عدة أستفسارات محتجه ردودكم

أخواني أخواتي أعضاء المنتدى

عندي عدة أسئلة ياليت إلي يعرف الجواب لا يبخل علي بالأسئلة

انا إن شاء الله ناوي أزور الكويت قبل إجازة الحج و عندي الأسئلة التالية

1 - من الاماكن التي ارغب في زيارتها ان شاء الله هي ( المركز العلمي ، المدينة الترفيهية ، متحف طارق رجب ، حديقة الحيوان ) هل في مكان من الي قلتها لا يستحق الزيارة او احد عنده تعليق او إضافة ؟

2 - الأسواق التي ارغب في زيارتها هي ( سوق شرق ، الأفينوز ، المارينا ، سوق المباركية ) هل في سوق من هذول ما يسوى او في اضافة او احد عنده تعليق ؟

3 - ما ادري و ين اسكن لكني انا مسافر مع زوجتي فقط يعني ابي سكن عبارة عن غرفة و حمام فقط ولا ابي فندق لأني بطلع من الكويت و بروح البحرين و الامارات ، يعني ناوي اوفر بالسكن ، يقولون ان بودل كويسه ، عندكم اقتراحات اخرى ، يعني بالعربي ابي شقق غرفة وحده و تكون نظيفة و رخيصة و تكون في السالمية او قريبة من السالمية ، و اذا كان في شقق نظيفة و رخيصة خارج السالمية عادي لان السالمية غاليه

4 - ودي اروح مطاعم بالكويت ما اعرف ايش ، سمعت عن فريج صويلح بس ، لكن ابي مطاعم اكثر ، علموني تكفون

5 - ابي اسواق شعبية غير المباركية هل يوجد ؟

وشاكر لكم اخواني \ اخواتي ردودكم مقدما ً :101:

ياهلا فيك والله نفس الشي بروح الكويت شهر 1 واريد اعرف اكثر عن الاسواق الشعبية والمطاعم الزينة

اخوانا في المنتدى مابقصرون في الردود علينا

السلام عليكم و رحمه الله و بركاته
اولا اخي لا تنسي الملابس الثقيله لان البرد دخل ثانيا افضل لك تأجير سياره احسن لك
ثالثا الاماكن التي اخترتها فهي افضل الاسواق و متنوعه اما المطاعم افضلها اما علي البحر او في الأفنيوز اذهب الي ميس الغانم قريب من الابراج وهناك مطعم فيروز لكن غالي شوي ولا تنسي الذهاب الي سوق الكوت في الفحيحيل ممتع و جميل اما غالب سكان الكويت في هذه الفتره اما في البر او مسافرين اما امام الدفايات (:

- من الاماكن التي ارغب في زيارتها ان شاء الله هي ( المركز العلمي ، المدينة الترفيهية ، متحف طارق رجب ، حديقة الحيوان ) هل في مكان من الي قلتها لا يستحق الزيارة او احد عنده تعليق او إضافة ؟
بالعكس كلهم حلوين ويستحقون الزياره
2 - الأسواق التي ارغب في زيارتها هي ( سوق شرق ، الأفينوز ، المارينا ، سوق المباركية ) هل في سوق من هذول ما يسوى او في اضافة او احد عنده تعليق ؟
كلهم يستاهلون الكوت والمنشر بالفحيحيل

3 - ما ادري و ين اسكن لكني انا مسافر مع زوجتي فقط يعني ابي سكن عبارة عن غرفة و حمام فقط ولا ابي فندق لأني بطلع من الكويت و بروح البحرين و الامارات ، يعني ناوي اوفر بالسكن ، يقولون ان بودل كويسه ، عندكم اقتراحات اخرى ، يعني بالعربي ابي شقق غرفة وحده و تكون نظيفة و رخيصة و تكون في السالمية او قريبة من السالمية ، و اذا كان في شقق نظيفة و رخيصة خارج السالمية عادي لان السالمية غاليه

4 - ودي اروح مطاعم بالكويت ما اعرف ايش ، سمعت عن فريج صويلح بس ، لكن ابي مطاعم اكثر ، علموني تكفون طعام قيصر - مطعم ميس الغانم - مطعم محل مغل -

5 - ابي اسواق شعبية غير المباركية هل يوجد ؟
بالسالميه سيتي سنتر عباره عن مجمع وفيه محلات اسعارهم مناسبه - الفحيحيل محلات شعبيه وهم الفراونيه


