تكفوووووون ساعدوني

اول شي السلام عليكم انا فصفصت الارشيف وبعض التقارير وجمعت معلومات حلوة بس بس بس ابي اسوي جدول بسرعه:
1- ابي اروح مايوركا وايبيزا شلون ومن اي منطقه اقرب وابي اعرف وين اسكن في كل وحدة فيهم وهل استقر فيهم والا اقدر اسكن في ماربيا واروح لكل وحده منهم يوم وارجع .
2-تخطيطي المبدئي برشلونه -ماربيا ,مدريد مو متشجعه لها
3-وابي من اسبانيا اروح زيلامسي في فينا يصير؟؟ وتنصوحوني باي طيران
ياريت تردون على كل النقاط
اي صح بقولكم صج فيه حرامية مدري نشالين هناك في شارع الرمله ؟؟https://www.otlaat.com/arabtravelers...a74b212ah9.gif

1. ايبيزا لو بتروحين لها روحي في نص يونيو لين نهاية شهر 9 .. غير هالوقت لاتفكرين تروحين لها لانها تصير مدينة اشباح وحتى المحلات تقفل .. ومايوركا ماعندي خلفيه بس صعب انك تروحين وترجعين لجزيره بنفس اليوم لانها تحتاج طياره ووصول مبكره ورحله 45 دقيقه وماتدرون عن اوقات العوده ممكن تكون مبكره ... وانا مانصح بايبيزا للخليجيين وخاصه عوايل لان البنات بالشواطي Topless

2. خليها برشلونه سان سيباستيان مدريد وبتعجبك

3. من اسبانيا الى النمسا تحتاجين طيران وعندك خطوط اقتصاديه مناسبه ومباشره مثل Spainair و veuling و iberia

4. شارع لا رامبلا في برشلونه مثل شانز باريس واكسفورد لندن امن ومحترم ومليء بالامن وأأمن حتى من الشانز

لكن ان كنتي بتمشين وماسكة شنطتك او تلفونك بطرف ايدك الكل راح يسرقه منك حتى لو في الخليج .. ان ماكان مواطن يمكن اجنبي

انا رحت وماشفت اي نشال .. وانبهك ان فيه ناس تستعرض بالشارع ويقولك حط مبلغ والعب وتحدي هالناس هم اللي ينشلونك بس برضاك لانك رضيتي تلعبين معهم وهو تحدي مهوب نصب

طبعا اوصيك بعدم تكوين اي علاقه مع عرب او خليجيين فيها امور ماديه .. يعني بسوي لكم عروض وخصومات وادفعوا وكوبونات مزوره مالكم فيها

روحوا انبسطوا وتعرفوا على الناس النظيفه المعروفين من اشكالهم لاصاروا عايله خليجيه مع عيالعم واشكالهم محترمين لايمنع

وحتى اخواننا العرب بالعكس انا تعرفت على عايله فلسطينيين بديزني لاند باريس وصار بيننا شوية سوالف وضحك ومافيها شي .. لكن البعض يستغلك ويحاول ينصبك بأدب

ووبرضوا ابتعدوا عن المشاكل اللي تصير بين البعض لانهم اوقات يفتعلون مشاكل علشان عارفين الخليجيين ملاقيف هههههـ ويجي واحد من وراكم يسرق شناطكم

بتكون وجهتي برشلونه ومن برشلونه شو الاقرب اروح سان سبيتان وابي اروح مابيا ومايوركا وعقبها زيلامسي فينا فياليت ترتبون لي من ناحية كل مدينه والاقرب نهاية الى زيلامسي ورشحوا لي فنادق لكل منهم لاني دخلت الرباط الي يخص الفنادق ولكن ماقدرت اعرف اي الفنادق مجرب وحلو ومكان بشارع حيوي بليييز ماببقى شي على سفرتي بتكون اول ايام عيد الفطر

اختي شوفي خريطة اسبانيا قبل ماتسألين

برشلونه شرق .. سان سيباستيان شمال .. ملقا ماربيا جنوب .. مدريد وسط تميل للغرب

يعني جدولك متعب وانا اقترح تكنسلين سان سيباستيان لانها شمال وتروحين فالنسيا بالجنوب لو حبيتي

ويصير خط رحلتك برشلونه فالنسيا ملقا ماربيا مدريد ميونخ وقطار مع تغيير قطار لين زيلامسي وعوده لميونخ والاقلاع منها او الاقلاع من فيينا

في برشلونه .. الشارع اسمه رامبلا .. رمله ووكره عندكم مو في اسبانيا :p

في فندق يمدحه صديق لي اسمه turin

انزين محد جاوبني ليش ؟؟؟ محتاجه لمعلومات اكثر شفت التقارير بس في اشياء مثل مايوركا محد مركز عليها
وبصراحة مدري ليش مافي تفاعل مع العلم بوابه ايطاليا احط اي استفسار ويردون علي على طول ماقصروا معااي كلش
المهم الي رد علي هني مشكوووووور وماقصر وجزاكم الله خير
اخوي مزاجي الرمله هو معناة اسم الشارع رامبلا :)

والله يا أختي ودنا نجاوب بس ما عندي معلومات
الفنادق يا أختي من عادتي ما أتكلم فيه ( أنا عموما أحب الفنادق البعيدة عن الزحمة أرخص وأنظف ) بس متعبه شوي للي ما يعرف البلد
ابيزا ما أنصحك فيها - غير مناسبة للعائلات -
ما يوركا ما عندي أي معلومات عنها بس أعتقد ماربيا وبرشلونة يغنون عنها
لو تروحين مدريد بعد ملقا ومن مدريد تطلعين مايوركا وبعدها برشلونة إذا رحلة العودة من برشلونة
بعطيك موقع ممتاز يبحث لك عن الفنادق ويحدد المكان بدقة ويقارن بين أسعار المواقع ممكن يفيدك
http://search.hoteloogle.com/

بالنسبة للسفر من اسبانيا الى زيورخ انا انصح بطيران easy jet

لاني هذا الصيف طلعت فيه رحلتين من جنيف لمدريد

ومن مدريد الى لندن وكانت خدمتهم واسعارهم جدا معقولة