طالع الكويت يومين نصائحكم

السلام عليكم



انا ناوي اطلع يوم الاربعاء بعد العيد وبرجع يوم الخميس يعني يومين بس نغير فيها جو انا والمدام وبنتنا

دورت على فنادق ولقيت موفنبيك ومارينا
وبصراحه عجبني مارينا كثيرر بس للاسف مافي حجز من تاريخ 6 ديسمبر الى تاريخ 10 كله فل


ابغى مساعده منكم اخوان وش تنصحوني بفندق غير هذولا
بس اللي ابيه ان يكون مميز ويهمني جو رومنسي داخل الغرفة ... مطله على الخليج العربي .. خدمه ممتازة في الفندق . ولو يكون فيه بلكونة افضل كمان


مايهم لو كان بعيد عن الاسواق بس اهم شي يكون ممتاز


شي ثاني مافي موضوع ملخص عن الاماكن الترفيهية في الكويت ياليت لو تنصحوني بامكان حلوة نروحها غير الابراج والمجمعات التجارية



اخيرا ابغى عنوان الاماكن التالية اذا ممكن :
اسم المنطقه واسم الشارع .

مجمع سوق شرق .(( انا زرته من قبل بس ماذكر موقعه بالضبط ))
مجمع الكويت ....
مجمع الافيوز ... (( الاعضاء شجعوني ان ازوره ولازم بروح اشوف هالمجمع ))
حديقة الشعب ..




ياليت تفيدوني باسرع وقت ممكن عشان اقدر احجز الفندق بسرعه

سوري على الازعاج

حياك الله في بلدك الثاني
و انشاء الله بفيدونا الخبراء عن اخر العروض
لانه في عروض على الفنادق كما سمعت مثل جي دبليو الماريوت

شوف الهوليدي ان ... او شوف مواضيع اخوي ضاري عن الفنادق
و اتصل عليهم أسألهم عن الحجز
الاماكن الترفيهيه ... موجوده عنها تقارير كثيره ...
منها:
منتزه الشعب + المدينه الترفيهية + صالة التزلج+المركز العلمي+ابراج الكويت
و حياكم الله

حياك الله أخوي, عندك فندق وايد حلو اسمه هيلتون المنقف وااااايد حلو وموقعه عالبحر بس بعيد عن السالميه وأقرب لمجمع الكوت ومجمع المنشر,وفيهم بلكونه والجو وايد رومانسي.ومسوين عرض عليه شامل الإفطار السعر 67دينار كويتي.

تحياتي لك اتمنى لك سفرة سعيدة اخي العزيز لابد لك من زيارة مطعم فريج صويلح خلف المارينا

فهو من اجمل المطاعم التي فيها الاكل الشعبي الكويتي المطبوخ على اصوله وانصحك بالجلوس على

وتناول القهوة التركية على انغام النافورة الموسيقية في مجمع الكوت ولك تحياتي وسفرة سعيدة مقدما

هوليدي لن الداون تاون ممتاز

الكونتينتل او سفير مواقعهم حلوه عند البحر
اماكن ترفيهيه مممممم
جرب تروح منتجعات
مثل صحارى ولا شيك ولا النخيل