كم سؤال عن لندن لاقامة سنة مشروع مع شركتي

السلام عليكم اخواني

بصراحة احتمال اروح مع شركتي الى لندن لبداية اقتراح مشروع انشاء معمل

وبطريقتي الخاصة اكتشفت ان المنطقة هي لندن

طبعا انا اعرف من خلال زملائي ان لندن ديرة غالية والسكن فيها غالي

اود منكم الاجابة عن الاستفسارات الاتية وانتوا ان شاء الله قدها وقدود

1- وين تقترحون لي اسكن في لندن ,,, ابي مكان امن وزين ونظيف وحول عرب ومايهم القرب او البعد من البلد نفسها لاني راح استاجر سيارة

2- تقترحون اني استاجر سيارة من لندن والا اطلع برا لندن استاجر اوفر لي

3- بالنسبة للفيرنيتشرز او الاثاث ,,, هل صحيح الشقق تكون مؤثثة بالكامل يعني ماعلي الا التلفزيون والدش

4- بالنسبة لعزبة الاكل والشرب ,,, من وين تنصحون اخذها

5- بيني وبينكم انا خايف من السرقات وخايف ع اسرتي وقت ذهابي للعمل ,,, كيف اكون مطمئن لوجودهم بالشقة وقت خروجي او هل من مكان امن

6- ودي اخلي زوجتي تاخذ شهادة لغة من اي معهد هناك ,,, ابي معهد زين وقريب من سكني اللي بتقترحونه

7- بالنسبة لحضانات الاطفال ,,, هل هي متواجدة ؟؟ وكيف نظامهم ؟؟

اسف اني ثقلت عليكم وكثروا لي من الدعاء ان الله يسهلها لي وان كان فيها شر فان شا الله تتعسر ولا اروح

دمتم بود

ولا واحد يرد !!!!!

اخوي النصراوي
كل ماتريد معرفتو موجود بلندن
المهم بخصوص السكن انك تعرف وين موقع العمل لكي تحدد
مكان السكن

بخصوص المعهد
بوابة البعثات والدراسة ببريطانيا اطلع عليها
تلاقي تفاصيل اكثر

بسم الله الرحمن الرحيم
الاخ الفاضل : سأحاول ان اجيب على بعض استفساراتك
1- بالنسبه للسكن اذا كانت فترة طويله فأنا انصح وبقوة في شقق الوست اند كواي في منطقة الباجنتون ( من خلال تجربة ) وهي منطقة جدا هادية ورايقه وكل شي جنبك وهي بالضبط في نهاية الادجوار رود جنب فندق الهيلتون متربول واجارها ( احنا خذنا 3 غرف ومطبخ وصالة وحمامين ) 900 باوند في الاسبوع بس كنا في الشتاء - في الصيف السعر اعلى بواااايد
2- بالنسبة للسياره اذا كان شغلك في لندن نفسها وسكنت في اي شقه مب شرط اللي فوق فما يحتاج عندك الباصات او الاندر جراوند وهذيله تقطع لك بطاقه اول ماتروح - الاويستر - وترد تشحنها كل اسبوع
3- بالنسبه للأثاث الشقق مؤثثة بالكامل حتى التلفزيون والدش فيها
4- الاكل والشرب عندك تيسكو بالضبط تحت العمارة كل شي فيه واسعاره حلوه وعندك البقالات العربيه مثل الوادي الاخضر وبقالة مصطفى
5- بالنسبة للأمان في الشقق اللي ذكرتها فوق بإذن الله ارقد وامن لان السيكيورتي 24 ساعه موجودين والعماره ماتدخلها الا ببطاقه
6-ماعندي علم عن المعاهد
7- بالنسبه للحضانه انا دخلت ولدي في حضانه موجودة في نفس العمارهhttps://www.otlaat.com/arabtravelers...120d491004.gif وكانت قمة في الروعه واستفاد ولدي منها كثييير

ارجو اني اكون افدتكhttps://www.otlaat.com/arabtravelers...120d491014.gif

اخوي هلو لندن
ماقصرت وكثر الله خيرك
عندك صور لداخل الشقق ؟؟ وهل هي دورين والا دور واحد ؟؟

اخوي بوطلال ماقصرت