ابي فزعتكم قرب موعد حجز التذاكر

السلام عليكم ورحمة الله وبركاته

اولا اشكركم من كل اعماق قلبي على التقارير الجميله واللي استفدت منها

انا باذن الله رحلتي راح تكون بتاريخ 8/5/2012 من الرياض الى ميونيخ
والعودة باذن الله بتاريخ 21/5/2012 من باريس للرياض

لكن للاسف ماحصلت السعر المناسب للطيران وابي نصيحتكم
حصلت الاماراتيه 7050 تقريبا لشخصين واحسها شوي غاليه وبحثت في موقع اخر يجيب اغلب طيران العالم وحصلت المصريه 399 دولار يعني تقريبا 1496 ريال سعودي للشخص الواحد بس ماهيب خاشه راسي المصريه وخايف منها وحصلت الالمانيه 521 دولار يعني تقريبا 1953 ريال

شرايكم فيهم ..؟
همسه التذاكر بحجزها بعد 10 ايام من اليوم ؟

هلا اخوي شف الطيران العماني حي الملز شارع جرير عندهم عرض حلو

ماحصلت بالخطوط العمانيه رحلات دخلت على موقعهم ولا حصلت ... احد جرب الخطوط الالمانيه ممتازه هي والا لا .؟ لانه تقريبا افكر احجز عليها او ابحث عن غيرها وهل التركيه مناسبه والا لا .؟

السلام عليكم حبيت اقولكم انه بعد البحث تقريبا استقريت على هالرحله وابي رايكم فيها وبخط السير حقها
الخطوط راح تكون الخطوط الالمانيه والذهاب من الرياض الساعه 12:45am والوصول لميونيخ الساعه 05:25am وانتظار تقريبا ساعه ونص ورحلة الربط تكون من ميونيخ الساعه 06:40am والوصول لباريس الساعه 08:15am
اما العوده بتكون من ميونيخ للرياض مباشره وقت الاقلاع 12:05pm ووقت الوصول للرياض ان شاء الله 06:25pm

اجمالي السعر لشخصين 4862.25 ريال سعودي

انا لو مكانك ومسافر في شهر 5 ما راح ادور غير السعودية لان عروضهم قبل الصيف تكون خرااافيه الوصول فرانكفورت والعوده من باريس 1885 ريال فقط وميزتها رحله مباشره بدون توقف خصوصا ان برنامجك غرريب شوي لان الوصول باريس والعودة من ميونخ ؟؟؟!!! المسافة بينهم صعبه مهما سويت من برنامج راح يكون متعب تحياااااااااااااااااااااااتي