هذا مادلي والباقي اتركه للاخوان

حياكم الله
كل الاماكن اللي قلتها حلوه
و أحب أضيف ... اذا كنتوا تحبون الاماكن الترفيهيه و الالعاب .... روحوا بعد لحديقة الشعب الترفيهية
المطاعم ... فريج صويلح و مطعم قيصر ... و مطاعم الافينوز ... شكثرهم حلوين
انصحك على يوم تروحون من الصبح ل الافينوز تدخلون سينما بعدين تتغدون و تتمشون بالمول
و اذا المدام تبي دراريع و عبي ... أطلع من الافينوز على مجمع العربيد للعبي .... في منطقة الفروانيه ...
و المنطقه مليانه أسواق شعبيه
و راح تلقى قيصر جنب المجمع
و قريب منه مجمع العربيد بلازا و الحمراء مول
و لاي استفسار احنا تحت امرك

اذا انت وزوجتك بس اللي مسافرين مااتوقع انكم راح تستانسون في حديقة الحيوان
مادري هذا رايي:114::114:

يعني لو تشوفون مكان ثاني احسن بس الاماكن الثانية اللي قلت عنها كلها حلوة :101:

بالنسبة حق المطاعم في مثل ماقالوا ميس الغانم لازم تروحله و مطعم كافيه بلان
والبحر اصلا كله مطاعم كل خطوتين راح تلاقي مطعم :101:
وفي مطاعم هندية حلوة مثل مغل محل واشاز
ومجمع الافنيوز راح تلاقيه متروس مطاعم طب وتخير :101:
ولا تنسى تروح شوكليت بار وتطلب فوندو من هناك ترا حده عجييب لايطوفك :24::24:

حياك الله في الكويت...

وأحب أضيف أبراج الكويت تستحق الزيارة ...وهناك مطعم الأفق (بوفيه مفتوح) ولا أروع.

وأحب أضيف سوق الصالحية غالي بس أفضل سوق في الكويت.

البودل عندهم عرض حلو اتوقع ب29 دينار مع وجبة الفطور بالسالميه شارع المطاعم 00وفيه شقق المارينا جنب المارينا مول بالمرة نظيف ومحترم بحدود 30-35 دينار يستاهل الموقع ماتحتاج سيارة تروحين للمارينا وللزهرة وليلى غاليري مشي

حياااااااااااج الله الاخوان ماقصروووا كفوا ووفوا

يلوموني فيكم يا أحلى أعضاء

أنا أشهد أن الواحد يستفيد منكم كثير

ما قصرتوااااا يالغاليين

كفيتوا و و فيتوا

مرحبا
عجبني استفسارك وودي اضيف عليه عدة استفسارات لاني انا بعد بروح للكويت الاسبوع الجاي وودي استفسر عن بعض الاشياء
اولا سؤال خاص للحاريم اخواتي ابي اعرف محلات ملابس مو موجوده في السعوديه وموجوده في الكويت
ثانيا
بالنسبة حق المطاعم في مثل ماقالوا ميس الغانم وفي مطاعم هندية حلوة مثل مغل محل واشاز
و مطعم كافيه بلان و شوكليت بار وين مواقعهم بالضبط

سكن رخيص وفي اسالميه ابيس السالميه
الاسواق اللي ذكرتها حلوه ويبغالك الكوت والمنشر والفنار
المطاعم
ميس الغانم
برج الحمام
مطعم اللي في الابراج فوق

https://www.otlaat.com/arabtravelers...quote_icon.png المشاركة الأصلية كتبت بواسطة اسيل السعوديه
http://www.arabtravelersforum.com/tr...2/#post2483052

بالنسبة حق المطاعم في مثل ماقالوا ميس الغانم وفي مطاعم هندية حلوة مثل مغل محل واشاز
و مطعم كافيه بلان و شوكليت بار وين مواقعهم بالضبط



اشاز وكافيه بلان وشوكليت بار موجودين في مارينا كرسنت ومجمع الافنيوز

مغل محل موجود بحولي المبنى الي بجانب سنتر بوينت وموجود في السالمية بجانب مارينا مول راح تلاقين مبنى حق ماركس سبنسر اهو فوقه مادري اي دور صراحه :101: