انا في صن سيتي وش رايكم اكمل للكيب تاون ولا ارجع لارض الوطن

السلام عليكم انا الان في صن سيتي ويوم الاثنين رحلتنا على كيب تاون صراحه ما ابسطنا في صن سيتي يمكن علشان الجو برررررد واغلب الانشطه مغلقه للصيانه وهذا مو رائيي لحالي فيه معانا معاريس اشوفهم حايسين يحاولون يغيرون وجهتهم ومعانا عائله ثانيه يقولون كنا متوقعين جنوب افريقيا احلى من كذا ويمكن لاننا طولنا 10 ايام في جوهانسبيرغ و 2 يوم في بلوموفنتين و6 في الصن سيتي مدري احس اني مليت رحلاتي السابقه لتايلند ولندن واسبانيا احلى بكثيييييييييير ف وش رايكم اكمل الرحله الى كيب تاون ولا نرجع وهل كيب تاون تتوقعون راح تكون احلى بكثير حتى زوجي لاحضته مل بس يجامل على شاننا وش تنصحوني:114:

بصراحه اشوف غلطانين 10 ايام في جوهانسبيرغ احنا يوم روحه ويوم رجعه واحس مافيها اي نشاطات
واذا مازرتوا كيب تاون اعتبروا انفسكم مارحتوا جنوب افريقيا اصلا لان هي الاساس اانا مارحت لصن سيتي
بس رحنا كيب تاون ويلدرنس وجلسنا 10 ايام بالكيب تاون بصراحه ماملينا ابدا بالعكس نتمنى ايام اكثر فلاتفوتونها ابدا ولو تقدرون تروحون للقاردن روت راح تنبسطون كثير فيه راحه غريبه والنوم فيها له طعم ثاني

وانشطه الكيب تاون تقدرين تاخذينها من تقارير الاعضاء

اهلا جلناار جلستنا في جوهانسبيرغ وبلوموفنتين كانت للشغل زوجي عنده شغل ما كانت سياحه اما الصن سيتي يوم واحد شغل والباقي سياحه وانا فكرت بالعوده لان زوجي بصراحه ما حب البلد نهائيا كل يوم يسب فيها علشان كذا انا خايفه اروح وهو حاط في باله انها سيئه جدا افكر جديا انه يلغي الحجز ونرجع لارض الوطن

الحين 10 أيام في جوهانسبيرغ .. وكيب تاون حاطينها على الفضوة !

حرام عليكم :(

أختي روعه
السلام عليكم ورحمة الله وبركاته
إيش الأخبار طمنينا

كيب تاون حلوة انا فيها الحين والجو حلو مو برد مرة علي الاسبوع الجاي يبدا البرد القوي تعالوا وانبسطو وغيرو جو وغيرو الفكرة عن البلد بعد......

السلام عليكم امسي عليكم جميييييييييعا ابشركم جينا اليوم لكيب تاون والجو مررررررررره حلو وابو الشباب الحمد لله كانه بدا يغير نظرته عن جنوب افريقيا حبيت اسالك يا نجمة النجوم انتم وين ساكنين واتفقتو مع سواق بكم قالكم اليوم كامل احنا لقينا واحد قالنا اليوم كامل ب 100 دولار وش رايك السعر حلو ولا لا

من واقع تجربة
كيب تاون والجاردن روت
شي خييييييييييال
التكاسي باليوم بهالحدود السعر معقول
أهم شي تمشوا وأنبسطوا
وترجعون بالسلامة يارب

مشكور اخوي عبدالله بن محمد

اهلين روعة احنا ساكنين في شقق مفروشة في القرين بوينت قريبة من الوتر فرنت تقريبا ١٠ دقايق مشي .....
والسواق لقينا واحد حليو بس مو باليوم لان العيال يتعبون من كثر المشاوير فاغلب المشاوير نصف يوم او اقل تلقينا من ٦ في الشقة ......
الجمعة ان شاء الله طالعين القاردن روت يومين الله يسهل .......
وش رايك في الجو اليومين هاذي رهيب مرة صح..........

