عرض للطباعة
السلام عليكم و رحمة الله و بركاته :101:
شخباركم ان شاء الله بخييير ؟!
الحمد الله رب العالمين وصلت بالسلامة امس للكويت وو سكنت بشقق فلوري هوليديز سويت
قالي عنها الاخ Dhari الله يعطيه العافية ياا رب وو يجزاه الجنة مررررة مريحة نفسيا الحمد الله و حلوة جدن بالنسبة لسعرها :) ..
بس حبيت استفسر منكم عن أسماء و مواقع المكاتب العربية المعروفة المتواجدة عندكم ؟..
وو بسالكم بعد ايش اهم المجمعات الي تنصحوني اروح لها ؟! :114:
الله يعطيكم العافية ياارب
هلا أخوي...
اسعدتني جدا بالكلام هذا و ماتقصر يا الغالي...:)
و إن شاء الله تقضي أجمل الأوقات في بلدك الكويت...
-----------
بالنسبة للمكتبات...
عندك مكتبة ذات السلاسل في شارع سالم المبارك "بالسوق القديم بآخر الشارع"
و كذلك عندها فرع في المارينا "المجمع الواقع على الجهة البحرية"...!
و يوجد في منطقة حولي العديد من المكتبات أبرزها مكتبة العجيري و سي أن أن و مكتبة جرير...!
و مكتبة "Star Books" في الشويخ...!
-------------------
بالنسبة للمجمعات...
أولا بما انك في السالمية:-
1- مجمع المارينا "بقسميه"...!
2- شارع سالم المبارك لوحده يضم العديد من المجمعات "يطل عليه المارينا من الخلف"...
(المجمعات الواقعة عليه : الفنار - ليلى جاليري - البستان - الثريا - سنترال بلازا و غيره العديد...
و يضم الشارع تشكيلة كبيرة جداً من المطاعم و المقاهي و دور السينما و غيرها...)
و خارج السالمية:-
1- على امتداد شارع الخليج العربي "بعد ماتطوف ابراج الكويت"
تجد إحد أكبر مجمعات الكويت...سوق شرق يقع بالجهة البحرية..و يضم محلات, مطاعم, مقاهي,دور سينما, جلسات عالبحر.
2- بمدينة الكويت يوجد كذلك مجمع دار العوضي ...و مجمع الراية(مع فندق كورت يارد ماريوت).
3- في منطقة الري...يوجد مجمع الأفنيوز أكبر و أحدث مجمعات الكويت...و يضم بداخله كل شيء...
و يقع على امتداد طريق الدائري الخامس السريع...(يعني اذا كنت في السالمية و بالتحديد شارع البلاجات تاخذ الدوار يمين و تكمل للأمام لمسافة طويلة حتى تجد هذا المجمع على يد اليمين).
و في الموضوع التالي معلومات أكثر تفصيل و مهمة يجب الإطلاع عليها...
و هو من جهد الأخ العزيز : عاشق الخيال (الله يعطيه العافية)
http://www.arabtravelersforum.com/travel159327/
------------------
مع خالص تحياتي و تقديري لك...
و أتمنى لك التوفيق في رحلتك و حياتك...
اخي بغيت انبهك ان مكتبة ستاربوكس صارت بخبر كان :(
في مكتبة بهبهاني تروحلها عن طريق شارع الخليج
وفيه مكتبة جامعة الكويت حلوه وايد وفيها كتب كثيره وفيها غرف للقراءة (بالشويخ شارع الغزالي)
يفضل انك تروح يوم الجمعه عشان تقدر تدخل سيارتك لي داخل ماتطر تركب الباص
وفيه مكتبة جرير تقدر تقرا وتشتري كتب
وفي بحولي شارع للمكتبات الاسلاميه عندهم كل الكتب الاسلاميه الي ماتخطر على بالك (امتداد دوار صادق بعد الاشاره)
حياك الله في الكويت :)
مشكووووووورين اكثر شيء لا خلا و لا عدم ..
من جد كفيتوا و وفيتوا شرح مفصل Dhari الله يعطيك العافية ..
عندي سؤال ثاني ادري كثرت واجد بالاسئلة بس معليش استحملوني :$ ..
ابي اسال عن قيصرية المباركية ! وين مكانها !
وو الصالحية بعد ! و اي افضل بالنسبة للماركات الراية او الصالحية !
هلا أخوي ...
افا عليك احنا موجودين عشانك :kashkhah:
الصراحة المجمعين ممتازين للماركات,,,الراية أحدث و أشرح...
الصالحية غالي و يضم محلات الساعات و الماركات الراقية جدا...
و كذلك الراية...!
والله انا اقول روحلهم اثنينهم احسن:p
------------
و بالنسبة لسوق المباركية ...
صراحه أنا ادله بس مادري شلون اوصف لك اياه...:×
اتمنى أحد الأخوان يساعدك ...:(
تحياتي.
هلا والله اخوي ME & I والحمدلله علي السلامة,,,,,
واعذرني اذا التحية جات متأخره شوي,,,, :101:
بالنسبة للمكتبات الشباب ماقصروا واخص بالذكر اخي العزيز ضاري,,,,:24:
وبالنسبة للماركات العالمية تلقاها بمجمع الصالحية,,,,,,
وهذا وصف للمجمع,,,,
يقع بمنطقة العاصمة بجانب دوار الشيراتون وهذا وصف بالصور انطلاقا من منفذ النويصيب,,,,,
هذة صورة عامة
https://www.otlaat.com/arabtravelers...0071025347.jpg
https://www.otlaat.com/arabtravelers...0071025345.jpg
نلاحظ الدائري الاول هنا ودوار الشيراتون والمجمع ايضا,,,,
https://www.otlaat.com/arabtravelers...0071226584.jpg
https://www.otlaat.com/arabtravelers...0071226585.jpg
https://www.otlaat.com/arabtravelers...0071226588.jpg
https://www.otlaat.com/arabtravelers...0071226589.jpg
اتمنى ان الوصف وافى,,,,,, ولك فائق الاحترام والتقدير,,,
[glint]واذا فى اي سؤال اخوك موجود,,,,,,[/glint]