عرض للطباعة
السلام عليكم ورحمة الله وبركاته
انا رايح التشيك بعد اسبوعين مع العائلة
احد يدلني على الاماكن السياحية للعوائل والاطفال
وعن افضل المطاعم
ويزودني بخريطة للمدينة واذا امكن خطوط المواصلات فيها
طلباتي كثيرة صح بس افيدوني باللى تقدروا عليه . كتب الله ذلك في ميزان حسناتكم
وعليكم السلام.... اخوي happy2007
انا والله مثلك رايح للتشيك مع الاهل .. واول مرة بروح لها هالمرة ..
لاكن من سؤالي واستفساري من بعض الاخوان بهذا المنتدى وخارجه فقد علمت ببعض الاماكن السياحية في التشيك ...
اولا .. براغ ..
جسر الملك تشارلز ..
- أفضل معلم سياحي أثري في براغ وهو الجسر العريق والشهير عالمياً وهو قريب جداً من السنتر.
- بالنسبة للسكن في براغ انصحك تكون قريب من السنتر لانها متكاملة الخدمات وما راح تحتاج سيارة للسنتر
ممكن مشي عشر دقايق او خمس عشر دقيقه , و فيه امكانية السكن في فلل بس اتوقع انها بعيده عن السنتر شوي ,
- رحلات نهرية من الصباح الى العصر ..
- مجمعات تجارية ومركز تسوق ..
ثانيا .. كارلوفيفاري ..
اصلا هي قرية صغيرة.. وتستاهل الواحد يروحلها .. وتتمشى فيها كلها .. وتتميز بالعيون الطبيعية .. والجو الهادئ و الطبيعه الخلابة ..
والله ياخوي .. هذا كل الي عندي .. واتمنى اكون جاوبت على استفسارك ..
وسفرة سعيده ان شاء الله .
المواصلات ..
الي اعرفه عن طريق القطار او الباصات .. وترا التكاسي عندهم شوي غالية لان البنزين غالي عندهم وتقدر تسأل الفندق الي بتكون موجود فيه وهو يدلك على كل مكان تبي تروحله وانا انصحك تسكن بمكان قريب من السنتر عشان ما تحتاج المواصلات كثيير ..
المطاعم .. الي اعرفه انه موجود هناك اكثر من مطعم عربي .. موجود مطعم عربي سوري بكارفور الي في براغ ..
والله اماكن الاطفال .. مالي دراية عنها ..
الاسواق..
موجود مراكز كبيرة للتسوق في براغ ..
اجمل المدن ..
براغ العاصمة
كارلوفيفاري
هذه الي انا اعرفها
اتمنى اكون جاوبت على تساؤلاتك ..
اخوك .. عبدالله
السلام عليكم....
طبعا براغ ما فيها ملاهي لكن فيها حديقة حيوان.....
الموصلات .... لاتركب تكاسي الا عن طريق الفندق اذا كان الامر ضروري... الافضل والاقل تكلفه بشكل غير معقول "المترو" ... فيه تذاكر لاسبوع او اسبوعين ... على حسب احتياجك
السلام عليكم ..
مثل ما قال اخوي eyesmax .. براغ مافيه مدينة ملاهي ... لكن فيه اماكن سياحه وترفيه في كل مكان ..
حديقة الحيوان وهذا عنوانها على الأنترنت ( http://www.zoopraha.cz/english/ )
المتحف الوطني, ميدان الساعه (هناك في بقعه على الأرض مكتوب عليها _اذا وقفت هنا فأنت في وسط اوروبا) :) في نفس المكان فيه عربات وخيول.. لكن اكبر نصابين في براغ هههههه يضرب السعر 10 اضعاف اذا شافواعرب والا جانب ...
جسر الملك تشارلز يسمونه بالتشيكي ( كارلوف موست) (جسر الملك) .. وعند الجسر فيه بواخر وسفن تنظم رحلات بحريه وبوفيه مفتوح لكن الأكل ما انصح فيه الا اذا كان مأكولات بحريه ..
وفيه قوارب صغيره للأيجار ..تكفي ل4 أشخاص للتجول في النهر ...فرصه ما تتفوت .. بعد ما تخلص من الجسر في الطرف الثاني .. فيه القصر الجمهوري.. طبعاً هذا صاير فوق تله او هضبه اول ما تدخل جسر الملك.. تشوف القصر قدامك في الطرف الثاني .. :):),, اذا عائله واطفال صغار ما يتحملون التعب لا اتحاول توصل هناك.. :):) .. لأن بصراحه مكان يستاهل ان الوحد يشوف براغ من فوق ,,لكن متعب بالمشي..