هلا اختي نجمة النجوم شكلي ابقلبها ماسنجر انا وياك انا ساكنه في الردسون ساس صراحه خطيييييييير والمنظر من البلكونه شي ثاني على المحيط على طول توني راقيه للسويت جلسنا على البحر الجو يبكي مايوصف بس طماعين ودنا بمطر تعرفين عندنا قحط بالسعوديه وين رحتو اماكن تنصحيني فيها منكم نستفيد

روعة ..التيبل ماونتن حلو اكيد رحتو لة وكمان رحلة الباص الاحمر الدورين مرة حلوة واعجبت العيال يبون يركبون ثانية تقريبا تدورين كيب تاون كلها فية مسارين احنا اخذنا المسار الاحمر ..الكرستن بوش قاردن حلوة بس مو قد كذا مااعجبتني حديقة كبيرة وامشي تفرجي علي النياتات ..جزيرة نيلسون منديلا بعد حلوة بس لازم تحجزون قبل بيوم الاكوريوم حلو والكنال ووك بعد ...اذا تذكرت شي رجعت لك..

أهلين أخواتي كيف أحوالكم عساكم مبسوطين إن شاء الله
كيف الأجواء عندكم أنا رحلتي في بداية أغسطس عساها مو برد مرة لأن أبو الشباب متخوف من البرد
وكيف اللبس يكون (ربيعي أم شتوي)والجاكيت يكون ثقيل أو خفيف يمشي الحال
ترجعون بالسلامه يارب

هلا فيك اختي شيهانة زوجها الجو بصراحه حلو طبعا بارد بس لطيف لنا احنا الكبار في النهار تلبسين ربيعي اما اذا قربت تغيب الشمس تثقلين شوي يعني تلبسين قطعه ثانيه اما الاطفال لازم الجاكيت والناس هنا ماشاء الله عليهم عاااااادي يسبحون بالبحر اطفالهم يمشون حفيانين مدري كيف مايبردون

مراحب الله يهنيكم يارب ويردكم سالمين
1000ألف شكر على الرد
لكن وشي العقبات اللي لاقتكم هناك كيف أسعارهم وأسعار التاكسي والسواقين يوم جربتوهم هل مثل ماقيل عنها غالين
وبالنسبة للمراكز والتسوق كيفه هناك تطلعون بشيئ حلو من لبس وغيره وكيف أسعاره
والأهم العبايه إيش نظرتهم لها هناك هل عادي ألبس عبايه سوداء أم لا
وممكن تذكروا لي الرحلات اللي تحتاج للسواق طول اليوم
وهل جربتوا سفاري أكوايلا هل تحتاج لمبيت أو لا تكون الرجعة بنفس اليوم أفضل
ولكم مني جزيل الشكر وعفوا على الإطالة

هلا شيهانة العقبات الحمد لله مافية عقبات الا حركات الخطوط السعودية مايخلونها ..
السواقين غالين شوي بس هذا علي الكل يعني المواصلات غالية عموما..
المولات عادية الصراحة مافية شي غير عن السعودية انا الا الان مااخذت شي علية القيمة والاسعار نفس السعودية تقريبا ..
العباية عادي انا بعباتي واحس الوضع جدا عادي ولا فية اي نظرات ولا شي..
السفاري ماجربتها ...السواق انا معي اطفال فيتعبون مايقدرون يطولون في الرحلات فنحاول نرجع بدري علشانهم ..بس رحلة راس الرجاء الصالح بعيدة وتطولين في الطريق ..

