السلام عليكم
شباب أنا عندي استفسار وياليت لو واحد يكون عنده تجربه واقعية .
فيه عرض حلو في سبتمبر من دبي على طيران الخليج لفرانكفورت بـ 2000 ريال تقريبا .
فيه ناس قالوا بإمكانك تحجز عليها وتكنسل دبي - بحرين , وتطلع طبيعي من البحرين .
لكن تأكدت من التول فري قالوا مانقدر نكنسل لك ولايصلح تطلع عليها لازم حجزك يكون من البحرين .
لكني ما اقتنعت ,, ما أدري هل فيه احد ممكن يفتيني ؟
مرحبا أخي
أنا طلعت على طيران الخليج العام الماضي بحرين - فرانكفورت - بحرين بـــ 1500 ريال فقط
والتذكرة غير مسترجعه ولا تقدر تغير الحجز وكذلك سافرت عليها بحرين - اسطنبول - بحرين بـــ 1280 ريال ....
هل تقصد إنك حاجز دبي - بحرين - فرانكفورت وتبي تخليها من البحرين ولا كيف؟؟
اذا كنت تقصد إنك تبي تغير الحجز بدلا من دبي يصير من البحرين فهذا يعتمد على التذكرة
هل التغيير فيها مسموح أو لا لإن العروض هذي غالبا تكون مقيده ما تقدر تغير الحجز ولا تقدر ترجع التذكرة ...
اذا انا ما فهمت قصدك ياليت توضح اكثر
لا ماشاء الله عليك ,, فهمت قصدي .
صادق والله فيه عرض من دبي رووعة 1800 تقريباً إلى فرانكفورت بس المشكلة أنه من دبي .
أنا أبيه من البحرين , على آساس كذا كتبت الإستفسار هذا .
بالنسبة للتذكرة التغيير فيها غير مسموح والله أعلم , لأن اللي فهمته من موظف خدمة الحجز ان العروض مانقدر نغيرها تبقى على نفس اللي تحجزه .
لكن فيما لو اخذت التذكرة وطلعت من البحرين ما اقدر اطلع !؟
https://www.otlaat.com/arabtravelers...quote_icon.png المشاركة الأصلية كتبت بواسطة arsenal-r7
http://www.arabtravelersforum.com/tr...5/#post4101419
لكن فيما لو اخذت التذكرة وطلعت من البحرين ما اقدر اطلع !؟
أتوقع إنه غير مسموح و الله اعلم
اذا كنت شاري التذكرة ومنتهي رح مكتبهم في المدينة اللي إنت فيها بالنسبة للشرقية مكتبهم في الخبر
وكلم المدير وحاول فيه يغير لك بلد المغادرة أنا في رحلتي الى اسطنبول صار لي ظرف وما قدرت اسافر في اليوم
المحدد والتذكرة غير مسترجعه يعني كان لازم اسافر في موعد الرحلة رحت مكتبهم في الخبر كلمت الموظف قال اذا
ما سافرت تروح فلوسك رحت للمدير حقهم هندي بعد المحاولات والاتصالات مع معزبينه في البحرين وافقوا يغيرون
موعد الرحلة اذكر كان الخميس وغيروه الى الأحد .. رح لهم وجرب حظك أتوقع يضبطونها لك والله أعلم