هذي صورة القصر من فوق الجسر..
https://www.otlaat.com/arabtravelers...8fcfcpraha.jpg
https://www.otlaat.com/arabtravelers...lesBridge2.jpg
وبالليل كدا
https://www.otlaat.com/arabtravelers...agueBridge.jpg
طبعا الا يوصل فوق بعد التعب يشوف براغ صارت كدا :)
https://www.otlaat.com/arabtravelers...stle.sized.jpg
---------------------------
من ناحية المطاعم انصح بمطعم اسمه (السفير) مجمع (أنجل) من المترو فيه محطه اسمها (Andel)
هذي خريطة مترو براغ http://www.eurolodgings.com/czech/metro%20map.gif
بالخط الأصفر بعد النهر مباشره ...
مجمع من 3 ادوار .. ومجمع سينمات وسوبرماركت (كارفور) ومطاعم بالطابق الأخير..فيه مطعم عراقي عربي اسمه (السفير) اكلهم ممتاز ونظيف .
=================
ودائماً اعتمد المترو في التنقلات والمواصلات.. لأنه مختصر ورخيص واسرع وكل منطقه في براغ فيه نقطه قريبه للمترو بالأسم .. لكن في بعض الأحيان تصل سرقات من بعض ضعفاء النفوس واللصوص داخل المترو .. يعني كل واحد ياخذ احتياطه ويتأكد ان محفظته في جيبه ..:):) ,,
وفيه ملاحظه صغيره بعد بالنسبه للمترو..الباب يقفل ويفتح بسرعه يعني 10 الى 15 تانيه ويقفل ويمشي..ولما تطلع نفس الشي..والبطاقه تختم في النزول وتضل معاكم لين ما تطلعوا برا ..لأن في بعض الأحيان يكون في تفتيش من شرطة المترو قبل الخروج.. وهات ياليل .. الا عنده بطاقه حياه الله والا ماعنده يغرم ..:101:
-------------------------
وآسف على الأطالة .. واي معلومات او استفسارات انا تحت الخدمه ..
تحياتي Alicek
السلام عليكم
لو بغيت استفسر التشيك وين موقعها فالكره الارضيه لاني اول مره اسمع بهالبلد
وبغيت استفسر بشكل عام حياتهم غاليه رخيصه ولو بغيت اسكن بفلل او شقق فاليوم ع كم ...
والتذاكر الطيران من دبي الى هذه البلاد كم ...؟؟
وسوري ع الازعاج لانه شدني موضوعكم
سلام أخوي دبي7887 ...
أخذ فرجار https://www.otlaat.com/arabtravelers...b9dividers.jpg وامسك خريطة أوروبا ..وارسم دائره على اوروبا... المركز .. هو الجمهورية التشيكيه .. وعاصمتها براغ ..
هذا موقعها في خريطة أوروبا ..ويحدها من الشمال بولندا وألمانيا .. والشرق سلوفاكيا والغرب ألمانيا والجنوب النمسا ..
https://www.otlaat.com/arabtravelers...public_map.gif
وهذا موقعها في الخريطه
https://www.otlaat.com/arabtravelers...public_map.gif
وهذا الموضوع ألف باء الجمهورية التشيكية
كل ما ترغب به من معلومات مهمه عن الجمهورية التشيكية تجده في الرابط ادناه
http://www.travel4arab.com/vb/showthread.php?t=15607
وبالنسبه لتذاكر الطيران معظم الخطوط لها رحلات لبراغ .. البريطاينه وكي أل أم واللوفثانزا وغيرها
والخطوطه الجويه التشيكيه لها 3 رحلات لدبي وابو ظبي اسبوعياً ..وعلى ما اعتقد هي ارخص الخطوط من دبي لبراغ ..
-----------------------------------------------
والسفارة التشيكيه في ابو ظبي هذا عنوانهم :-
------------------------------------------------
الإمارات العربية المتحدة _ ابو ظبي:
Embassy of the Czech Republic in United Arab Emirates
Corniche Plaza Bldg.
PO Box 27009
Abu Dhabi
Phone: 009712 6782800
Fax: 009712 6795716
Email: mailto:[email protected]
=============================
وأي استفسار آخر انا في الخدمه .. تحياتي للجميع ...
Alicek
الشكر والتقدير لكل الاخوان اللى ردوا على استفسارتي واخص بالشكر الاخ ALicek وعندي اسئلة عن مدينتي يخى موف وداركوف وكيف هاتين المدينتين في العلاج الطبيعي والاماكن السياحية فيهما
Alicek شكرا على ردودك المفيده ..
براغ مدينة جميلة جدا ..
بس لو تفيدني بأفضل فندق في السنتر أو السنتروم :)
من حيث المسافه و السعر ..