حبيبتي نجمة مشكوره على المعلومات
وبالنسبة للعباية سوداء وإلا ملونه :114:
وهل نحتاج للسائق كل يوم
وبالنسبة لنا رحلتنا من جوهانسبيرغ لجورج مباشرة ومنها إلى كيب تاون هل يتوفر سائق في جورج ليوصلنا كيب تاون
وبعد التعديل/ خوفتيني اختي نجمة إيش فيها السعوديه المقروده تراني حاجزه عليها:110:
الله يسعدكم ويهنيكم ويردكم بالسلامة

اهلا وسهلا اختي شيهانة زوجها وما سوينا الا الواجب من ناحية العقبات بقولك عن رحلتنا شخصيا جلسنا في جوهانسبيرغ مده طويله وصراحه ما انصح اي احد يروح لها لانها ماتستحق الزياره وصن سيتي حليوه بس ماتقارن بكيب تاون تمنيت اننا خلينا التنقلات هنا في كيب تاون يعني نروح للجورج والقاردن روت ونانزا افضل بكثير برضه انصحك اذا انتم مثلنا من عشاق الاجبان كيري وكرفت السايله خوذيها معك من السعوديه هنا الكيري مره غالي والجبنه السايله الكاسات ماعندهم اساسا ومن ناحية الاسعار المطاعم رخييييييصه خاصة الاكلات البحريه اما المواد الغذائيه في السوبر ماركت غاليه والتكاسي مره مره غاليه ما انصحك بالتكاسي خوذو سواق باليوم احنا لقيناه يوم كامل 12 ساعه ب 750 راند يعني 100 دولار والنصف يوم ب 500 راند اذا تبغينه اعطيك رقمه وبالنسبه للمراكز والتسوق ماعندهم شي زود احنا بضاعتنا احلى بكثييير وارخص هم فيه ضريبه ومافيه شي اعجبني ومن ناحية العبايه انا اخذت عبايتين وحده بيج والثانيه رصاصي ومتنقبه الحمد لله العبايه السوداء نادره جدا اشوف هنود مسلمين لابسينها في جوهانسبيرغ بس في كيب تاون ماشفت . امس شفت عائله سعوديه ماشاء الله كبيره الام والبنات لابسين عباياتهم السوداء بصراحه ملفتين بعض الشي واليوم شفت عائله الام للأسف بدون حجاب نهائيا والشغاله متحجبه والله ضاق صدري وبالنسبه للرحلات اللي تحتاج للسواق صراحه كل شي انا ما ادري انتم وين بتسكنون بس كل شي يحتاج سياره احنا ساكنين في الوتر فرونت اللي طاح عننا مشوار المول الووتر فرونت فقط والباقي بالسياره ومن ناحية السفاري احنا جربنا اللي في الصن سيتي ابد ابد مو حلوه انتبهو تروحون لها علشان كذا كرهت السفاري وما رحنا هنا وحياك الله اذا بغيتي شي ثاني لا تترددين بس استعجلي قبل لا ارجع قربت رجعتنا

هلا شيهانة السعودية مشكلتها انها اخرت العفش ماجانا الا بعد خمسة ايام تخبلي وانا معي صغار بس الحمد للة كنت ماخذة لكل واحد غيارين وجاكيت في شنطة معي جوا الطيارة وربي سهل اما انا اتوهقت بعمري رحت اشتري لبس ثقيل وحالة ...
العباية انا عبايتي سودا العادية وعادي مااحس فية اي نظرات لما كنت بامريكا كنت بملونة واحس انهم يناظرون اكثر ..
السواقين في جورج قليلين ان شاء الله تلقون احد ...
والسواق في الكيب تاون ماتحتاجونة كل يوم يعني رحلة الروبن ايلند تاخذونها من الوتر فرونت ورحلات اليخوت من الوتر فرونت بعد وبعض السفاري يكون عندهم عرض ياخذونكم من الفندق ..الاكوريوم في الوتر فرونت ....
رووووووووووووووعة متي راجعين ؟؟احنا الخميس راجعين علي الخطوط السعودية...

