عرض للطباعة
مساء الخير عليكم يا أهلنا في قطـر قطر المحبه والخير والسلام
انا رايحه قطر انا واهلي وحابه استفسر عن بعض الاشياء وهـي :-
1- محتاجين سياره حق 4 اشخاص صغيره مو كبـيره تكون بالاجار اليومي مع سائق خاصه ممكن تدلوني بأرقام تلفونات لهم وعناوينهم .
2- شو المعالم الي تنصحون بزيارتها في قطر غير سواق واقف والمتحف الاسلامي الي بتكون بالدوحه مو خارج الدوحه .
3- شو المطاعم الحلوه الي ممكن الواحد ياخذ راحته فيها عائليه .
تسلمون يارب
اختكم نوره الغامدي
اذا جايين عن طريق المطاار بتحصلوون مكاااتب كثيرة لتأجير السيارات بالمطاار بيطلبون منكم بطاقة الفيزا او الماستر. بالنسبة للمطااعم معظم المطاعم مفتوحه ما عدا القلة اللي فيها كبائن او ستائر مثل مطاعم المجلس العربي وفينيسيا بشارع السد .
السلام عليكم ورحمة الله وبركاته
المطاعم التي فيها كباين اوستائر
1- مطعم رويال تندور في شارع السد او في سوق واقف واللي في شارع السد احلى وهو مطعم هندي ورائع
2- مطعم مازه جنب دوار مطار الدوحة الدولي وهو هندي مب راقي لكن اكله روعه وارخيص
3- مطعم ديوانية البخاري في منطقه الغرافه واكله حلو
4- مطعم الاعظميه وهو مطعم عراقي في سوق واقف والسمك المسقوف وايد حلو عنده وينصح بزيارته وقت الغدا
5- مطعم الباتروس في فندق البستان خلف متحف قطر الوطني يحطلكم بارتشن وهو لبناني ومقبلاته قمه في الروعه لكن الاطباق الرئيسيه عاديه واكله غالي انصح بالذهاب له وانا والمدام وا ناخذ الا مقبلات وتشبع عدل