استفسار بخصوص تأجير السيارة

السلام عليكم

أنا مسافر بعد ثلاث شهور فرنسا وسويسرا وايطاليا


خلصت حجوزات الفنادق والطيران وكل شئ


ما بقى لي إلا حجز السيارة


بستلمها في مطار جنيف الجانب السويسري واسلمها بلوقانو بعد ما أخلص من أيطاليا


كنت بحجزها اليوم الصباح بس قريت بموضوع شئ ضيق صدري https://www.otlaat.com/arabtravelers...52c950msq2.gif


أنا البطاقة اللي معي ماستر كارد من البنك الأهلي , اللي أضع فيها أي مبلغ بدون ما يعطيني البنك شئ


فقرأت ببعض مواضيع المنتدى أن هالنوع من البطاقة ما فيه حجز فلذلك ما فيه أمل أستأجر فيها !!


هل هذا صحيح ؟


ثاني شئ وش ترشحون لي شركة تأجير محتار بين هيرتز ويورب كار


هيرتز لقيت أنها أرخص بس حجز التأمين أغلى ويورب كار أغلى وسمعت أن حجز مبلغ البطاقة أقل من هيرتز


فاللي جربهم الثنتين كم حجز المبلغ بالبطاقة ؟


أشكركم جميعاً ومالي غنى عن نصايحكم

عندي استفسار ثاني لاهنتم

حجزت من ايزي جت تذاكر من النت من باريس لجنيف قبل ثلاث أيام وللآن ما خصمو المبلغ ؟


بعكس فندق باريس مع إن الالغاء مجاني إلا إنه خصم سعر الليله الأولى من البطاقة !!!

بالنسبة لبطاقة الفيزا الشحن (التسوق ) فهي مقبولة ولكن المشكلة مزاجية بعض الموظفين يرفضها والسبب ربما الجهل بكيفية استخدامها السنة اللي فاتت حصل موقف لاخي في مطار جنيف وفي مكتب يورب كار وكان حاجز سيارة الموظفة رفضت قبول بطاقته الائتمانيه رغم انه كان يستخدمها في بريطانيا ويدفع فيها جميع مشترياته استغرب وشرح وضعه للموظفه وان سفره يعتمد على السياره لانه مستاجر في مناطق ريفيه بعيده اصرت الموظفه على عدم قبولها اخوي طلب المدير السوبر فايزر وقال له انا حاجز سياره وسفري كله معتمد عليها والموظفه رفضت قبول الفيزا رغم انني استخدمها في جيمع الاماكن باوروبا المدير اخذ البطاقه وممرها بالجهاز بطريقة معينه او بكود معين الموظفه تجهله وقبل الجهاز البطاقه المديرالتفت على الموظفه اعطاها دش يحبه قلبك ( للعلم بطاقة اخوي من النوع المطبوع وليس المحفور) لذلك بطاقتك مقبوله بأذن الله بس ياليت تاخذ الاوكي من البنك وبالنسبة لخط سيرك ليش ما تعدله بحيث يكون الوصول جنيف والسكن بضواحيها بحيث تقوم بزيارة انسي وشامونيه وتجلس 3 ليالي بعدها تنتقل الى انترلاكن وتجلس 5 ليالي بعدها الى لوقانوا ليلتين حيث يمكنك زيارة ميلان واخيرا تسلم السياره بلوقانوا وتنتقل الى مطار ميلان والذي يبعد ساعة بالباص من لوقانوا والباص ينطلق كل ساعتين وسعر التذكره 25 يورو للشخص البالغ وهذى موقعهمhttp://www.luganoservices.ch/Orari.aspx طبعا انا اخترت لك الباص لان القطار لازم تغير بمحطة ميلان واذا عددكم اكثر من شخصين بالغين فالافضل تكسي
بالنسبة لشركات التاجير شوف الارخص بالسعر النهائي مع التامين الشامل اما مبلغ حجز التامين فهو مبلغ مسترد تحياااااااااااااتي

https://www.otlaat.com/arabtravelers...quote_icon.png المشاركة الأصلية كتبت بواسطة ناصر العويد
http://www.arabtravelersforum.com/tr...5/#post6702849

عندي استفسار ثاني لاهنتم

حجزت من ايزي جت تذاكر من النت من باريس لجنيف قبل ثلاث أيام وللآن ما خصمو المبلغ ؟


بعكس فندق باريس مع إن الالغاء مجاني إلا إنه خصم سعر الليله الأولى من البطاقة !!!



بالنسبة لحجز الطيران اذا هو جايك على الايمل انه مؤكد Confirmed وعندك رقم الحجز واذا دخلت موقعهم واستعلمت عن حجزك بالرقم اعطاك معلوماتك خلاص امورك تمام وحجزك صحيح والمبلغ راح يخصم وبالنسبه للفندق عادي حتى لو تم الخصم وهو قابل للالغاء اذا الغيت يرجع لك المبلغ بس ياخذ فتره لا تقل عن 10 ايام تحيااااااااااااااااتي

الله يعطيك العافيه مااااااااااا قصررت ردك ريحني

انا بطاقتي من النوع المحفور يعني ان شاء الله اتطمن من هالنقطه وبتصل بعد على البنك اتأكد


والله مخططك حلو بس المشكله اني ابي ازور فنيسيا من الصبح الى الليل وميلانو اقرب لي


ايه وصل على الايميل ان حجزي مؤكد من يومين حمدلله


مرة ثانيه شكرا ولا عدمتك


,,


باقي هالنقطه اللي يعرف عنها أي معلومه يتفضل الله لا يهينه





ثاني شئ وش ترشحون لي شركة تأجير محتار بين هيرتز ويورب كار
هيرتز لقيت أنها أرخص بس حجز التأمين أغلى ويورب كار أغلى وسمعت أن حجز مبلغ البطاقة أقل من هيرتز
فاللي جربهم الثنتين كم حجز المبلغ بالبطاقة ؟

طيب جرب هذا :http://www.rentalcars.com/


وممكن اذا حجزت تقولي من وين ؟ عشان احنى نبي ومحتاااااارين ؟
*****
حجزنا فندق"غير قابل للالغاء" ويقول الدفع بالفندق مع انه خصم من الفيزا كااااامل ؟؟كيف الوضع عشان نرتب ومعليش كتبت في موضوعك بس لان اشوف تشبه الاستفسارات