قطر استفسارات

سلام يا أحلى أعضاء https://www.otlaat.com/arabtravelers...1b5c79e000.gif

اولاً: نشكركم على المعلومات المفيدة عن دولة قطر الحبيبة. ساعدني هذا المنتدى على معرفة الكثيييير عنها.

ثانياً: ان شاء الله بنزوركم لأول مرة في الويكند القادم و عندي كم سؤال خفيفات:

1. اشلون الجو بيكون عندكم بين 1 الى 4 نوفمبر؟ (عندكم رطوبة مثلنا في البحرين خخخخخ)
2. في البحرين عندنا المجمعات تفتح ثمان الصبح اذا فيها سوبرماركت عود مثل كارفور أو تفتح عشر اذا ما فيها، مجمعات قطر متى يفتحون؟
3. متى يفتحون مطاعم سوق واقف للريوق؟ الساعة ثمان بيكونون فاتحين؟
4. هل فيه أسواق شعبية بضاعتها زينة و سعرها معقول غير سوق واقف و سوق فالح؟

هذا اللي في بالي الحين و شكراً لكم مقدماً على المساعدة

13 مشاهدة و بدون رد. افا بس افا

بخصوص الجو ، أدري انه هالمعلومات متوافرة في النت ، بس قلت أهل البلد بيعرفون وضع الجو أفضل من أي موقع https://www.otlaat.com/arabtravelers...1b5c79e000.gif

بانتظار مساعدتكم أعزائي ، لان السفر هالويكند ان شاء الله

حياك الله
المعذرة على التأخير الغير مقصود صار عندي انقطاع بشبكة النت
ج1 / الأجواء جميلة جداً
ج2 / ما عندي علم مؤكد . واللي يظهر لي والله أعلم ان السوبرماركت ما له أي علاقة بالمحلات التجارية ( بمعنى السوبرماركت يفتح الساعة ثمان والمحلات التجارية تفتح الساعة العاشرة ) بانتظار تأكيد الأعضاء
ج3 / نعم تكون فاتحة الساعة الثامنة
ج4 / فيه السوق المركزي وبه ( السوق العماني ) . يقع على طريق سلوى وهذا رابط الموقع على الخارطة ( https://maps.google.com.sa/maps?q=Om...gl=SA&t=m&z=16 ) ويستوجب الإطلاع المُسبق عنه قبل الذهاب إليه
اكتب في محرك البحث ( السوق العماني بقطر ) يوجد مقطع فيديو وتقارير
تروح وترجع بالسلامة