البداية
الوالد ماكان يفكر في اسبانيا في الصيف ابدا .. كان يفكر في دول ثانية .. لكن بعد ماطلبت منه من باب المحاولة وافق علطوول ( وشي غريب ابوي يوافق بسرعة )
يعني وقتها حسيت اني .. :kashkhah:
الرحلة كانت إلى بعض مدن الجنوب الأسباني ( الأندلس)
في شهر اغسطس على الخطوط الفرنسية Air Frnce
الرياض -باريس - مالقا - باريس - الرياض
والفرنسية بصراحة جدا مرييحة بس .. ضاعت نص شناطنا
وبعضها تأخر ماوصل الا بعد يومين :112: .. وفيه أغراض انسرقت بعد ..
بعد الوصول إلى مطار مالقا .. جا وقت استلام الشنط
ابوي كان معه شنطة .. وامي والصغار شنطة
وأنا لحالي شنطتين :D
وابوي كل ماشاف شناطي قال لأمي : بالله موب كنه عفش مطلقة ؟؟ :confused:
وصار الهم الوحيد لأهلي في المطار شناطي
جيبوا عفش المطلقة .. ودّوا عفش المطلّقة
وكان مسكين اخوي الصغير هو اللي يسحبها .. يوم وصلت معه جا قالي :
ريما وقسم بالله ماحناب ساكنين في اسبانيا
حطي اغراضك في الأمانات لين نرجع للرياض :101: (على باله حلها.. المشكلة انه من جد يتكلم)
والحمدلله عدّت المسألة على خير واتجهنا إلى منتجع الماريوت :)