وجهة للسفر مع العائلة نوفمبر

السلام عليكم جميعا...

نوينا نسافر في اجازة عيد الاضحى من 3 الى 12 نوفمبر وما رسينا على بر

طبعا المسافرون: انا وزوجي والعيال 6 و 3 سنوات

الميزانية: غير محددة لكن اقتصادية
والفنادق المطلوبة 4 نجوم وتصلح لعوايل في شوارع نظيفة وقريبة

الوجهة: فكرنا في اسبانيا لكن خبراءها هني يقولون ما تصلح للعيال لانها برد والملاهي تفتح ويك اند بس

ماليزيا وتركيا ودبي رايحينهم
ودول عربية ما نبي

تايلند يعني ها..كلما نخطط لها تفشل وزوجي ناوي يروحها وي الربع في اكتوبر

شفت التقارير وتعبت

واللحين طاري على البال فكرة هونج كونج لديزني لاند وتايلند يا ليت الخبراء يخبرونا رايهم والخطة والتكاليف وطرق المواصلات,,الخ الخ

https://www.otlaat.com/arabtravelers...quote_icon.png المشاركة الأصلية كتبت بواسطة حلوة الكون
http://www.arabtravelersforum.com/tr...4/#post6018264

اقترح عليك إيطاليا أو فرنسا





مشكورة اختي بس على حسب ما فهمت ان اوروبا ما تصلح للاطفال بهالجو والملاهي تسكر https://www.otlaat.com/arabtravelers...5e7e91j7m5.gif

شكرا اخواني وخواتي ..تسلمون
بس للحين محتارين :(

طيب ايطاليا فيها شي للاطفال؟؟ وكم بتكلفنا لمدة 9 ايام؟

اقترح عليك فرنسا او لندن

مشكور اخوي ...
بس لندن فوق هالمشاكل اللي عندهم اظن بكون مطر؟؟

وفرنسا مو باردة نخاف ديزني يسكرون من وقت او سكرون بعض العابهم بسبب الجو!!!

بس بعد بزور بوابة لندن وفرنسا ونشوف

انا ناوية على تركيا ان شاء الله
بس انتي رايحة لها


روحي هونج كونج ....

اعتقد الانسب لكم هونج كونج

اختي ابي الميزانية لو سمحتي ماقدر ارشح شي بدون ميزانيه معلومه

وبشكل عام عندكم بيروت ولقاهرة وشرم الشيخ اسعرهم معقوله

وعندكم هونغ كونغ بس هي غلى من ماليزيا وتيلند بمرحل

وعندكم سنغافورة

وبنسبة لاوريا دام الميزنية مب لى اهناك ماانصح فيها

وحبيت اذكر اذا انتي سعوديه فتايلند ممنوعه عليكم

تحياتي

https://www.otlaat.com/arabtravelers...quote_icon.png المشاركة الأصلية كتبت بواسطة alma3ani
http://www.arabtravelersforum.com/tr...4/#post6107874

اختي ابي الميزانية لو سمحتي ماقدر ارشح شي بدون ميزانيه معلومه

وبشكل عام عندكم بيروت ولقاهرة وشرم الشيخ اسعرهم معقوله

وعندكم هونغ كونغ بس هي غلى من ماليزيا وتيلند بمرحل

وعندكم سنغافورة

وبنسبة لاوريا دام الميزنية مب لى اهناك ماانصح فيها

وحبيت اذكر اذا انتي سعوديه فتايلند ممنوعه عليكم

تحياتي



هلا خوي

حنا من البحرين فعادي تايلند
ودول عربية ما نبي نخسر فيها شايلينها من الفكر

الميزانية مبدئيا 3 او 3.5 الاف بحريني تذاكر وسكن ومصروف على 9 ايام
والفكرة اللحين ان نروح ليلتين او ليلة هونغ كونغ وبعدين تايلند (بوكيت وبانكوك بس) شرايكم؟ تكفي؟؟

طيب
9 ايام تكفي اوزعها بانكوك, بوكيت وهونغ كونغ؟؟
وشنو احسن وسيلة نقل من تايلند لهونغ كونغ؟
انا كنت متشجعة لتايلند بروحها بس مثل ما قلت زوجي بيرجع منها 27 اكتوبر ومتردد يروحها مرة ثانية ويانا
انا احب ازور مكان مو مستهلك يعني تايلند اختي اللحين فيها واللعيلة كلهم راحوها
وما اشوف فيها العاب مثل ديزني او جنتغ للعيال حسب التقارير وحجي الاهل
فقلت ادخل عليها هونغ كونغ تغيير شوي

زين اختي ليش مااتخلينا هونغ كونغ وبوكيت بس

لان المدة قصيرها وتستحمل بلكثير منطقتين

والكيد بين بنانكوك وهونغ كونغ بطياره

على حسب المدة قررنا ان نخلينا في دولة وحدة بس وهي تايلند
بس بنقل استفساراتي لبوابة تايلند

مشكورين جميعا