يا خبراء اسبانيا تعالو فيس يناظر الليل والنهار والمستحيله وخبير اسبانيا

[size="5"]السلام عليكم ورحمة الله وبركاته ..


بس حبيت اقول للخبراء .. اني قررت وخلصت ..


انا بطلع شهر عسل لاسبانيا في فبراير ..

في يوم 4 فبراير 2011 وانا طالع ان شاء الله ..


فبتكون الرحله 5 ايام في مدريد و 5 ايام في برشلونه ..


المطلوب من الخبراء جزاهم الله كل خير .. يرتبون لي رحله الله لا يهينهم ..


يعني اول يوم انا حاط في بالي زيارة ملعب ريال مدريد ( السنتياجو برنابيو ) ..

اهم شي .. ابي ياطويلين العمر تظبطون الرحله لي على الاماكن اللي تصلح للمتزوجين حديثا :)


وتكفون لا تقولون الاسم وبس ابي العنوان عشان اكتبه عندي بورقه واعطيه السواق او لو اضيع اقدر اسأل عنه .. ( فيس فاهي )


وراح يكون صرفي باليوم الواحد تقريبا 120 يورو اي مايقارب 600 ريال سعودي .. واتوقع اقل ..


ادري اني كرهتكم العيشه .. لكن ساعدوني والله ودي ابيض وجهي قدام المراه

الله يوفقكم ويبارك لك
واسبانيا اختيار موفق
وواضح انك مدريدي .. بالتوفيق بكره ضد الميلان .. كلنا مع الريال

بخصوص رحلتك انصحك تلقي نظره على التقارير ومنهم تقريري لمدينة برشلونه .. فيه تقريبا العناوين بناء على محطات المترو
من ناحية السكن الافضل تسكن في شارع رامبلا بحكم انه وسط البلد وقريب من جميع الاماكان ابسياحيه في برشلونه
وفيه فنادق ممتازه ما اقدر احصرها لكن لو تحدد لنا ميزانية السكن المرغوبه ,, فطور او بدون نقدر نساعدك انشالله

https://www.otlaat.com/arabtravelers...quote_icon.png المشاركة الأصلية كتبت بواسطة Mezajee_KSA
http://www.arabtravelersforum.com/tr...6/#post4316556

الله يوفقكم ويبارك لك
واسبانيا اختيار موفق
وواضح انك مدريدي .. بالتوفيق بكره ضد الميلان .. كلنا مع الريال

بخصوص رحلتك انصحك تلقي نظره على التقارير ومنهم تقريري لمدينة برشلونه .. فيه تقريبا العناوين بناء على محطات المترو
من ناحية السكن الافضل تسكن في شارع رامبلا بحكم انه وسط البلد وقريب من جميع الاماكان ابسياحيه في برشلونه
وفيه فنادق ممتازه ما اقدر احصرها لكن لو تحدد لنا ميزانية السكن المرغوبه ,, فطور او بدون نقدر نساعدك انشالله




يالبى كلك يا شيخ ..

مدريدي وبقوووه والله يوفقنا مع ميلان ويوفقك معنا يارب ..

التقارير وانا اخوك كثيره ودخلت على تقريرك والصراحه حلو .. بس وانا اخوك اخذت باكيج بـ14000 ريال .. مع الطيران وحجز الفنادق والمشكله ان راعي مكتب السفريات قال لي عن اسامي الفنادق بس والله اني نسيت اسمها .. ( محسوبك ارفل بكل ماتحمله الكلمه من معنى ) ..

بس انا وش ابي ..

ابي مثلا يجي واحد ويقول لي ..

اليوم الاول في مدريد تروح لملعب الريال وبعدها تروح للمكان الفلاني وبعدها تروح كذا وتكون العناوين بالاسباني ..

عرفت ؟


لان فيه ناس راحو وخبره بالاماكن وانا اول مره بروح لاسبانيا .. فما ادري وش السالفه ..


على العموم انا برجع اشيك تقريرك وبكتب الاماكن ..


ويعطيك العافيه حبيب قلبي على المساعده ياجعلك تسلم والله .. https://www.otlaat.com/arabtravelers...2665131x02.gif

ههههههههههههه الله مير يكبر مقامك عنده

أجل أنا ووجهي على فهاوتي صرت خبيرة ؟ ههههههههههه

ماقول الا جزااااااك الله خير ..

طيب مو مشكلة إبشر باللي يسرك إن شاء الله ..
عني أنا تقريري مفصفص كل شي سويناه وكل محطات المترو القريبة منها .. والأمور سهلة إن شاء الله بس ماقلت معك لغة (صحيح ان كثير ما يعرفون انجليزي هناك لكن بعض الكلمات أساسها انجليزي فـ بتلقط منها شوي) .. وبالنسبة للأماكن لا تضيق صدرك خل معك ملف للأوراق مجهزها من هنا فيها كل المعلومات .. ورقمها بالترتيب عشان ما تنحاس :-

