هل نستطيع الإعتماد على التاكسي بدلا من السيارة

نحن مجموعة من النساء ومحارمنا صغار في السن ..نعتزم زيارة امريكا في الصيف ... وقد استفدت كثيرا من المعلومات المذكورة .. ولكني لاحظت ان الجميع كان يذكر موضوع تأجير السيارة علما بأننا نريد ان نعتمد على التاكسي .. ومتخوفون من قيادة السيارة نظرا للمسافات الطويلة وكوننا جدد على البلك ونجهل قوانينها ...فهل بالإمكان الإستعاضة عن السيارة بالتاكسي ؟ وما هي اسعار التاكسي هناك ؟

واذا اردنا الذهاب الى outlet ماذا نفعل خصوصا انه يقع على مسافة بعيدة من المدن ؟

لي طلب ثاني
ارجو اقتراج فنادق في لوس انجلوس
سان فرانسسكو
سان دييغو
باسعار مناسبه وقريبه من المعالم السياحية للمنطقة

مع تحياتي وخالص تقديري:))

السلام عليكم اختي

بالنسبه للتكاسي فهي غاليه جدا الا اذا بتتشاركون في سعر التكسي

بس هي لشكل عام غاليه

يعني رحنا الاوت لت اللي يبعد ساعتين سعر التكسي تقريبا 375 دولار او 400 دولار

واذا تاخر ياخذ عليج اوفر تاليم يعني اذا قالج خلصي الساعه 7 وتاخرتي ياخذ عليج زياده بالساعات

أخـــتـــي الـــفـــاضـــلــه farqad مـــاعـــنــدكم شـــبــاب يــــقـــدرون يـــســـتـــاجــرون ســـيــاره أفــضــل

أنـــا عـــن تــــجـــربــتـــي الـــصــيـــف الــلى طـــاف أول مـــره أســتـــأجـــر ســـيــاره فــى ســـويــسرا

طــبــعــا مــعــاى الــجــارمن مــمــتــاز وبـــصـــراحـــه أســتـــخـــدامه ســــهـــل

السلام عليكم اختي الله اوفقكم بالرحله على الوضع الي انتوا فيه مالج غير التاكسي او اذا في قطار او باص للاماكن السياحيه
بشكل عام التكاسي في جميع الدول غاليه لانها تعتبر سياره خاصه لج وسايق عارف بالمنطقه علشان جذي غاليه حتن عندنه بالكويت اذا بستخدمين تاكسي غالي :109: اشلون في امريكا !!!
على العموم اتوكلي على الله واهم شي اتكون الميزانيه حلوه وخلي عندج مبلغ حق التكاسي والمواصلات العامه :24:

في عندج التاكسي واذا انتو مجموعه اخذو باص احلى واكيد لوس انجلوس فيها باصات وافضل تاخذون معاكم شخص ريال عمره كبير مناسب ماتعرفون شنو الظروف

مشكورين جميعا على الردود .. ويبدو أن خيار التاكسي غير جيد .... طيب اذا اخترنا تأجير السيارة هل تعتقدون ان سهل علينا نسوق السيارة مسافات بعيد مثلا ساعتين ؟

https://www.otlaat.com/arabtravelers...quote_icon.png المشاركة الأصلية كتبت بواسطة farqad
http://www.arabtravelersforum.com/tr...4/#post2782704

مشكورين جميعا على الردود .. ويبدو أن خيار التاكسي غير جيد .... طيب اذا اخترنا تأجير السيارة هل تعتقدون ان سهل علينا نسوق السيارة مسافات بعيد مثلا ساعتين ؟




سهاله مافي اي مشكله اذا عندج نفجيشن بس المشكله اذا تعطلت السياره :110: اختي نصيحتي خلج على التاكسي اشوي زياده فلوس بس أأمن واريح واسلم والله اسهل عليج :101:

انا اعتقد اذا تعرفون تسوقون ومعاكم جي بي اس ما في مشكلة :24:

وانصحكم:

حاولوا تحددوا الموقع اللي تبوا ترحون له على الجي بي اس قبل القيادة
الالتزام بالقوانين والسرعة
تجنبوا القيادة في وقت متأخر :108:

https://www.otlaat.com/arabtravelers...quote_icon.png المشاركة الأصلية كتبت بواسطة farqad
http://www.arabtravelersforum.com/tr...4/#post2782704

مشكورين جميعا على الردود .. ويبدو أن خيار التاكسي غير جيد .... طيب اذا اخترنا تأجير السيارة هل تعتقدون ان سهل علينا نسوق السيارة مسافات بعيد مثلا ساعتين ؟



عزيزتي
تاجير السيارة اسهل اوفر اريح اهم شي رخصة دولية من كاتب السفر وسياحة بطاقة اتمان مثل فيزا مستر كارد تكون باسم صاحب الرخصة السياقة في امريكا سهلة ممتعة الانظمة سهلة اربط الحزام لاتتجوز السرعة وبس وفية جهاز في السيارة ادلكم علي الماكن وردكم الي مكانكم اسمة GPS ولاتكسي ولاغيرة
بالتوفيق

اقترح عليكم تركبوا الباصات الموجوده في لوس انجلس واسعارها رخيصه ومكيفه بس مهم لازم تعرفوا العنوان اللي بتروحوا له ورقم الباص والمحطه اللي بتركبوا منها علشان يوصلكم واحيانا الباص ما يوصل دايركتك فهو يوقف عند محطه مثلا تقاطع ثم تنزلوا وتاخذوا الباص الثاني لتوصيلكم للعنوان او قريب منه واكيد بترجعون بنفس الطريقه . تلقوا نشرات في البقالات خاصه بالباصات . او في محطة الباص نفسها تلقون عمود وعليه التعليمات . الكارت تشتروه من الباص . فيه لمشوار واحد وفيه ليوم كامل وفيه اسبوع وغيره
بس ترى ما يمنع انكم لما تركبوا الباص تعطوه العنوان علشان تتأكدوا وهو يوجهكم حتى لما تكون فيه محطه ثانيه بتركبوا منها خلوكم قريبين منه علشان يتذكر . لما يوصل الباص لعنوانك او قريب منه اسحب السلك الموجود فوق الشباك علشان يوقف في اقرب محطه .

نصيحه استئجار السياره افضل اذا تعرفون تسوقون واذا معاكم جي بي اس خاص المشكله محلوله ضعي اسم المكان الصحيح فيه وهو يمشيك وين ماتبين
والسواقه فيها مو صعبه

كثير من الناس متخوفين بمسأله السياقه بامريكا! ياجماعه شفيكم ترى والله الوظع جدا طبيعي

اصلا راح ترتاحين بالسياقه هناك, هناك الناس تلتزم بالقوانين بشكل كبييييييييير جدا جدا جدا
ونفس القوانين والانظمه, ماراح يختلف عليج اي شي بتاتاً

أنصح بتأجير سيارة لأنها تعطي مرونة وحرية للمسافر , كما أنها تستخدم كمستودع للأغراض غيراللازمة وتساهم بشكل كبير في سياحة أكثرمتعة

:11ight::11ight::surfالاستأجار افضل لكم ودمتم سالمين

وين متعة امريكا با أن الواحد معاه سيارة اشتري نافيقيشن مالي كل المحلات وتوكل على الله والله يوفقك