ألف شكر يالغالين (روعه /نجمة النجوم)
والله ضحكتيني أختي روعة بالنسبة للجبن أنا من عشاقه لكن في السفر ماأشوفه أدور بدائل مو موجوده عندنا والله ملاحظه رائعة يعطيك العافيه:109::109::109:
وبالنسبه لسكنا فأحنا في الووتر فرونت يعني يطيح علينا مشواره:24:
وياليت أختي تفيديني برقم السواق وهل هو مرشد بنفس الوقت :114:
والحجاب نشوف البدع اللهم لاشماته عندنا فما بالك في السفر (ربنا لاتزغ قلوبنا بعد إذ هديتنا):112:
عافاكم الله وردكم سالمين
:bounce8::bounce8:

اهلين اختي نجمة النجوم اجل ان شاء الله نتقابل بالطياره احنا رحلتنا يوم الخميس متى بتروحون جوهانسبيرغ وعلى اي خطوط احنا ان شاء الله يوم الخميس الساعه 7 صباحا على الخطوط الجنوب افريقيه والساعه 12 ونصف اقلاعنا الى جده

كيفك ياروعة وش اخبارك بعد السفر والتعب وش اخبار ولدك عسا شريتو لة بيبي ..ياحبي لة ..
الصراحة انبسطت لما شفتك وكان ودي بوقت اطول بس ماحصل فرصة السفرة الجاية ان شاء الله نتواعد ......

ألف الحمد لله على سلامتكم (روعه / نجمة النجوم )
كيف الرحلة إن شاء الله موفقة حتى الرجوع إلى أرض الوطن
ولو سمحتوا أبغى روابط الخطوط الداخلية (المانجو / والكالولا ) الله يخليكم
وكيف خليتوا لنا الأجواء هناك برد أو ربيعي
وبضايعهم الحلوة باقي لنا منها شيئ
وعقبال سفرات أخرى وتتهنوا فيها أكثر وأكثر يارب

اهلا وسهلا بخويتنا عسى طارت طيارتكم بوقتها وان شاءالله ارتحتو بعد المشوار الطويل رتبتي البيت ولا الى الحين حايسه مثلي :110: وان شاء الله نتقابل بالسفره الجايه بس بشرط تكون الى امريكا كان ودي اسألك عنها وولدي الى الحين مصر يشتري البيبي ب 6 راند :109: واهلين باختنا شيهانة زوجها ياريت رحلتك كانت معانا بنفس الوقت ورجعتي معانا بنفس الطياره ونسمي الرحله رحلة اعضاء العرب المسافرون:109: من ناحية الروابط احنا حاجزين على الخطوط الجنوب افريقيه ان شاء الله يكون الرابط عند نجمة النجوم ومن ناحية الجو والله اخر يوم برد يقولون توقعات الاسبوع هذا كله برد ومطر اما من ناحية البضائع فأنا خليتها كلها ما اخذت منهم شي صراحه ما اعجبني شي وبعدين بضاعتهم الحين شتوي ومافيه جديد اتمنى لكم سفره سعيده

شيهانة الجو رهيب وبراد يرد الروح والسوق لاتتحمسين قوة مافية شي يسوي واغلبة شتوي والخطوط احنا كنا علي الجنوب افريقية وهذي روابطها..
http://www.flysaa.com/
http://ww6.flymango.com/
https://www.kulula-air.com/default.aspx
روعة ياصقيقتي ابشرك رحلتنا كانت في وقتها وصلنا الرياض ٣الفجر تخيلي التعب والحمد لله رتبنا البيت بعد الغبار انا وشغالات اهلي وخواتي يالله يمدينا شفتي الواحد اذا صار عند اهلة لة مميزات مو زي البعيد ياني كنت اعاني لما كنت بري الرياض ...وامريكا لاتفوتك دنيا لحالها والتسوق فيها متعة لابعد درجة انا ناوية عليها قريب في حدود السنةاو اكثر شوي ان الله سهل بس تسوق وتمشي وراحة من غير عيال وعوار راس ..اذا جينا نروح عطيتك خبر بس مشكلتها الفيزا غثيثة شوي...

[u]لف شكر على الردود اللي تبرد القلب:24::24:
بعدين ماتمنيت إلا شيئ واحد وهو أني أكون معاكم في ذي الرحلة لكن الدوام ما يترك الواحد يأخذ راحته
ولاتنسوني تراني خوية لكم لأمريكا على الرغم أني شاطبتها من القائمة بعد الأحداث لكن معاكم يحلى السفر:113::113:[/u]