1- تذاكر الرحلة الدولية (ظلل على موعد الرحلة وتاريخها والمدينة اللي تسافر منها وإليها)
2- حجز الفندق في مدريد ونفس الشي ظلل على تاريخ الوصول ..
3- ورقة مسجل فيها مزارات مدريد حسب أولويتها عندكم
4- تذاكر القطار لبرشلونة
5- حجز فندق برشلونة
6- ورقة فيها مزارات برشلونة الجميلة
7- ورقة فيها مجموعة كلمات أسبانية ومعانيها وبتحتاجها كثير (مثل خامون ، ثيردو من مشتقات لحم الخنزير .... اونو = 1 ، دوز = 2 ) اقعد ذاكر فيها وترى بأسمع لك الرد الجاي ^_^

وحط حيلك الحين بهالتقارير ومعك ورقة وقلم وسجل .. كل الناس كتبوا تقاريرهم عشان الآخرين ياخذون منها اللي يناسبهم كلنا ما نعرف وش ممكن يعجبك ولكن نستعرض لك اللي عجبنا .. :)

https://www.otlaat.com/arabtravelers...quote_icon.png المشاركة الأصلية كتبت بواسطة الليل و النهار
http://www.arabtravelersforum.com/tr...4/#post4317074

مبروك و بالتوفيق أن شاء الله https://www.otlaat.com/arabtravelers...2665114b2a.gif
بس وقت سفرتكم مرة برد .... ما ودك تغير الوجهة ... شهر عسل حلاتها تنبسط فيها على الأخير

بنسبة للاماكن ما فيه شئ صعب
أركب الباص السياحي يوديك لكل الأماكن السياحية حتى الملاعب




تقريبا 60 يورو للرحلة الواحدة الدرجة الثانية



الله يبارك فيك ياحلو :)

بس شكلك عزوبي ؟

انا ابي شهر العسل بالبرد تعرف ( لزوم الرومانسيه https://www.otlaat.com/arabtravelers...6651icon10.gif )

اما عن الباص .. كيف اقول له يروح لمعلب السنتياجو برنابيو ؟ وكيف اعرف وين متجه الباص اصلا ؟ وكيف ادفع لهم القروش ؟ :)

بس شكلك عزوبي ؟



لا والله متأهل https://www.otlaat.com/arabtravelers...6ec002ompe.gif
علشان كذا أقول لك ما ينفع شهر عسل مع البرد





اما عن الباص .. كيف اقول له يروح لمعلب السنتياجو برنابيو ؟ وكيف اعرف وين متجه الباص اصلا ؟ وكيف ادفع لهم القروش ؟ :)



الباص له مسار محدد
أذا وصلت للمكان الي تبيه تنزل و أذا خلصت منه تركب الباص وتروح لمكان الي بعده
الباصات تتردد كل ربع ساعة و تذكرة تشتريها من الباص نفسه

مراااااااااااااااحب ...
أخوي لاتشيل هم ماراح تضيع أبد
الشعب الأسباني شعب طيب ودهم يخدمونك بعيونهم
أنا توني جايه من أسبانيا بصراحه مدريد مارحت لها رحت برشلونه وماربيا
برشلونه ممتعه بلد بسيط جدا
بالنسبه للغه طبعا أغلبيتهم مايجيدون اللغه الأنجليزيه خصوصا في التكاسي
أهم شيء وأنت رايح أي فندق خل أسم الفندق وعنوانه مكتوب عندك عشان توريه صاحب التاكسي ويوصلك له من غير ماتتعب في الشرح
أما المطاعم الفاست فود موجود بكثره خصوصا ماكدونالدز وبرجر كينج في كل مكان
أما المطاعم الحلوه والراقيه نسبيا عندك مطعم بيتزا ميرزانو عالرامبلا البتزا عنده خياااااال طبعا أحنا كنا ناخذ الخضار والمارجريتا مرررررررره كانت الثنتين روعه وجلساتهم رايقه
عندك مطعم موفا على ما أظن ينطق كذا تبع خضار يسوي فلافل برضوا تعتبر خيار جيد إذا حاب تغير من الفاست فود لكن عالواقف تاكل فيه جلسات بسيطه
عالرامبلا كثير مطاعم تسوي الأكله الشهيره حقتهم البايا أكله حلوه وحلو أنك تجربها أحنا أخذنا طبق بالدجاج وطبق بالربيان بصراحه إلي بالربيان كان ألذ بكثييييييييير
وبالنسبه للباص في برشورات تشرحلك خط سير الباص وموجود الكشك تبعهم في الرامبلا تقدر تشتري التذاكر من هناك

بغيت أنبهك أنه أتوقع في الفتره إلي أنت رايح فيها راح يكون الجو بارد لأنه أنا ريحه في سيبتمبر كان الجو بالليل بارد شوي
وأي سؤال في الخدمه

ابتسامة امل ياجعلك مبتسمه دايما ..

انتي عطيتيني امل بالروحه وقويتي قلبي

https://www.otlaat.com/arabtravelers...quote_icon.png المشاركة الأصلية كتبت بواسطة الاطخم
http://www.arabtravelersforum.com/tr...6/#post4319406

طيب وشلون اعرف انه رايح للمكان المحدد ؟





أول ما تشتري تذكرة يعطونك خريطة وسماعة
الخريطة فيها المسار و كل نقطة توقف مرقمة