ماقال صاحبك مو صاحي رهيييب ما شاء الله الله يتمم علينا
-
رد: ديوانية بوابة الكويت
اليوم عطلة بس الجو ليش حاار مو نفس باجي ايام الاسبوع
يعني لازم بعطلتنا يصير الجو جذي:(
-
رد: ديوانية بوابة الكويت
الحين الجو حده حلو بس ناقصنا مطر علشان يصير احلى
-
رد: ديوانية بوابة الكويت
شلونكم؟
توني الحين راده من يوم البحار
و الجو ما شاء الله حلو
اللي يضحك انه نص الناس مشتيين و النص الثاني مصيفين
قولوا لي ,,,, متى راح تشتون؟
أنا يمكن انطر لنص الشهر
مدري للحين
-
رد: ديوانية بوابة الكويت
مرحبا....
شلونكم شخباركم؟
السفيرة عزيزة... الله عاد القعدة بالحوش مع الشاي والجو الحلو شي خيالي....:) ذكرتينا باللذي مضى... :)
الراشد & بوعزبز.... الجو اليوم حلو.... بس امس ابرد وايد....
المرام.... بالنسبة للملابس الشتوية سمعت العجيري بالتلفزيون يقول من 24-11 البسوا شتوي :)
الله يعطيكم العافية :)
-
رد: ديوانية بوابة الكويت
من 24 :)
اوكي مشكور اخوي
ان شاء الله بأروح أتسوق اليوم و أجهز الملابس الشتويه
-
رد: ديوانية بوابة الكويت
شدعوه المرام شيكي ملابسج أول ملوت السنه اللي طافت وبعدين كملي اللي ناقصج من طول شتانا وعليج بالعافيه المشتريات الجديده مقدما
تسلم أخوي il bambino لترحيبك فيني مرسي إلك
-
رد: ديوانية بوابة الكويت
هلا فيج حبيبتي :)
ايه اكمل على السنه اللي طافت
توني جايه من السوق
ما خليت شي ما شريته :)
-
رد: ديوانية بوابة الكويت
السلام عليكم:
حي الله الجميع...في دوانية البوابة الكويتية...وأبشركم...الدوانية ألحين صارت بيت شعر وفرشته لكم سدوا وشداد
وشبوب (سمر) وحليب بازنجبيل وبقصم... قهوه ياولد..........صب قهوه للجماعه
لاتفضحنا ....أرحبوووووووووووووووووووووووووووووووووووووووووو وووا.
......................كل الهلا...............................
-
رد: ديوانية بوابة الكويت
يا جماعه البرد تو الناس عليه لكن في الليل اكيد الجو بارد
وخصوصا في الصبح مبجر خصوصا للاطفال يعني يلبسون جاكيتات احسن لهم
القهوه يا ولد
ارحبووووووووووووووووووووو
-
رد: ديوانية بوابة الكويت
ياااسلام عليك المتفائل جدا والله هالقعده ترد الروح وحدها عجيبه
الف شكر على العزيمه الطيبه
-
رد: ديوانية بوابة الكويت
السلام عليكم:
شلونكم ياجماعة عساكم طيبين....اليوم لما قمت لقيت سيارتي والأرض امبلله...متى جاء المطر؟وهل المطره كانت طيبة؟
ودمتم في حفظ لله ورعايته.
-
رد: ديوانية بوابة الكويت
والله اخوي المتفائل نفس حالك طافتني المطره
الظاهر السهرانين لهم حظ
-
رد: ديوانية بوابة الكويت
والله أتمني و فكره واااايد حلوه خاصه ان ديوانتي مسكره للتصليحات :)
أتمني الكل يشارك من كل الدول العربيه و علي الكنافه و الحلو
تسلم أيدك علي هل الفكره الحلوه
-
رد: ديوانية بوابة الكويت
هلا اشلونكمم شخباركم وانا اكلمكم من دوامى العامر من ثالث دور والجو اليوم مو طبيعى لازم احط التاريخ عشان نقعد نتذكرة 10/11/2008 يوم الاثنين ،،،،،،،،،،،،،،،، وابيية الجو موطبيعى بااااااااارد ومغيم مو مال دوامات وتنطر البصمة عشان توقع وتروح البيت مال قعدة في الجو الحلو والخلاب ما شالله هل الايام الكويت تعقد خااااااااصو بالجو الحلو ،،،،
ادري هذرت واايد لأن منبطة جبدي من الدوام واشوف البنات جدامى والشباب قاعدين في ستار بكس كيفان واللي في مطعم بيتزا هت وانا قاعدة متحرمصة علي القعدة هم عليهم بالف عاااااااااااااااااااافية ،،،،
تري علي الحلو والموالح و المعجنات حق اعضاء الديوانيتنا اوكي ،،،،،،،،، انا امس رحت سوق الديرة عشان تشتري حق وحدة من اهلنا العبي حق الحج الله يوفقها ويكتب لنا روحة للحج وبعدين جمعيتى المفضلة الفيحاء سيتى ،،، اشرايكم عشان نكمل باجي اغراض الحج بس للاسف مانزول الاغراض من الاحرانات والشامبو الخاص للحج
وادري ودكم تكفخووووونى بس عذرونى سوالف حريييييييييم هاهاهاهاهاها وسلامتكم وإذا طلعت اليوم اقولكم ان شاللهم